[c]بسم الله الرحمن الرحيم[/c]
للأسف دخلنا في القرن الواحد والعشرين<---- هو عشرين ولا واحد وعشرين
وفيه تصرفات تشوفها عندنا الواحد يستحي إنه يقولها
صح إن عندنا تصرفات زينة وتوسع الصدر لكن الشين واجد و هذا بعض اللي طرا في بالي
** تصف عند الخباز ساعتين وما تدري إلا واحد كنه تايسون يسقط عليك ولا تقدر تقول ولا كلمة
** هالمبزرة إذا شافو هندي رجموه وعلشانه مسيكين ولا يبي مشاكل يحط رجله يبي الفكه بس وتلقى اللي راجمه يقول هين إن كان فيه خير خله يعود
ولو يعود الهندي كان ما تشوف ذا إلا زابنن عند امه
**إذا صدمك واحد وحولت عليه وقلت له الله يهديك وراك ماانتبهت طلع عجرا وفقع راسك
** تشوف بزر ما بعد فطمته أمه وتلقى معه موتر ويحدد في خلق الله
** إذا تسطحت نعلة أحد بزارينك عند الجيران وتروح تبي تجيبها يقولون مهيب عندنا وإذا عزمتهم عقب كم يوم تلقا بزرهم جاي وهو لابسها ومن زين الوجه لو سألته وين شاري هالنعلة منه تلقاه يرد وهو فاق خشته وسع شبرين هاذي ساليها بمية وألبعين(شاريها بمية وأربعين)
<--- النعلة مهيب مهمة لكن شف وشلون قوة الوجه
** تدفع دم قلبك علشان تبني بيت وتجي عقب كم يوم تلقى واحد جايب بخاخ وكاتب على جدارك أبو برطم معذب البنات مع تحيات نويصر ومحميد<---- طيب أنا وش دخلني فيك إذا صرت أبو برطم ولا أبو ركبة لا بارك الله في أم جابتك
** تروح للملعب تبي تشوف مباراة وعقب ما يتقطع قلبك علشان تدخل وتوك قاعد وإلا اللي يصرخ في إذنك الله يلعن هالاعب الله.... ( فيه شين واجد ينقال بس علشان ما يزعل علينا بروق حذفناه)وما تدري إلا اللي وراك ياكل فصفص ويذب القشم عليك وغيره واجد
** إذا جت الإختبارات وإلا المسجد يمتلي وإذا خلصت الإختبارات وطلعت النتايج تلقاه يفضى إلا ممن رحم الله
<------- قسم بالله إني منيب سهل عقب هالكلمة
** تفتح بقالة تبي ترزق الله وعقب كم شهر تلقى بزارين الحارة دابغين الهندي اللي في البقالة علشانه مسك واحد منهم وهو سارق حلاو مصاص اللي بربع ريال
** تدخل حمامات المسجد تبي توضا وتلقى الحمام كنه خريطة والريحة اللهم يا كافي تمنى بس إنك تخلص
وهاللي كاتب على باب الحمام لو يكتب أخوه الصغير على حمام بيتهم بقلم رصاص كان مسكه ولزخه تلزيخ الين يعض الارض
حتى حمامات المسجد صاروا يصبغونهن بأسود
** ترجع للبيت ولا ولدك فاقع راسه ولد الجيران وإذا رحت لأبوه تعلمه قال بزارين ويلعبون وش نسوي لهم ولو ولدك يطق ولده كان تلقاه جاي ويعلق الجرس ألين يحترق وإذا طلعت له قال وين هالخسيس ولدك والله لأكسّر راسه<------ طيب هماهم بزارين يلعبون
** تسجل في الجامعة وتروح أول يوم وأنت متشقق من الفرحة إنهم قبلوك وعقب كم يوم دراسة تلقى لك دكتور شايفن نفسه يحسب ما في هالدنيا دكتور إلا هو
ولو ترد عليه ولا تقوله شي حطك في راسه ويمكن تترك الجامعة بسبته
في راسي شين واجد ودي أقوله بس ما ودي أطول عليكم
وختاماً أقول
** إلى متى وفيه ناس يوم قروا موضوعي قالوا إنزلع لا بارك الله في هالخشة
ألين متى وأنحن تسذ ا؟؟ 
الوضع العادي
