عـاجـل وحـصـري : قرارات مهمة وإعفاءات بالجملة.. ( لاتتحمّسون تراي خرّاط ) - نادي الهلال السعودي - شبكة الزعيم

Fahad Al Sudais · #1 27/03/2009, 03:16 PM

حيــــــــاكم

هلا ومرحبا

الله محيّي جماعة الربع

اقوووول

من اليوم الى الجمعة الجايّه مانبي مواضيع ساخنة

روّقوا المانقا وخلّوكم ريلاكس

والا لاتستغربون باكر تصدر قرارات مثل :

إلقاء القبض على مغّـاط بتهمة الهياط وغسل شراع الاصفرين

واعفاء هلالي ثنياني وشاكر وابوراشد والقحماني عن الاشراف بتهمة التخاذل

وكف يد الظـاهـرة بتهمة ( البـربـرة )

وشطب مرور الكرام بتهمة التعاون مع ( كاسترو ) ضد النظام

ونفي الـصـخـرة الى بنغلاديش بتهمة عدم التحلّي بالاخلاق السعودية

معشر الزعماء

مادام اللاعبين في تمارينهم مع حبيب الشعب الحسيني

والامور كلها ماشيه تمام والفرق نقطتين

والمباراتين الباقيه كلها هنا بالرياض

وياسر موجود ومع زملاءه يتمرن ومبسوط وماعنده خلاف

ويمكن اللي صار له ( خيره ) علشان يفتك من غثاء المنتخب

ماعمره راح لهالمنتخب الا ويرجع مصاب او معطوب

يعني الاوضاع كلها تمام التمام وزيّ الحلاوة

خلّونا نرتاح شوي من مواضيع المحقق كونان

ومواضيع الملفّات السريّة والخلطات السحرية

من جد والله ماصارت

احداث متلاحقة ومتسارعة وكل ابو خمس دقايق شي جديد

وكل شوي واحد جايب لنا خبر حصري من مصادره الخاصة

اقول لايكثر انت وايّـاهـ

خوذوا لكم اجازة واستغلّوا الوقت بشرب الحليب والقراءة

واللي عنده شغيلات ماخلّصهن يروح يخلّصهن

انفقعت روسنا وانتفخت بمشاكل الكوره

مدري حنّا نلقاها من الجو اللي كل يوم غبار او من الاخلاق السعودية

عندي اقتراح

وش رايكم هالاسبوع طالما مافيه مباريات

تركزون مواضيعكم شوي لتكريم النجوم اللي ابدعت في المباريات الاخيرة

كل المواضيع كانت مركزة على كوزمين وياسر

ونسينا نعطي كل ذي حقه من المدح..

نجوم كانوا علامات فارقه :

اسامة هوساوي

خالد عزيز

ميريل رادوي

ويليهامسون

حتى الدعيع ابدع في المباراة الاخيرة وكان كابتن ولا اروع

والفريدي وسـول اصبروا عليهم شوي.. لا احد ينتقدهم الحين

خلوهم يستانسون هالاسبوع والوعد الاسبوع الجاي

ولاتنسون تدعون لوالدنا مساعد بن عبدالعزيز

وابننا سعد بن نواف بن سعد بالشفاء العاجل

سلنقر · #2 27/03/2009, 03:19 PM

طالت غيبتك ,,,

صراحه فقدناك

الدوري غالي جدا

وما فيه احد يقدر عليه الا الهلال والاتحاد لصعوبه الحصووووول عليه

والباقين كاس فيصل تحت 23 يخب عليهم

ومانبي يضيع علينا الدوري

مابقى الا مبارتين نفوز فيها ونصبح ابطال الدوري

والظاهر فهد انك بيجيك انذار من هلالي ثنياني

ويعطيك العافيه

علي ماصورة · #3 27/03/2009, 03:23 PM

الهلال يشهد حمله شرسة من فئه معينه
حسبي الله على من كان السبب
الله لا يوفقة دنيا واخرة

نزيه المشاعر · #4 27/03/2009, 03:23 PM

الله يعطيك العافيه يالغالي

اهم شي نبي حضور ومسانده بالملعب

.......................

sami9_2010 · #5 27/03/2009, 03:24 PM

مشكور والله يعطيك الف عافيه

SweeT Devil · #6 27/03/2009, 03:25 PM

بطل بطل بطل ,

لاآ هنت يآ بعدي و آللي خلقني طلعت آللي في خآطري

/,

بـ آلتوفيق لـ زعيمنآإ و بـ آذن آلله آلدوري هلاآلي هلاآلي هلاآلي ,

AL_SAAM · #7 27/03/2009, 03:26 PM

شكرا لك

الدعيع والله يحتاج دايما وابدا لتكريم ابوعبدالعزيز

abo.a7mad · #8 27/03/2009, 03:28 PM

الصخرة والله انك كفوو , دائما موضيعك تقعد الراس

انا دائما متابع لمواضيعك ذكرتني والا نسيتني

البندري بنت خالد · #9 27/03/2009, 03:28 PM

الله يعطيك العافيه يالغالي

اهم شي نبي حضور ومسانده بالملعب

.......................

صمت999 · #10 27/03/2009, 03:28 PM

سلمت ايااديك يالذيب

كلامك عين العقل

اوووما مصادرك الخاصه كثر منهااااااااا

ماشاء الله مافيه سر بيستخبى هههههه

اخوي سلمت اياااديك

والله يشفي والدنا الامير مساااعد

اللهم صلي على سيدنا محمد وعلى اله وصحبه اجمعين
صمت999

مليار الهلال · #11 27/03/2009, 03:29 PM

مشكور اخوي الصخره
والهلال يواجه حمله شرسه من اصحاب النفوذ (لديهم حصانه) وبإذن الله يفشلون كما هي عادتهم الفشل في كل شي.

غزال الريم · #12 27/03/2009, 03:29 PM

شكووور خيو على الموضوع اللي عطـانـا روح شوي ..

يالله يا شباب خلونـا نروق ..

وربي موب نـاقصين كل يوم خبر مدري كيف جـاي

صمت999 · #13 27/03/2009, 03:29 PM

سلمت ايااديك يالذيب

كلامك عين العقل

اوووما مصادرك الخاصه كثر منهااااااااا

ماشاء الله مافيه سر بيستخبى

اخوي سلمت اياااديك

والله يشفي والدنا الامير مساااعد

اللهم صلي على سيدنا محمد وعلى اله وصحبه اجمعين
صمت999

" أَبُو لارا " · #14 27/03/2009, 03:31 PM

وأنـــا ويــــــني

يا فــهد الغــالي الذي يتكلم عن المصادر تراه خــرطي جــالس بالبيت ويـهــذر...ومســوي فــاهــمــ .
وعلى فكــرة في واحــد من إحـدى المنتدييات قال أنــا شفــت هــذا ...
ولكن ما معي الجوال علشــان أصورهــ !!.
تلعــب على الــسذج يــاســاذج

بالمناسبة عن الســـذاجة أمس في برنامج في قناة مــا عصــب واحــد مــا على واحــدمــا
والســبب أنه قــال الـذي يتكلم عن الكـابتنية في الإعــلام هو ســاذج

عصب هذا الساذج !.>> ياكــثر مـــا

/
في بعــض الناس للأســف نايمة قايمة تتكلم بإعراض الناس ....لآحول ولآقوة إلا بالله
أما بالنسبة للنجوم فهم والله يستاهلون أن نقف معاهم كلهم من أولهم إلى آخرهم ..
بالحب والإشراق >> يقلد رائدة الزعيم

عوافي ياحبيبي على هيك المواضيع الحِلوة

alaneid · #15 27/03/2009, 03:33 PM

الله يعطيك العافيه يالغالي

اهم شي نبي حضور ومسانده بالملعب