ياسر vs هزازي - نادي الهلال السعودي - شبكة الزعيم

the king of asia · #1 03/04/2009, 01:42 AM

بسم الله الرحمن الرحيم

السلام عليكم ورحمة الله وبركاته يازعماء

كثر الكلام عن ياسر وعن مستواه وعن حسه التهديفي وعن وعن وعن

بصراحه اللي ينكر الشيء هذا يكون مايعرف ياسر زين .. ولاكن !!

لنا من اللاعبين العالميين عبره نشوف بعض اللاعبين العالميين تجيهم فترات يكونون عاله على فريقهم وعلى منتخباتهم .. والحمد لله ياسر ماوصل للمرحله هذي انه يكون عاله على الهلال او على المنتخب

الكل منا يعرف ديل بيرو النجم الايطالي نجم جوفينتس الاول في الوقت الحالي ..

من يذكر معاي كاس اوروبا اللي اخذتها فرنسا على حساب ايطاليا ..

من يذكر معاي مستوى ديل بيرو في هذيك البطوله وخاصتا في المباراة النهائيه ..

كم باص غلط باصاه كم انفراده مع الحارس ضيعها كم هجمه ضاعت منه

والحين شوفوا ديل بيرو اذا لعب جوفنتس من دونه وش يصير بالفريق !!

النقطه اللي ابي اوصلها
الحين المنتخب فاز من دون ياسر مباريتين .. وللاسف انا اشوف ان فيه ناس كثار تربط تالق نايف هزازي بتراجع مستوى ياسر ..وكان هزازي حجز له مقعد بالمنتخب .. وياسر راحت عليه

والموضوع كله اللهم ان نايف هزازي بقمة مستواه الحين وبالمقابل ياسر مستواه موب زي مانعرفه + الارهاق + الاصابات + محاولات اطاحته ..

انا اشوف ان ابعاد ياسر عن المنتخب من صالحنا ومن صالحه هو .. قولوا ليش

اول شيء ياسر بيراجع حساباته زين وبيقاتل عشان يبين للجمهور السعودي قبل الجمهور الهلالي ان ياسر يبقى ياسر ..

ثاني شيء بتكون هذي فترة راحه زي ماطلب هو .. وفترة الراحه هذي بتساعده لاسترداد مستواه ..

ثالث شيء الكل عارف ان ياسر في الفتره الاخيره عانا من اصابات كثيره كان عنوانها الرئيسي "الإجهاد".. وحنا بهالفتره محتاجين ياسر اكثر من اول .. وحتى لو ان ياسر طايح مستواه برضوا محتاجينه ..

رساله الى ياسر : مباراة الاتفاق هي بداية مشوارك للإقناع ..

والسلام ختام

..