الهلال + ماتورانا = حواري - نادي الهلال السعودي - شبكة الزعيم

ثنيان التمياط · #1 20/07/2002, 02:09 AM

وجهة نظر

شباب وش فيه الهلال اليوم كنه لاعبين حواري مهارات وفن وابداع بس
مافيه اي تكتيك ولاتنويع بالهجمات اللاعبين كلهم في دائرة الوسط
والاطراف ماشوف الا حكام الخط يعني اليوم اقولها بكل حرقة قلب
ضحكوا الكوريين علينا عطونا الملعب كله واخذوا النتيجه والكاس
وطاروا مثل ماطار الكاس وتركوا لنا اطلاله
الله يسامحهم الله يسامحهم

كلمة حق
ماقصرت والله يالشلهوب ماقصرت اخيرا رجعت الى مستواك

وجهة نظر
ماتورانا هو اللي ضيع البطوله

تقبلوا تحياتي

الصقــ^الأزرق^ـــر · #2 20/07/2002, 02:16 AM

ثنيان التمياط

فعلا ضحكوا علينا وطاروا بالكاس ...
لكن ماأظن ان كل اللاعبين كانوا يلعبون لعب حواري ..
بلعكس قدموا اللي عليهم .. و خاصة كان نجم هالمباراه نواف التمياط اللي قدم كل شي مثل ماتعودنا منه .. يعطيه ألف خير و الله ماقصر ..

و أعتقد انه ماهوب موتارانا اللي ضيع السوبر مننا ..
أعتقد ان الكاتو هو اللي ضيع مننا السوبر .. ووقع تذكرة سفر الكاس مع الكوريين ...

و يعطيك ألف عافيه

md2002 · #3 20/07/2002, 03:26 AM

يا اخواني الهلال ما قصر بس الحظ ما كان معه زي ما شفتو القايم والعارضه ما عندها وطنيه ..وكمان ماتورانا ما قصر بعد ( رغم بعض الاخطاء مثل تغيير النزهان ) واذا جلسنا كلما خسر الهلال بطوله نصيح و ننيح ونح اللوم على المدرب ونلغي عقده كمان ما حتطور الرياضه عندنا ابد!!!!!!!

الزعيم الأبن · #4 20/07/2002, 06:41 AM

الحظ عاند الهلال و اللاعبين ادوا ماعليهم و لكن لكون المبارة اديت بهذا الوقت و المعنويات و كذلك اللياقة غير مكتملة

ثنيان التمياط · #5 21/07/2002, 02:19 AM

اخوي الصقر الازرق

انا مااقول كلهم بس انت منت معي بان الفريق
لو فيه بس لاعب واحد يلعب حواري راح يؤثر
على المجموعه كلها صحيح ماهو كلهم بس اغلبهم

اما اللاعب الكبير نواف التمياط ماقصر بس تاثر مستواه كثيرا
بعد نزول يوسف وهذا هو عيب التمياط اذا كان فيه سامي الجابر
او الثنيان يقل مستواه كثيرا مع اني احبه اكثر من اي لاعب
وهو لاعبي المفضل ولكنها وجهة نظر

تقبل تحياتي

ثنيان التمياط · #6 21/07/2002, 02:23 AM

اخوي md2002

الله يهديك بس
اذا قلنا ان المدرب اخطأ مايعني هذا
اننا نشيل المدرب ونجيب غيره ونبدا من اول وجديد
ولكن الحق لازم اننا نقوله وهذا هو الواجب علينا

تقبل تحياتي

ثنيان التمياط · #7 21/07/2002, 02:24 AM

اخوي الزعيم الابن

انا اوافقك في الكلام اللي قلته
بس هذا مايعني ان المدرب مااخطأ

تقبل تحياتي