نادي الهلال السعودي - شبكة الزعيم - الموقع الرسمي

الصفحة رقم 4 من 6

عرض 60 مشاركات من هذا الموضوع في صفحة مستقلة

نادي الهلال السعودي - شبكة الزعيم - الموقع الرسمي (http://vb.alhilal.com/)

- منتدى المجلس العام (http://vb.alhilal.com/f1/)

- - أنا بتاع كلووووه (http://vb.alhilal.com/t750401.html)

ابو طـــــلال

12/04/2009 01:41 AM

إقتباس:

الرسالة الأصلية كتبت بواسطة صدى الامس (مشاركة 11698309)

ابو طلال مشكلتك مشكلة ..!!

على طاري الحيرة تصدق اني محتار فيك انت وعقليتك اللي مدري وش تبي اجل مصدق عمرك وصاجنا بكل رد اخوك الصغير واخوك الصغير نعنبوا ابليسك ما بقى عليك شي وتقوم الصكه ما شاء الله لا اله الا الله الله لا يضرك عشان ما تقول حسدتك .. وعقب كل هذا تقول اخوك الصغير شكلك فاهمها خطأ وانا اخوك ..!

وعلى طاري الاخطاء يا ان موضوعك مليان اخطاء املائية الى قبل ههههههههههههههههه تتعب وانت تعدها :D تمسك الاول ويجيك الثاني مدرعم هههههههههههه..!

وعلى طاري الثاني وش قولتك في اللي يشكل ثاني والورقة تكمله مشروع يفيده بالصكه خصوصاً ان شكله تقول ايراني خخخخخخخخ ..

وعلى طاري ايران وش صار عليها هي ومفاعلها النووي خصوصاً ان فيه منافسة بينها وبين امريكا بهالشي ؟؟؟

وعلى طاري المنافسة وش نوع اللي تتعاطه انت ومنافسك الصخره ههههههههه ياخي عطونا منه لو شوي الله لا يضركم نشاطكم زايد عن حده خخخخخخخخخخخخخخخخخخخخخخخخخ بس مشكلتكم فيكم غرور<< غصب يجيبها خخخخخخ

وعلى طاري الغرور وش رأيك باللي يواعد العالم ويسحب عليهم ماتشوف انه مغرور ؟؟ خصوصاً اناللي مواعدهم في قمة التواضع ؟؟

وعلى طاري التواضع ماتحس ان راعي المشاوي متواضع ؟؟ خصوصاً انه يقدر محمد البلوشي ؟؟

وعلى طاري البلوشي وش صار عليه عقب يا نار شبي و يا نار طفي ما تحس انه مفروض يشتغل بالدفاع المدني ؟؟ اللي ما اخذوا حقوقهم من ناحية تقدريهم بالمجتمع ؟؟

وعلى طاري الحقوق وش صار في حقوق الانسان ما تحس انها سمجت هالسالفة كل ما طقة حصاة عصى قالوا حقوق الانسان ؟؟ طيب ليش ما يقولون اعتبار الانسان انسان من الاساس لانهم يشوفونه حيوان الله يعزكم !!

وعلى طاري الاعتبار ما تشوف اني مصختها ؟؟

وش المطلوب من ردي ؟؟!! مدري ؟؟!

حبينا نسلم ونشوووتك :D على خير ..

يالله نشوفك يالمصري على خير << هماك تقول انا بتااع كلوووووه هههههههههههههههههههههههههه !!

ماراح أرد على إسائتك لأني تعلمت ماارد على اللى أكبر مني .. :naughty:

حسيبك للزمن يامصدّي من امس :bx: وعلى طاري الزمن ....... إنت وينك من زمان ماشفناك .. ؟؟!! معقولة ماإشتقت لي ؟؟ :razz: >>>> أخس يارامي عيّاش

وعلى طاري رامي عيّاش .. ترى ماجد مقبل ( ولاحرف ) :ap: مايعلمني إذا تقابلتوا ..>> أتسذب :yes:
ابو مقبل امس معشيه .. اتمنى ماينكر هالشي .. والغريبة مسوي رجيم والحساب فوق التسعين + 20 ريال مديونات قديمة + 7 ريال باقي من قطة الإستراحة = 117 ريال فقط لاغير ... بس مهيب مشكلة .. حصلت مقابل هالمبلغ على وسام وتثبيت موضوع .. وتغاضي عن إيقاف :d

حياك يابو الكبااااتن .. ودنا نشو فك .. دبرنا s13s

ابو طـــــلال

12/04/2009 01:56 AM

إقتباس:

الرسالة الأصلية كتبت بواسطة hilali-arsenali (مشاركة 11698372)

اقول
انا ما احب البربرة الفاضيه والي مال امها داعي
فصفص الموضوع من جديد
وحط كل شيء بلحاله
والا ماعد اقرا مواضيعك وانت الخسران >> مغرور :D
تقبل مروري :)

هلا بالذيب ... انا كاتب في نهاية الموضوع تميلح أقول فيه سامحوني على القصور وإعتبروني أخوكم الصغير :yes:
وماأتوقع أهون عليك يابعدي وماتقرالي مواضيع هذا اعتبره عقاب شديد ( من الدرجة الأولى ) .. السموحة يابو الكباتن :smilie47::smilie47:

ابو طـــــلال

12/04/2009 02:01 AM

إقتباس:

الرسالة الأصلية كتبت بواسطة M A D R I D (مشاركة 11698436)

أبو طلال

من ناحية الإستعمال

خذها مني .. انت تستعمل ههههههههههههه

بس وش تستعمل بالضبط .. هنا السؤال

عليك صنف أبن سته وستين

شف ربعنا تراهم عاطفيين بالحيل

سالفة ان نامي يفداه الهدف؟ .. لا والله الا معصي ومهنه

جاب بك العيد وتقول لي يفداه .. وش قدم لك عشان تقول يفداه

صدقني ربعنا لو مافازوا .. بترجع سواليف التكفيّر عادي ههههههههه بيخلونه شيعي وأصله ايراني

على طاري إيران

الإيرانين أجسام .. شعر .. ريحة مخيسه .. خذ رجال

تعصب ديني .. خذ رجال

اما تقول لي انهم كويسين بالكورة .. هنا أقول لك أسف

وعلى طاري الأسف

أسف يابوطلال لكن تراك لحست مخي بموضوعك

طواريك واجد

وكما قال الشاب اللطيف اللي فوق ردي " مهوب فوقي " .. أخوكم الصغير يابو طلال؟

ماتترقع يابعدي

بس مايمنع اني اشيد بالموضوع واقول انه جداً لطيف وظريف

وواضح ان ام العيال مهيب في البيت وطقتك الفضوة بقوة هههههههههههههه

عسى ربي يجمعك بعييلك واميمتك وأبيّك وجميع المسلمين في جنات النعيم

عوافي ياصاحبي

أستخدم نفس الصنف اللى تستخدمة .. إنت ردك موضوع وعلى طاري الموضوع ..

شرفت موضوعي وآ نست وحدتي >> وين أرملة ؟؟!:d

حياك وبيااااك ولاتحرمنا حضورك s13s

ابو طـــــلال

12/04/2009 02:06 AM

إقتباس:

الرسالة الأصلية كتبت بواسطة Mr.Marwan (مشاركة 11698559)

يا أبوطلال كيف الحال :d

على طاري موضوعك ذكرتني بقصة قاله الشيخ سلمان العودة حقت سفينة الصحراء :d

http://www.youtube.com/watch?v=R1NJUZ5u_QI

وعلى طاري سلمان العوده وش صار على المقابلة ياماجد مقبل ننتظر :smilie47::d

وعلى طاري ماجد مقبل وش يقرب لك هاني مقبل

وعلى طاري النصر :d فاز أبها عليه وصار الرائد في خطر :cry::d

تبي الصراحه يا أبوطلال أنت مكتبه لحاله ماشاء الله جمعت عدت مواضيع في موضوع

مثلاً

تحس إن الولد ذا مهب سهل أبد ملم بكل شيء :d

تحياتي يا أخي الصغير

هلا بمعاليق قلبي ... :smilie47:

اطمر كل ماقلته واوقف عند رائد التحدي ... كله من ( نصر ) قريح :razz:.. اول مره أتمناه يفوز بحياتي قدام أبها وكله علشان الرائد ...:smilie47:

بس لاتخاف على بنو رديق = الرائد ( على وزن بنو زعيق ):to:

وإذا ماهبط الرائد ترى نبي منك ( ذبيحة ) :naughty: قل تم :clapping:

أسعدني توجدك مروان .. ولاتحرمني شوفتك ياخلفهم s13s

ابو طـــــلال

12/04/2009 02:12 AM

إقتباس:

الرسالة الأصلية كتبت بواسطة ...][ هلالي الخبر ][... (مشاركة 11698646)

هلابك اخوي الصغير

على طاري اخوي الصغير اليوم طقيت خالد لئنه قل ادبه ورفع صوته علي:alzaeem:

المهم مافي محور في شسمه الا جبته كم انت بطل وكم انت تووحفه

تقبل مجاملتي الله يخليك لنا :d

وكل يوم تعال :d

كم أنا سعيد بتواجد كاتب عملاق كشخصك الكريم ... كم انا ممتن لك إيها البطل :naughty:

وراك طاقن أخييك ؟؟ لاتطقه مرة ثانية .. ترى بلبسك تهمة وأخليهم يصكونك إنذار .. الحين ماجد مقبل خاتم بإصبعي :bx:

تحياتي لك .. وخلنا نشوفك s13s

الكلاسيكي

12/04/2009 02:16 AM

أهلاً وسهلاً بالرجل الصغير !! ابو طلال ..

الرجل المغرور !! الرجل اللي بتاع كلوو ..

اعتقد انك تطرقت بهالموضوع لعدة نقاط مهمه جداً ..
ولكن مالفت نظري الا الغرور .. انتبه من الغرور لا يهوي بك :d

لا تسوي سواة العنبر , من سجل هدفه في كوريا وهو مغرور ..
ابو طلال .. شكراً لك ولطرحك اللطيف الخفيف .. الظريف ..

وتقبل احترامي و تقديري . .
دمت بخير

ابو طـــــلال

12/04/2009 02:20 AM

إقتباس:

الرسالة الأصلية كتبت بواسطة مَاهِينُورْ (مشاركة 11699147)

..

يصير أرد بالصفحة الأولى :clap:
على طاري كلمة يصير تذكرت شاعر المليون للأطفال:ga:
يوم قالت سارة اليتيم :smilie47:وهي مستحية : يصير أقول قصيدة لزياد بن حجاب s9s:d
http://www.youtube.com/watch?v=Or6R2sBX7Fk
وعلى طاري زياد أبارك لابو طلال فوز زياد بما إنه حمسنا لمشاهدته :d
~> لو ما شفت مدحك للحربي بداية البرنامج كان مادريت عنه :razz:
وعلى طاري البداية :tongue:
دخلت مدرعمه ولا سلمت :to:
السلام عليكم ورحمة الله :rose::d
وعلى طاري السلام :razz:
ليش ماتسمي وتسلم ببداية مواضيعك ! :d
وعلى طاري مواضيعك :ap:
ليش أنا متابعه لها لكن مااقدر أرد عَليَه ! :to:
وعلى طاري الرد :laugh:
مادري كيف أرد على ذا الموضوع :to:
ما شاء الله عن كل شي يتحدث :d
بصراحة قريته وعجزت أوقف , أقول كل شوي وش على طاريّه يبي يجيب :ap:
..

الله يعطيك العافية أبو طلال:rose:
على طاري طلال , طلال "الغدير الأزرق" ماله شوفه عسى المانع خير إن شاء الله ! :(
..
ع البركة تثبيت الموضوع s13s
~> دائماً أدخل المجلس وأقرأ بدايات المواضيع بس ويعدين أرجع :to:
لكن موضوعك قريته ولا وقفت الا وانا ضاغطة اضافة رد :ap:
على طاري اضافة رد باضغط على ارسال رد قبل ما ألقى الاعضاء مسيطرين على الصفحة الاولى :ap:
..

هلا ومسهلا بنور الشمس .. ليتك على نور الشمس أملح وأذرب .. وش مانينوورط ؟؟( معرفط خشتي ) تش :razz:

بالنسبة للسلام .. انا متعود بالتقارير وبالخطابات مااكتب البسلمة لأن الخطابات يرمونها بالزبالة خصوصاً الصور منها .. والسلام كثرته مهيب زينه ؟؟ كثر السلام يقل المعرفة .. هماااوو ؟

ويستاهل والله ابو طارق زياد بن نحيت .. وخلك متابعه المجلس هاليومين فيه مقابلة معه .. ( حصرية على موقع الزعيم )

وعلى طاري طلال ( الغدير الأزرق ) عزالله انك بنت حلال .. وإني أهوجس فيه قبل كم يوم .. واقول وين غطس هالآدمي .. والله له وحشة .. برسله إيميل وإن شاء الله المانع خير .. كان يرسلي إيميلات مثل وجهة وقطع ؟؟:confusedw:

والله يحييك ويبقيك أخييتي .. دائما مبدعه ودائما أبتسم مع ردودك وتعليقاتك .. حتى ( سبب التعديل : ) اقراه وأظحك :bx: عليك طلعات مهيب طبيعيه :bx:

ابو طـــــلال

12/04/2009 02:23 AM

إقتباس:

الرسالة الأصلية كتبت بواسطة DHOOOM (مشاركة 11699520)

أبو طلال أخوي الصغير بعمره الكبير بغلاه , , تحية معطرة بالكادي وبعد :

أنتظر منك رسالة ع الخاص تبين فيها الصنف اللي تستعمله , ترانا طلاب وورانا اختبارات تهلك

موضوووع كبير , وفعلا بتاع كلوووه

ماعندي صنف :to:.. لكن تبيني أدرسك من عيوني .. أحفظ وانا ( أسمع لك ) :ap:

موضوع من غير دحوم مثل الجوال من دون شريحة s13s

والله يوفقك في إمتحاناتك يابطل :rose:

ابو طـــــلال

12/04/2009 02:27 AM

إقتباس:

الرسالة الأصلية كتبت بواسطة رجل من عالم آخر (مشاركة 11699564)

يالله حي أخونا الصغير << تراهـ أصغر منك :d:laugh:
موضوع جميل .. و ماشاء الله عليك ما بقى شي مادخلته
بخصوص انحاء أوباما للملك عبدالله .. إعتقدت أنه يحب الإسلام :yes:
لإن الرجال أول مرة ينحني لواحد حتى إنه ما انحنى لوالدينه :bx:
ألف شكر على الموضوع اللطيف .. و الظريف.. :ga:

ياحيالله كحيلان الغالي ...:rose:

الأجمل حضورك ومرورك ياعسل ..

وإنحناء أوباما تعني الكثير بالنسبة لنا كمسلمين .. خصوصا بعد إعتراض الإعلام الأمريكي .. يعني إنه يفعل مايعتقده صحيح ولايعمل مايعتقده الإعلام صحيح !! ويكفي تصريحة بأنه ليس بحرب مع الإسلام .. والإستطلاع الأخير في أمريكا بان أكثر من خمسين بالميه يقولون بأن الإسلام دين سلام !! والنسبة الباقية آراءهم مختلفه

تحياتي لك s13s

ابو طـــــلال

12/04/2009 02:29 AM

إقتباس:

الرسالة الأصلية كتبت بواسطة الـصـخـرة (مشاركة 11699934)

:d

زاد اشوفه من ذاك اليوم وهو يصلّي شرق :d

والله العظيم عجزت ارد... انفقعت مرارتي من الضحك :d

على كثر مواضيعك بكل الأقسام وكل موضوع سبعين سطر ... والحين تبخل علي برد على موضوعي !! اخس يالقعيطي :bx:

مهوب منك والله .. من الغيرة .. انا موضوعي مثبت .. وانت بعد دقيقتين من كتابته يروح للصفحة الثانية :razz: نياهاهاهاهاهاها :naughty:

حياك صخرتي ياصخرتي .. :rose:[/CENTER]

ابو طـــــلال

12/04/2009 02:33 AM

إقتباس:

الرسالة الأصلية كتبت بواسطة marsal (مشاركة 11700128)

مبروك تثبيت الموضوع :d:d

اذكر كان لك رد يقول انك ما تحب ترد على المواضيع المثبته<<<< الان ما هو شعورك :naughty::naughty: تسمع بالنذاله:d

ياخي على طاري موضوعك ...

انا اذكر مره شفت فيلم امريكي ايام غصب 2 الله لا يذكرها بالخير ونشكر من شالها:d

كان في الفليم رجل امريكي كبير بالسن لكن رياضي ونشيط هذا الرجل كان حرامي كبير ودخل الى برج عالي حتى يسرق الملايين التي بالدور الاربعين..

طبعا انكشف بعد السرقه ودق جهاز الانذار وجات الشرطه والدفاع المدني والطيران وحوطوا المكان من كل جهه..

المهم هذا الامريكي كان بتاع كله و يعرف كل شي.. عرف كيف يفصل الكهرباء لاجل تنطفي الكامير ات وبعدها عرف كيف يتنصت على اجهزة الدوله وعرف تحركات رجال الامن..

واخرها طلع يعرف بالسباكه :d وقام بتفجير المواصير حتى امتلى المكان بالماء ومن ثم هرب مع فتحات الصرف الصحي حتى وصل الى مكان امن:to:

فائدة القصه:

هل يوجد بيننا بالحياه من هو بتاع كله ويعرف في كل شي ؟؟

وهل تصدق او تكذب المثل القال صاحب شغلتين كذاب؟؟

وفعلا .. مازلت اقول مااحب أرد على المواضيع المثبته .. :yes: بس عادي عندي الناس ترد علي موضوعي المثبت :naughty:
وهنا السؤال فعلا .. هل يوجد بيننا بالحياه من هو بتاع كلوووه ؟؟ ويعرف كل شي ؟؟ اقول فيه واحد .. لا إثنين .. امممممم ثلاثة اربعه !! واجد ..:yes:

شغلتين بسيطة خصوصا مع هالغلى الفاحش ومصاعب الحياة >> حذف عن الموضوع :razz:

تحياتي لك ياكابتن .. :rose:

ابو طـــــلال

12/04/2009 02:41 AM

إقتباس:

الرسالة الأصلية كتبت بواسطة abo_nasser (مشاركة 11700162)

هلا وغلا ابو طلوو..:smilie47:
هلا بالبتاع كل ابووه..:ap:
ع طاري بتاع كلووه..ما شاءالله عليك..مواضيعك كلها خفيفه وفي مختلف المجالات اجتماعيه رياضيه سياسيه..:bx:

دايما اقرا مواضيعك بس دايما اتكاسل في الردود..:no:
بس هالمره قررت احجز من دون ما اقرا الموضوع عشان انجبر ارجع..:to:
تتوقع يا بو طلال لو يوزرك يوزر بناتي ..راح اتكاسل في الرد عليك..؟؟:confusedw::d

ع طاري البنات...ليه دايم يقولون ما نضيف شباب بالمسن مع ان ما احد سئلهم او طلبهم..؟؟:confusedw:
ع طاري الاضافات..هل ترى اني اضفت للموضوع بهالرد اللي ما جا الا بالقوه..؟؟:bx:

ع طاري الردود ...اشوف فيه الاعضاء صارت ردودهم طويله طبعا
قائد هالحمله كونداليزا رايس المجلس:d..ولا تهون هلاليه عتيبيه او عتيبيه هلاليه..:to:
اشوف تميز هالشهر ما راح يطلع من احد هالثنتين..:alzaeem:

ع طاري الهلال..اذا لعب بنفس مستوى المباراه الماضيه فعلى الدوري السلاااام..:bx:

ع طاري السلااام

سلااااااااااااااااااااااااااااااااااااااااااااام:bx:

أبو ناصر ... هلا باللى له الخافق يهلي ...>> أعرف جوك :naughty:

لاتسألني عن إضافات وتصرفات الناس .. بالنسبة لي أنا اوكيه مااضيف شباب :razz:.. أضيف البنات بس :clapping:.. بعد مهوب كل البنات .. البنات الكاااش بس :naughty: بعد تثبيت موضوعي والوسام اتوقع طلبات التواقيع من المعجبات تبي تكثر .. صدقني ابو ناصر النجاح والشهرة نقمة علينا يالمشهورين :d ودي تجرب هالإحساس ولو اني مستبعدها إنت وهاللون اللى تكتب فيه :laugh:

أبو ناصر وافي مع كل اليوزرات وشاهدتي فيك مجروحة .. :smilie47:

شكرا لك ولحضورك ولاتحر مني شوفتك

سلااااااااااممم

ابو طـــــلال

12/04/2009 02:45 AM

إقتباس:

الرسالة الأصلية كتبت بواسطة عقد الياسمين (مشاركة 11700227)

يا سلام يا سلام ..

محاولة جيدة حتى تصبح "الرجل الذي يعرف كل شيء" :clapping: ..

بس وراك ما حطيت سالفة للحريم :d هذا اكبر دليل أنك نسيت شيء مهم في الحياة والوجود :to: ولا الظاهر في أحد مجننك :razz:

* *

اخوي ابو طلال .. ماشاءالله أبدعت s13s

شكراً لك

هلابك أختي عقد الياسمين ... s13s

يقولون عط الخبز خبازه ولو أكل نصة .. انا حدودي تقف عند الشنبات ... >> الله لايخلينا :smilie47:

الحريم مخلي الفرصه لكم .. انتم أبخص .. أهل مكة أدري بشعابها .. تارك لكم الفرصة للحش :naughty:

مااقدر اقول شي بالحريم .. على راسي من فوق الحرمة هي الام :smilie47: والأخت :rose: والزوجة :to:

شكرا لك ولحضورك

عريب عبدالله

12/04/2009 02:49 AM

إقتباس:

الرسالة الأصلية كتبت بواسطة ابو طـــــلال (مشاركة 11722715)

ما أدري ليه بعد ما شفت هالرد أبليس نط بمخي:naughty:

حسيت ودي أرسل نسخة لأم طلال:naughty:

عشان تنام بالصاله أو في السيارة الأولى إذا مرتك متفهمه الثانية إن كانت نص ونص:naughty:

أجل معجبات وتواقيع وكاش:to: هع هع هع <<ضحكة عربجي:bx:

أنا أتوقع حتى بياعة الحب بسوق الحمام ترفض تبيعك يالشايب:to:

قال أيش قال مغرور:d

بس فعلا ممكن تعرفني على أم طلال :d <<<يا حبي لها لها الجنه على صبرها عليك:ap:

أخترت هاللون لأنه يرمز للنذاله بعد مالوثة المشهور بها:d

بالحب والإشراق

وردة الهلال

12/04/2009 02:54 AM

شوهـد الموضوع:ap:<تسوي زي شبوط:rose:

لي بآك إن شآء الله. يبي له روقآآن رد كآمل زي رآئدة نستلمه.. :laugh::smilie47:

بس إيرآن.. تهآيط .. وبنت سته وستين كلب! مادري وش نهآية هالكلب:laugh:

كرمتوا.:rose:

الوقت المعتمد في المنتدى بتوقيت جرينتش +3.
الوقت الان » 08:44 AM.

الصفحة رقم 4 من 6

عرض 60 مشاركات من هذا الموضوع في صفحة مستقلة