الفزعه ابي اشري لومينا وابي رايكم,,, - صفحة رقم 2 - نادي الهلال السعودي - شبكة الزعيم

إحسااااس هلالي · #16 02/04/2009, 02:53 PM

تبي النصيحه لوجه الله لا تشتريها ولا تقرب اللومينا والكابرس تراها كلها سيارات ما تدوم معك أكثر من ثلاث سنوات والله حرام تحك مبلغ 100 الف في لومينا أو كابرس والله أن واحد من زملائي شرى لومينا ss 2001 حوالي 100ألف والله من يوم شراها ما شاف خير أنواع الخرابات والأصوات وبعد سنتين باعها 31 ألف في المعارض شف الفرق في سعر الشراء والبيع وبعدها شراء أكورد 2004 موجوده معه الى الحين وماشيه تمام التمام بس زيوت وبنزين ولا تطلب قطع غيار بكثره أنصحك اذا بتشتري سياره مبلغ مثل هذا تحطه في سياره تستاهل مثل الأوريون والأكورد والكامري والسوناتا سيارات تتحمل الكرف وتدوووووم معك أكثر من ست سنوات زي الألف

نصيحه اليوم ببلاش وبكره بفلوس وأنت وكيفك

زعماوي100% · #17 03/04/2009, 04:15 PM

إحسااااس هلالي

مشكوووور و ما تقصر و لا يهونو البقيه

مبين ان نصيحتك من قلب

بس ابي اقولك ان الخرابات هذذي من موديل 2000 الى 2004 وبعدها كلالسيارات الموجوده تمام

لا وبعد مرغوبه عند الشباب بقووووه

abo.a7mad · #18 03/04/2009, 05:07 PM

اللومينا حقت 100 ألف كيلو بعدين بتصير كل يوم في ورشة هذا إذا ما كانت بتخرب قبل

الـ 100 ألف كيلو ,

وهذا الكلام قايله لي خالي وهو يشتغل في هيئة المواصفات والمقاييس ,

أنا قلت اللي عندي والباقي عليك ,

♥ N E V E S ♥ · #19 03/04/2009, 06:18 PM

والله يابعدي لو تبعد عن اللومينا احسن لك...!

خذ لك افالون والا اكورد وانت جاي..كلها سيارات شبابيه وحلوه..

اما اللومينا خرابات ولا تدوم معك..

والله يكتب لك اللي فيه الخير..

الفيلسوف-15 · #20 03/04/2009, 07:39 PM

اخوي نصيحه

لاتأخذ لومينا

عندك خيار احلا منها بألف مره

وهي افالون وعندك اكورد وعندك جيب المازدا اخوي نصيحه لوجه الله والله انصحك كانك اخوي

ابعد عن اللومينا والكابرس لايهمك الي يقول انا الخرابات انقطعت من 2004

وغير هاذا كله شف موادها الداخليه سيئه كلها اصوات

تبي نصيحتي

رح لم وكاله الجميح واركب اللومينا بعدين رح لم وكالة تويوتا واركب افالون وشف الفرق

اتمنا انك ماتدفع مبلغ فوق 100 الف في( استرالي)

اتمنا لك التوفيق

زعماوي100% · #21 03/04/2009, 08:46 PM

abo.a7mad

جزاك الله خير
عسى عيال عمتك يقومون بالسلامه يارب

عيون ياسـ20ــر

جزاك الله خير

الفيلسوف-15

جزاك الله خير

تدرون وش مشكلتي ؟؟

مشكلتي اني احب شي اسمه لومينا.

طيب دام كلكم ما تمدحون اللومينا

وش رايكم بالدودج تشارجر ؟؟

احبك لما تكون هلالي · #22 11/04/2009, 07:16 AM

على هوا ما سمعت اللومينا والكابريس خرابات مالها نهاية

وقبل هذا وذاك استخر الله

كان هنا · #23 11/04/2009, 07:16 PM

لومينا S هي نفسها LS ( المواصفات والمكينة ) لكنها تحمل شكل SS ..
سعرها قبل 6 شهور كان بثمانين الف ( لومينـ S ـا ) .

خالـ الشوق ـد · #24 14/04/2009, 09:08 PM

لوووووووووووووميييييييييييييييييناااااااااااااااااااا SS بس مدري كم السعر

بس اكيد انها تلقاها فوق 110الاف

محمد 22 · #25 17/04/2009, 01:56 PM

صديقي شاري اس اس 2008 الظاهر 100 الف هذا كلامه
بس لين شريتها لا تتعدى 100 الا لين تكمل 1000 كيلو
والله يعطيك خيرها ويكفيك شرها

h_s y t_2008 · #26 17/04/2009, 02:44 PM

غالبية اللي يقولون كثيرة خرابات اللومينا مافيه احد معه السيارة كلها وكالة يقولون وهذا خالي وهذا عمي وهذا صديقي وهذا ولد الجيران كله كلام فارغ ولكن العاطفه هي اللي توجه الرائ وليس الواقع ......

انا معي لومينا موديل 2008 ltz فضي مطلع السيارة بتاريخ 4/ 8 / 2008 من وكالة الجميح بالقصيم بمبلغ وقدرة 82 الف ريال والان ماشيه السياره بحدود 70 الف كيلو بمده اقل من سنه والله ماعرف ارحمها ابد كله دوس بدوس والحمدلله ماشفة من السيارة اي شي ولاتغيرت على باي حاجة ومميزاتها:

دفع خلفي وانت تعرف وش الفرق بين الدفع الخلفي والامامي

راسيه بالخط والمنعطفات بشكل خيالي

وسيعه بالمرة ومريحه

عزل صوتي جيدجدا وليس ممتاز

قوة عزم خيالي 240 حصان ولكن لاتقارن بقوة الالتيما والاوريون والفالون لفارق القوة لصالح الياباني ولكن مع شوية تزويد وبرمجة انسى الياباني لانك تخلية سراب

صرفية بنزين اقل من السيارات اليابانيه

مكيف بارد وجبار وقوة دفع تصل الي رقم 20

عكس باقي السيارات تاصل 5 فقط

6 سيديات

بلوتوث وتتحكم بالهاتف عن طريق الدريكسون

مميزات كثيرة جدا

السلبيات

صوت طقه يسار اذا ضربة عيون القطط او المطبات بالطريق وانت لف الديركسون يقولون انها جلبه عمود التوازن وانا انسان كسول ماوديتها الوكاله علشان يغيرونها مع العلم انها على حساب الشركة والحمدلله من طلعة السيارة من الوكاله مامريت عليهم ابد لاتشييك ولا غيره دفتر الضمان جديد

.....

امل اني افدتك واذا عندك اي استفسار انا جاهز ....

والله يوفقك سوى لومينا او غيرها

الفيلسوف-15 · #27 17/04/2009, 07:56 PM

^^^^^^^^^^^^^^^^^^^^^^^^^

اخوي حنا نتكلم عن السياره اذا جلست معك 3 سنين وفوق

راح تعاني معها تطلع اصوات ماتدري من وين

المهم الله يوفقك في سيارك

لاكن الشركة تقول انها تفادة العيوب من موديل 2008 و فوق