هالعجايز عليهن حركاااااااات هههههههههههههه

حركات الشميسي بس بشكل خاص وحصري

ينزّلها ولدها ويدق الجرس

وتطلع انت تفتح لهم الباب

تلقاها متغطيه ومتجوّده ولابسه دسوس ( رغم انها عجوز ومن القواعد من النساء )

وتمشي وماغير تدعي ( يالله على بابك لاخاب طلابك.. عفوك ياكريم )

وتجي بتسلم عليها وتحب على راسها.. هي تستحي وتبعد

وتقول لك : يؤ واخزياااهـ... مايحتاج ياوليدي

وتقول لها : وشلونتس ياخالة ؟؟

ترد عليك بهمس الحراير : بخير الله يسلمك ويعدّي عنك

تروح انت طاير تزأر بعالي الصوت :

يمّااااااهـ ... يووووووهـ ... جت خالتي ام عبدالرحمن

وينزلون امك وخواتك ويستقبلونها وتقلط بمجلس الحريم

كلها شويات ويجن حريم العيال ( زوجات الابناء )

وام خالد وام محمد وام سليمان وام ابراهيم وام علي وام صالح

مجلس الحريم خلاااااص مالك ماطى رجل

وانت متكّي بالملحق تقول في نفسك :

الله ينفع بها خالتي ام عبدالرحمن.. شف كيف امتلى المجلس حريم

كلهن جايات يستفيدن من دعواتها ويسمعن استغفاراتها واسرائيلياتها

الله يجزاها الجنة ... راعية طاعة والنور بوجهها

وفجأة

تبدأ الهسترة اللي على اصولها

وتسمع الزحف اللي يمشي على الجنط

وتشك ان الحريم انهبلن

ضحك غير طبيعي... صراخ وحفله

وانت قاعد تاكل اظافرك من القهر

ودك تدخل وتشوف وش يصير داخل

وش جاهم استخفّوا

البنات اللي يقرن الموضوع عارفات وفاهمات وفاطسات ضحك

لكن الشباب المساكين

انا اعلمّكم وش صار

ام عبدالرحمن قدّس الله سرها

يوم قحنت لها ست فناجيل قهوة

وعبّست لها عشرين تمرة سكري وعشر تمرات خلاص

اسفهلّت وشغّلت الدبل وبدت تطاعس

وخذ ياسواليف ( دعارة ) وافلام اباحية على عينك ياتاجر ههههههههههه

مالا عين رأت.. ولا اذن سمعت.. ولا خطر على قلب بشر

اقسم بالله تجيب سوالف.. حتى الشباب الزاحفين بالاستراحات مايعرفونها

كلها من تحت السرّه وفوق الركبة

والحريم فاطسات ضحك ومستلجّات ههههههههههه

والبنات يصبن قهوة وخدودهن حمّرن من الفشيله

واذا قضت العجوز وجاء ولدها ياخذها

اول ماتركب تسأله بصوت كلّه خبث :

عساك صليت العشاء بالمسجد مع الجماعة ؟؟
.