علق العاطفة على الشماعة وإدخل أبيك بموضوع - نادي الهلال السعودي - شبكة الزعيم

@هلالي@مجنون@ · #1 29/03/2009, 02:41 PM

بسم الله الرحمن الرحيم

أنا بدخل في الموضوع على طول وبدون مقدمات

بعيد عن الأحداث اللي صايره في الأيام اللي راحت .. عندي ملاحظه بسيطه وأتمنى نشوف لها حل جميعا ,

ياسر القحطاني

الكابتن ياسر نجم كبير ومعروف ولايحتاج إني أقعد أمدح فيه عشان تعرفونه
لاكن ليش هذا الهبوط الحاد في مستواه , لاتقولون ضغط مباريات ..!

للآسف كلنا نلاحظ كيف ياسر صار في معضم أوقات المباره واقف ولايتحرك آبد
وهذا يسبب بطأ في بناء الهجمة

وكلنا لاحظنا وين كان ياسر ووين صار ..!

أنا ما أدري بالضبط هل هو غروور أو عدم إحساس بالمسؤلية

يازعماء إنتقادنا لياسر مايقلل من قيمته عندنا , ليش إنتقدنا الفريدي عشانه بطي في حركته مع العلم لو حسبنا كم أنقذنا الفريدي من هجمات مرتده بأفتكاكه الجيد للكوره وكم ضيع ياسر علينا أهداف صدقوني رح تلاقون الفريدي أفضل من ياسر بكثير .

يعني ألحين في مبارة الوحده كان من المفروض تكون النتيجة 4/صفر الشوط الأول لو ريحنا ياسر من الفلسفة الزايدة وإستعراض المهارات .

أنا من وجهة نظري لو جلس ياسر على الأحتياط مباراه أو مبارتين ويحس إن المركز بدأ ينسحب منه ويعرف إن الهلال معروف من قبل ياسر ومن بعد ياسر ومثل ماقال الهلال ثابت والبقية متحركون
أقسم بالله إن يتلاشاء الغرور الزايد عنده ويحس فينا كيف نحترق مليون مره في كل هجمه يضيعها ويضحك ببرود تااااااااام

أدري 90% منكم رح يفسرون إني مندس أو أو أو

لاكن أنا حبي للهلال لايحتاج لشهادة أحد

أتمنى التوووفيق للهلال والهلاليين عااااامه ولياسـ

ــر خاااااااصة

بيبسي وسنكرس · #2 29/03/2009, 03:02 PM

كـيــف الـحـــــال !!
.......................................

الأمـيـر الـهـلالـي · #3 29/03/2009, 03:03 PM

كلامك في محله عزيزي لكن اعارضك بكم نقطه

ياسر فعلا الايام هذه يشهد هبوط حاد في مستواه ما هو السبب الله اعلم !!

لكن اعارضك عندما قلت يجب ان نحط ياسر بالاحتياط مباراتين ولا ثلاث

وانت عارف مباريات الهلال الجايه مافيها يما ارحميني يا ابيض يا اسود

وانا معاك في حديثك عن هبوط مستوى ياسر

عصامينهو الزعيم · #4 29/03/2009, 03:06 PM

حبيبي ياسر

انتا مانتاا الاولاني
صرت اشوفك شخص ثاني

بقايا الذكرى · #5 29/03/2009, 03:10 PM

قالها الكاسر " الي في المدرج يتفرج "

alrwily11 · #6 29/03/2009, 03:10 PM

للاسف اخوي توقيت موضوعك غير مناسب ابدا مهما كانت صحته

انا الوسيم · #7 29/03/2009, 03:14 PM

بسم الله....وضعت العاطفة وجيت...

وبما أننا بنتكلم بالعقل....بأسألك سؤال...
من هم أفضل مهاجم لدينا في السعودية...العقل يقوووول (ياسر)

طيب بالعقل سؤال ثاني...هبوط المستوى يصير لياسر لحاله بس...ولا لكل لاعبين العالم...الجواب كل لاعب ينزل مستواه فترات ويرجع عادي وين المشكلة؟؟؟؟

طيب خلنا مع العقل...هل العقل يقول إني أنتقد لاعب في وقت زي الوقت ذا؟؟؟؟

أقصد إنه بعد فترة الراحة الحالية...الكل يتوقع لياسر عودة قوية...هل من المعقول أنتقده في هذا الوقت...؟؟

هذا كلاااااااام العقل

تحياتي

د. زاحف · #8 29/03/2009, 03:21 PM

..
أعجبني ردك أخوي [ عآلم من إختياري ] ردك مميز و أعجبني .

كلآمك صحيح و في محله و اللي يخالفك ما عنده سالفه مع إحترامي ..
[ ياسر ] الفترة الأخيرة ما هو ياسر اللي نعرفه ..
صار ياسر متكبر و مغتر بالشهرة و الصحافة هم سبب هالشيء ..
نفخوه و نفخوه إلا أن أصبح يرى الناس بطرف عينه ..
صحيح نحبه و نتمنى أن يعود لمستواه و يترك الغرور عنه ..

و بالنسبة لقلة الحركة داخل الملعب ..
انا أوافقك و بشدة و أتمنى ياسر لو يراكض ورى الكرة ..
لأنه لآعب إذا تحرك سبب ربكة للخصم و إذا توقف زاد حماس الخصم ..

لذلك أتمنى من المدرب أنه يشوف صرفة ..
اما دكة الإحتياط و إلا يحذره تحذير أخير و يترك عنه العاطفة ..
فمصلحة الكيآن الهلآلي هي أهم من كل شيء و لا تكونوا جمهور لآعب ..
..

زعيم تشلساوي · #9 29/03/2009, 03:25 PM

أنا معاك في كل كلامك اللي قلته

بس متى نفتك من أطفال المنتدى متى ؟

نبي نقد أو نبي شي واضح

وصدقوني كثرة الردود لم ولن تكون مفاخره للشخص

أفتقدنا كتاب مميزين بسبت هالأطفال

بعض الرردود ترفع ظغط الكاتب قبل أن ترفع ضغظ القاريء

صدقوني كذا مارح نستفيد أبداً

كثرة أعضاء على غير فايده

دمتم بوووود

@هلالي@مجنون@ · #10 29/03/2009, 03:27 PM

أشكركم على مروركم الرائع والجميل

وللآسف أنا أشوووف أكثر الردود يغلب عليها العاطفة وبقووه

أتمنى أكون وضحة الصوره بالشكل المستطاع

تحيتي ........

الزعيم00الهلالي · #11 29/03/2009, 03:34 PM

والله كلامك في محله مشكور يالغالي
صدق العاطفه لاعبه دور كبير في اغلب أعضاء المنتدى

Abo 3mr · #12 29/03/2009, 04:05 PM

أعوذ بالله ياخي خفو على الرجال

حنا مانقول لا تنتقدون

لكن الرجل يمر بمرحلة حرجه بدال مانوقف معه

نصير ضده ونجرحه

لا تنسى ان ياسر فرحنا العام الماضي بالدوري بمشاركة زملائه

والله لوهو آله

ياااااااااانااااااااااااااااس ياااااااااااااااااهوووووووووووووووه

خفوا على ابو سعيد تكفون

تكفون خلو الإنتقاد شوي

بعدين ياخوي ياللي تقول عاطفة واطفال ومدري ايش

ليش ما يتسع صدرك لنقد كلام الكاتب زي ماتطالب بنقد اللاعبين

عجبي يعني حلال عليكم وحرام علينا

ذكرتني بسيئ الذكر بوش (وتكرم عنه) إن لم تكن معي فأنت ضدي [/FONT][/SIZE][/CENTER]

@هلالي@مجنون@ · #13 29/03/2009, 04:14 PM

أخوي الزعيم 00 الهلالي
أشكر لك مرورك

أخوي أبو عمر
أشكر لك مرورك وصدقني أبو سعيد على عيني ورأسي وله كل إحترام وتقدير عندي
لاكن أنا كلامي كله لمصلحته ومصلحتنا يأخي فيه ناس عندها موهبه مارح تلاقيها في العالم كله بس للآسف ماحصلو فرصه وإهتمام مثل ياسر , إحناء نبي ياسر يعرف قيمة النعمة اللي هو فيها في إنه يمثل زعيم القاره ويعرف إن هالمكان غيره محروم منه
ياسر كابتن ونجم ولاكن ...!!

تحيتي

واحد ونص · #14 29/03/2009, 04:14 PM

كلام سليم و الله يعينك على جمهور ياسر..

للأسف ياسر مو ياسر اللي نعرفة

مو ياسر اللي يسجل من أنصاف الفرصة

نتمنى أن ياسر يراجع نفسه..

بالتوووفيق

@هلالي@مجنون@ · #15 29/03/2009, 04:17 PM

أخوي واحد ونص نوورت بمرورك الكريم

وجمهور ياسر لو ماشالتهم الشبكة تشيلهم عيوني وكلهم على عيني ورأسي

تحيتي