تغطية المجلس العام لـ "مهرجان ربيع الرياض الخامس 1430هـ - 2009م " تحديث التغطيه" - صفحة رقم 3 - نادي الهلال السعودي - شبكة الزعيم

الضحى · #31 17/04/2009, 01:11 AM

تسلم الأيادي وتبارك الأختيار ماشاء الله لقطات حلوه وتعليق جميل ...

يحفظكم ربي جميعاً.....

فنون هلاليه بجنون · #32 17/04/2009, 05:03 AM

وعليكم السلام أهلا ً وسهلاً ابو مقبل تغطيه وتصوير جداً رائع <<متعوب عليها

مهرجان الزهور قلبي والله معاه هالأيام

بس والله مافضيت

كل يوم ياحامد باكر إلى ماخلص اوف

خيرها بغيرها

يا الله يا الله تفتح النفس هالألوان ع هالحياة

اشتقت والله بعد هالصورة ارجع (( للذهاب )) <<

لمحلات الورود
كل اسبوع وانسق باقات

وفازات

نفس العام

مادة درستها تنسيق أزهار

من اروع المواد العمليه ..!
واستفدت منها بشكل كبير

ع الطاري وردة المدخل ببيتنا ووردة بعد فأحد المجالس أنا منسقتها بفازات طبعاً وكل ماجاء ناس اغراب اوريهم شغلي

ومايصدقون أنها تصليحي

يحسبونها جاهزة

يقولون أهلي اقلقتي رؤسنا

ماصارت

ياحبك للمدح

هذا بانكيك

أناأحبه مع شكولاته

بس بعد هالصورة ماراح اصير اشتهيه

وش دعوة وراه غامق

وحتى لايقال عن عالصوره صبيب

ياكثره كثراه

هشام ابانمي

آخر مره شفته عليه جمهره من هالبنات وهو يقدم

يمال الصلاح والهداية هالبنّي

<< طالعه منهم

ابو مقبل طولت وأنا ارد عليك

مشكلتي لامسكت الكيبورد ما اتركه

ولابعد المسن خربان عندي كملت

قلت قصة حياتي

في النهايه لايسعني إلا انا اقول احم احم

(( رزقت من الوان الورود التي صورتها
من الأبيض نقاءه وصفاءه ونظافته

ومن الأصفر غناءه وسيطرته

<<وراء ماانطبق الحال ع النصراويه

ياعمري عمرهم

مفلسين من البطولات

ومن البرتقالي حيويته

ومن الأحمر حبه

وسمو أخلاقه

وقوة عواطفه

لوني المفضل

ومن الأخضر هدوءه

ومن الرمادي سلبيته وغموضه

إلا بلاش ندعيلك في هاللون كل صفاته الفسيولوجيه والسيكولوجيه والله الي درستها في مادتي

سلبيه فيه

إلى هنا أقف

و تذكرت ماقصرو عقد الياسمين والقيصر عوافي

ولكم دعواتي بأحلى معاني الورود

لكم تحياتي
فنووون .

المحبره · #33 17/04/2009, 08:05 AM

أهلاً .. صباح الورد

ماشاء الله تغطية حلوة .. الله يعافيك تفرجت عليه و أنا مارحت هالمرة

وش أنت قايل له

؟ وراه يناظرك كذا ؟؟

و إلا زعلان عشانهم كاتبين تحته حيوان

حلوة مره

يالله من فضلك

تشرح الصدر هالصورة

أنا هذا الشيء يجيب لي الضحك

قد شفت بنات و أولاد يتزلجون بسوق و بعضهم مايعرف

أنواع الطيحات و المسطات على الوجه

لا يلعبون عليكم

ترى كليجا القصيم موب كذا .. هذي كليجا تايواني تقليد

هذولي صغار و يابسات و يغصصن

إن رحت القصيم الأسبوع الجاي أو أحد جاب لنا كليجا نزلت لكم الصورة بتوقيعي

ماشاء الله صور حلوة .. واضح إن الجو كان حلو ذاك اليوم

الله يعطيك العافية ماجد

R D H · #34 17/04/2009, 04:46 PM

السلام عليكم

تزلج على الجليد ؟

أنت متأكد ؟

بعدين وش هالجليد اللي يجي مستطيلات ؟

ويكون مسموح للبزارين أمثال البزر اللي على اليمين أنه يركض عليه وهو حافي ..

لوّه فعلاً جليد .. ممنوع الدخول إلا بزلاجات ( اللي بها حديد من تحت ) .. ولا كانت راحت رجل البزر الصغير لو دخل عليه احد ..

واضح أنها زلاجات أم كفرات

وأن الأرضيه سيراميك ..

لو أنك قايل ( ويلهامسون ) .. كان طلع التشبيه أبلغ وأدق

وتكتب تحتها ..: ويلهامسون .. في نظره تأمليه لمستقبل الهلال

//

بالنهايه

يعطيك العافيه أخوي ماجد

على التصوير الجميل .. وماننحرم منك ولا من تعليقاتك الحلوه ..

والشكر موصول لعقد الياسمين

والقيصر رهيب

على مجهودهم الطيب ..

ولا أنسى الأخت ( m!ss 7up )

على مشاركتنا بما لديها ..

شكرا لكم جميعاً .. تغطيه مميزه حقاً ..

والشكر موصوول لإستشاري ومشرفي الشبكه .. وكل من ساهم في إنجاح هذه التغطيه ..

دمتم بأجمل حال

الماسه الزرقاء · #35 17/04/2009, 06:03 PM

مــا شــاء الله تباااارك الرحمن ... إبداااع .. ما أجمل الأزهار .. ترد الروووووووووووووح

لم يتسنى لنا الذهاب إلى المهرجان .. ولكن شعرنا وكأننا هناك مع هذه الصور الشاملة ,,

جُزيت خيراً يا ماجد يا مقبل على التغطية المبدعة المميزة لكن أين هي وردتي الخاصة

والشكر موصول لعقد الياسمين والقيصر الرهيب على التغطية المميزة

و M!ss 7up على تصوويرها الجميل جداً .

مَاهِينُورْ · #36 18/04/2009, 08:38 AM

...

وعليكم السلام ورحمة الله وبركاته
..
هلآ ومرحبا ماجد

ماشاء الله تغطية راائعة وتصوير جمييل

مدري ليش كنت تطلب مصور !!

مافي أحلا من هالتصوير

~> رفع معنويات

,بس والله اني صادزة

ولا تهون عقد الياسمين وM!ss 7up تصويرهم وتغطيتهن رااائعة

..
الله يعطيك العافية ماجد

وعقد الياسمين

وM!ss 7up

....

هلاليه و افتخر · #37 20/04/2009, 01:17 AM

ما شا الله

طيب عادي احط الصور حقتي

؟

هلالي كايدكم · #38 20/04/2009, 01:58 AM

الغالي ماجد مقبل

..

ما شاء الله متعدد مواهب

الله يعطيك العافية ع التغيطة المميزة

.
.
.
هلالي كايدكم

الهلالي دائماً · #39 20/04/2009, 09:48 AM

إقتباس

الرسالة الأصلية كتبت بواسطة هلاليه و افتخر


	ما شا الله طيب عادي احط الصور حقتي ؟

موب عادي الا ياليت

اشكر الجميع على المشاركة والرد وموعدنا ان شاء الله معرض الزهور القادم

عقد الياسمين

وM!ss 7up

الله يعطيكم العافية وبصراحة صوركم جميلة وعجيبة اجل رايحين المهرجان مع بعض

صدق رب صدفة خير من الف ميعاد

على فكرة ترى هذا سراميك

وعلى راي المثل شي احسن من لاشي

دمتم بحفظ الله ورعايته ,,,

هلاليه و افتخر · #40 20/04/2009, 03:41 PM

هذي صوري

Canon D400

( 1 )

( 2 )

( 3 )

( 4 )

( 5 )

( 6 )

ترا هالصوره مقصوده ، يعني لا تحسبون اني ما اعرف اصور

( 7 )

ان شا الله تعجبكم

عاشق المدفعجي · #41 20/04/2009, 03:51 PM

الله يعطيك العافية ..

كفيت و وفيت ..

مهرجان رااااااائع ..

الهلالي دائماً · #42 20/04/2009, 04:03 PM

إقتباس

الرسالة الأصلية كتبت بواسطة هلاليه و افتخر


	هذي صوري Canon D400 ان شا الله تعجبكم

ماشاء الله تبارك الله ...

صور جميلة اختي هلاليه وافتخر

استمتعت بها كلها خاصة الحركة اللي في صورة رقم (6)

شكرا للجميع

وجــدان · #43 20/04/2009, 04:49 PM

.,

ماشاء الله ياماجد تصويرك فن .. من جدك كنت تدور مصور

هذي مشكلة اللي يخاف من العين

ورد ورد ورد

يازين الورد بس أحلى شيء ويصلح لكل شيء ويفتح النفس ويريّح البال

مناظر ترد الروح ..

ليتني رايحه مادريت انه كذا ..!

رسمة اختي

من وين جبتها ..!

لا وبعد تصير احلى رسمه

من قدها اختي بوريها الموضوع

>> صدقت ان الرسمه لأختها

وآآآآآآآآآآآآآآآآآآآآآآآآآآآآو جنان وربي

مدري اعلق على فنيّات الصوره ولا على روعة المنظر

الفائزة بجائزة التصوير غطي لنا كل شيء

ولايهونون الباقي

شكراً ماجد عقد الياسمين القيصر رهيب مس حب هلاليه وافتخر لاعدمناكم

رنـــــد · #44 21/04/2009, 07:37 PM

.

.

ركنـي

يعطيكم العافيه على عالأبدآآع وعلى هالتغطيه الحلوووه

قهر فآآتني مادريت عنه

سيآ

.

.