| إقتباس | | | | |
الرسالة الأصلية كتبت بواسطة FLORINTINO | | | | | | | | هلا نـاصر أول شي يعطيك العافية على التقرير السلس والجميل مرة مرة كييوت ثاني شي عندي سؤال عن الملعب ! الحين عمليات الهدم في الديلي آلبي ! طيب الديلي آلبي موب ملعب لـ الحكومة وموب خاص في نادي يوفنتوس لحـاله ولا كيف ؟ اذا كان الجواب أيه .. كم القيمة المدفوعه لـ شراء الملعب من قِبل إدارة نادي اليوفي وهل فيه روعـآه لـ الملعب من الآن ؟ بثرتك بـ الأسئله ان شاء الله ما اكون ثقلت عليك | | | | | |
هلا عبودي
شوف هذا رابط موضوع شامل لكل شي
||.. رسميا : اعتماد خطة استاد جوفنتوس الجديد + تصاريح +الصور الافتراضية له ..||
بس علشان اختصر عليك
الديلي البي مملوك لليوفي واشترته ادارة اليوفي القديمة من الحكومة ولا اذكر كم القيمة
المهم انه تبع اليوفي رسمي , ولا فيه نادي ايطالي يملك ملعب خاص فيه الا اليوفي
واللي يسوونه الحين هو هدم الملعب القديم وبيبنون ان شاء الله الملعب الجديد على الطريقة الانجليزية والحوش اول بيخلونه اسواق وفلة حجاج وبيكون شغال طول الاسبوع
القيمة 105 مليون يورو وفيه شركة سبورت فايف تكفلت بجزء كبير من الملبلغ ويسدده النادي لمدة 12 سنة, يعني النادي يدفع كل سنة لهم شي ما يسوى وفوائد طويلة الاجل
لان النادي ما يبغى يصير له مثل اللي صار لللازيو والا ليدز يونايتد ... الخ
حتى قبل اسبوعين راح وفد من النادي لمعهد القروض في تورينو واخذو منهم سلف
طبعا اوضاع النادي الاقتصادية لا خوف عليها نهائيا من جماهير اليوفي لان هالداهية موجود /
جان كلود بلانك , فرنسي الجنسية ومولود في مدينة فرنسية تعتبر توأم لمدينة تورينو الايطاليه
وعنده دكتوراه مدري ماجستير بالاقتصاد
وهو الوحيد اللي تثق فيه الجماهير بالادارة الحالية
رغم انه مسؤول رئيسي عن اقتصاد النادي الا ان له دور في الصفقات وحسمها
يعني ماسك الاقتصاد والتعاقدات ما بقى الا يكنس النادي ويطبخ للاعبين
والموعد المقترح لافتتاح الملعب الجديد راح يكون في صيف 2011 ان شاء الله
لكن فيه اخبار انه ممكن يخلص في يناير 2011 يعني بدري شوي
كل هالامور الله اعلم فيها لكن اللي نشوفه ان النادي ماشي تمام من ناحية الملعب واحسن من غيره مثل ليفربول او فالنسيا اللي وقفو مشاريعهم
قبل لا اختم ردي المارثاوني , بلانك خوينا ذا كل اسبوع ينزل خبر بالموقع الرسمي انه وقع اتفاقية مع شركة , كل يوم شركة , مره شركة حديد روسيه
ومره شركة يخوت استرالية هي الناقل المائي الحصري
واخر شركة وقع معها مدري وش اسمها بس صارت مسؤولة عن الموقع الرسمي واي خبر تشوفه في الرسمي تلقاهم خاتمين الخبر برابط موقعهم
يعني اقتصاديا لا خوف على النادي بس الاهم القيمة الفنية المفقوده
وبانتظار الديلي البي
ان شاء الله اكون افتدك
وشف بلانك المسكين وشلون يكد في النادي ما بقى الا يعالج اللاعبين
وشف ريسنا وريسنا السابق وش هم لاهين به الله يخلف