بحار99
ما يطقها صعبة !! لا يا أخوي حنا لازم نطبق الإحتراف بحذافيره .. ولازم الخصميات يطلع مفعولها فقط !! بس ما يمنع أننا نشطّّّب على هاللاعب ( من دواخلنا ) !!
@@
ابواثير
كلامك صحيح .. من الخطأ كتابة الموضوع الاستعجالي .. علينا أخذ ( الروية) وحل المشاكل والأخطاء ولكن يا أبو أثير تتوقع تنحل هالمشاكل اللي نطالب فيها!!
العتيبي من عام 1418 هــ وحنا نقول الولد ( مواريه ) مهيب زينة !!
يكفي أهداف نهائي الدوري عام 1418هــ للأسف مشيناها !! دخلنا بولي العهد 1419هــ وضاعت ولي العهد !! وما صبرنا إلا طينها بآسيوية العين !! وكملها بأهداف الأهلي في دور الأربعة عام 1419هـ !!
وأكدها بثنائية الجيزاني بكأس الاتحاد 1422هــ !! واختتمها بهدف قاري على مرأى ومسمع من الجميع!!
والمشكلة تطلع لنا أصوات تقول ( عطوه فرصة) !!! أو ( توه شباب) !!
أو اندمر من الاحتياط !! يا جماعة العود من أول ركزة!!
السلومي على ( عدم ثقتنا فيه) إلا اننا نرجي منه 45% من الفوز وإن راحت المباراة للبلنتيات تفاءلنا لان الولد يجتهد و( يناقز ) ويثبت لك أنه مشتهي يسوي لك شيء !! لكن البلا من شاف الشاطر أمس وهو في حالته الغريبة بالبلنتيات!! برود عجيب!! تثاقل بالحركة !! ( نفسية معدوووومة) لا تحميس ولا تشجيع لزملائه والشد من أزرهم وذلك بضم رؤوسهم له !! يعني لا نفسياً ولا بدنياً ولا ذهنياً !! ليش هالتعلق به !!
للأسف لا حارس ينفعك بالمباراة !! لا حارس ينفعك بضربات الجزاء والترجيح بإختصار ( كلها منك يالمصيبيح
)
@@
romeo
إن اشتهوا سمعوك ..هما الدعوة ما فيها ( فلوس ) هما الدعوة ( صياغة كلام وصفصفة جمل ) !!
يا حسافة طوي المشالح للسنة الجديدة !!
@@
هلال نصف الأرض
يا جماعة الخلل ما هو من رئيسكم !! الولد ما قصر دفع وصرف وجاب و.و.و.و.و.و. لكن من اللي معه !! ( شغل الجنس الناعم) يا يجي فلان أو لا هذا نبي ( نقتلع هذي المقولة في نادينا) .. النادي ماهو ملكهم !!
ما أحد أسسه منهم !! ولا أحد تعب فيه في بداياته !! يوم شافوا مواري هالنادي أنه بيجي له وقت ( أتوا أصحاب الترزز) ومن هنا ابتلينا بهم
نبي حنا واحد ( كاش ) .. بالإضافة إلى خبرة كروية يحملها شاب يُستفاد منه في كل الأمور المتعلقة بالنادي .. من البحث عن لاعبين بالمعنى الاحترافي وأن يأتي بمدربيين يحملون الكادر التدريبي الرفيع ممزوجاً بالخبرة النفسية و.و.و.و.و..و.و.و.و.
مطالبنا ليست صعبة !! لكن مطالبنا تزعج هواة ( الترزز والبلع) ..
لا يشترط أن يقود النادي ( أمير) .. مثل ما قلت رجل ( دفيّــع) ..
اذكروا لي محترف أبهرنا !! اذكروا لي مدرب سلب عقولنا !! ( مجرد لاعبيين ومدربيين لا يتجاوزن عدد اليد الواحدة !!
@@
الهلالي الهادي
الكاتو من أيام الأهلي وأنا اضحك من طريقة لعبه وأقول ( والله ياهم تدبسوا به ) !! لكن لم أعلم بأن القدر قد ســّير هذا المشروع ( مشروع التصفيق) إلى نادي حليم ،، نادي كريم بدفع أجور الغلابة والمساكين من هم على شاكلة هذا ( المتخلف كروياً ) ..
ما تورانا أيضاً .. لم أرى أية بوادر تشير على أنه مدرب داهية !! أو مدرب يحمل العامل النفسي !! بالعكس مدرب تنشغل بالنظر إلى عينيه !!
للأسف .. رواتب ( بالهبل ) على ناس أقسم بالله ما يديرونها !!
ورزق المجانيين على المهبل ..
@@
الممتع فينا أننا لم نتشنج أو نقذف كلام لم نحسب له حساب ،، ولكن العيب في غيرنا أنهم واضعيين على مواضيعنا ( ميوت) !!