السلام عليكم

يقولون فيه واحد من القادة بغى يختبر أحد مستشارينه
ومد نظره للسماء وقال والله الدنيا خيال وكان ذاك الوقت
وقت قيض وحر مثل هالحزه ويوم طلع المستشار يشوف قال أي خيال
وأي كلام إلا قيض وموت وقالوا له ربعه يا خبل هذا المعزب
اللي يقول كذا قال وإذا قاله يصير كلامه صحيح
إلا موب لم سنع كلامه (( خربها المستشار ))
ويوم درى القائد قال هذا اللي ما أبيه أثر القائد
يبي واحد كل ما قال شئ قال صح طال عمرك ويشوت المستشار هذا
ويجيب واحد من أهل الشام وجاء قال نفس الكلام ويوم طلع الشامي
ويناظر ويشوف السماء ويرجع ويقول كلامك صحيح
وهَلا بتشتي ((يعني تبي تمطر )) وقال القائد هذا اللي نبيه ..



أحبتي .. كثر في هذا الوقت أصحاب هَلا بتشتي في مختلف الأماكن ,,
نجد في الدوائر الحكومية وكذلك في الشركات وبين الأصحاب كثر في هذا الوقت النفاق والكذب وكثر أصحاب الذمم الفاسدة ,,

لماذا يحدث هذا ؟؟
هل الخوف على المركز والمنصب يجعلك تقلب الحق إلى باطل ؟؟
هل قول الحق والحقيقة يخيف ؟؟
هل خوفك من زميلك يجبرك على مخالفة رأيك ؟؟
لماذا البعض يستخدم هذا الأسلوب ؟؟

هل في هذا الزمن قول الحقيقة مهما كانت تخالف آراء
من هم حولك أصبح من أكبر الجرائم ومن أكبر المحظورات ؟؟

أتمنى أن أكون مخطئاً ,,



@@ فرحنا كثيراً بعودة كثير من الأعضاء إلى بيتهم الثاني
منتدى الزعيم لكن ما يحز في النفس أنه كلما حضر شخص غاب آخر ,,

@@ رسالة إلى أبو ناصر .. الصدقي ..
وين كل هالغيبه عنا .. كانها ظروفك رضينا .. كانها غيرها زعلنا

أشتقنا لك ..

تقبلوا خالص تحياتي ,.,

هلا صدى الامس

إقتباس أتمنى أن أكون مخطئاً

لا والله منتب غلطان ..

هاليومين كثروا اصحاب ( هلا بتشتي ) .. وكل هذا على شان مصالحهم حتى

لو كانت على حساب الغير ..

والسبب في اعتقادي يرجع الى ..

اصحاب القرار بالدرجه الاولى .. والى الحاجه بالدرجه الثانيه ..

فصاحب القرار .. يرغب في تنفيذ رغباته .. بغض النظر عن نتائجها ..

وصاحب الحاجه .. كما هو واضح محتاج للبقاء اياً كان نوع هذا البقاء ..


وتسلم على هذا الموضوع الرائع ..