عساك بخير..كثر مايحمل احساسك - صفحة رقم 2 - نادي الهلال السعودي - شبكة الزعيم

أحلـى هلاليه · #16 12/04/2009, 03:53 PM

إقتباس

الرسالة الأصلية كتبت بواسطة عقد الياسمين


	يالله حي , احلى الهلاليات .. بالنسبة للهجات , فأنا مثل الأخوان اللي قبلي ما اعرف اتكلم غير لهجتي " يا لبى قلبها" , اما عن لهجتي .. فأنا من منطقة ما في المملكة العربية السعودية واعيش في الرياض لكن ما قد نطقت كلمة من لهجتي الأصلية لأن اهل البيت انفسهم ما يحكون فيها ! و الناس طول عمرهم يحسبوني نجدية اخوي القيصر .. اخيراً قلت شيء صح <<< امزح تراك كبرت بعيني من يوم ما قريت موضوعك الأخير لا من جد أعرف بنات كثير امهاتهم اجنبيات ولا يتكلمون سعودي ! الي تتكلم لبناني والي سوري ! واللي كلامها مرقع وهذا اشين شيء ما شفت الا بنت وحدة بس اللي تتكلم نجدي بس شكيت ان فيها عرق اجنبي من شكلها بعدين اكتشفت ان امها سورية ويوم شفت امها الا هي تتكلم نجدي احسن مني * * بالنسبة للدراسة , اولاً واخيراً استخيري .. وبعدين الترم الصيفي مارح يأخذ منك اكثر من شهر ونص بالكثير شهرين وعلى أساس كذا رتبوا ونظموا الرحلة حقتكم , منها أنك درستي ومنها أنك سافرتي لكن لا تحطين نفسك بين خيارين وكل واحد احسن من الثاني . بالتوفيق خيتو

الله يحيك ويبقيك يالغلا..
من كثر ماختلطي فيهم واهلك بعد يتكلمون مثل كلام اهل الرياض

امين الله يوفق الجميع
لبى طلتك والله

مَاهِينُورْ · #17 13/04/2009, 11:34 AM

..

وعليكم السلام ورحمة الله وبركاته
..
هلآ وغلا بأحلا حساوية

تعجبني لهجتكم ما شاء الله

أحسها قريبه للهجتنا القصيمية تضمّون الكلمة مثلنا

عاد مادري وش يجمعنا معكم ؟ممكن يجمعنا زراعة النخيل

توي متعرفة على لهجتكم في قناة أظن اسمها المجتمع

فيها برنامج مساباقات يصورونه بأحد مجمعات الأحساء
تعجبني اللهجة بالحيييييل خاصة اذا قال المذيع " الله ربي يخليك "

..
بالنسبة للتأثر باللهجات
أنا ممكن أتأثر لكن مستحيل أتكلم مع احد بغير لهجتي

لكن إذا رحنا أوجو لمنا أقاربنا اللي بالمناطق الثانية تعالي شوفي التحريف واللخبطة باللهجة عند عيالنا

مواقفهم كثيرة بس ما أتذكر الكلمات بالضبط

~> واحد طلب منتس تجبينهن

..
بالنسبة للدارسة
أفادوك اللي قبلي ما شاء الله

ماتدرين وين الخيرة فيه مالك الا الاستخارة

الله يعطيك العافية يالغلا

موضوع خفيف وجميل

الله يحفظ اخوك ويرده سالم يا رب ..
~> أتابع تواقيعك عنه دائماً تحززن

الله يفرحكم برجوعه رافع رؤوسكم باذن الله ..
..

أحلـى هلاليه · #18 13/04/2009, 11:59 PM

إقتباس

الرسالة الأصلية كتبت بواسطة بريماكس


	هلا والله اختي احلا واشكل واطلق هلاليه من ناحية التأثير باللهجه الاخرى فمستحل اتأثر انا لو اعيش بالصين كككككككك لهجتي اللي مستحيل تتغير وحتى لمني كلمت احد قال قصيمي قلت اي قصيمي اويلااه وراك تسال يالبا لهجتنا قسمن انه خق !! والله من رأأي لا تاخذين ترم صيفي سافري واستانس ==> نصووح ترى لا من جد مثل ماقال الزلابه علولي الله اكبر يالوظيفه اللي تنتظرك تتخرجين يعني بردي ولا تستعجلين وانبسطي واستانسي وسافري ونامي وسوي كلش ..!! بس نرجع لكلامك ياعلي تحطم من جد ياخي حرام عليك بدل ماتشجعه تحطم ضيقت صدري وانا مالي دخل بالمووضوع بس احس الكون ضااااااق فيني من جراء العباره التحطيميه .!! المهم يالهلاليه الحساويه موضوع بسيط وحلو واتمنى انك ماتقطعين عنا والله يعطيك العافيه ايه نسيت .. الله يرجع اخوكم بالسلامه بس من وين هو يبي يرجع => شرافه ويالله بس احس طولت معك وعطيتكم وقت اكثر من اللازم والسلام عليكم ورحمة الله وبركاته ،، انتهى .

هلا بك والله
يسلمو يسلمو كذا اشوف نفسي ترى

لا عاد بصين بتتكلمانجليزي ولا صيني كي شو كي يعني مثل كذا
ويه انا مثلك مااقدر اغير كلامي
شكلها كذا بروح اسوع صدري

شفت شلون حطمني
مايقول ادرسي يمكن تلقين وظيفه
قول امين ياالقيصر ان شاء الله اتخرج واتوظف وتكون موجود هون بالمجلس عشان اقولك
اما الهلاليه الحساويه اعجبتني

الله يعافيك ويسلمك
اخوي رايح امريكا

وهـ ياقلبي وهـ
اي وقتك ثمين
حياك الله

أحلـى هلاليه · #19 14/04/2009, 12:04 AM

إقتباس

الرسالة الأصلية كتبت بواسطة fff


	نصيحة الدراسة ملحوق عليها بس الوناسة ما تتعوض .. اما سالفة اللهجات ذكرتيني بطالب انتقل لفصلنا بصف رابع ابتدائي .. طبعا اسمه سعودي وشكله سعودي .. بس يوم تكلم كانت لهجته مصرية بحته .. يقول لانه مولود بمصر ودارس بمصر الى رابع ابتدائي وجا يكمل دراسته بالسعودية .. قسم ان شكلة مو لايق على اللهجة نهائيا .. كان هو سالفتنا هذيك السنة .. برايفت لبريماكس او من ينوب عنه .. وش معنى ( اولااااو ) .. على كثر ما اسمعها ما اعرف معناها .. يعطيك الف عافية احلا هلالية ,,

هي ماتتعوض ماتتعوض بس محتاره وانا اختك
ياعيني هذا اكره شي تشوفه سعودي واذا تكلم لاتسمع له
اكيد مايليق
مسكين صار ضحيه لكم
حياك

" أَبُو لارا " · #20 16/04/2009, 08:00 PM

أنا ما عرف اللهجات أنا أتكلم لغة عربية فصحى

>> والله من الكذب

ترى على أطول أتأثر بأي لهجة حتى ولو كانت سودانية أتأثر

تحيتي لكِ يا أختي أحلآ هلآلية

كلنا هلاليين · #21 16/04/2009, 08:54 PM

انا عني مهتم بلهجات المملكة وفنان تقليد

ونا بنسبة لي من السهل اني القط اللهجة واجيدها بسهولة ...

شكريا ..