أنا بتاع كلووووه - نادي الهلال السعودي - شبكة الزعيم

ابو طـــــلال · #1 10/04/2009, 03:47 AM

الرجل اللذي يعرف ( كل شي )

تترنح الأشجار .. وتتفتح الأزهار .. ويبقى الجار للجار . .. وتسمع زقزقة ( الأنهار )

.. وتغريد الحمار ( اعزكم الله )

ياويلي

!!! ياللعاااار ..! ماذا حصل .. وش صار ؟!!.. إني مندهش .. بل محتااار

( وعلى طاري الحيرة )
دفاع الهلال في مبارة الأهلي الأماراتي وراهم يتعازمون على تخليص الكورة !! المرشدي والهوساوي .. وخربها نامي بعد ذيك التوهيقة .. عاد يقولون إن الجمهور ردد ( يفداك الهدف يابو نامي ) وشكلهم رددوا بعد الهدفين وبعد نهاية المبار اة .. لكن والله لو خلصت المباراة على هدف ( نكبة نامي ) ان تشوفون غير اللى شفنا وقرينا .!! جمهورنا مسوي متفهم ويدعم اللاعب رغم أخطائه !!! وعلى طاري الأخطاء
الحين الخطاء وين يكمن ..!! والخلل من وين بالظبط بخصوص العطالة بين شباب وشابات السعودية ! المسؤولين يحلفون إن فرص العمل متاحة وكثيرة ... والعاطلين يقولون ... وين ؟!! هات .. عطنا !! من نصدق بس ؟؟ على قولة طلال مداح الله يرحمة ( فينا واحد بيلعب .. فينا واحد يعاند ) واعترف فينا واحد مايستاهل الثاني ؟؟ وعلى طاري الثاني
ثاني الخلفاء الراشدين هو الخليفة ( الفاروق ) عمر بن الخطاب رضى الله عنه اللذي كانت تخشاه الشياطين وفتح الله في عهده القدس وبقيادة عمر بن العا ص فتح الله مصر وكسر شوكة الفرس في أشهر المعارك الإسلامية وهي معركة ( القادسية ) والفرس هم الإيرانيين .. وعلى طاري الإيرانيين
في مباراة السعودية وإيران واللى فاز فيها منتخبنا بهدفين ولا أحلى .. بحضور جمهور غفير يتجاوز الـ 100 ألف إيراني وبحضور رئيس الدولة نجادي .. في تلك المباراة زعلنا على بعض تصرفات الجمهور بتعليق بعض الشعارات المذهبية !! وهي اللتي قد تساهم في الظغط على الفريق المنافس ..! وكلنا أجمعنا بأن هذا العمل غير رياضي .. وفي مباراة منتخبنا مع الإمارات في الرياض إشتغلت أغنية فوق هام السحب أثناء المباراة !! أليس لدينا شجاعة بأن نعترف بأن هذا العمل أيضاً غير رياضي وأسلوب ضغط على الفريق المنافس ؟! وعلى طاري المنافسة
بعد حصولي على وسام ( أفضل مقلداتي ) صابني غرور

.. والغرور لما يصبني مشلكة ... تغير فيني كل شي .. حتى سبل المعاملة

... الأولة حطيت نفسي فوق فوق .. والثانية سلبتهم كل الحقوق .. >> ياقدم هالأغنية حقت الر ويشد ... عموما قلت في نفسي قصيدة وهي ( أكبر فخر للناس إني من الناس .... واكبر فخر للأرض ممشاي فيها )

بعدها لقيت عضو يحتك في موهبتي

... بس فرق الثرى عن الثريا ياالصخرة ... شفت القمر ؟؟؟ تشوف القمر .. ماأشبة هو يشبهلي >>> والله مغرور .. على طاري الغرور
الغرور مقبرة النجوم أمثالي

..شفتوا إنحناء رئيس أقوى دولة بالعالم أوباما للملك عبد الله وكيف أظهر إحترامه وتقديرة لشخصية الملك عبد الله .. حتى أن الإعلام الأمريكي زعل .. وقال ( هذي بحق ياأوباما ) .. قالهم ( إقطعو واخسوا بس ) الرجال ماشفت منه إلا كل خير .... وانا لست بحرب مع الإسلام !! ياعيني ياأوباما يامتواضع .. على طاري التواضع
شفتوا البروفيسور الفرنسي اللى أسلم قبل كم يوم وإستقبلة الملك عبد الله !؟ لو أقولكم شي ماتصدقون !! انا الشخص اللى كان وراء إعتناقه الإسلام >>> قوية صح ؟

مره كان فيه عامل ( بوذي ) يشيل عني الأغراض ويدخلها معي الله يسلمة وكنت اعطية المقسوم .. برمضان اللى راح شال معي أغراضي ويوم وصلها قلت له أبمرك بعد نروح لمركز توعية الجاليات بالربوة .. تشوف وتسمع عن الإسلام .. ( إسلام كويس . )

( إسلام كدا .. ميه ميه ) المهم تعرفط وجة الرجال وكنه زعل

!! وراح .. قلت تعال خذ المقسوم .. قال مافيه مشكلة مايبغى فلوس !! قلت بيني وبين نفسي .. ليتني داعيك من زمان للإسلام دام الشيل صار ( بلّوشي ) ... على طاري البلوشي ...
البلوشي او البلوش هم قبيلة متفرقة بين الخليج العربي ويحملون جنسيات تلك الدول وفي إيران .. وهم على مذهب اهل السنه ( الأغلب ) وفي إيران يجد هؤلاء الأخوة الأظطهاد بكل أنواعة .. لاأعلم متى يتحدث الناس عن تلك الأكثرية أو كما يقال عنهم في إيران أقلية وهم محرومون حتى من حق الأمان والعدل والمساواة .. رغم كثرة مصايبهم ومشاكلهم .. إلا أن الحديث عن الأقلية الشيعيه في السعودية واللى ماخذه حقها ( كامل مكمل ) أكثر من التحدث عن السنه في إيران !!؟ من المستفيد والمسؤول عن تسليط الأضواء عن الأقلية الشيعيه في السعودية دائما وإظهارها على أنها مجموعة مظطهدة ومغلوب عل ى امرها .. وبين تغييب قضية إبادة المذهب السني في إيران وحرمانه من أبسط حقوقة !!على طاري الحقوق
أكثر شعوب المنطقة العربية لديها حقوق .... وواجبات ... الواجبات فخذ ولد ... اما حقوقك واللى لك ماتدري عنها !! هذي حقيقة المواطن ا لعربي .. المدير يطالب الموظفين بمعرفة واجباتهم ... لكن لايوجد مدير يبلغ الموظفين عن حقوقهم !! الموظف الجديد أول مايباشر يسأل وش أسوي ؟؟ وعن عملة ومتى يجي ويروح !! بس مايسال عن حقوقة .. وعيب يطالب .. واللى يطالب يصير وسيع وجه !! التعرض لمشاكل في العمل قد تجعل
الموظف في دوامة وتفكير .. وهو له حق الشكوى .. والإستفسار .. وحتى المطالبة برد الإعتبار ؟! على طاري الإعتبار
إعتبروني أخوكم الصغير وتجاوزا الأخطاء وسامحوني عن التقصير

.. وباقي ماحللت بالكورة والأسهم ولاتكلمت بالسياسه .. وباقي لي كم نقد عن كم عمل تلفزيوني على كم قصيدة مافصفصت أمن جابتها أبخليهن بالحلقة القادمة

بعد البربرة خلوني أطلع بشي مفيد .. أبحط أحلى وجية بين الفيسات .. وأحس إنها قريبة على قلبي

شكرا بحجم الدنيـــــــــا

أخوكم الصغير ابو طلال

القيصر رهيب · #2 10/04/2009, 04:01 AM

وعلى طاري الفيسات شكلك مجمعهن تحت وتبينا نرتبها بالموضوع فوق

الصراحه فعلا ولي أمرنا معطي الشيعه فوق حقهم ورغم ذلكـ نراهم يتمردون من خلال المقاطع
والايميلات و ينشرون التهديدات ما دروا إن حنا أحفاد الصحابه حتى بالكوره ما قدروا يفوزون علينا

لا إيران فازت على السعودية ولا الخليج فاز على الهلال

قد صار لي موقف مع أحد الشيعة
كنا مجموعة من السنة نسولف مع هالشيعي قبل يوم عاشوراء
عن عاشوراء وش يسون فيه وليش ووضح لنا إنهم مراجع مو كل مرجع بيخبط زي في التلفزون
المهم واحد من الشباب حب يحرجه فقال له بنبرهـ ساخره طيب أيام الرسول صلى الله عليه وسلم وش كنتوا تسوون

والشيعي الصراحه ذهين و غير متعصب دينيا - داشر- رد على خوينا أنا ماجيت أتناقش وياكـ أنت سألتني وأنا جاوبت
لكن تبغى تدخل في مشاكل ونزاعات دينيه أنا من الحين أقول لك صك الموضوع

وبس

تميــــ100ــه · #3 10/04/2009, 04:04 AM

يعطيك العافيه ابو طلال على الموضوع المشقلب الي مافهمت منه شى

مدري من موضوعك ولا من راسي هو المقلوب

لي عوده

صدى الامس · #4 10/04/2009, 04:10 AM

ابو طلال مشكلتك مشكلة ..!!

على طاري الحيرة تصدق اني محتار فيك انت وعقليتك اللي مدري وش تبي اجل مصدق عمرك وصاجنا بكل رد اخوك الصغير واخوك الصغير نعنبوا ابليسك ما بقى عليك شي وتقوم الصكه ما شاء الله لا اله الا الله الله لا يضرك عشان ما تقول حسدتك .. وعقب كل هذا تقول اخوك الصغير شكلك فاهمها خطأ وانا اخوك ..!

وعلى طاري الاخطاء يا ان موضوعك مليان اخطاء املائية الى قبل ههههههههههههههههه تتعب وانت تعدها

تمسك الاول ويجيك الثاني مدرعم هههههههههههه..!

وعلى طاري الثاني وش قولتك في اللي يشكل ثاني والورقة تكمله مشروع يفيده بالصكه خصوصاً ان شكله تقول ايراني خخخخخخخخ ..

وعلى طاري ايران وش صار عليها هي ومفاعلها النووي خصوصاً ان فيه منافسة بينها وبين امريكا بهالشي ؟؟؟

وعلى طاري المنافسة وش نوع اللي تتعاطه انت ومنافسك الصخره ههههههههه ياخي عطونا منه لو شوي الله لا يضركم نشاطكم زايد عن حده خخخخخخخخخخخخخخخخخخخخخخخخخ بس مشكلتكم فيكم غرور<< غصب يجيبها خخخخخخ

وعلى طاري الغرور وش رأيك باللي يواعد العالم ويسحب عليهم ماتشوف انه مغرور ؟؟ خصوصاً اناللي مواعدهم في قمة التواضع ؟؟

وعلى طاري التواضع ماتحس ان راعي المشاوي متواضع ؟؟ خصوصاً انه يقدر محمد البلوشي ؟؟

وعلى طاري البلوشي وش صار عليه عقب يا نار شبي و يا نار طفي ما تحس انه مفروض يشتغل بالدفاع المدني ؟؟ اللي ما اخذوا حقوقهم من ناحية تقدريهم بالمجتمع ؟؟

وعلى طاري الحقوق وش صار في حقوق الانسان ما تحس انها سمجت هالسالفة كل ما طقة حصاة عصى قالوا حقوق الانسان ؟؟ طيب ليش ما يقولون اعتبار الانسان انسان من الاساس لانهم يشوفونه حيوان الله يعزكم !!

وعلى طاري الاعتبار ما تشوف اني مصختها ؟؟

وش المطلوب من ردي ؟؟!! مدري ؟؟!

حبينا نسلم ونشوووتك

على خير ..

يالله نشوفك يالمصري على خير << هماك تقول انا بتااع كلوووووه هههههههههههههههههههههههههه !!

hilali-arsenali · #5 10/04/2009, 04:20 AM

اقول
انا ما احب البربرة الفاضيه والي مال امها داعي
فصفص الموضوع من جديد
وحط كل شيء بلحاله
والا ماعد اقرا مواضيعك وانت الخسران >> مغرور

تقبل مروري

M A D R I D · #6 10/04/2009, 04:28 AM

أبو طلال

من ناحية الإستعمال

خذها مني .. انت تستعمل ههههههههههههه

بس وش تستعمل بالضبط .. هنا السؤال

عليك صنف أبن سته وستين

شف ربعنا تراهم عاطفيين بالحيل

سالفة ان نامي يفداه الهدف؟ .. لا والله الا معصي ومهنه

جاب بك العيد وتقول لي يفداه .. وش قدم لك عشان تقول يفداه

صدقني ربعنا لو مافازوا .. بترجع سواليف التكفيّر عادي ههههههههه بيخلونه شيعي وأصله ايراني

على طاري إيران

الإيرانين أجسام .. شعر .. ريحة مخيسه .. خذ رجال

تعصب ديني .. خذ رجال

اما تقول لي انهم كويسين بالكورة .. هنا أقول لك أسف

وعلى طاري الأسف

أسف يابوطلال لكن تراك لحست مخي بموضوعك

طواريك واجد

وكما قال الشاب اللطيف اللي فوق ردي " مهوب فوقي " .. أخوكم الصغير يابو طلال؟

ماتترقع يابعدي

بس مايمنع اني اشيد بالموضوع واقول انه جداً لطيف وظريف

وواضح ان ام العيال مهيب في البيت وطقتك الفضوة بقوة هههههههههههههه

عسى ربي يجمعك بعييلك واميمتك وأبيّك وجميع المسلمين في جنات النعيم

عوافي ياصاحبي

MaRoUaNe · #7 10/04/2009, 04:46 AM

يا أبوطلال كيف الحال

على طاري موضوعك ذكرتني بقصة قاله الشيخ سلمان العودة حقت سفينة الصحراء

http://www.youtube.com/watch?v=R1NJUZ5u_QI

وعلى طاري سلمان العوده وش صار على المقابلة ياماجد مقبل ننتظر

وعلى طاري ماجد مقبل وش يقرب لك هاني مقبل

وعلى طاري النصر

فاز أبها عليه وصار الرائد في خطر

تبي الصراحه يا أبوطلال أنت مكتبه لحاله ماشاء الله جمعت عدت مواضيع في موضوع

مثلاً

إقتباس


	( وعلى طاري الحيرة ) (وعلى طاري الأخطاء ) وعلى طاري المنافسة على طاري الغرور على طاري التواضع على طاري الحقوق

تحس إن الولد ذا مهب سهل أبد ملم بكل شيء

تحياتي يا أخي الصغير

...][ هلالي الخبر ][... · #8 10/04/2009, 05:03 AM

هلابك اخوي الصغير

على طاري اخوي الصغير اليوم طقيت خالد لئنه قل ادبه ورفع صوته علي

المهم مافي محور في شسمه الا جبته كم انت بطل وكم انت تووحفه

تقبل مجاملتي الله يخليك لنا

وكل يوم تعال

مَاهِينُورْ · #9 10/04/2009, 06:55 AM

..

يصير أرد بالصفحة الأولى

على طاري كلمة يصير تذكرت شاعر المليون للأطفال

يوم قالت سارة اليتيم

وهي مستحية : يصير أقول قصيدة لزياد بن حجاب

http://www.youtube.com/watch?v=Or6R2sBX7Fk
وعلى طاري زياد أبارك لابو طلال فوز زياد بما إنه حمسنا لمشاهدته

~> لو ما شفت مدحك للحربي بداية البرنامج كان مادريت عنه

وعلى طاري البداية

دخلت مدرعمه ولا سلمت

السلام عليكم ورحمة الله

وعلى طاري السلام

ليش ماتسمي وتسلم ببداية مواضيعك !

وعلى طاري مواضيعك

ليش أنا متابعه لها لكن مااقدر أرد عَليَه !

وعلى طاري الرد

مادري كيف أرد على ذا الموضوع

ما شاء الله عن كل شي يتحدث

بصراحة قريته وعجزت أوقف , أقول كل شوي وش على طاريّه يبي يجيب

..

الله يعطيك العافية أبو طلال

على طاري طلال , طلال "الغدير الأزرق" ماله شوفه عسى المانع خير إن شاء الله !

..
ع البركة تثبيت الموضوع

~> دائماً أدخل المجلس وأقرأ بدايات المواضيع بس ويعدين أرجع

لكن موضوعك قريته ولا وقفت الا وانا ضاغطة اضافة رد

على طاري اضافة رد باضغط على ارسال رد قبل ما ألقى الاعضاء مسيطرين على الصفحة الاولى

..

DHOOOM · #10 10/04/2009, 09:14 AM

أبو طلال أخوي الصغير بعمره الكبير بغلاه , , تحية معطرة بالكادي وبعد :

أنتظر منك رسالة ع الخاص تبين فيها الصنف اللي تستعمله , ترانا طلاب وورانا اختبارات تهلك

موضوووع كبير , وفعلا بتاع كلوووه

رجل من عالم آخر · #11 10/04/2009, 09:29 AM

يالله حي أخونا الصغير << تراهـ أصغر منك

موضوع جميل .. و ماشاء الله عليك ما بقى شي مادخلته
بخصوص انحاء أوباما للملك عبدالله .. إعتقدت أنه يحب الإسلام

لإن الرجال أول مرة ينحني لواحد حتى إنه ما انحنى لوالدينه

ألف شكر على الموضوع اللطيف .. و الظريف..

Fahad Al Sudais · #12 10/04/2009, 11:11 AM

إقتباس

الرسالة الأصلية كتبت بواسطة ابو طـــــلال


	على طاري التواضع شفتوا البروفيسور الفرنسي اللى أسلم قبل كم يوم وإستقبلة الملك عبد الله !؟ لو أقولكم شي ماتصدقون !! انا الشخص اللى كان وراء إعتناقه الإسلام >>> قوية صح ؟

زاد اشوفه من ذاك اليوم وهو يصلّي شرق

والله العظيم عجزت ارد... انفقعت مرارتي من الضحك

marsal · #13 10/04/2009, 11:53 AM

مبروك تثبيت الموضوع

اذكر كان لك رد يقول انك ما تحب ترد على المواضيع المثبته<<<< الان ما هو شعورك

تسمع بالنذاله

ياخي على طاري موضوعك ...

انا اذكر مره شفت فيلم امريكي ايام غصب 2 الله لا يذكرها بالخير ونشكر من شالها

كان في الفليم رجل امريكي كبير بالسن لكن رياضي ونشيط هذا الرجل كان حرامي كبير ودخل الى برج عالي حتى يسرق الملايين التي بالدور الاربعين..

طبعا انكشف بعد السرقه ودق جهاز الانذار وجات الشرطه والدفاع المدني والطيران وحوطوا المكان من كل جهه..

المهم هذا الامريكي كان بتاع كله و يعرف كل شي.. عرف كيف يفصل الكهرباء لاجل تنطفي الكامير ات وبعدها عرف كيف يتنصت على اجهزة الدوله وعرف تحركات رجال الامن..

واخرها طلع يعرف بالسباكه

وقام بتفجير المواصير حتى امتلى المكان بالماء ومن ثم هرب مع فتحات الصرف الصحي حتى وصل الى مكان امن

فائدة القصه:

هل يوجد بيننا بالحياه من هو بتاع كله ويعرف في كل شي ؟؟

وهل تصدق او تكذب المثل القال صاحب شغلتين كذاب؟؟