هذا اللي يـقـصـدون يــا ( حليمان ) ! - نادي الهلال السعودي - شبكة الزعيم

أبـو زآيـد · #1 24/03/2009, 01:20 AM

بسم الله الرحمن الرحيم

نواف الهلالي يطل عليكم من جديد

يحلموووون ويحلموووون ويحلموووون .. ( وش تقصدون )

عطني حليمان : اللي يقصدون إنه أنت وأشكالك من الملتزمين

بالأخلاق النصراوية يحلمون بإيقاف الزعيم لكن والله ( يبطوون )

ولا وش رايك يا حليمان تحدث !!

حليمان : الحين أنتم وش تقصــ.... سـ.. : تصمت !! من أنت حتى تسأل هالسؤال

المهم يا جماعة

مبروك الفوز لكم جميعا وعقبال الدوري بإذن الله .. وهذي ورده

<< تكلفت

بصراحة على الظروف اللي يمر فيها الفريق أعتبر إن الشباب اليوم لعبوا مباراة جيدة

ونقول ما قصروا والحمد لله على الهدف اللي جاء بآخر الدقايق وكمل المجهود .. ولا كان علوم

ليش ؟؟ لأننا للأسف وإلى الآن - وأنا قلتها وقالها غيري وسأعيدها دائما - لا زلنا نعاني من مشكلة

إضاعة الفرص السهلة !!

يعني اليوم الشباب لعبوا وسوو هجمات كثيرة وخصوصا من البرنس الليبي طارق التائب

لكن المشكلة ما عندنا إنهاء هجمة على سنع !!

لكن مما أعجبني اليوم بصراحة : ( الروح ) اللي ظهر عليها ( بعض ) لاعبي الهلال

وصدق فيصل أبوثنين

يوم يقول :إن اللاعب ابن النادي ( غالبا ) يكون روحه وحماسه

للفريق أكثر من اللاعب اللي جاي من برا << حلوه جاي من برا

وأكرر كلمة ( غالبا ) يعني مو دائما !!

واليوم كلنا شاف كيف يتحرك وكيف يشتغل النجم الكبير عمر الغامدي

يعني بصراحة عمر

اليوم إلى جانب عبد العزيز الخثران

ما شاء الله لا قوة إلا بالله ولا تقول فوق الثلاثين ولا تقول

من زمان ما لعبوا الله لا يضرهم

وهنا تظهر الخبرة يا حبيبي الخبرة والروح يا حبيبي الروح

وبالمليمتر يا حبيبي بالمليمتر << خاطمة عرض

أبو عبد العزيز

ما هي أول مره تسكت أحد .. ولا هي أول مره ترد على أحد

ولا هي أول مره تخلي بعض الناس يعض على شحم

.. أنت كذا دائما عملاق وما يسبّك

إلا الأقزام وعقبال ما ترفع الكاس يا كابتينو

وأتمنى تكون الروح والقتالية عند جميع لاعبينا مثل الثلاثة اللي فوق ^^^^

المدافعين قدموا مستوى لا بأس به ولو إنه فيه كم كوره من الجهة اليمين بغت تخرب الفرحة

لكن زي ما قلنا على الظروف هذي وأول مره يلعبون مع بعض نقولهم ما قصرتوا

أما الوسط فالتايب أبدع و ويلي حاول و ياسر ضيع

أما الكوري فقام اليوم ببذل مجهود مضاعف وركض يمين ويسار لكن يبدو والله أعلم إن هذا اللي

عنده فما نقدر نطالبه بمستوى أكبر من كذا !!

عبد اللطيف الحسيني

هذا الرجل الخلوق .. والمدرب الرائع

وُضع بصراحه في موقف لا يحسد عليه .. آخر الموسم ومباراة مصيرية وبدون دوليين

وظروف صعبة .. ومع ذلك استطاع بفضل الله تحقيق الفوز بمشاركة باقي النجوم

والله لو ما يجي من المباراة إلا فرحتك وابتسامتك الرائعة بعد صافرة النهاية

وتستاهل والله يا كوتش

-------------------------------

اقرب جاي يابو شرهه

يسلم عليك ابن سعيد ويقولك : ( يا صغير ما يكبرني لقب )

وغير كذا .. ابن سعيد هذا اللي مهب معجبك يا مذموم !! خدم الوطن ورياضة الوطن

وقدم للوطن من أيام جدك الملك سعود رحمه الله .. طبعا أنت وقتها كنت بظهر الغيب

ومن ضمن من قدم له وخدمه هو ناديك النصر !! لكن وين اللي يعرف الوفاء ؟!

لكن ما نقول إلا لا بارك الله في المشيخة وفي هذا اللقب إذا كان لك ولشيخك أبو ثامر

وعلى طاري الوفاء .. أقرب وفاء شفته يشبه لوفاء بعض الناس هو وفاء ( حمود الفشقة )

يوم اشتراه النادي من نادي حارتهم بمليون ريال .. مر من بكره على شلة إدارة ناديه الأول - المدفع وطقته

وقالهم : لا بارك الله فيكم أنتم وناديكم المخيس

<< قمة الوفاء يا بشير

مبروك مرة أخرى وعقبال ما نفرح بالكاس مع بعض إن شاء الله

قفلة :

وإن كنت يا نايم أحلامك سعيده .:. خلك على نومك ترى النوم راحة

احلم تمنى بكل شيئاً تريده .:. ما يعطي الواقع حلومك مساحة
.
.