السلام عليكم ورحمة الله وبركاته..... أما بعد:

الحمد الله على كل شي والحمد الله على المستوى الرهيب اللي ظهر به الهلال
بصراحة الهلال سوا كل شي لكن للأسف الحظ وقف ضدنا ومع إن الهجوم ما كان بالمستوى المطلوب بس في انهاية الهلال أمس بصراحة تكتكه في اللعب وباصات وتمريرات ومهارات وتسحيبات وبصراحة قطعناهم وعلمناهم كيف تكون الكرة السعودية وكيف مهارتها لكن رب العالمين أرادها للكوريين ولا إعتراض للقدر أبدا وأنا ضد أي شخص يقول إن الهلال ما قدم مستوى خرافي وبصراحة الهلال يطمن وضعه ولا أحلى من كذاما شاء الله الشلهوب والتمياط والنزهان والصويلح وخالد عزيز والمطرف والكاتو والثنيان والعتيبي وبندر بصراحة كلهم نجوم وما قصروا ، التوفيق بيد رب العالمين وأكيد إن الكوريين ما صدقوا إنهم فازوا بعد كل الضغط واللعب الخرافي والله ما شافوا مرمانا إلا مرة وحدة وأمس العتيبي متكي يشرب شيشة الرجال مرتاح على الآخر الوسط والدفاع قايمين بواجباتهم على أكمل وجه والحمد الله الهلال يطمن ....

وانا أبارك وأشكر اللاعبين والمدرب على المستوى المرموق والرائع اللي ظهروا فيه لكن العتب على الأدراة اللي ماجلبت لاعبين أو على الأقل لاعب مهاجم أجنبي ومع إن الهلال أمس يحتاج مهاجم متمكن بشكل كبير ولو كان الهلال يملك المهاجم القناص والله لفزنا أمس بأربعة أهداف على الأقل.

وفي النهاية الحمد الله على كل شي وماقصروا اللاعبين....

الحمد لله و القادم احلى بإذن الله