بسم الله الرحمن الرحيم
السلام عليكم ورحمة الله وبركـاته ..
بـعد البسملـه والسـلام نبدأ بالكـلام ، وعسى ان يكون هذا الكلام قيماً للجميع.
بالبدايـه كان ودي اقولكم فوائد البسمله والسلام لكن كتبت فيهم كم سطر وحسيت اني لو بكمل يبي لي موضوع جديد عشان هالجملتين .
لكن خلوني هاللحين اتمنى لكم مسـاء او صباح جميـل . ويـوم سـعيد حـافل بالمسرات الى يوم الجمعه بالليل وعسـاها تصير تاريخية .
صـراحه من زمان ودي اكتب معكم بهالمنتدى عشان تكون لي بصمه بينكم ، وآثـر بنفسي اشوفكم تكتبون وتردون ولا يكون لي تواجد ، فحبيت اكتب واطرح لكم هالموضوع وعساااه يعجبكم ويكوون فاتحة خير .
وبقولكم لاني احب الموضوع يكون دسم ونتكلم عن اكثر من شي فحبيت اختار هالطريقه بالبدايـه ، ولا ودي انكم تدخلون على هالصفحه على شي قليل ابي شي يستاهل انكم تضغطون الماوس ع الموضوع
المـُهم ..
والله يا انا اشوف الناس قبل فتره شغلهم الشاغل الأسهـم وبرضو بعضهم الى هاللحين شغال بهالاسهم ولاعنده سيره الا الاسهم زي ربعنا الجيران ماعندهم سالفه غير عدد بطولاتهم الا بالغصب تزيد .
عيت تخش بمزاجي هالاسهم وقعدت افكر فيهـا واسئل عنها وانه كيف ترتفع وتنزل ، ومن يرفعها وينزلها ومن هييك اسئله ، المهم سلمكم الله الإجابات يقولون ان هالاسهم تشتريها والفلوس تروح للشركه والشركه تشتغل فيهم وخذ لك هالإسطوانه كامله واكيد انكم عارفينها، قلت ماهي مشكله الشركه تشتغل فيها ، بس كل الشركات اللي لها اسهم مانزلت ارباحها تحت رأس المال ، وشلون الاسهم ذي تطيح كل هالطيحه وراحوا معها هالمساكين؟؟
طبعاً مالقيت اجابـه واللي يقول كلام مش مفهوم وكلام رمزي صراحه تحاشيت عنه عشان ما اروح بـ غلطه .

لكن ماتصدقوون كثر ما انا مو مصدق اني لقيت الإجـابه والتفسير الاقرب لهالموضوع ، يبدو ان هذه الشركات اخذت افكار معيكل وأسست على احدى الافكار اليهودية تقولون لي وشلون انا اقوولكم.
سلمكم الله معيكل ذا من الوزن الخفيف زي بعض ربعنا لكن لقى له فكره وصار وزن كبير زي اللي عض شماغه البارح عقب ماجبنا التعادل .
المهم معيكل هذا كان ساكن باليمن ، ويقولون والعهده على الراوي انه يهودي وكـان ساكن ببلده صغيره ومعروف من الكل ان معيكل عليه قل صحه وانه مسيكين لا ولد ولا تلد.
المهم معيكل من توسط الشمس السماء وهو بشارع هالبلده ويطالع بهالعالم اللي يبيعون ويشترون وعلى الرايح والجاي ويحصل بعض المرات مقسوم الله ويجي احد يتبرع عليه، طفش الولد وخطرت بباله فكره زي ماقلت لكم وقام وجاب له علبتين وحط فيهم تراب الله يعزكم وجلس مقابلهم لمين جاه واحد يذكرونه بالخير المهم وسئله وش تسوي هنا قال ابيع علب قال وش فيهم هالعلب؟ قال فيهم ترااب ...تشتري؟
قال من جدك انت تبيع تراب خذ بس ذي فلوس كل فيهم وخل هالسوالف عنك قال تشتري ولا مع السلامه؟؟ قال طيب وش اسوي فيهم قال ذي تنشرى منك بسعر اعلى، وان محد شراها منك انا اشتريها ،المهم سلك له الرجال وعطاه الفلوس وشرى هالعلبتين ، مايمديه جاء الليل الا باب الرجال هاللي شرى العلبتين بغى يتكسر من معيكل فتح له وقال وشش عندك قال تبيع القواطي؟ ماصدق خبر قال تشتري؟ قال ايه والسعر دبل المهم انبسط على هالخفيّف وباعهن عليه بسعر دبل واغلب اهل البلده درو بهالسالفه ، جاء من بكرا الا السنايدي معيكل صافن له عشر قواطي ويحرج عليهم بدبل السعر وقاموا الناس يشترون منه عشان يرجع يشتري منهم معيكل بسعر اعلى ، معيكل انبسط على هالشغله ولمين صارت اسعار القواطي بالالوف بالظبط زي اسعار اسهمنا يعني معقوله اسهم بيشه كانت هذاك الوقت تستآهل قيمتها؟ بالله ماهي زي القواطي ماتستاهل هالاولوف؟ المهم ماعلينا وبعد ماباع كل اللي عنده بحدى الايام ، سحب عليهم ماعاد يشتري يووم يوومين مشوها له ، جوه بعد كم يووم قالوا له وراك ماتشتري قالهم خلاص ماعندي فلوس توكلوا على الله ماني شاريهم غصب الدعووه ، وانا اصلن بغير نشاطي سالفه القواطي ذي شبعت منها.
بالله عليكم شفتوا كيف العلاقه بين الاثنين؟ وواضـح جداً ان الاسهم ماطاحت من الهواء الا طاحت من ناس نفس شخصيات معيكل ، والاغلب والعلم عن الله ان اللي يشتري هالاسهم من نفس سكان ذيك البلده صراحه ماني معلق عليهم، اخاف احد ينبرش علي زي انبراشه خالد عزيز بـ نايف.
والله الكلام طويل والمنطق يرفض اسلوب تعاملنا مع الاسهم وتعامل الشركات عموماً مع المواطنين ، والاستخفاف فيهم لدرجه كبيـره ، كلنا نشوف السوق واكبر دليل الاسواق الامريكيه طاحت الاسهم اغلب الشركات اعلنت افلاسها ماهوب بعض الشركات عندنا عندهم سبع ارواح ولا تأثر فيهم شي ، والقهر يقولك بنفصل الموظفين عشان مانتأثر بالازمه ولا نتعرض للخساره. < مسوين بيل جيتس بعضهم

هنـا اخلي لكم التعليـق ونشـوف لنا موضوع ثاني نفضفض فيُـه.

كثير من الاعضاء جابوا قصـه الخيّاط وولده اللي فصلوا للملك ثوب مايشوفه الا العباقره وسبحان الله كل قريتهم عباقره الا ذاك البزر جنط ، لكن المشكله بعد مانطق ان ماعليه هدوم طلع هو العبقري والباقين دلوخ..
جيت بطبق هالشي على هاللي حنا فيه واخذ بالي كثير قانون الجاذبية ، يقول لكم ياطويلين العمر بأحد الروايات عن نيوتن مكتشف الجاذبيه ان احد سكان بلده معيكل ، لكن مآ أأيد هالكلام ابد بس هم يقولون كذا لمستوى نيوتن بهكا الوقت
انه كان يطرد من المدرسه دايم وبعد تحسين تاريخه اصبح رئيس الجمعية الملكية البريطانية، خلونا نتكلم بالعقل الولد طاحت عليه تفاحه واستنتج له قانون الجاذبيه وبالصدفه كيف قدر يستنتج عدة قوانين بعد هالقانون اللي طلع معاه وبالصدفه قولوا اننا نمشيها له طيب لو اقولكم ماكان فيه تفاح في مقاطعة لينكنشاير وهي نشأ فيها هالعالم نيوتن بتصدقووني؟
على العموم لو بتكلم عن هالاشياء باخذ فيها منحنى طويل وبنخش بتفرعات اطول لكن المشكله ان هالخزعبلات تدرس لنا من الصغر ومازالت تُدرس والمشكله انها مشت على اللي اكبر مننا ، ولكن بالحقيقه مالي بهالشي لا ناقه ولاجمل ولاني لام فيه بشكل كامل لكن العقل يحكم بهالشي.
وبعض الدكتوراه يقولون هالقصه ماهي الا تأليف ومضاف لها سيناريو محنك ، وان الحقيقه كان هالعلم مكتوب في العصر الإسلامي وكانت مدونه بكتب في مكتبات بالعراق ومكتبات سُرّ من رأى والتي قلب اسمها سآء من رآء ( سمراء) بعد الحرب سرقت منها الكتب وترجمت ودمرت كل العلوم الإسلاميه من الإندلس للشرق العربي.
لكن ماراح اخذ بالتاريخ كلام ثاني ونتكلم بالتاريخ ولا راح اذكره الا للتذكير فقط ، ولكن الأمر والأدهى هو الحاضر فـ امه اقرأ لا تقرأ ولا تتعلم ولا تهتم بالعلم الا القليل منهم ، وهنا مصدر الإنحطاط بنا وربما ليس انحطاط بمعنى انحطاط ولكن دعونا نقسى على انفسنا من اجلنا لعلّا ان نخرج بشي بالزمن القادم.
فما اجمل من تفاحه نيوتن وخزعبلاته وهي افضل من برتقالتنا العراقيه وتفاحتنا الخليجيه ولكن من كبر الإهتمام لدينا جعلناها تفاحتين نخله وجيب جمر يآمعلم.

ترو القصه بالبدايه ماهوب انا اللي بطلع من كل خلق الله وبقول شوفوه عريان فيه ناس قبلي قالوا :$

واللحين اختم كلامي بافضل الذكر كلام الله عز وجل في هذا الموضوع وهو يقول : { أَوَلَمْ يَرَ الَّذِينَ كَفَرُوا أَنَّ السَّمَاوَاتِ وَالْأَرْضَ كَانَتَا رَتْقًا فَفَتَقْنَاهُمَا وَجَعَلْنَا مِنَ الْمَاءِ كُلَّ شَيْءٍ حَيٍّ أَفَلَا يُؤْمِنُونَ}فلنتدبر في هذه الآيه التي رسمت الجاذبيه قبل خلق نيوتن وقبل ان يوجدون اهله بتلك البقاع ، وانصحكم بقراه هذا الموضوع للـ د. زيد قاسم محمد غزاوي عن هذه الآيه والجاذبيه لن سأوفر لكم وقت البحث فمن يريدها فـ سيجدها.
اما الآن ..
فـ لنكون اجمل وعسى ان نكون اجمل من ما سبق ونفخر بأنفسنا بعلم وتـاريخ وحاضر ومستقبل ، فـ مواهبنا وقدراتنا المكبوته فلنخرجها ، فلكلاً منَّ مواهب وليس الصعب اتقانها بل من الصعب ان نعرف ماهي لنعملها.



وودي اكمممممممل كلاامي ولا اخلص، الجلسه معاكم ولا احلا وتشجعون الواحد انه يتكلم بينكم ، لكن اللي عندي ماهو احساس الا تآكدت اني طولت عليكم ولا ودي اثقل بـ اول موضوع لي بينكم وان شاء الله لنا لقاء وعندي لكم قصه ع كيف كيووفكم لكن المره الجايه < تسمع بالتشويق انت

ودي اشكل بالألوان بس خفت اعميكم ماعندي ذوق صراحه :$ :$
يشرفني وجودكم وقرائتكم للموضوع . وتفرحني ردودكم ومشآركتكم هنا
لنـا لقاء فـي ودٍِ وصفـا بإذن الله
اخوكم مشاري

موووووووضوع اكثـــر من رائــع ذكــرني معيكـــل بطاش يوم يبيع قرووووووووود

ويسحب عليهــم

الف شكــر

شفت كيف أنت.. ؟

تصدق عاد إننا نحن العرب أفهم وأذكى من نيوتن بكثير جدا ..؟

أنا أعطيك الدليل

طال عمرك التفاحة طاحت جمب نيوتن هو قال ليه طاحت
وجلس يجرب تجاربه وقوانينه وخرابيطه اللي مالها داعي

لكن يوم طاحت التفاحة عندنا نحن العرب ما قلنا ليش طاحت
بل انتظرنا إلى أن تطيح تفاحة أخرى وسوينا معسل تفاحتين
زي ما تكرمت لكن المفرق هنا هل تعتقد إننا جاهلين
لماذا سقطت التفاحة ؟ أو لماذا لم نبحث عن سبب سقوط التفاحة
الجواب يا صاحبي إننا نعرف أول شيء إذا أكتشفنا الجاذبية
الارضية راح نسبب الكثير و الكثير من القلق للأجيال التالية
أبسألك بالله كم واحد في هالدنيا الكبيره يحب نيوتن ؟
والله شوي يحبونه والباقين يلعنون سنسفيل اللي خلفوه وبيني
وبينك يستاهل التسفيل شف العرب طال عمرك دوروا على
وناسة أجيالهم التالية عندما صنعوا التفاحتين و بالتالي شف كم
نفر يشكر اللي صنع التفاحتين ؟ كثير كثير يا صاحبي


وبس

إقتباس الرسالة الأصلية كتبت بواسطة ابو طـــــلال فتحت عيني على شي ماكنت اعرفة أجل مكتشف قانون الجاذبية !! هو نيوتن .. وانا كل هالسنين أحسبه حمد المنتشري مشاري بارك الله فيك .. بس ياليتك تخش بالموضوع .. ربع الموضوع ودك تعلمنا انك مسلم

ههههههههههههههههههههههههههههههههههههههههههههههههههه
هههههههههههههههههههههههههههههههههههههههههههه

الموضوع بكووووم.. ومداخلتك الثريّة بكوووووم

مشاري

ترى ابوطلال مايزحف بالرد الا اذا اعجبه الموضوع من قلب

وانت رايق وموضوعك رايق وكلك على بعضك خلطة رايقه

كثّر من هالمواضيع ولاتحرمنا جديدك << وش عند الرسمي

دوك -->

إقتباس معيكل ابن اليمن بزماننا هذا ... وتفاحة الإنجليز وتفاحتنا

إقتباس {.. بالصراحـه احلا.. وخوذوها بالجمله..}

ودي اعرف ايهم العنوان

حياك الله اخوي مشاري وبصراحة قريت موضوع ماشاء الله عليك ما خليت شي

وتراني مثلك مو هاظم سالفة التفاحه

شكرا لك طرحك الثري و الله يصلح الحال ..

بنتظار قصصك الشيقة D

سلام ...

والله أنك صادق في سالفة الأسهم , قسم بالله ناس ملعوب عليهم

أنا أذكر قصة واحد على عز الأسهم تحمس وحط كل فلوسه والأسهم ترتفع والرجال فرحان

جته خطه من أبليس بن خميس وقال لأهله ببيع البيت هذا - اللي كانوا ساكنين فيه - وكان

فخم وبنسكن في بيت عادي وبحط فلوسه في الأسهم وبعدين بشتري بيت قصرالمهم باع البيت

وحط فلوسه في الأسهم وطاحت الأسهم وراحت فلوسه وجته حاله نفسية وصار كل يوم يطلع

من بيتهم ويروح عند البيت اللي باعه ويقعد يدور عليه و يصاعق وصاروا أهله كل ما فقدوه من

البيت راحوا لهذاك البيت اللي باعوه ولقوه جالس عنده ,

----------------

شكرا لك أخوي على موضوعك الجميل وحياك الله في مجلسنا << توه مشبّـك أعضاء المجلس