.. ][][ فـقـاعـة صـابـون ، واقـع مـريـر ][][ .. - نادي الهلال السعودي - شبكة الزعيم

جرح يشكي · #1 23/03/2009, 04:54 PM

السلام عليكم ورحمة الله وبركاته

كيف حالكم ان شاء الله بخييييير

.. ما أقول الا ..( آآآهـ يالمجلس بس

، وربي آدمان آدمان آدمان ... الخ

في موضوعي هذا بتكلم عن اشياء كثيييرهـ ، كلها تقرقع في قلبي منذ مبطي وما جاء اليوم اللي اتخلص من قرقعتها الا اليوم ..

بسم الله

فقاعة صابون ..!!

صرنا نشوف كثير من الناس يفتخرون بـ مناصبهم وشهاداتهم وهو يحق لهم طبعاً ما دام انهم تعبوا حتى وصلوا الى هذه المناصب .. بس يوصل الامر الى ..( كل ما دق عوداً عود قال انا وانا ..، انت " مهندس ، طبيب ، دكتور ، مدير ، ضابط .. اوكي افتخر بس في وقت العمل .. موب تجيني وتترزز قدامي .. شوفوني انا مهندس ، طبيب .. "

تشوف لك ضابط النجوم اللي على كتفه وزنها 70 كيلو واط

ويقعد يقلق العالم بـ منصبه .. واذا جيت بغيت منه كفاله عشان ولدك اللي عمره 14 سنه متهاوش مع ولد جاركم .. وتبي تطلع الولد من القسم قال لك ما اقدر

.

معاناة موظف

مديري في العمل .. شهادته متوسط والتحق بـ معهد التعليم العالي " سابقاً كان بـ هالاسم قبل لا يتغير الى كلية التقنيه ع ما اظن " .. ومقلق اهلي انا ما وصلت الى منصبي هذا الا بعد تعب .. وش تعب الله يرحم اهلك وانت ما تعرف تفرق بيت الـ " c " والـ "s" .. ومنصب ومنصب وآخر شي بيوك 95 تظل واقفه في الدوام 3 ايام كل اسبوع ..
مديرنا هذا الله يحييكم .. مقلق اهلنا كل يوم بـ اجتماع وكلام طويل عريض .. اقسم بالله يدخل ويطلع وانت ما تدري وش قال ووش يبي يوصل له .. ومزعجنا منصبي ومنصبي .
بعد كل الالقاب اللي قبل اسمه .. تجي تبي تعريف لقسم الشرطه .. قال لك راجع فلان انا ما عندي صلاحيات

تبي بعض المعلومات عن الشغل .. يصرفك وكآنه موب فاضي لـ هـ التفاهات .. وفي الحقيقه انه ما يعرف شي

.
.. اوما اللي فوق المدير هذا .. مدرس رياضة وبعد الغاء مادة الرياضه في جدولنا .. تحول الى مرشد اكاديمي

" هزلت ورب البيت هزلت "

.. مرشد اكاديمي وهمه الاول والاخير .."بطاقاتكم بطاقاتكم "

.. يتميز بـ الطموح العالي للوصول الى ما يسمى بـ خفة الدم .. وهو بالفعل خفيف دم لو تكرم وتبرع بـ ثلاث ارباع دمه

متى نتطور واكثر المسؤولين من شلة " باء بي بو .. تاء تي تو "

من شلة " لكم اللحم ولنا العظم "

اذا تبي نبي نتطور ونزيد من مستوى ثقافة ووعي الجيل القادم لابد من اختيار طاقم يتحلى بـ الخبرهـ والجديه في العمل مؤهلين لـ التعامل مع " بني البشر " بـ طريقة سليمه .. لا طاقم يتعامل بـ عنجهية الماضي ومتمسكين بـ مقولة " انا اعلم منك " .

في المدارس .. هل كل معلم .. لديه الاسلوب والفكر القادر على تربية منهم بين يديه ..؟!
اظن ان مفهوم التربيه القديم لا يزال قائم في مدارسنا .. اذا ما اعجبك تصرف الطالب فلان " اصفقه كف " " افتح يدك " والا بعد الصلاة تعال يا فلان اجلس ع الكرسي .. وخذ ضرب ع الرجل ..!! .. وصار المعلم يمتلك نظرت " المرعب " في نفوس طلابه .. بدل ان يكون " القدوة الحسنه " .

في جامعاتنا ..

نحاول نقلد العالم في آلية الدراسه .. الدكتور اهو المصدق وله كافة الصلاحيات ، وانت يالطالب .. ولا شي .. ربعنا ما دروا ان البلاء كله من الدكتور او بالاصح " الدكتاتور " .. ربعنا يتناسون ان الجامعه لـ الطالب ليست للدكتور .

دكتور في الجامعه .. مدة المحاظرة 55 دقيقه او 50 دقيقه .. 30 دقيقه منها يتكلم عن معاركه وفتوحاته في بلاد الافرنجه حتى حصل على شهادة الدكتوراه ..!!

رجال الامن ..

بعد ان يتذوق اقوى واصعب انواع التعذيب في الدورة .. يخرج الى الشارع وفي باله " بسوي مثل الظابط فلان .. او الرقيب فلان " يشوفك تمشي في طريقك .. يجي يتبلاك .. للاسف لا تعامل ولا احترام مثل الناس .. يكلمك من طرف خشمه .. المفروض في دورته العسكريه يُدرس فن التعامل مع البشر .. ما يحتاج اتكلم في هـ النقطه لان الكل يعرف كل شي عنهم .. واخاف اذا طولت في الكلام اجيب العيد .

هيئة الامر بالمعروف ..( هدف رائع وتطبيق سيئ ) .

شركة الاتصالات ..

تبي تشغل خدمة .. اوكي اتصل على 902 او 907 .. تبي تلغي خدمة قوم شغل سيارتك وروح لـ اقرب فرع واخذ لك رقم وانتظر الى ان يجي دورك والغى الخدمه

" اضحك والا ابكي بس ..؟؟!! "

<< مشكلة اللي صاحي من قبل الفجر وما بـ ينام حتى يشوف المبارهـ .. تحملوهـ تحملوهـ

.. جـ ( ـــرح )