شباب نبغى من اي واحد فيكم مر عليه موقف طريف مع احدى افراد الجنس اللطيف ان يتفضل ويضعه هنا!!!
ملاحظه: ممنوع ادخال الأرانب الى هنا
اما انا فاطرف موقف مر بي كان عام 1991 وكنت في اولى ثانوي ولسا متعلم السواقه وفي ذاك اليوم الأغبر وديت اهلي لزيارة عائلة خليجيه تربطنا بهم علاقة جوار سابقه! وقالوا لي تعال بعد المغرب!! المهم جا المغرب ورحت ابي اجيبهم وأطق الجرس ويوم فتح الباب ورا ذيك البنت اللي كبري يعني تجي ام 16 سنهاللي لابسة فستان ابيض ما انساه طول عمري!! ويوم استحي وتحمر خدودي يوم قالت ادخل سلم على الوالدة!! (اول مره اشوف بنت ماتتغطى) واقولها لا انا مستعجل نادي اهلي! وراحت ورجت وقالت بيطولون لين العشاء ادخل الوالدة تبيك!! وانا اتعذر واقولها خلاص ابي ارجع العشاء !! واروح وانا مادري راسي من رجلي واركب السياره وامشي شوي ولا ذاك الصوت!!طع!! والتفت وراي ولا ذاك القطو المسكين اللي يتلوى على الرصيف مادريت اني صدمته!! واخذ يو تيرن وارجع والقاه مات المسكين!! كله بسبب هالبنت الله يسامحها!!