عبدالله الجمعان لاعب كبير لكن للأسف تفكيره احيانا .......
وبعدين كأنه ضامن ان مافيه عقوبة وهذا واضح من كلامه وراه ظهر.
ومن هم اللاعبين اللي سألهم؟؟؟؟؟؟؟؟
الواضح ان الفريق فيه تذمر من بعض الأوضاع ويمكن تكون شللية
وهذا بسبب بعد الرئيس وعدم وجود نائب واعضاء ادارة على مستوى عالي
خوفي من القادم يمكن يكون اسوأ في هذا الوضع

اااااااااااه ياليت كان الجمعان موجود بالمباراة...

وش سوى الكاتو؟

جته اكثر من فرصه ولا حطها

اخطر الفرص للكاتو وكانت خطييره جدا وهي

الاولى..

يوم ثبتها بصدره صح ويبي يتفنن فيها ويسقطها من فوق الحارس واخيرا الكوره طلعت من فوق العارضه...لو لعبها على طول ولا بدا يتفلسف بالكوره كانت هدف محقق..بس مانقول الا حسبي الله ونعم الوكيل

والثانيه...

لما مررها التمياط للكاتو صح وجته الكوره وهو منفرد بس حطها كالعاده غلط بغلط...هذي الفرصه شبيها بهدف بيليه لما جته نفس تمريرت التمياط لاكن موه على الحارس فقط وخدعه ودخلت في المرمى قول <=== شوفو الناس اللي تلعب

والثالثه..

لما كان هناك خطا وفاول لمصلحة الهلال وعرضها الشلهوب على مااعتقد ..وبعدين حطها عبدالله السليمان براسه صح لاكن لم يحالف الحظ لعبدالله السليمان وراحت الكوره للعارضه وارتدت وتصوروا الى من ذهبت الكوره عندما ارتطمت الكره بالعارضه ذهبت الى الكاتو (الاحول) وكان المرمى مكشوف قدامه لاكن كعادت الكاتو يضيع الكرهوكانت فرصه ثمينه ااااه عليك بس

اعتقد لو ان الجمعان سنحت له وحده من هالفرص اللي جت للكاتو ماكان الان اللقب بأيدي الكورين


اكثر شي قاهرني بهالمباراة ان الهلال جتله فرص ثمينه بالرزم لاكن لم يستغلوها...الاعبين ماين لامون لعبوا صح وهاجموا وقاتلوا لاكن الحظ الحظ واااه من الحظ ماساعدنا اليوم

الخسران الجمعان لكن وين الاداره ومدير الكره ؟؟؟؟؟؟؟؟؟؟؟؟؟؟؟؟؟؟؟

ماقول في كلامك شيء ياقاهرهم ياسامي .. دائما ماتكون مواضيعك وتحليلاتك خارج الاضافة عليها ..

لكني حبيت اضيف على كلام الاخ العزيز ابو اثير .. حتى وان كان بفعل فاعل ماقام به الجمعان .. فهل العقل والمبادئ والمثل سلبت من الجمعان أم انه طفل غيره من يقرر مايفعله .. مهما كانت التدخلات فهذا الامر ابداً لايبري ساحة الجمعان واعرف انك ذكرت ماذكرت لاتقصد اتفاقك او رضاك مع تصرف الجمعان .. ولكن لابد ان تكون العقوبه على قدر التصرف الارعن .. فتصرف الجمعان تصرف ليس بالصغير وليس لاننا كنا نحتاجه في هذه المباراة بل لأنه خرج عن مبادئ ومثل الهلالين وحماسهم وانتماءهم للزعيم وضرب بمصلحة الزعيم وبسمعة الزعيم عرض الحائط .. فهل الزعيم وجماهير الزعيم قليل قدرهم حتى تكون العقوبة عليه خصم من مرتبه .. هذا الامر ان حصل ابداً لايرضي محبي الزعيم وعشاقه واراه استخفاف بنا ان حصل .

يروح ولا مايروح فاللي ابرزه وخلاه نجم ماهو عاجز ان ينتج غيره وغيره ولا يكون تصرف الجمعان امر يتعوده لاعبي الزعيم .

ومع احترامي الكامل لرأيك اخوي هداف 2002 .. إلا ان الامر يتعدى ان ابقى احتياطي لهذا او ذاك .. نعم الكاتو ماقدم شيء اليوم وكان احد المتسببين في فقداننا للبطولة .. لكن متى مالبس الفانيلة الزرقاء فلابد من ان ينظر لمن يلعب هو في مكانه بنفس النظرة لا بنظرة مغايره ..
يعني بكره لو رجع الدعيع بالسلامة .. فهل يرضنا ان يقول كيف وانا حارس القرن في آسيا العب احتياط للعتيبي .. من اساسه لو وجدت هذه النظرة فقل على نادينا السلام . والسلام عليكم .

بكل صراحه الهلال ضحيه الخلا فات بين اعضاء الشرف وخصوصا الحرب المشتعله بين الوليد بن طلال وابنه خالد من جهه وسعود بن تركي وداعمه من جهه اخرى ...والخاسر في النهايه الهلال وجماهيره....ودمتم