乂 محطات رياضية 乂 - صفحة رقم 4 - نادي الهلال السعودي - شبكة الزعيم

ملاك بطبعها ! · #46 12/04/2009, 06:29 PM

أهلين مواصل ~

و لكم باكـ

إقتباس


	وإن كانت الميول مختلفة بالمنزل الواحد كأن يكون الأب ( هلالي ) والعم ( نصراوي ) فسيقع الطفل في حّيص بّيص

أنا أبوي

نصراوي

بس أنهـ مو متعصب زي أول يوم كان على أيام ماجد

وأخواني طالعين هلالين و صرت مثلهمـ

مع أني مدري وشو الهلال بس أشوفهم يشجعونهـ و شجعته "مع الخيل يا شقراء"

مدري وش طيحني في الكورهـ أول كنت أكرها كرهـ
بس وش اللي قلبني من كره لي حب مدري

و
بصراحهـ تحس بطعم الوناسهـ و الحماس كلن يذب ع الفريق الثاني ~

أبوي يكرهـ شئ اسمهـ الهلال

عشان كذا ماأجيب الطاري لهـ
لوتكلمت عن الهلال قام يدعي عليهـ و شخليني أتكلم بس

\

ولا إذا شاف المبارة معنا و جت ركلة جزاء للهلال لو صح يقول خطأ نصابين
يتدلعون عاد أقولهـ :عِرق النصر ينبض فيكـ

يمكن حنا طالعين على خوالي هلالين

~
أعرف وحدهـ أهلها كلهم نصراويهـ

إلا هي
طلعة من بينهم هلاليه يا لبى قلبها

و عادي عايشهـ حياتها
و مستانسهـ أكثر منهم ~

إقتباس


	ولا أحد يجيني يقول رد على الردود ، متى ما كنت رايق أبشروا

هو لازم قل شكراً لكم ع المرور وريح عمركـ

يعطيكـ العافيهـ ..

بنت فهد · #47 12/04/2009, 08:01 PM

هلا وسهلا بأخ عبدالله

على طاري التشجيع انا منشأه من بيئه هلاليه نصراويه شبابيه >>أدري نادي الشباب
خاش عرض بس عاد كلن وميوله

أذكر على وقت خالد التيماوي وخالاتي مابعد تزوجو

وفي هذاك
الوقت كنت شبه امعه

ما ادري اشوفهم يتابعون المباراة وانا خاشه معاهم
2 من خالاتي هلاليات ووحده شبابيه اذا جا مباراة الهلال والشباب
يحجروني بزاويه ايش تشجعين اقول الهلال ويصارخون الهلاليات
وتجي الشبابيه تقولي معاي ايس كريم ماراح اعطيك واقولها خلاص اشجع الشباب
وان عطتني الايس كريم واكلته اقولها اشجع الهلال

وأنواع الاصابات بعدها

اما النصر فكانو خوالي يشجعونه من ذاك الوقت وانا ما استسيغه

(ماأحبه )
وبعد مرور السنين وسبحان الله صرت هلاليه ومتعصبه

اما Art والله غالين انا مايقهرني الا اخوي مشترك فيه وهو مايجلس بالبيت
خساير ع الفاضي وعاد من زينها

ع العموم مشكور خيو ع الموضوع

تقبل مروري بنت فهد

بندر الهلباني · #48 12/04/2009, 10:07 PM

السلام عليكم ورحمة الله وبركاته ..

يعطيك العافيه على الموضوع .
انا من رايي انو ( الدريم بوكس ) ساعد الشعب شوي
الواحد بدال مايدفع للـ اي ار تي 750 كل ست شهر
ادفع احداثيات الدريم بوكس 220 لكل ست اشهر

ومن ناحيه الافلام الاباحيه تقدر انك تمسح القناه
او تسوي لها باسووورد >>> عشان ترجع لها

ومن اللي مافي بيته انترنت يعني اللي يبي ياصل للفلام ياصل لها لا ومن غير رقابه
بس حبيت انوه لها النقطه

الف شكر لك اخوي مواصل

مَاهِينُورْ · #49 13/04/2009, 10:41 AM

وعليكم السلام ورحمة الله وبركاته
هلا ومرحبا عبد الله

من موضوع ديني بحت إلى رياضي بحت

أتخيل هالموضوع نازل بالاسلامي

~> مانت ببعيد اذا فكرت أكتب موضوع يتحول بقدرة قادر الى أخبار المجلس

..
بالنسبة لموضوعك

تشجيع الصغار وتأثير البيئة
صح زمان يتأثرون لكن الحين من يوم مايطلع وهو رافع هالشعار

أرحم اذا شفت مشجع صغير يشجع النصر

ماهو حقد على النصر بس وش يبي بالنكد

تصدقون كنت أشجع الاتحاد

لكني ولدت هلالية

~> هلالية بالاسم ماتابعت الفريق الا يوم تخرجت من الثانوي

قصة تشجيعي للاتحاد

كان في المتوسط أيام حفل الجوالة |:هاني مقبل وعيد الدوسري :|

كان في حفل لهم سووه بدعوه من نادي الاتحاد وأعجبني

كانو ينشدون :

اتحاديا أتينا

~> ومادري وش الباقي

فـ استانست قلت هالنادي نادي مطاوعة وشجعته

~> لا تقولون مندسة

ماكان تشجيع بس محبة

والحمد لله رجعت لفطرتي وشجعت الهلال

..
اي وش بعد

~> ارد على قراءتي للموضوع اول مانزل

صالح كامل
استغلال للشعب المغلوب على امره

جعله مايتهنى بفلوسنا

صار الواحد يشترك بقنواته حتى لو ماله بالكورة بس يخاف على عياله من المقاهي
ليتنا زي مايقول ولد كندا نقاطعه ومانشترك لعله يخفف قيمة الاشتراك

..
اشتركنا 6 شهور وبعده هوّنا ~> كرهنا الكورة

بس فكينا التشفير

الا صدز أسأل اخوي أقوله ممكن حراام فك التشفير!!
قال على الاي ار تي مو حرام يكفيه اللي جاه منا العام

حرام لو بفك تشفير المجد

~> أفتاني جزاه الله خير

..
..
وش بعد ؟

إي رجال الاعمال ومظهرهم

دائماً كنت أتعجب منهم من وانا صغيرة

مو بس رجال الاعمال
اذكر معلمة درستني الله يذكرها بالخير معلمة قدييييييييمة وربي منعم عليها ما شاء الله

لبسها أحيانا اللي تكرره الظاهر ثلاث بس

والحين تدرس اختي والى الان تكرره

~> الله ربنا وربها مادري لو تحب هاللبس وتشتري منه كميات

لو تشوف اللاعبين بعد الواحد مايقدر يحط مبلغ على جنب يحط تقويم للأسنانة

~> ماتقصد المنتشري

ماودي أطول بهالفقرة أحس فيها غيبة

الله يغفر لهم ويتوب علينا وعليهم

~> خافت من الغيبة

الحمد لله الذي عافانا مما ابتلاهم به وفضلنا على كثير من خلقه

والله يزيدهم و يرزقنا مما عندهم

..

موضوعك جميل يا عبد الله الله يعطيك العافية

..

إقتباس


	ولا أحد يجيني يقول رد على الردود ، متى ما كنت رايق أبشروا

أنا المقصودة في هذا الكلام : (
أعتذر لك عن ردي في موضوعك السابق

أحيانا نتهور ونكتب ردود نندم عليها حتى وإن كانت مزح

..

Hictar · #50 13/04/2009, 11:21 AM

إقتباس

الرسالة الأصلية كتبت بواسطة مَاهِينُورْ


	أنا المقصودة في هذا الكلام : ( أعتذر لك عن ردي في موضوعك السابق أحيانا نتهور ونكتب ردود نندم عليها حتى وإن كانت مزح

هلا بتس يا ماهيتاب

لا ما أقصدك إنتي بالضبط أقصد الجميع
لأني أعرف نفسي - ما راح أفيدكم بشئ بالتعقيب !!.

____________

يا إخواني اليوم صاير ملطشة للجميع
العالم حاشريني حشر ( بعد الهزيمة )

من أمس والمرتزقه ( النصراوية ) يرسلون لي رسايل ( شرشحه )
طيب إنت وش دخلك

ومازال المرتزقه ( حاشريني - لكني أقاوم )

________

أما بخصوص حذف القنوات
فتكرم صدى الامس
بالطريقة للحذف

maistro2t · #51 13/04/2009, 11:45 AM

اهلا و سهلا مواصل
مثل ما قلت ركب الدريم بوكس و أبلع العافيه

و بخصوص النصراوية ما تشوفهم إلا إذا انهزم الهلال الله يخلفهم عليهم بس

إقتباس

الرسالة الأصلية كتبت بواسطة مواصل من عام 1413هـ


	____________ يا إخواني اليوم صاير ملطشة للجميع العالم حاشريني حشر ( بعد الهزيمة ) من أمس والمرتزقه ( النصراوية ) يرسلون لي رسايل ( شرشحه ) طيب إنت وش دخلك ومازال المرتزقه ( حاشريني - لكني أقاوم ) ________

طنش لحاك شادو سلجاقو

هذا كوم و اللي حاضرين اليوم الجامعة بشالات الاتحاد كوم ثاني و الله اعرف واحد فيهم نصراوي و معه شال الاتحاد
ناس متخلفة بالفطرة

يعطيك العافية مواصل و ما ننحرم من مواضيعك

مَاهِينُورْ · #52 13/04/2009, 12:57 PM

..
هارد لك الخسارة مواصل

اسمح لي بشطح

إقتباس

الرسالة الأصلية كتبت بواسطة مواصل من عام 1413هـ


	يا إخواني اليوم صاير ملطشة للجميع العالم حاشريني حشر ( بعد الهزيمة ) من أمس والمرتزقه ( النصراوية ) يرسلون لي رسايل ( شرشحه ) طيب إنت وش دخلك ومازال المرتزقه ( حاشريني - لكني أقاوم )

اربط الجرح وقاوم ........ وامسح الدمع الحزين

لن ينال الحزن منا ........ لن نساوم لن نلين

لن يدوم الظلم كلاآآ ............ نور فجر الحق آت

من دجى الليل سيبدوا ......... طعمه حلو فراات

^
^
^
استغفر الله تقل بجهاد

اتذكرت هالانشودة يوم قريت ردك

..
الله يعينك عليهم

..
قلهم ماوصلتوا للي وصلنا له

..
اليوم أكثر فترة أجلس فيها بالجمهور

# في موضوع يوسع الصدر

مجلة عالم الزعماء

لقاء ممتع مع حامد الضبعان لا يفوتكم اللقاء والمجلة ما شاء الله

~> كم تعطوني على الاعلان يا كتاب المجلة

..
..

لا تعصبون علي

لو ماكتبت الرد يمكن يصير لي شي

..

الـمـشـاغـب · #53 13/04/2009, 02:31 PM

مواصل

حسبي الله عليك يا وجه النحس

من دريت أنك متحمس للمباراة وأنا داري أننا بننهزم

أنت فيك عرق نصراوي؟

أمس جتني حالة نفسية .. ما كان لي خلق للكلام ولا حتى للأكل

كنت في حاجة لصوت ناعم يواسيني

جد والله

لكن الحمد لله ربي أرسل لي الصدر الدافي والحنون وخفف عني حزني

ربي لا يحرمني منك يا ****

مواصل ما فيني أرد عليك .. لأنك ما بترد علينا .. ولأننا خسرنا الدوري أمس .!
حسبي الله على عزيز .. مدري وش يحس به هالآدمي؟

يا كثر سقطاته الأخلاقية وغير الأخلاقية .. وش يبي بالله؟!!!!
حنا ناقصين يعني؟؟!!!
هو كان مجبور يرفس اللاعب؟؟؟؟؟
لكنه الدلع وما يسوي ...!!
مع أني ما أحب محمد بن فيصل لكن ودي أنه يرجع يأدب عزيز مثل ذيك المرة عشان يعقل قليل العقل

مواصل خلاص انا ما فييّ .. حبك أكتر من عينييّ .. لو حبيتك أكتر منهم يمكن تهملني وتهملهم .. وانا ما فييّ

نقطة نظام :

**** = ناصر

MaRoUaNe · #54 13/04/2009, 02:38 PM

وعليكم السلام هلا وغلا بمواصل

وهلا بالموضوع الرياضي الإسلامي

ولله الحمد كل العائلة الكريمه هلاليه

حتى الوالده الله يحفظه

تشجع الهلال عشان عياله ماتضيق صدورهم

إقتباس


	أما بخصوص حذف القنوات فتكرم صدى الامس بالطريقة للحذف

ياليت تقولنا وشي الطريقه لأن اللي أعرفه ماينمسحن القنوات أبد .

بس تقدر تقفلها وتخفيها << برقم سري طبعاً
<< يعني بهذي الحاله ما أستفدنا 100%

إقتباس

الرسالة الأصلية كتبت بواسطة مواصل من عام 1413هـ


	يا إخواني اليوم صاير ملطشة للجميع العالم حاشريني حشر ( بعد الهزيمة ) من أمس والمرتزقه ( النصراوية ) يرسلون لي رسايل ( شرشحه ) طيب إنت وش دخلك ومازال المرتزقه ( حاشريني - لكني أقاوم )

ههههههههههه ههههههههههههههـــ

والله أنا من أمس مقفل الجوال

لقوها عيال الذين كنت دايم أحشرهم بالرسايل بس المره خسر الزعيم وماصدقو خبر يرسلون

شكراً مواصل

Hictar · #55 13/04/2009, 03:23 PM

إقتباس

الرسالة الأصلية كتبت بواسطة Mr.Marwan


	ياليت تقولنا وشي الطريقه لأن اللي أعرفه ماينمسحن القنوات أبد . بس تقدر تقفلها وتخفيها

[/CENTER]

أنا كتبت الرد بسرعه ( لأن مديري الزلابه كان فوق راسي )

ودي أقوله ضف وجهك بكمل الرد بس ما سطيت!!.
فأرسلت الرد وما كملته

عميدنا صدى الأمس
توه ما أرسلي الطريقة ، وإن شاء الله اليوم بيرسلها
وأتمنى يكتبها هنا علشان الفائدة تعم الجميع

أما بالنسبه للزلابه المشاغب
أول شئ : وين الرساله !!.
ثاني شئ : الحمد لله إني ما سمعت كلامك وحضرت الملعب
وجهك نحس وربي ، من أسمع صوتك قبل أيه مباراه
يخسر الهلال أو ما يتأهل!!.
شف من الآن أقولك ( مابيني وبينك أيه أحاديث بالجوال ) إلا بعد المباريات
وقبل أيه مباراه للهلال بـ 48 ساعه بقفل بوجهك
ولا ترد بالمنتدى بعد يمكن تصيبنا العدوى

وجــدان · #56 13/04/2009, 04:12 PM

.,

هلا والله مواصل

انا مدري وش اللي يخليني بأرد على موضوعك وانا ادري انه بالنسبه لك ردي وعدمه واحد

وش هالنشاط كل الناس منزلين مواضيع ..! قررت ماأرد على أحد

>> ميتين عليتس ترا

بس لقيت موضوعك مجال للشتشته

وأعجبتني فكرته مع الفرق العجيب بين ماكنت تود الحديث عنه وماتحدثت عنه

ماأعتقد للأهل دور كبير بأن يخلون ابنائهم يشجعون النادي اللي يحبونه ..
ولد عمي الصغير يوم درى ان كل أهله هلاليين شجع النصر من زود العناد اللي فيه

اصلاً الهلال متبرّي من يباسة هالراس اللي عنده

.,

بالنسبه لصالح كامل

اعذرن ماأحب أحش بأحد

>> الا ماتدرين وش تقولين عنه

.,

مظاهر رجال الأعمال والبطره

اكثر شيء ينرفزني لاشفت هالنوعيه من الناس

لعنبوا غيرك وين تودي فلوسك ؟! ورى ماتلبس زي الناس ..!

لا والمشكله ياكثرهم ..

.,

يعطيك العافيه عبدالله موضوعك حلو ورايق

ولو ولو اني متحفظه على بعض التشبيهات اللي جت فيه

شكراً

بنت فهد · #57 13/04/2009, 04:43 PM

إقتباس

الرسالة الأصلية كتبت بواسطة مواصل من عام 1413هـ


	يا إخواني اليوم صاير ملطشة للجميع العالم حاشريني حشر ( بعد الهزيمة ) من أمس والمرتزقه ( النصراوية ) يرسلون لي رسايل ( شرشحه ) طيب إنت وش دخلك ومازال المرتزقه ( حاشريني - لكني أقاوم )

هههههه وسع صدرك من زينهم عاااد

خلهم يشوفون انفسهم الله وأكبر يعني خسرنا هالبطوله جايين يحكون

وانت يا شاطر رد عليهم

ذكرهم بذيك الايااام

<<اي ايام الله واعلم

ع العموم اسفه ع الرد الثاني

Hictar · #58 13/04/2009, 07:36 PM

إقتباس

الرسالة الأصلية كتبت بواسطة وجــدان


	ولو ولو اني متحفظه على بعض التشبيهات اللي جت فيهً

متحفظه على إيش !!.
أنا رجعت أشوف التشبيهات
1- عن الشيعة - الروافض
2- الزوله

وما أتوقع إن فيه شيعه بحائل أو إنتس سودانيه !!!.

وإذا أنا غلطت بشئ - علميني تراني ما أزعل
علشان أعتذر

<--- حطيت هالفيس علشان ما أحد يقول إني معصب ( تراني أستفسر بس )

بنت فهد · #59 13/04/2009, 08:08 PM

إقتباس

الرسالة الأصلية كتبت بواسطة مواصل من عام 1413هـ


	<--- حطيت هالفيس علشان ما أحد يقول إني معصب ( تراني أستفسر بس )

بما إنك منت معصب متى بترد ..؟!

>>أمزح والله خلاص لا تضرب

عريب عبدالله · #60 13/04/2009, 08:43 PM

بما أن موضوعك أصبح مجال للشتشته

وبما أنكم خربتوني

وبعد ماشفت سجلي النظيف وسجل وليدوه حفيدي قلت أجل الأنذارات ماتسوي شي هذا وليد عايش

وبما أنك ماترد على الموضوع مابتصير شتشته

بالنسبة للنصراويين حطموني نفسيا بالرسايل

والقهر الأكبر أني جيت من الدورة وعلى التلفزيون وأنا بس أشجع الهلال وكلهم يشجعون الإتحاد

وحده زوجها واعدها بألف لو فاز الإتحاد وأكيد تبي الفلوس هالمادية

والثانية نصراوية سابقة

والثالثة ماتحب الكورة وتشجع أي فريق يلعب ضد الهلال عشان أنقهر

والوالد شبابي وواقف مع بناته

وولد أختي أستادهم واعدهم يعطيهم حلاو ولا يعطيهم واجب لو فاز الإتحاد

وأنا بس أنا بس اللي كنت أشجع الهلال

وكلهم مبسوطين للأتحاد مالت على بليسهم

عاد ولا أحطها بنفسي وأروح اليوم لابسة الأزرق والأبيض ووأشوف وحده من طالباتي لابسة إتحادي
واهزأها وأطردها وأنقلها عني وأنادي الإدارية وأقول يأنا أطلع يا هي تطلع

مسكينه حسيت بالتأنيب لأني كنت دكتاتورية

صلة ماسبق بموضوع الكاتب الرئيسي

لماذا المعلمين يجبرون طلابهم على تشجيع فريقهم

أجل ولد أختي بعد ماوزع عليهم الأستاذ الحلاو سألهم من يشجع الهلال الحين

كلهم رفعوا يديهم

لو أنا منه لأجلدهم وأعطيهم جزا بدال الحلاو اللي وزعته

وأنا فعلا سويتها

أمحق مربين وأمحق معلمين اللي ميولنا الرياضي خلانا نظلم الآخرين

المهم هالنصراويين يبي لهم تأديب أول مرة يشمت فيني أحد بهالطريقة

المفروض عزيز يتوقف ويتأدب وش هالأخلاق السوقيه

وأكبر مقلب كاس الملك ومجموعتنا

أول مباراة كأنها مبارة كاس

إن شاء الله أملنا في الآسيوية بس