18/07/2002, 08:30 AM
|
زعيــم جديــد | | تاريخ التسجيل: 13/01/2001 المكان: California
مشاركات: 22
| |
عود على بدء عندي شي يقرقع بقلبي من زمان وانا ودي اقوله بس ما جتني فرصه
اللي حبيت اقوله للاخوان المراقبين في المنتدى انهم يكون عندهم نوع من الغيره والحرص على نادينا بمنع المقالات اللي تسيء للنادي ولمنسوبيه وتبون الصدق مع احترامي لجميع الاعضاء الا اني ملاحظ فيه شلة مراهقين من نوعية لعبوا فلان والا ابخرب واللي يرددون اللي يكتبه مراسلين وصحفيي الغفله اللي الواحد فيهم ما عمره طب النادي وقاعد ببيتهم يكتب ويألف وامه قاعدتن تفليه.
والشي الثاني اللي ياكل معي من زمان هو منع الكتابات اللي تسيء للاعبنا الكبير وادارينا الخلوق فهد المصيبيح فالموضوع تجاوز النقد الهادف الى التجريح واعتقد ترشيح ابومحمد لادارة المنتخب اكبر رد واكبر دليل على نجاحه واعتقد اننا تجاوزنا مرحلة حرية الرأي
الشي الاخير واللي من جد قاهرن هو تمجيد اللاعبين بصوره مبالغ فيها وخصوصاً النجوم وسب باقي اللاعبين الى درجة التجريح .....مع انهم 11 لاعب وكل يؤدي دوره
هذي ملاحظاتي للاخوه القائمين على المنتدى ارجو انها تؤخذ بعين الاعتبار
ومشكورين على مجهوداتكم الجباره اللي ما حسستني بالغربه وخلتني اتابع اخبار النادي كني ساكن في العريجا |