آيه يآإ التسليكـ [ كل شي يتعلق بالتسليك والحركآإت هذي ] - نادي الهلال السعودي - شبكة الزعيم

Hilal United · #1 26/03/2009, 11:14 PM

سلامـ

-

-

-

-

سآإكمـ الله بالخيرـر

طق طق طق .. مين عــ الباب ؟؟ أنا الذيب
وش تبغى ؟؟ أبغى علبة ألوان .. أي لون
فيه أحمر .. لالالا .. فيه أخضر .. لالالا
فيه أزرق .. لا لا لا .. فيه ابيض لا لا لا
فيه بنفسجي لا لا لا فيه بيج لا لا لا

اليوم نبي نطلع عن المواضيع الروتينيه

يعني مآإرآإح اجيب قصه كآلعآده علشان محد يطفش

ولا راح اكتب موضوع عن السحالي والتماسيح

وينا فيه حديقة حيوآإن

معد باقي الا صورة ديك وتصير حديقة حيوآإن رسميه

<< تراه قآإعد يذب على اللي يكتبون زي ذي الموآإضيع

اليوم نبي نتكلم عن شي في حيآإتنآ اليوميه وراح نعطيكم مواعض عنه طبعا مآإراح اتكلم عن التدخين والمخدرات وذي القروشه

بالعكس راح اتكلم عن شي يستانس عليه الشعب السعودي

راح نتكلم عن التسليكـ

التسليكـ في المجتمع السعودي شي وآإجب لكن بحدود . . يعني الانسان مو مشكله يسلكـ لكن لايسلك وآإجد علشان مايتعب وهو يعطي العالم جوهم

التسليكـ : هو ان تعطي المتحدث جوه يعني تمشيله وتحسسه انك مهتم ومتحمس لسالفته وانت منتب يمه او دآإري انه تسذوب او سآإمج

فيه احكام لـ التسليكـ . . خلنا ناخذها بالترتيب

1- تسليكـ واجب [ هذا التسليكـ لما ابوك ولا امك قاعدين ينكتون وانت تضحك وتسلكلهم غصب . . حتى لو كآإنت النكته سامجه لكن واجب تضحك لان لو ماضحكت يعتبر من عقوق الوالدين ]

2- تسليكـ واجب [ مثلا لو خويك قاعد يتلاسن هو وواحد ثاني وجاء خويك وذب ذبه على اللي يلاسنه . . في ذا الوقت واجب انك تضحك حتى لو كانت الذبه سامجه لانه خويكـ ]

3- تسليكـ مستحب [ هذا لما تقابل واحد من زمان ماشفته او تقابل واحد اول مره تشوفه او واحد توكـ متعرف عليه وقال لك نكته . . المستحب انكـ تسلكله حتى لو هي سآإمجه ]

4- تسليكـ فرض كفايه [ هذا لما يشرح المدرس درس واجب على الطلاب يسلكون له حتى لو مافهمو الشرح علشان يخلص بسرعه . . فلو سلكـ طالب واحد سقط التسليكـ عن الطلاب الباقين ]

5- تسليكـ حرآإم [ هذا لما خويك او اي واحد يقعد ينكت على العالم ويذب عليهم من وراهم وانت تضحك وتسلكله هذا يعتبر حرآإم لانه من الغيبه ]

يعني فيه شي يخليك تترك التسليك وتقعد تزبد لـ العالم . . مثلا واحد دايم يفقش عليك ويعطيك من الرخيص وانت عارف انه كذوب بس تسلكله

. . عاد انت طفحت من كثر ما يكذب . . في هذي الحاله اتركـ التسليكـ

واقعد ازبدله وقله مع احترامي لك انت كذاب << بالله وين الاحترام فيه

. . يعني هذا النوع ماينفعله الا التزبيد انت سلكله في البدآإيه بس اذا شفته زودها علطول ازبدله

التسليكـ شي حلو ويجعل المجتمع مترابط اكثر واكثر ويعم بالسعاده على افراد المجتمع

لأنك تعطي المتحدث جوه وهو يحبكـ لانه يحسبك متحمس مع سالفته

. . وهذا الشي يجعل المجتمع يسود بين ارجآإئه المحبه والألفه

. . انا شخصيا احب اللي يسلكلي بس مو مره يعني يسلكلي في وقت الازمآإت . . [ زي مره قلت نكته في فصلنا وماضحك منها الا وآإحد طبعا واضح انه يسلكلي بس اهم شي انه طلعني من الاحرآإج . . وبصرآإحه حبيته من بعد ذآإك اليوم ]

1- لازم تسلكـ بس مو مره يعني على خفيف

2- لاتنكت وآإجد ولاتسولف وآإجد لان بيجي اليوم اللي يزبدون لك الناس فيه

3- يجب عليكـ التحلي بـ الاخلاق السعوديه

بابا متى يجي .. يجي الساعة 6
راكب ولاّ ماشي .. راكب بسكلته
حمرا ولاّ بيضا .. بيضا زي القشطة
وسعوا له السكة

خلاص بس

-

-

-

-

سلامـ

FINAL10 · #2 26/03/2009, 11:42 PM

اقول وش رآيك ( آسلك لك ) آو ( آزبد لك ) على موضوعك ؟؟

خلآص بسلك لك , يآلله موضوعك حلو

برب

هههههههههههههههههههههههههههههههههههههههه

آمزح معك يآلغآلي

والله يآبعدي آلتسليك شي مهم في تمآسك المجتمع
لكن عن نفسي آنآ مآ آسلك آلآ للي يعطيني سوآلف ( نصب )
آو آشيآء لست مهتم فيهآ ,

مثلآ وآحد مآبرآسه كوره ولآيحب طآري الكوره
وتسولف عن الكوره قدآمه يبي يسلك لك

فـ لو زبد لك , كآن حقدت عليه

ولكن للحفآظ بين العلآقآت نتجه للتسليك

بعض الاحيآن وآنت تسولف لـ شخص مآ
وتحس آنه يسلك لك , حآول تخلص سآلفتك عآلطول
آو تغيرهآ

لآن آخآف يفنجر ويزبد لك

عالعموم هآلـ

لك

عتيبية هلالية · #3 27/03/2009, 12:09 AM

هلا...}

موضوع متألق <<تسليكة افتتاحيه

\\

لما نتكلم عن التسليك , فاسمحلي اخوي حنا نعيش في وسط ناس عقليتهم سطحية يعني

لما تجي تناقشهم في الشيء يرفضون بحجة انهم (الصح ) وحنا الغلط فنحن محتاجين نسلك لهم

,

وصدقني التسليك يطلعك من مواقف محرجة ما تعرف تتصرف فيها

وممكن يمشي امور كثيرة في حياتك , ويفيدك في علاقتك بين الناس

بس معك في انه يكون بحدود وفي مواضيع ممنوع تسلك فيها ..!

يعني كما دائماً اردد (بين الافراط والتفريط خط احمر )

تحيتي ب : )

المـشـاكـس · #4 27/03/2009, 01:00 AM

هلا اخوي..
موضوع رائع .. يتحدث عن التسليك ..
المبدأ المعروف منذ مبطي

..

من جد

..
لا تفكرون انه من قريب الكلام هذا .. بس ما كانوا يسمونه بهالاسم

..
اتذكر اني قرأت لواحد من التابعين ما معناه .. " يحدثني الشاب بحديث فكأني اسمعه لأول مرة .. وإني لأحفظه قبل ان يولد"

..
وهو من اداب الحديث عموما .. ولا هو شرط عند التنكيت

..
و لو انه بعض النكت مرة مااااااش .. ما تقدر تسلك لها

..

طبعا هذا تأصيل تاريخي للتسليك

.. وتسليك لموضوعك

..
عشان احسسك انك كتبت عن شغلة مهمة وقديمة

..

اشكرك يا صاح على هالموضوع الخفيف

sowaid · #5 27/03/2009, 01:39 AM

الف شكر لك
موضوعك حلووو<<<<< يسلك لك

لا والله طرحك رووعه

لاعدمناكـ

مطيع · #6 27/03/2009, 01:58 AM

دقيقة خليني ارحب بالمشكلجي

المشاكس

ياخي اعتبرك من اعمدة المجلس بس كسول حبتين او خلينا نقول مزاجي
بس تبقى بالنسبة لي غير

نرجع للتسليك

التسليك عامة شيء واجب يفرضه علينا المجتمع والعلاقات العامة بين افراده

انا من النوع اللي احب اسلك للواحد بس في نفس الوقت احب انتهز اقرب فرصة عشان اغير الموضوع 180 درجة

ولد الهلال

تمتلك اسلوب رائع .. رجاءا لا تبخل علينا

كـت كـت · #7 27/03/2009, 02:20 AM

والله يا إن التسليك فاك أزمة على الشعب

طبعا التسليك يمكن يكون أكثر من 90% في الشعب السعودي

وهي حاجة كويسة بكل تأكيد

للي ما يحب يسلك .. بيجيه يوم وبيسلك وغصب عن جبهته

ثانكس ع الموضوع الكويس

موضوع جديد بفكرته وطلعنا من جو المواضيع الجديه شوي

عـز الهلال · #8 27/03/2009, 02:53 AM

// ,, و عليكم السلام ورحمه الله وبركآته ..//

..

و الله الإنسـآن لابـد أن يسلكـ و يزبد

اذا فقد هــ الشيئين , أو وآحد فيهم اللـه يعينه على حيآته

.

..

عـن نفسـي .. } من هوآه التسليك

والعآشقين له

ويآكثر مآ سلكت و أحلـى شي اذا سرحت بـ أغنيه " يامستجيب للدآعي

" .. !

أمآ عن التزبيد .. فــ يصلح للـي // وجيهم وسيعه

.

..

سلاميشو ...

عٌمر · #9 27/03/2009, 11:58 AM

أشوف الشعب كلهم صاروا سباكين .. يسلكون ههههههههههههههههه < - احس اني شطحت

صراحه موضوع مهم .. فعلاً .. لزوم التسليك في بعض المواقف

فيه حاجه ثانيه اسمها تعزيز .. مرادفه للتسليك ..

التعزيز /

مثلاً صدمت لك واحد .. ومعك خويك والخطأ عليك 200% .. هنا انت تنزل وتنافخ وتحط الخطأ على خصمك ..

ويجي صديقك اذا كان كفو .. ويعزز لك وينافخ معك ويصير الحق لكم .. اما اذا كان زلابه .. يبي يقلب عليك

تقبل مروري المتواضع

Mr.DL5 · #10 27/03/2009, 12:16 PM

هلا والله اخوي

..

التسليك وما ادراك ما التسليك .. ياخي تجيك اوقات تقول التسليك نعمه عظيمه

يعني تخيل مثلاْ جالس مع واحد سواليفه بايخه .. وش تقوله ؟ قم تقلع يالبايخ ؟ مالك الا تسلك له

يعني بوجهة نظري التسليك حاجه مهمه في المجتمع

..

لاهنت يا ولد الهلال

وليد القحطاني · #11 27/03/2009, 01:10 PM

^^^

أنورت بقدومك الدار ياغالي , منور والله يايزيد
وينك ووين أيامك بس

..

بالنسبة للموضوع يالغالي ..
اتوقع التسليك شئ مهم جداً في الحياة !
إذا ماسلكت فاعتقد راح تروح فيها وراح تدخل في مشاكل انت في غنى عنها
لاهنت اخوي

MiLAN LoVeR · #12 27/03/2009, 02:27 PM

//

التسليك مبدأ ومبدأ مهم في حياتي الشخصيه ...

ويمكن انت لاحظت علي ذا الشي

والتسليك له فوائد كبيره

لكن اذا اكتشف الي قدامك انك تسلك له قمت الاحراج

المهم موضوع بطل ولاهنت يابعدي

//

abdogAg · #13 27/03/2009, 02:40 PM

يعطيك العافية عالموضوع المنظم والحلو والمممممممممممممتيييييييع ... المهم الموضوع صراحة يستحق التثبيت << تسليك ض1 ...

تحياتي

Hilal United · #14 27/03/2009, 02:52 PM

ولد عنزة

تصدق في البدآإيه كرهتك

يوم تقول بردك الاول تبيني اسلكلك

بس بردك الثاني راح الكره

ومن جد لازم تخلص سالفتك علطول

ترى مهب زينه السوآإلف الطويله

لانها تؤدي الى الفقش ويطفش اللي قدامك ويكشفك

لاهنت يآإغنآإتي ع المرور

عتيبية هلالية

انا معك التسليك شي حلو بس لازم تزبدين . . افرضي تكلمين وحده تفقش عليك

فقش قوي وانتي تسلكين لها اكيد بتقول بنفسها ذي مخفه تصدق اي شي

فهمتي قصدي . . يعني ازبدي على خفيف . . وصدقتي التسليكـ يكون علاقآإت

يستفيد منها الانسان مستقبلا . . نورتي الصفحه بمرورك

المشاكس

ايه التسليكـ منذو مبطي . . لان العرب اول يجآإملون في الاكل . . اذا مااعجبه الاكل

يروح يتغصبه علشان مآإيكسر بخآإطر اللي عآإزمه

وزي مآإلقت التسليكـ

له عدة اشكال وانواع والتسليكـ مايقتصر على السوالف والتنكيت بس

لاهنت يآإ أبوي ع المرور

sowaid

مرورك الأحلى << يردلك التسليكه

لاهنت يآإكويس ع المرور

مطيع الهميمي

طريقتك حلوه أنك اذا قمت تسلك لواحد وحبيت تغير الموضوع علشان ماتطفش

من التسليك له

. . وشهآإدتك اعتز فيها يآ الغالي

نور الصفحه بمرورك

رآإجع لـ البآإقي بعد شوي

B r B

Hilal United · #15 27/03/2009, 07:54 PM

كـت كـت

صحيح . . لازم يجي اليوم اللي تسلك فيه

واتوقع مآإبوه احد مآإيسلك

يعني لازم تسلك لـ وآإحد وتعطيه جوه

لاهنت ع المرور يآإكويس

عـز الهلال

وأنا اخوك بوه نآإس تزبدلهم ومآإيحسون . . وجيهم مغسوله بمرق

لاهنت يآ كويس ع المرور

عمر

التعزيز والتسليكـ وكل هذي الامور تخلي المجتمع مترابط اكثر

لان الانسان ياخذ موقف وصعب ينسآإه سواء حلو او شين

نورت الصفحه ياالغالي

Mr.DL5

أنا معك هو شي زين بس ترى فيه بعض الناس يكذب كذبه كبيره ويبي يوشف

عنك هل انت مخفه ولا لا

!

لاهنت ع المرور يآ الغالي

وليد القحطاني

صدقت . . فيه نآإس لو تبزدلها تنقهر وتحاول ترد التزبيده

لاهنت يا الغالي على المرور

PATO-7

من جد تخيل وآإحد صآإدق انك تسلكله

يعني طلع عن الموضوع وانت مازلت

تسلكله . . وعرف انك تسلكله

يووووه احراج من جد

لاهنت يآإ دحوم على المرور

abdogAg

شكرا لك يآ افضل عضو على احلى رد واقوى رد << يسلكلك بالمثل

لاهنت على مرورك يآإبعدي