اهلين فيكم داجين و داجات


<<<------- بطنه صار منتفخ من ذا البرشومي .... لا يكون حد فيكم ناضله ??????



<<<<<< ---------------------------- شــاك في البارق 2000


عموما عقب ما اكلت و دقيت من ذا البرشومي .. قلت ياولد عشان لا تمل

منه .. اقلب الدعوة عصير عاد وانا اشفط في عصير البرشومي قدام النت

طلعت لي ذا القصيدة و اعجبتني .. قلت الربع يستاهلون اكثر

اتمنى انها تعجبكم



تحيااااتى


بااا اااى

عزيزي/ بحر ..

لا أجد ما اصف لك به من كلمات على هذه الرائعه دمت لنا يا أيها المتذوق للجمال و الكمال ..

اخوك
الهارف

الله عليك
قصيده حلووووه
تسلم على الذوق

[c]
يابـحـر وش هالـهـرج اللــي نسمعه ### هـــو حــقــيـقـه والا مـن جـنــس الــهــبــال
الله وأكـبـر عـلـيـك وعلى هالمبرقعه ### وش ذا الـجـدل عــز الله انـه افـضـل جـدال
أنا أشهد انها ضاعت بوسط المعمعه ### مـاتــدري أنــهـا تــحـاور ســيـد الـــرجـــال
قـصـيـدتك يــابـحـر بـقـلبـي مـتـربـعـه ### حـروفها وابياتـها ووزونها ياكل الـجـمـال
انـا مــن اللــي يــردّ الــطـيـب لمـنبعه ### والـطـيـب مـنـك وأنـت مـن طـيـب الانـسال
يكفي مـن الـبـيـوت هالأعــداد المقنعه ### سلام لشيخ قوم جلس لـلقوم يرعى الحلال [/c]

اخوي بحر : احذر من البراقع والمبرقعات‍‍!!
والمثل يقول البراقع مخادع اما قمر ساطع ولا من وجيه الضفادع!!
والشاعر يقول : وما ادراك ماخلف النقاب... أملاك يخفي ام وجه غراب

هلا بحر


ولو يجي منك .. بس شكل عصير البرشومي اشتغل صح ..


لا تقطعنا من روائعك ..


وتسلم يا غالي ..

الهارف
تسلم حبيبى على ردك الجميل.




الماسه الزرقاء
الله يسلمك حبيبى.





الفيروسه الزرقاء
ما فيه احلى من جو الطايف ... والبرشومي ادمنت عليه .. لاحول
وشكرا على ردك على القصيدة.






قرقاص
تسلم حبيبى ... واشكرك على التحذير.





نواف السديري

هلا بلي سأل عن هرج يسمعه ==== هلا بنواف السديرى راعى الخيال

حقيقة كل ما سمعت وما رايح تسمعه ==== حقيقة مني ترى ماهي خيال

الله اكبر على الجميع وعلى المبرقعه ==== ربي حماها وربي كساها يالجمال

انشهد ان الزين فيها بجمعه ==== وبعطيه كل الخلايق للكمال

هذي حقيقة مانيب احب المعمعه ==== ياليت نظرتك شاهدت ذاك الغزال

ابهديك يانواف هاالأبيات المرنعه === ودي تقبلها مني يابن الحلال


<<<--------- مهوب شــاعر ... تراه يطقطق.




برستيج
اهلين حبيبى البرشومي قرب يخلص
اذا تعرف احد دبرنا الله يعافيك.