السلام عليكم ورحمة الله وبركاته,,,
كيف الشباب...عساكم طيبين!!
يمكن كلكم أبو بعضكم سمع مداخلة أبو عبدالعزيز في برنامج كل الرياضة أمس....بصراحة والله كلمات الدعيع تقطع القلب...يقول:أنا اعترف إني كنت أسوأ لاعب في مباراة باختاكور ....وأنا أقول:قسما بالله إنك كبير يالدعيع وقسما بالله يالجمهور الأزرق مايزعل عليك عشان هدف والا هدفين ولا بطولة أو بطولتين
يالدعيع صاحي أنتيالدعيع حنا جمهور الوفاء ...حنا جمهور الأخلاص ...يالدعيع قسما بالله وأنا أتكلم عن نفسي لو تسجل برجلك في بابنا لأقول:يفدااااك مليون طعش وستمئة وعشرين الف قوولزيادة عن كذا لا لإني راح أعيد وجهة نظري فيك هههههه.
يالدعيع...لو ما أتذكر الا مباراة الإتحاد السنة اللي فاتت...لقلت كفى>>أبووك ياللغةيالدعيع عشر سنوات مع الهلال كلها بطولات ×بطولات تبينا ننساها بغمضة عين ...حشى وكلا...بالدعيع...حققت آسيا معنا مرتين على ما أظن وتبينا نقول يالدعيع برى برى!!!!
والله ياشباب مرة كنت حاضر التمرين بالنادي ...وفي المناورة جا قول على الدعيع قام واحد من الجمهور وصاح :يالدعيع يا فاشلأنا انهبلت وش ذا الجمهور اللي ينسى كل الإنجازات والبطولات في غمضة عين!!!
وش ذا الجمهور اللي ما للوفاء في قلبه مكان>>كيف التعبير بس
يالدعيع ....سر بأمان الله...يالدعيع الله معاكم على قولة سلمان المطيويع


محمد يادعيًع يازعيم وسيًد الحراس
............. ..... نبادلك الغلا ويا الوفا والطيب واحساسه
كفو ..الا كفو ماهي( كفو )الي مثلها لاباس
............ ... كفو لين (الكفو ) عندك يطيح ويلفظ انفاسه
انا احس السعودي يرتفع لاصار بين الناس
...................... وقال ان الدعيًع واحدً من اهله وناسه
عزوم وكل عزمً دون عزمك يعتبر افلاس
.......... .....ياكم قبلك مهاجم من عزومك اعلن افلاسه
مضى عشرين عام من الزمان ولاانهزم احساس
................ يقول انك عميد المجد من ساسه الى راسه
مع الصف الهلالي كنت حارس مخلص ونبراس
................... وياحظ الذي كنت انت حارس له ونبراسه
ومعك جبنا البطولات الكبار وكاس.. يتبع كاس
................ تصد اهداف وتصفق كفوف الخلق بحماسه
بطولاتك .. والقابك ...كبار ولا لها مقياس
..................... لكن الاكبر انك صرت للاخلاص مقياسه
عليك الله وامانه ياشديد وياقوي الباس
...................يحرًسك خالقك من نظرة الحاسد ومن باسه
اذا كان الهلال (البحر الازرق)موطن الالماس
...................... انا اشهد يادعيًع انك اغلى واثمن الماسه
...................................................................................................
وأما الآن مع النقاط الزرقاء>>وش يحس فيم يحسب إنه بالإذاعة الصباحية

*بياسر والمحياني ومن خلفهم التائب وويلي ونيفيز ...الموسم القادم يبي للهلال مدرب هجومي بحت....صح والا لا.

*من يقول إن مستوى ياسر منخفض...أقوله راجع صناع اللعب اللي خلف ياسر باستثناء التائب.

*النصر تراهم احسبوا تأهلم الى النهائي في كأس الأمير فيصل نصف بطولة

*الشلهوب الموهوب متى ترجع حبيبي بالسلامة!!!أتوقع العودة قريبة!!!

*نامي بالتوفيق لك مع الأخضر يا اللاندكروزر الجديد

*هواش الرياضية أحسن مسمى لبرنامج مساء الرياضية ....والله هواش وطقاق على عشان حاجتين:
1-بطولة الدورة التصنيفية اللي مزعجينا عليها.
2-خلف ملفي أبو أحمد ناشب لهم عشان كذا شابين عليه المسكين.
....................................................................................................

ودمتم في رعاية الله يا أكوس ناس بالعالم

صراحه بدون مجامله اشوف متوى الدعيع في تراجع

للظروف احكام وما نحكم على الدعيع من مباراة او مباراتين

وماننسى وش سوى ابو عبدالعزيز الموسم الماضي ومواسم كثيره

وكل الدعوات بالتوفيق للزعيم في مباراة الوحــدهـ

الدعيع كبيييير وعادي ياليت كل الحراس مثله مايغلطون في الخمس سنسن الا مررررره

كبييييير والله ياابو عبدالعزيز

والله الدعيع اذا غلط في هدف ... فقد حمى عرينه من اهداف كثيييير وخصوصا هذا الموسم


فدى يا ابو عبدالعزيز

الدعيع كبير رغم عنكم يالمراهقين .

بالتوفيق يالدعيع

.............................................

الكبير كبير ومافيه حارس ولا انسان مايخطئ

بعدي ابو عبدالعزيز

يلبيه يبو دعيع يفداك المرمى كله


تكفى مباراة الاتحاد في الموسم الي راح اقسم بالله ابدع
الرجال ماقصر علشان غلط في مباراة وحده قلتو

ثمين تعال انت وياه موب انتم الي تقيمونه مايقيمه الا المدرب وشبيه الريح


مشكور يلغالي
وبعدين تعالو مفروض نهتم بالهلال موب بلاعب ولا اثنين

محد يختلف في عطاء الاعب محمد الدعيع

لكن لكل زمان رجال ودوله ياخوي لكم وو يخدم الهلال والله إذا استمر بهالحال بيحرج نفسه ويحرجنا معاااااه
الاهداف الي دخلة من تالي بدائيه ويردها اي حارس مبتدء

اتمنا من كل من كل قلبي ان يرجع محمد الدعيع لمستواه المعهود

ان الوقت حرج جداُ