طشطشات زمان - نادي الهلال السعودي - شبكة الزعيم

مس/ صبح الزعماء كلهم بالخير

مسكت معي ذكريات قديمة جدا (( المدرسه )) ـ

يوم السبت تجي امك تقومك الصبح وانت متعفط وسط المرقد ومالك خلق مدرسه تبي تغيب ـ
وعلى طول (( آآآآآهـ بطني يعورني أبغيب )) .. وترد عليك أمك قم قم لا يجيك الشبشب على راسك ـ
وتقوم وشعرك مطشم ووجهك كله سعابيل ـ
وتجلس امك تدفدف فيك الين توصلك للحمام وأول ما تدخل الحمام وتشوف خشتك ترتاع ـ
وتطلع الا أمك مصلحه لك سندويتشه جبن مع زعتر وتقول لك سم يا وليدي خل مخك يتفتح وتصير مثل الشاميين ـ
وانت ترد عليها زعتر وعععععع وعععععععع مااااااااااابي ـ

وتركب السيارة مع أبوك ومعك ذيك الشنطة اللي أكبر منك ـ
ومن يوم تركب وابوك ينصح فيك اسمع لا تماشي الا الممتازيين وخلك متفوق وارفع راس أبوك ويلتفت عليك أبوك الا وانت نايم ـ
وأبوك يقولك قم قم الله يخلف على أمن جابتك ـ

تدخل المدرسة وعيونك مغمصه وأنواع التثاوب وتدخل على تمارين الصباح ويله واحد اثنين واحد اثنين

ونص الطلاب مزلبين بالتمارين وطاقينها سوالف ـ

ووبعدها تجي الاذاعة يغثونك بنفس المقدمة البايخة اهي اهي من عرفت الاذاعات مع زقزقة العصافير وجدنا شجره فقطفنا الزهرة الاولى فوجدنا فيها القرآن الكريم ومع الطالب فلان ولازم فيه هل تعلم ولا ما تسمى إذاعة ـ

وهل تعلم من يومني في اولى ابتدائي الين تخرجت من الثانوي واهي نفسها اول رائد فضاء والحصان ينام واهو واقف

واخر فقره فيها .. هل تعلم ان هذه هي أخر فقرة من فقرات هل تعلم ـ

بعدها السلام الملكي ولا يردده الا بعض الطلاب السعوديين والأجانب أما الدشير ما يعرف الوطنية الا بـ طن ططن ثمن يدخلونا الفصل

وأول ما تدخل الفصل وأنت تفكيرك متى تجي الفسحة عاد من زين الفطور بيض ولا جبن ولا شكشوكه يصلحها سواق المدير البنقالي وسخ وتلقاه لابس بالطو يعنني نظيف ـ

كلش ولا يصير عليك رياضيات أول حصه ويدخل مدرسكم المصري وعلى طول (( مين اللي ما عملشي الواجب )) يالله صبح خير ـ

ولا صارت حصة الرياضة شيء ثاني تلقى كلهم من الصبح لابسين تكميلة تحت الثوب في عز الحر وانواع العرقات تصب صب ـ
وبعد حصة الرياضة المصاريا والسواريا وجيههم حمر أما ربعنا وجيههم سووووود ـ
والفصل أنواع الخياس (( لو إني مدرس استحاله اخذ اي حصة بعد حصة الرياضة )) <<< صح ولا لا يا تيتشر مشعل

ولو تسأل أي طالب داشر وش طموحك يقول أبي أصير عريف الفصل << يلعن أم الطموح ـ
ويقعد يسجل أسماء المشاغبين بالسبورة الا أخوياهـ ـ

أتمنى الموضوع عجبكم

طشه انتهى

مطشم شعره · #1 31/03/2009, 09:53 AM

هلالي وبمزاجي · #2 31/03/2009, 10:03 AM

الله يازمان اول

ذكرتني بالمدرسة والاذاعة <<< متخرج قبل العام من الثانوي
يازين حصة الرياضة اول حصة
تكون احلى نومة في الفصل

اييييييه الله يهديكـ يا طش طش
شوقتنا لأيام المدرسة

بوزوزو · #3 31/03/2009, 02:08 PM

هههههههههههههههههههههههههههههههههههههههههههههههه
هههههههههههههههههههههههههههههههههههههههههههههههه
ههههههههههههههههههههههههههههههههههههههههههههههه
هههههههههههههههههههههههههههههههههههههههههههههههه
ههههههههههههههههههههههههههههههههههههههههههههههه

اما اخلف الله على امن جابتك جبتها صح انشهد ....

------------------------------------------------------------------------------------------------------

انا اتذكر مرة في المدرسة بالثانوية ثالث ثانوي اعتقد

المهم على ايام المقاطعه و الدنيا ... انا الله يسلمك يسموني ام ناصر في المدرسة لانه كل اخبار المدرسة عندي المهم رحت عند صف ثالث شرعي عاد هم كلمهم ( الله يجزاك خير ) و فيهم من الزحف ما يكفي يعني مطاوعة فلة على كيف كيفك .. انا وقتها كنت في علمي و اطلع و ابي اسوي دوشة في المدرسة و انا كنت حاقد على مدرس الانجليزي المهم جيت و دخلت صف ثالث شرعي و طبعا كلالمدرسة اخوياي لاني اجتماعي بطبيعتي المهم و اقولهم ما ودكم نسوي مقلب بمدرس الانجليزي قالوا لا ما يصير مالها داعي قلت افا و هذا و انتو حاملين لواء الاسلام و المسلمين في المدرسة قالوا كيف يعني ؟ قلتلهم يعني بالعربي مدرسكم هذا يدرس لغة اجنبية و لغة كفار وا نتم ما ترضون نتعلم شيء من الكفار و احنا مقاطعينهم ...

المهم صارت الخايسة و طلعوا الطلاب و انا ولا كأني سويت شي اشوف المدرس حق الانجليش يقرب و يقرب فجأة يقول يالله ادخخلوا الصف الا الطلاب بصوت واحد ( محنا داخلين ) المدرس يقول ليش منتم داخلين قالوا مقاطعه المدرس جن جنونة نادى المشرف قالهم ادخل الصف انت و ياه قالوا بصوت واحد محنا داخلين مقاطعة ...

المهم بعد جهد جهيد دخلوا الصف .. و شافني و انا امشي المشرف الا يقولي شعندك انت هنا روح صفك قلته طيب شوي اللا يقولي تعال تعال .. قلتله سم قالي انا شاك بشي ... قلتله وشو .. قالي انت رايح ثالث شرعي .. قلتله لا و الله ( افلت حتى لو انك تحلف)

المهم قالي عرفت الموضوع اللحين ... و ياخذني عند المدير و انا للحين ما سويت شي حسب فهمي و فكري ... راح للمدير المرشد و قاله الطالب هذا طلب من ثالث شرعي يسوون مقاطعة لمادة الانجليش و فوق هذا سبب زعزعة في المدرسة ( امش يا زعزعة 9 نصاب المرشد .. المدير قالي ليش سويت كذا ... قلت و الله الشرهة مب علي الشرهة على الخفيفين اللي يصدقون هم طلعوا منها و انا كلتها ...

شوي الا بوزوزو يجيه طراق ماشي مليون من المدير طبعا ابن امك سو شي قدام المدير طبعا المدير مشالله تبارك الله ( خال و طويل و عريض يعني ان امك قله شي ) وبس

و انشالله في الايام القادمه انزل موضوع عن مشاكلي بالمدرسة بس على فكرة رغم هذا ما عليكم صدق اني شيطان و راعي مشاكل و مقالب وضحك لكن يازيني بس مهتم باهلي و دراستي و قبل هذا بصلاتي و انشالله كلنا كذا..

بس الواحد لمن يتذكر هالذكريات وده يبكي لانها ايام حلوة انا ماني عارف كيف طلاب هالوقت عايشين شبابهم في المدرسة حمد لله و الشكر بس

احس سوالفهم نزلت الفلم الفلاي نزلت الاغنية الفلانية شريت الجوال الفلاني

الله يخلي جوال العنيد بس الله نشخصبه قدام الطلاب يعنني فلوس يعني

اييييييييييييييه الله يرحمك يا روحي بس

تحياتي

hp_sa · #4 31/03/2009, 02:37 PM

زمااااااااااااااااااااااااااااان كانت ذيك الايام حلوه ولا نفكر بهموم ولا شي

SMSM good · #5 31/03/2009, 04:13 PM

الله يقطع ابليسك انا هالحين بالثانوي بس ايام الابتدائي والمتوسط
الله لايرجعهن يكون اول درس رياضيات
ثم يدخل المدرس بدوي وريحة التتن واصله اخر المدرسه
ثم درس الرياضه كل الفصل مصحصح
اخوك
ابومالك

sowaid · #6 01/04/2009, 05:34 AM

انا الحين راايح المدرسه
الله يعديها على خير باقي سنتين ادعولي

لاعدمناكـ

مطشم شعره · #7 01/04/2009, 02:46 PM

إقتباس

الرسالة الأصلية كتبت بواسطة هلالي وبمزاجي


	الله يازمان اول ذكرتني بالمدرسة والاذاعة <<< متخرج قبل العام من الثانوي يازين حصة الرياضة اول حصة تكون احلى نومة في الفصل اييييييه الله يهديكـ يا طش طش شوقتنا لأيام المدرسة

تنوم بحصة الرياضة

هي افل الفلات من الحصص

والله يهدي الجميع

ومالت عليك يومنك تشتاق للمدرسه

مطشم شعره · #8 01/04/2009, 02:52 PM

إقتباس

الرسالة الأصلية كتبت بواسطة بوزوزو


	هههههههههههههههههههههههههههههههههههههههههههههههه هههههههههههههههههههههههههههههههههههههههههههههههه ههههههههههههههههههههههههههههههههههههههههههههههه هههههههههههههههههههههههههههههههههههههههههههههههه ههههههههههههههههههههههههههههههههههههههههههههههه اما اخلف الله على امن جابتك جبتها صح انشهد .... تحياتي

مشكور خيوعلى مرورك

فيه ناس منحوسه دايم تتوهق وتلاقي واحد دايم بكل مصيبة ومع ذلك ما ينمسك