خسرنا والحمدلله على كل حال والكلام القاسي والنقد اللاذع لبعض اللاعبين في محله فالتهاون الذي كان عليه بعض اللاعبين يجب ان يجد وقفة حازمة من إدارة الهلال ,, فالخسارة فائدتها الوحيدة ان وجدت هي معرفة الأخطاء ويجب المعالجة يشكل سريع


الأمر الذي لانعرفه هو ان الصحافة الصفراء ستضرب بقوة على ان الهلال فريق كبير وان النصر فريق يخسر من أبها ويتعادل مع الحزم لذلك الفوز بالتأكيد هلالي بل ان البعض راح يتحدث بأن الهلال سيتأهل من المبارة الأولى وللأسف البعض يساعدهم بكثرة الحديث عن فقدان لقب الدوري .

اي نعم الدوري خسرناه والأسباب اتضحت للجميع فمحاولة قهر الهلال وطعنة بالقرارات المجحفة والجدولة الغبية وخطأ عزيز الفادح وتهاون بعض النجوم وإرتباك نامي المعتاد وخسارة المدرب بوقت مهم من الدوري وامور أخرى ليس الآن الوقت المناسب لطرحها .


ولكن ماهو القادم !!؟ وهل هو مهم ام لا !!؟ وهل الموسم انتهى بنهاية الدوري وخسارة الهلال ؟؟؟

القادم هو كأس الملك وهي بطولة مهمة وتعتبر أغلى البطولات وليست اقواها وخصمنا هو فريق النصر الذي دائماً تجتمع إدارته وأعضاء شرفه وجماهيره فقط لان المنافس الهلال ,, ومبارتنا معهم سيكون الوضع النفسي هو الفيصل مع العامل الفني الذي يتفوق فيه الهلال بشكل واضح ولكن الجانب النفسي له تأثير كبير على الفرق الضعيفة والتي لاتحصل على بطولات لان مباريات خروج المغلوب في غالبها لاتعتمد على الفارق الفني بل العمل النفسي هو الأهم واعتقد ان الوضع النفسي للهلال صعب جداً في ظل مطالبة جميع الهلاليين بكل البطولات وهذا خطا برأيي وسأتطرق له بنهاية الموسم بإذن الله
أقول ان النصر سيلعب بنفسية مرتاحه لانه فريق لايطمح للبطولة ولو كذبت إدارتهم على جماهيرهم وساعدهم الإعلام , فالنصر ضعيف فنياً ولكنه امام الهلال يدافع بشكل كبير وهذه مشكلة يجب الانتباه لها .
الهلال خارج من بطولته المحببة له وهذا الخروج للأسف سيزيد الضغوط على اللاعبين والإدارة والجهاز الفني وبالتأكيد الهلال مطالب بالبطولة كالعادة وماسيزيد البطولة صعوبة هو الغضب الجماهيري على اللاعبين وفقدان الدوري ولهذا على الإدارة الإعداد الجيد للمباراة وتوضيح الجانب النفسي للاعبين فإبعادهم عن الضغط النفسي هو أهم شيء للفوز على النصر فالأجواء ستكون مشحونة بالتأكيد واللاعبون سيعانون من فقدان بطولة غالية لذلك سيدخلون بأعصاب مشدودة والخصم سيكون مرتاح على الآخر وهذا ماسيزيد الأمور تعقيداً .

النصر سيلعب ب 11 لاعب والهلال ب11 لاعب والثقة المفرطة اللتي اراها من جماهير الهلال أمر لايبشر بالخير ففريق مثل النصر يعتبر الهلال والفوز عليه هو البطولة سيما وان المباراة تعني خروج مغلوب ( ذهاب وإياب ) والتهاون لاسمح الله سيجعل الامور أكثر صعوبة وبالأخص في بطولة آسيا التي تتطلب ثقة ووقفة وتكاتف من الجميع لانها الاهم كما هو معروف للجميع



الخلاصة


يجب على الجماهير مساعدة اللاعبين للخروج من الأزمة والوقوف مع الإدارة والبطولة تحتاج الى تكاتف من الجميع فسر الزعامة هو الوقوف مع الزعيم في أحلك الظروف .




داخل النص


عندما أحس أحمد الفريدي بأن خانته بالتشكيلة مهددة عاد كما نريده دافع وقاتل وحاول ولكن السؤال متى تعطى هذه الفرصة لمحمد الشلهوب ,, فالمدرب لايعرف مامر به الشلهوب من ظروف وكم هي مدة بقاءه في الإحتياط والواجب على جهاز الكرة توضيح هذا الامر للمدرب لان الشلهوب عاد له الحماس وأعتقد انه خرج من الأزمة النفسية وينتظر الفرصة ليعود كما عهدناه وبقاءه احتياطياً أكثر من ذلك ربما يفقده الثقة نهائياً ,,
الشلهوب نجم كبير وهبوط المستوى طبيعي ولكن الإعداد النفسي لعودته لم يكن بالشكل المطلوب .





نقاطي برعاية موبايلي



الإعداد النفسي كان غائب في النهائي لذلك يجب ان لايغيب أكثر من ذلك !!


الخطأ من عزيز كان محل انتقاد الجميع لذك فالرسالة وصلت للاعب ويجب عدم التجريح بل النقد المفيد



بالدفاع أسامة هوساوي فقط والباقي غياب بعذر من الإدارة والشاطر يفهم



رادوي يجب ان يجد وقفة صادقة من الإدارة لان مستواه تغير كثيراً وتمريراته مقطوعة وأصبح متهوراً والبطاقات الملونة أصبح من عشاقها واتمنى إراحته وإشراك الغامدي ليرتاح مؤقتاً ويعود المقاتل .




طارق التايب من إصابة الى توقيف ثم إصابة وبعدها تعاقد مع بديل له وتبون مستواه عال العال ( قليلاً من الواقعية ) .



المطالبات الداعية الى إلغاء عقود بعض الأجانب لاشك انها في غير محلها فالوقت حرج جداً ولاتوجد فترة تسجيل قادمة لذلك اتمنى تاجيل المطالبات الى نهاية الموسم ووقتها للجميع الحق في إبداء وجهات النظر .



إلى الامير نواف بن سعد [ والله العظيم اشتقنالك وشلونك وشلون أحوالك ]



تواجد المعلق الإماراتي فارس عوض قبل بداية المباراة وصفقت له الجماهير طويلاً وردد الجميع اسمه بشكل غير طبيعي ( نياله بهالحب نياله ) << كان يشوف باب الحارة لحظة كتابة الموضوع
لكن انا الوحيد اللي ردد صدقة صدقة صدقة << بينجلد



مجلس الجمهور الهلالي ناااااايم وانا ومعي واحد كنا نوزع الجماهير على الواجهة عشان مايجلس فيها ولا اتحادي والمجلس لاحس ولاخبر << والله ياني تعبت من جد



مانبي رابطة والله مانبي اللي نبيه خمسة من الجمهور يتواجدون اسفل المدرج ويوجهون الجمهور ويطالبونهم بالتشجيع في أوقات معينة بالمباراة مثل لو دخل هدف وسكت الجمهور يتواجدون هالخمسة ويطالبون بالتشجيع وكل ماكان العدد أكثر كل ماكانت الفايدة اكبر للمدرج لكن رابطة وطبل واللاعب مو فاضي يسمع الساحل الغربي تمايل << على قولة هلالي ثنياني



ماكني طولت بالموضوع بس حبيت اطلعكم من جو النكد والله يعين على بعض اللاعبين << ماوده يقول اسم يدل على النوم



سلااااااااااااااااااااااااااااااااااااااااااااااااااااااااااااااااااااااام

يشرفني اول واحد ارد عليك

كلامك عين العقل واالمنطق


بس قهرر يروح تعبك في توزيع الجماهير عالفاضي





يالله خيره

والجاي احسن



وبأذن الله اسياااااااااا باذن الله




تقبل تحياتي

الفريدي كان يريد يثبت نفسه ويرد على من اتهمه بالغرور
الله يوفقه وان شاء الله يثبت على المستوى
وبخصوص منع اي مشجع اتحآدي من دخول الواجهه
انا كنت من ضمن الناس الي يتفاهم مع اي مشجع اتحادي يحاول يجلس بالواجهه
لايكون انت الدب ؟
بس للاسف الجماهير الهلاليه كل ماقلنا لهم قربو ماحولك احد

إقتباس مانبي رابطة والله مانبي اللي نبيه خمسة من الجمهور يتواجدون اسفل المدرج ويوجهون الجمهور ويطالبونهم بالتشجيع في أوقات معينة بالمباراة مثل لو دخل هدف وسكت الجمهور يتواجدون هالخمسة ويطالبون بالتشجيع وكل ماكان العدد أكثر كل ماكانت الفايدة اكبر للمدرج لكن رابطة وطبل واللاعب مو فاضي يسمع الساحل الغربي تمايل << على قولة هلالي ثنياني

هذالكلام

الله يذكر الجمهور الهلالي بالخير قبل سنوات كان كلهم صوووت واحد

الا على الطاري متى جت الرابطه ومن الي جابها؟؟؟؟

إقتباس لايكون انت الدب ؟

فضحتنا يابووووووووووووووووو

كلامك منطقي بخصوص النصر وتعجبني دائما مواضيعك .. وانا باانتظار جديدك يالغالي ..ويشرفني اني اكون من ضمن الردود على مواضيعك الكبيره والموضوعيه .

موضوع مميز وان شاء الله يتثبت..

دائما" مبدع


سلمت اياديك

والحمد لله على كل الحال

الدوري ماضي ولن يتوقف الهلال على الماضي كما نعرفه ويعرفه الجميع

ويبقى الهلال زعيم حتى وان خسر وهذا حال كرة القدم


عواافي



اللهم صلي على سيدنا محمد وعلى اله وصحبه اجمعين
صمت999

حمد الهلالي .. الله يقويك ..

الحمد لله ع كل شي .. ان شاء الله نعوضها بالبطولات الجايه .. مافي فريق بالعالم مايخسر .. ان شاء الله نتفادى اخطائنا بالجايات..

صحيح الهلال كبير وصاحب بطولات بس مو معنى هالشي نستهين بالخصم مهما كانت قوته او ضعفه .. ومثل ماقلت اغلب الاعضاء مستهينين بالنصر ونسوا ان اغلب الانديه تلعب مع الهلال بنظام البطولات..

مثل ما الهلال يعاني ضغوط نفسيه من خساره الدوري حتى النصر يريد التعويض حتى لو بفوز ع الهلال حتى لو خسروا البطوله .. راح تكون بطولتهم الكبرى فزنا ع الهلال..

جمهورنا الغالي ماقصر مع الفريق وان شاء الله نشوفه متواجد بكثافه بالمباريات الجايه .. الهلال بحاجتكم

إقتباس تواجد المعلق الإماراتي فارس عوض قبل بداية المباراة وصفقت له الجماهير طويلاً وردد الجميع اسمه بشكل غير طبيعي ( نياله بهالحب نياله ) << كان يشوف باب الحارة لحظة كتابة الموضوع لكن انا الوحيد اللي ردد صدقة صدقة صدقة << بينجلد

ههههههههههه هذا حظنا ولازم نستحمله ..

إقتباس مجلس الجمهور الهلالي ناااااايم وانا ومعي واحد كنا نوزع الجماهير على الواجهة عشان مايجلس فيها ولا اتحادي والمجلس لاحس ولاخبر << والله ياني تعبت من جد

الله يعطيك العافيه هلالنا يستاهل وماقصرتوا

إقتباس نقاطي برعاية موبايلي

يابخت موبايلي فيك

إقتباس داخل النص عندما أحس أحمد الفريدي بأن خانته بالتشكيلة مهددة عاد كما نريده دافع وقاتل وحاول ولكن السؤال متى تعطى هذه الفرصة لمحمد الشلهوب ,, فالمدرب لايعرف مامر به الشلهوب من ظروف وكم هي مدة بقاءه في الإحتياط والواجب على جهاز الكرة توضيح هذا الامر للمدرب لان الشلهوب عاد له الحماس وأعتقد انه خرج من الأزمة النفسية وينتظر الفرصة ليعود كما عهدناه وبقاءه احتياطياً أكثر من ذلك ربما يفقده الثقة نهائياً ,, الشلهوب نجم كبير وهبوط المستوى طبيعي ولكن الإعداد النفسي لعودته لم يكن بالشكل المطلوب .

لبى قلبك وتحياتي من قلب هلالي

الف شكر حمد !!

إقتباس الصحافة الصفراء ستضرب بقوة على ان الهلال فريق كبير وان النصر فريق يخسر من أبها ويتعادل مع الحزم

صراحه الموضوع مهم للاعبين ان النصر يلعب بالدوري وهو ماينافس لانه عارف المركز الثالث صعب

والرابع مايأهل لمحترفين اسيا يلعب بالدوري غير بالكأس وتذكروا كلامي

اتمنى احترام الخصم

إقتباس مجلس الجمهور الهلالي ناااااايم وانا ومعي واحد كنا نوزع الجماهير على الواجهة عشان مايجلس فيها ولا اتحادي والمجلس لاحس ولاخبر << والله ياني تعبت من جد

كفوووووووووووو شفنا امس صوره يوم يدخل جماهير الاتحاد في الواجه وكانوا فيه جماهير الهلال واقفين وقفة رجل واحد ورجعوهـــــــــم,,,

بس والله اني متفائله بنصر وباذن الله وبعزيمة الشبــــــــاب بنفــــــــــوز...

نهاية الله يوفق الزعييييييييييييم

والله موضوع حلوو في قت حلوووو..


انا ما اقول الا الله يوفقنا على النصر والفريدي اثبت انه لاعب كبير .. وبانتظار الشلهوب
والفريق يحتاج وقفتنا فقط ..


بالنسبة للرابطة والله وانا قاعد في الوجهه ما سمعت غندر اسمع اهازيج الاتحاد ليييييييييييييه؟؟؟؟

ياليت غندر يتحسن تعبنا وانا نقوله طبل ورقص الى متى نبي تشجيع حسبي الله عليه ..

بالتوفيق