صارلي موقف محرج....(حتى أنتم شاركونا)! - نادي الهلال السعودي - شبكة الزعيم

&كوارزما& · #1 01/04/2009, 01:56 PM

السلام عليكم

كيف حالكم حبايبي

انا يوم اني صغير وقفنا انا واهلي في بيتزا هت دخلت انا وابوي طلبنا بعدين ابوي

جلس ينتظرالطلب وانا رجعت الا واركب السيارة والقا حريم يصارخون

وصقيت

الباب علطول والا اكتشفت ان هالسيارة نفس سيارتنا فرحت اركض عند هلي وانا

هذا موقف حبيت تشاركوني فيه

اللي عنده موقف لا يبخل علينا

معلومة · #2 02/04/2009, 10:44 AM

ههههههههههههههههههههه موقف حلو وجميل جدا ياحظك رحت مع أبوك موقفي

كنت رايح للبقاله وبعد ماخلصت رجعت لسياره وأفتح وأفتح الباب مو راضي يفتح بغيت أرفسه وأطالع من شباك ول الحرمه تناضرني وعرفت أنه سياره تشبه سيارتنا على طول هربت من موفع الحدث

محب الجنه الخرج · #3 02/04/2009, 11:02 AM

ههههههههههههههههههههههههههههههههه متأكد انك يوم كنت صغير

صغير وخوفت الحريم

انا الموقف اللي صار لي يوم كنت صغير اني مشت مع حرمة بالسوق على بالي انها الوالدة الله يحفظها ومشيت مشوار المشكلة اني مادريت انها مو امي الا لما هي دخلت البقالة ولقيت حلاوة واقولها يمه يمه ابي الحلوة التفتت علي قالت ماني امك وانا اطالع فيها الا صدق ماهي امي

مشكلة هالعباة مشكلة معي يوم كنت صغير تعقيد

على فكرة حتى اخوي الصغير وقف عند باب السوق مدري وش كان يفكر فيه الا ويشوف ذيك الحرمة ويقعد يلحقها لين وصلت السيارة ويقول لها يمه هناك السيارة خخخخخخخ

هذا اللي اتذكره الحين من مواقف

قناص20..!! · #4 03/04/2009, 05:21 AM

يعطيك العافيه اخوي على هالموضوع الجميل انا بقولك موقف وانا صغير موقف مضحك بس لما كبرت صار محرج

وانا صغير طبعاً الموقف مأذكره لكن اهلي قالوه لي رحنا لـ حايل عند خوالي وكان عمري اربع او ثلاث سنوات

ورحنا البر فـ كلهم انزلوا من السيارة الا انا قالوا لي انزل قلت لا ماراح انزل قالوا ليش ؟؟

قلت الارض وسخه كلها تراب نظفوها وانزل

وموقف ثاني كنت في الابتدائيه مدري في اي صف بالظبط لكن كان علي اختبار جغرافيا اختبار نهائي

فـ كانت الوالدة الله يحفظها تذاكر لي وكانت تقول لي لاتخلي ولا سؤال الا تجاوب عليه يعني اكتب اي شي

انا قلت تآمرين امر وش دعوه المهم جاء وقت الاختبار وحليت كل الاسئله ودبرت كم اجابه من عندي الا سؤال

عجزت اجاوب عليه كان السؤال لماذا لاتهب الرياح الموسميه على اليمن المهم مالقيت اجابه ابد في اخر

الوقت قلت بكتب اي اجابه..

فـ جاوبت الرياح الموسميه لاتهب على اليمن لانها ليست من دول الخليج

<< خووش اجابة

عافاك ربي اخوي ..

اخوك : تـركــي ..

رجل من عالم آخر · #5 03/04/2009, 11:29 AM

LoOoOoOoOL

أنا بقولكم موقف هو موبس محرج إلا يقشعر البدن <<

هالكلام صار يمكن 4 سنين من قبل يعني كنت بأولى متوسط

رحنا صحارى المجمع و دخلنا على محل مع الوالدة و أختي ..

و كانوا يدورون تنورة جينز , و مالقوا , و لقيت أنا التنورة و أروح

لحرمة طول أختي و نفس كل الشيء إلا في فريق ( مو هي أختي

)

و أمسكها مع كتفها و أقولها تعالي شوفي التنورة و تقول أنا مو اختك

و يجيني إحراج و الله إني طلعت برى كلمت امي و قلتها أنا بالشارع أستناكم

ذآيب · #6 03/04/2009, 11:43 AM

خـٌخـٌخـٌخـٌخـٌخـٌخـٌخ ,,

وٍرٍبــٌي آلمـٌوٍقف شـٌي ,,

بـٌس يآلغـٌلآ آلمـٌوٍضوٍع مـٌآ كنـٌه مكرٍرٍ ,,؟

آتـٌوٍقع آلحـٌذف للمـٌوٍضوٍع ,,

مـٌوٍدتيّ ,,

Los Merengues · #7 03/04/2009, 07:07 PM

ههههههههههههههههههههههههههههه

انا مره رحت لمحل اديداس

و لقيت بلوزه ابيها لكنها عاليه و لقيت واحد لابس لبس اديداس جت قلته ممكن تجيبلي البلوزه قال انا ما اشتغل و اتفشل

• м é é s н o • · #8 03/04/2009, 07:58 PM

انا مرة وانا صغير صحت لاني عيو يدخلوني المجمع النسائي ةوراحو دخلوني غرفة وشافو طولي

x-a20a-x · #9 03/04/2009, 08:06 PM

يووووووه المواقف كثيرة

دقيقة خلني اتذكر امممم

ايه
مرة من زمااان قبل كم سنة انا واحد من اخويائي بالمدرسة رحنا من قسم المتوسط لقسم الابتدائي نهايط على الورعان

المهم وبعد ماخلصنا الا الحارس قفل باب القسم ياويلااااه ههههههههه وبعدين اكلنا طق محترم

- مرة وانا صغير كنت طفشاااان خليت امي تخلي اخوي يخرجني وعاد << عاد ولا ثمود اقول عظ على شحم
وعاد يوديني اخوي جرير

والا انا كنت مدروخ ونطلع فوق المهم والا اخوي يقولي شف وانا اناظر يسار مسوي باص عيون والا اشوف واحد

ايه اخوي قالي تعال انا التفت على واحد ثاني حسبته اخوي وهو نازل نزلت معه
وامشي وامشي انا استغبرت اخوي من وين جاب هلكنادر وامشي اللللين طلعنا برا جرير وعاد انا صغير دلخ مافي راسي شي

المهم وعاد وصلنا لستار بكس وعديناه بغيت اسأله وين رايحين بس سكت وعاد جا هذاك الرجال يدخل السيارة ويناظر فيني واكشفت انه مو اخويــــــــــ

ياويلي واروح اصيح ادور اخوي في الاخير لقيته

ومرة
كان علينا حصة رياضيات والعيال حماس والفصل مكتم سكوت

المهم وعاد المدرس المصري يقول تعرفوا الترم الثاني مظغوط وكلن سكات
وانا اقول مغظوط ولا مفطح صحيح انها سماجه لكن كللل العيال ظحكوا

دمتم بود تراني متابع الموضوع قسم بالله خشمي انفلق من الظحك

x-a20a-x

$..ســاري..$ · #10 04/04/2009, 10:56 AM

ههههههههههههه
مواقف حلوة..

انا صارلي موقف قبل كم سنة..
بنت عمي عملة عملية ورحنا نزورها مع اهلي..
المهم..
انا كنت دوبي صاحي وقالولي يلا رايحين نزورها..
لبست بسرعة ورحنا ودخلنا بيت عمي..
ولمن سلمت على بنت عمي قلتلها " كل عام وانتي بخير " ..
مرررررة انحرجت رجعت قلتلها الحمد لله على السلامة..
ههههههههههههه
..................................

وهذا موقف ثاني صارلي الثلوث الماضي..
في هذا اليوم انا غبت عن المدرسة لأني مرة تعبااان ومالي نفس بشيء..
المهم على الساعة 9 وربع تقريبا اتصل علي الفنان (( هاني ناظر ))..
اظن الكل يعرف مين هو الفنان هاني ناظر..
المهم..
انا طبعا ما اعرف رقمه..
قالي بعد السلام..
انت القمر ولا اخوه..
جاوبته: مين انت..
قالي: اول جاوبني انت القمر ولا اخوه..
انا ولعت مررررة على الاخر..
على بالي واحد من الشباب يستبله..
قلتله بعصبية وصريخ : انا ماني قمر وماني شمس انت مين؟؟
قالي بهدوء انا هاني ناظر..
من كثر الاحراج ماقدرت اعتذرله..
وللحين انا محرج منه..

هههههههههههههههههههه

&كوارزما& · #11 04/04/2009, 10:03 PM

إقتباس

الرسالة الأصلية كتبت بواسطة { ذايب بفن التايب }


	خـٌخـٌخـٌخـٌخـٌخـٌخـٌخ ,, وٍرٍبــٌي آلمـٌوٍقف شـٌي ,, بـٌس يآلغـٌلآ آلمـٌوٍضوٍع مـٌآ كنـٌه مكرٍرٍ ,,؟ آتـٌوٍقع آلحـٌذف للمـٌوٍضوٍع ,, مـٌوٍدتيّ ,,

وشلون مكرر والموضوع صارلي خصيصا وأول مرة أكتبه

والشكر الجزيل لكل الاعضاء اللي شاركونا