السلام عليكم ..
هارد لك الخسارة ومبروك المستوى والوجية الجديدة..

انا اكتب هالموضوع وانا ادري انو بعد ما اخلص منة وبعد مايقروة الاعضاء راح تجيني ردود اللي معي واللي ضدي..لان كل واحد منا ينظر للخسارة وللظروف ولكل شي بمنظار معين وعقلية مختلفة..لكذا رجاء خاص من الأعضاء انهم مايتسرعون في الرد لاني ما ابي اتهاوش مع احد وفي شي ابي اقولة بعد اي عضو يهين لاعب او يسبة راح يتعرض للمثل..


ما ادري من وين ابدى لان كل شي مترابط مع اللي قبلة واللي بعدة هل ابدى من كاس العالم او قبل كاس العالم او من بعدة.. كل اللي اعرفة اني جالسة اكتب الحين ومافي الا مجرد رؤس اقلام بعقلي..

دخلنا مبارة الذهاب في ظروف ما ابالغ اذا اقول انو تعودنا علية بس المصيبية انها كلها جات مرة وحدة..غياب سامي الجابر احمد الدوخي محمد الدعيع اجانب مافية مدرب غايب وكان عذرة معة رئيس توي قبل البارح شفتة.. لاعبين ما استلموا رواتب.. جمهور زعلان ومافي بالة الا انو اللي راح يمحي اللي صار ياليابان اهو انو يحمل الكاس ابويعقوب..

مبارة الذهاب دخلناة نتمنى الخسارة باقل الاهداف ونحلم بالتعادل..ومانفكر في الفوز ابدا مع انة كان بالامكان الفوز..واللي صار اهو اللي تمنيناة..

ومن هنا تبداء نقطة الصفر لموضوعي..


رجع الهلال وهو خاسر 1-0 واهي نتيجة تمناه الكثير مثل ماقلت ..
الكل قال انو المصيبيح اهو السبب و(النكبة) مثل ما اهم سموة اهو سبب الخسارة..
نواف التمياط مانبية..
الرئيس الاستقالة اهو المطلوب منة والاستقالة فقط..

(((حسن العتيبي)))..
والله العظيم انة مبدع ثم مبدع ثم مبدع..
شوفوا كم كرة انقذ؟؟
اكثر من 3 اهداف محقققة انقذها..
الهدف لا يتحملة العتيبي فقط اللي يتحملة حائط الصد اللي مكون من الشلهوب..
معقول اقصر لاعب هلالي يقف في حائط صد..
وتتكر السالفة في مبارة الاياب شفت النزهان مع الشلهوب..
اوكي اهو ماوجهة حائط الصد طيب بالعقل يا اخي هل من المعقول انك تخلي الشلهوب في حائط الصد..
ايش تتوقعون من لاعب مايلعب الا في المباريات اللي يكون فيها الدعيع مو موجود..
لو العتيبي كبير في السن قلت لكم اوكي..
خلاص مافية امل يرجع لسابق عهدة بس اهو توة صغير توة صغير..
ولا تاخذوها من منظار كم هدف دخل علية حاولوا تنظروا لها من الناحية الايجابية كم هدف محقق انقذة العتيبي.. خاصة في المبارتين الاخريتين..الذهاب والاياب..

(((يوسف الثنيان)))
مقدمة..
مبارة الاياب كنت جالسة اشاهدها مع اختي..مع العلم انها مو رياضية مثلي بس كون انو انا هلالية والفريق الثاني غير سعودي غصب عنها وبحكم الوطنية راح تشجع الهلال..
اهي ماحضرت المبارة من الشوط الثاني قال لي منو في التشكيلة..
وقلت لها طبعا في وقت كان لاعب كوري منسدح على الارض ياخذ بريك وياكثرهم المنسدحين..;) ;)
المهم قلت لها التشكيلة سالتني منو الكابتين دام لا سامي والدعيع هنا الجواب كان بويعقوب يوسف الثنيان..
وحنا جالسين نشاهد المبارة وانا انطبخ على نار هادية..
انا وحدة مع اني هلالية واعرف يوسف زين بس صراحة انبهرت من لعبة بعد طول غياب وعمر و و الخ.. ومع ذلك اهو لازال مثل ما اهو..
سالت اختي قلت لها تدرين هذا يوسف كم عمرة قالت لي لا..
قلت لها عمرة 40 واذا مر مرة يا 38 او 39..
قالت لي تكذبين..تقول والله انة لعبة ونشاطة مثلة مثل نواف والشلهوب..
ولين الحين مو مصدقتني وقالت كلمة ياليت المسؤلية يسمعوها..
هذا لو لعب في كاس العالم مستحيل نخسر بالـ 8..
مارديت علية لان هذا جرح مستحيل ينجبر..ولا لاعب مثل يوسف مايلعب في كاس العالم..

انا خليت هالموقف كمقدمة للكتابة عن نمر اسيا والله انة ماتغير والبعد عن الملاعب ماغيرة ومع كل اللي صار علية ولازال شامخ..
انا عارفة انو لو جلست اتكلم من اليوم لياخر يوم بعمري مهما كان عمري طويل ماراح اقدر اوفيك يايوسف حقك..
اوقفت .. ابعدت.. ظليت اسير دكة الاحتياط ورضيت عشان جمهورك ..
وكل هذا بدون سبب الا اذا كان الابداع اهو السبب..هذا شي ثاني..
المهم موضوعي موش ابداع يوسف اولا هذا شي تعودنا علية..
ولكن اللي خلاني اكتب عن يوسف اهو الاقلام اللي امرت باعتزال النمر ليش؟؟
لانة ضيع ركلة ترجيحة..
سؤال .. لو انو جات هدف هل تضمن الفوز..طبعا لا .. الله سبحانة وتعالي ما ارد لنا الفوز مع انو كنا الاحق فيها..
بس محد يقدر يواجهة القدر..
من دخل يوسف الملعب وانا اشوف في عينة اصرار على حمل الكاس بطريقة رهيبة والدليل انو كان ينفذ الاخطاء بسرعة عشان يوفر لحظات الم وخوف على الجمهور وعلى باقي االاعبين اللي كان معظمهم شباب صغار ..
واكبر دليل على ذلك انة صلح الكورة للحارس الكوري بس عشان يوفر وقت.. والله ثم والله انك مبدع وينقطع لسان اي انسان يقول انك اخطاءت..
يكفي انك بذلت كل جهدك وكل ماعندك..يكفي انك هلالي رغم كل اللي صار لك ليش انك هلالي..اي صبر عندك اي عزم يحملة قلبك..
والله اني اخاف من عيني تحسدك..
حرام عليكم يا الجمهور الهلالي انا عارفة الخسارة صعبة بس الاصعب انو حنا نخسر لاعب مثل يوسف بس عشان حزن والم في قلوبنا انا لو بيدي كنت سكرت كل المنتديات لمدة يومين عشان تهدى الاوضاع بعدها صدقوني راح تعرفوا انو يوسف ماغلط واذا مو اهو اللي ضيع هالضربة غيرة كان راح يضيعها.. وارد اكرر محد يقدر يوقف في وجهة القدر..

(((حسين العلي)))
[sound]http://www.kubbar.com/Music/alawalani.ram[/sound]
نفسي اشوفة بس عشان اقول لة كلمة وحدة بس.. ((انت منتا الاولاني))
والله انو كان ودي انو يسجل الهدف الذهبي ولكن شوفتة يتغير افضل من اني اشوفة نايم بالعسل.. حسين نزل مستواة بصورة رهيبة وسريعة وفي وقت غير مناسب.. من بعد ما اخذ افضل لاعب هلالي لهذا الموسم واهو تغير من جد تغير..
لا تقولولي لو كمل الشوط الثاني كان سجل هدف مستحيل انو مدرب يخاطر ويخلي لاعب مانشوفة يتحرك الا لما تضيع علية فرصة..ليش فرص الكاتو المضاعة طبعا اكثر من فرص العلي..لان الكاتو على الاقل يتحرك اما العلي جالس مكان مسنتر في الـ 18 وينتظر الكورة..حنا على نار واهو برووودة قاتل جدا لدرجة اني ترفزت بقوة..
اوكي لازم يكون الواحد ماسك اعصابة ومهدي حالة ولكن مو لدرجة البرود انت شوف يوسف كيف من دخل حمل الملعب كلة على ظهرة انا ما ابي اقول لازم تصير مثل سامي او يوسف او نواف ابيك مثل ما انت نبيك ترجع حسين الاولي اللي لما نبية يسجل هدف يسجل لما الهلال محتاج لهدف يكون اهو مع سامي او نواف احلى ثنائي..
الهجوم ولاول مرة انا اقولها بعد طول رفض مني انو يكون في لاعب اجنبي في الهجوم اقولها الحين..الهجوم الهلال محتاج للاعب جديد.. يوسف صانع االالعاب راح يعتزل يعني ماراح يطول ولو الشور شوري كنت خليتة للابد..
يعني راح يكون سامي صانع العاب نواف اجلا ام عاجلا راح يحترف برى ولازم يحترف برة عشان تطوير الكرة.. والاحتراف لي وقفة معة بعدين..
ماراح يبقى احد في الهجوم خاصة بعد سالفة الجمعان وسفرة مع البلوي والعويران عندي احساس انو راح يرجع ويضب اغراضة وبيروح الى النادي اللي يكدس النجوم لا لشئ انما لقتل النجومية والدليل مرزوق العتيبي وخميس العويران..يعني مافية الا انت ياحسين..اتمنى انك ترجع مثل ما انت وتساعد سامي في تكوين هجوم ناري مثل ماتعودنا من الزعيم وتسجلون اهداف وانا ااكد لك انك راح تكون الافضل لو فكرت شوي بس وتركت عنك هالبرود..ويظل راي راي انسان قابل للصواب او الخطاء..وابي لما اتكلم عنك مرة ثانية اقول هذا ابو علي اللي انا اعرفة وكل الجماهير الهلالية تعرفة؟..

(((نواف التمياط)))
مغرور .. اناني .. مايبينا حنا مانبية....الخ..
كل هذة الكلمات واكثر انقالت في حق الفتى الذهبي اللي ياما وياما اطربنا باهدافة الذهبية الفتى اللي كان سبب من اسباب الفوز بالبطولة الاسيوية في قطر..االاعب اللي لا يختلف علية اثنان ولكن الجمهور الهلال ابى الا يختلف علية..
هل من المعقول انو يصدر هالكلام من انسان يحب الهلال ويحب نجومة ؟؟ انا ما اتوقع لكن الكلام اللي شفتة واللوم اللي توجة للاعب الخلوق اثبت العكس..
الكل قال انو نواف كان يلعب وعينة على الاحتراف انو كان يسدد ويشوت بس عشان يسكت الجمهور الهلالي..
انا معكم حنا تعودنا انو يكون نواف سبب رئيسي في النتائج الايجابية ولكن مو معنى هذا ان نواف مالعب..
انتو لو تشوفون المبارتين كان نواف مراقب والدليل على انو لعب كويس اخذة لجائزة افضل لاعب..((مع اني اعتقد انو المراقبة حدت من خطورتة لكذا في لاعب اخر يستاهل ياخذ الجائزة معة لو نقدر نجزائها))
نواف التمياط لازم يحترف خارجيا لازم عشانة اهو وعشان المنتخب لازم هاذي سنة الحياة الام تجيب الولد تربية وتعلمة ولكن في الاخير لازم يروح عنها عشان يشوف حياتة لكن بشرط ماينسى امة ولا يتنكر لها..
وانا متاكدة انو هذا اللي راح يصير مع نواف..فعلا نواف محتاج انو يحترف لانة يستاهل..


(((سامي الجابر))))
[sound]http://www.kubbar.com/Music/rashed-wa7ashtini-3ood.ram[/sound]
والله اني لما اذكر هالاسم احمل في قلبي اه والف اااااه..
ما اقول الا وحشنا لعبك يا ابوعبدالله وحشتنا اهدافك وحشتنا ابداعتك من جد وحشتنا..
مثل ماقلت قبل لو كان سامي موجود ولو لربع ساعة وبوجود يوسف كصانع العاب لسجل سامي اكثر من 2 لعدة اسباب اولا لان حنا كنا نلعب في مرماهم.. والشي الثاني انو الفريق الكي ماكان بذيك القوة.. والسبب الاهم لان اثنين من افضل لاعبين اسيا جالسين في نفس المكان ..
النمر+ الذيب= كم هائل من الاهداف..
المشكلة مو في انو الكاتو او العلي ضيعوا كذا فرصة محققة لا..
المشكلة الثانية انو الوسط كان متفاعل مع يوسف لكن الهجوم لاحياة لمن تنادي .. لان التمياط والشلهوب اللي اهما عمودي الوسط متعودين يلعبون مع يوسف لكذا اهما فاهمين يوسف كويس عكس الكاتو او الهجوم بصفة عامة مع انو ماكان في هجوم غيرة..
غياب يوسف الكثير عن الملاعب ادى الى وجود شبة فجوة مابينة وبين الهجوم الا الثلاثي (( سامي نواف والشلهوب))..
لما تبي يوسف يبدع حط جنبية سامي..
من جد غياب سامي اثر معنويا وفنيا على الفريق انا ما اقول انو النزهان والغامدي والشلهوب والصويلح ونواف ما ادو دورهم ولكن يبقى بغياب سامي تبقى هناك فجوة كبيرة مدري كيف راح يتحمله الهلال وقبلة المنتخب..

((( محمد الشلهوب)))&(((محمد النزهان)))..
ماحبيت افصلهم عن بعض لانهم كونوا ثنائي ولا اجمل من جد الشلهوب والنزهان ساعدا بعضهم البعض في ان يعود الشلهوب لمستواة وان يحسن النزهان من مستواة..
الشلهوب اهو االاعب اللي في نظري يستحق افضلا لاعب مقاسمة مع نواف التمياط..
النزهان ابصم لك على العشرة ابدعت من جد ابدعت ..بس شد حيلك اكثر..


(((عبدالله الجمعان)))
[sound]http://www.kubbar.com/Music/rashed-6i7t_min_3aini.ram[/sound]
هاذي اكبر مصيبة كانت بالنسبة لي..كل الجماهيرالهلالية تبيك وتقول انت مفتاح الفوز.. راح تكرر سناريو كاس الملك..
بس ليش الغرور ليش؟؟
عبدالله من رجع من كاس العالم واهو متغير.. صار مغرور وما ابالغ لو قلت مغرور.. قريت في الاخبار اللي ينقلها موقع الزعيم عن بعض الصحف انو الجمعان قال: حطموني عندما لعبوني احتياطيا..
لو نعيد شريط مشاركان الجمعان مع المنتخب..
لعب اهو مع المنتخب من التصفيات بعد غياب المشعل للاصابة والدوسري لان مستواة منخفض..
وظل اهو والشيحان..ولعب يمكن 3 او 4 مباريات اذا مو اقل ولعب اساسي في بعضها..
يعني لعبة اساسي ينعد على الاصبع الواحد مو بعد اصابع اليد الوحدة..
انا راهنت كثير على انو هاالاعب راح يكون نجم اسيا بلا منازع..
لكن راح اقول كلمة وحدة بس ياعبدالله..
(((طحت من عيني بعد ماكنت عالي..)))..
واسمح لي اقولك انو اللي مافية خير في اهلة((الهلال)) مالة خير في غيرهم..
واذا انت تخليت عن الهلال لمجرد كونك احتياطي اجل لو يشيلوك من التشكيلة اصلا شبتسوي..
شف الشريدة مو في التشكيلة اصلا ومع ذلك كان يحضر التدريبات ب عشان يكون مع االاعبين لانة من داخل وفي لنادي اللي اهو معة مع انو اصلة قدساوي بس الاصيل اصيل..
اتمنى انك ترجع مانبي اعتذرات وتصريحات تقول فيها انو الجمهور الهلالي راح يوقف معك لانك معذور ونفسيتك ماكانت تتحمل .. حنا بعد يا عبدالله عندنا احاسيس ومانتحمل هروبك في وقت كان الهلال محتاج لك اذا انت تخليت عنة كيف تبينا نوقف مع من تخلى عن اللي عرفنا فيك..وخلانا نحبك؟؟كل اللي اتمناة انك ترجع وتراجع نفسك لان مافي شي يستاهل انك تخلينا نحمل بقلبنا عليك شي..وصدقني راح تكون الخاسر الاول والاخير اذا طلعت من الهلال..


(((عبدالله سليمان)))
مبدع دائما واعطيك مية على مية بس ريح نفسك وانا اختك..

((محمد الدعيع))&((احمد الدوخي))..
[sound]http://www.kubbar.com/Music/rashed_fegadnak.ram[/sound]
وحشتونا وانشاء الله بالتوفيق تروحون وترجعون بالسلامة..
والرجال تبان اوقات الشدايد مشكور يا احمد ليش انك ضميت صوتك لنا لما طالبت بوجود الثنيان في التشكيلة..


(((بندر المطيري)))&(((خالد عزيز)))&(((فيصل الصالح)))&(((عبدالله المطرف)))...
انتو الامل والبركة فيكم..وماقصرتوا على هالاداء الحلو والجماعي..

(((احمد خليل)))..
مبروووووك الف مبرووووك وعقبال باقي عزوبية الهلال..
واحسن شي سويتة انك تزوجت خذ اجازتك واستانس وبعدها تعال حنا ننتظرك..

(((تركي الصويلح)))
حجا مبرورا وذنبا مغفورا..عارفة متاخرة بس الظروف..رجال مامثلك رجال..
وترى غياب احمد الدوخي فرصتك..


(((عمر الغامدي)))..
نفسي ترجع مثل ما انت مستواك شوي منخفض انتبة لروحك..ومبروك الخطبة..


(((الاحتياطين)))
كلي ثقة انكم ماتقلون مستوى عن اللي لعبوا في المبارة..الف شكر..

(((ماتورنا)))
تروح وتجي بالسلامة.. اتمنى انو الادارة ماتستغني عنك لانك من سيبني هلال جديد..وحنا محتاجين هالشي.. التغييرات اللي انتقدت عليها انا اقول انها كانت صحيحة مية مية..
خروج العلي.. موفق لان العلي كان غايب عن جو المبارة..
خروج النزهان.. موفق لان االاعب تعب..
خروج عمر.. يمكن استعجلت فية ولكن برضوا موفق..
دخول الثنيان..لا تعليق..
دخول المطرف..موفق وللي قال انو المطرف صغير على هالمباريات اقول لهم ليش خالد عزيز& فيصل الصالح & بندر المطيري...كبار ؟؟؟
دخول فيصل الصالح..موفق..


(((الرئيس الذهبي..الامير سعود بن تركي)))..
اخذنا البطولات وانت غايب هذا اكبر دليل على انك قائد الهلال ولكن لو تخفف من روحاتك وجياتك وبالنسبة لي تراك استعجلت بالاستقالة لو كان الخبر صحيح..


(((فهد المصيبيح)))..
انت ضد..
يوسف الثنيان..احمد خليل..عبدالله شريدة..بندر المطيري..
هم يقولن كذا وانا قاول انك السبب في تنظيم الفريق والدليل انو المنتخب يبيك.. هذا اكبر دليل على مصادقيتك في عملك واخلاصك للشعار اللي انت لبستة قبل ولازلت تحبة..

(((الكاتو)))
مالومك لانك ضيعت هالفرص لانك غايب صار لك شهووور..ولكن لازلت سبب من اسباب الخسارة.. ضيع فرصة فرصتين مو مليوووووون..
اتمنى انك تتوفق في فريقك الجاي..ومشكور على كل الجهود اللي بذلتها عشان تثبت جودك لكن الفرص انتهت وهاذي كرة القدم..


(((الجمهور)))..
اجل ازرق وابيض..
يدوب كم واحد اللي شفتة لابس ازرق..والتشجيع نوعا ما جيد..
وانتو عطلة مفروووووض الاستاد يقوم ويقعد..
بس يالله شوي احسن من لاشي..


(((الحكم..تاج الدين)))
كان متساهل مع الكوريين جدا ..
وبعض الكروت الصفر كان ظالمة في حق الهلال...


(((بطولة الامير فيصل))).
راح تكون بداية مولد اجيال جديدة..
مع اني كنت اتمنى عدم وجود اي لاعب اجنبي..


وبالاخير اقول اسفة لو قلت كلام جارح بس خلوها في بالكم انا ما اقصد الاساءة لاي انسان وخاصة اذا كان لاعب هلالي..
اتمنى اني اشوفكم باوضاع احسن من هاذي ..


تعليقااااااات..
اللي نفسي يصير في الهلال والرياضة السعودية عموما داخليا..
عدم اعتزال يوسف الا بعد 2 على اقل تقدير..
عدم اعتزال سامي دوليا..
عدم مجئ لاعب جنبي في خانة المحور لان خالد عزيز اهو المحور اللي راح ينسينا خميس ولازم ينعطى فرصتة..
احتواء سالفة الجمعان ورجوعة ولكن اذا كان يبي يلوي الاذرع فارض الله واسعة وبالتوفيق..
صرف رواتب االاعبين والمكافات..
عدم تغيير المدرب واعطائة فرصة وصدقوني راح ينجح..
اذا راح يستقيل الامير سعود..
الافضل عودة الامير بندر بن محمد او الامير عبدالله بن مساعد..
فتح الاحتراف الخارجي..
وحتى لو فشل احد االاعبين ترى مابعد الفشل الا الفوز ..
في المنتديات الالكترونية وقف كل عضو يسب لاعب او يشكك في وطنية لاعب او حكم..
انو يبقى المصيبيح انو يبقى المصيبح انو يبقى المصيبح..


تحياتي..
على فكرة انا حاطة لينكات اغاني عشان ننسيكم الخسارة ولانو في اعتقادي انها تعبر عن حالة كل لاعب..
ولباقي االاعبين اغنية ابصم لك على العشرة..

[sound]http://www.kubbar.com/Music/abdelrahman-absimlik.ram[/sound]

يا سلام

أقسم باللة انك رائعه

واشكرك يا اختي على كل كلمة كتبتيها

والى الامام دوما دوما

ولكن اخالفك في شي واحد فقط هو/ نواف التمياط

فهو ليس مغرور ولا اناني............


تقبلي تحياتي


وشكرا لكي مره أخرى على الموضوع الحلو

وش هالروعة يالقلب الأحمر المتوشح بالأزرق

مشكورين اخواني..
مشكور اخوي عاشق الازرق..
بس انا كنت اقصد انو بعض من الجمهور الهلالي قال كذا..
فهمتني غلط..

مشكور اخوي الزعيم الابن الف شكر..

تحياتي..

الـــسلام before الكلام؛



مااقدر اقول غير إنك بالفعل رائعه جدا جدا جدا يااختي العزيزه

وياريت ماتغيب كتاباتك عن المنتدى

وعليكم السلام اخوي روميو..
ومشكور الف شكر..

تحياتي..