والله وكبرت وصرت أب ......... ِ@ - نادي الهلال السعودي - شبكة الزعيم

الكنز نواف · #1 10/03/2009, 03:16 AM

بسم الله الرحمن الرحيم ..
الحمدلله رب العالمين والصلاة والسلام على سيدنا محمد وعلى آله وصحبه ومن تبعه باحسان الى يوم الدين .

__________________________________________________________________________

مساءالورد أو صباحه لكل الأعضاء [ المغبرين ]

و [ المستجدين ]

المغبرين : شيبان المنتدى و من عاصرني في المنتدى منذ 8 سنواات تقريبا

ابتداء من جحدر ومرورا بالمزيون ابو الذهب عاشق (سئيدة) وجاج الداج وسليمان مدرس الرياضيات واختنا صمت العيون

وابوسليمان حبي تيماوي والبارق الخارق للعادة و متنبي المنتدى ( القاضي ) وراشد و فيصل وابو ريمان والبرفسور وبرق الزعيم والباش مهندس الفيصل وزعيم رروووما والمشرف السابق هلالي االجووووف وقرقااااص كراني اللي مافهمت اسمه للحين وتوأم الروح و الشارد ابو سارة وتركي واسماء كثيرة يعذروني لو نسيت والمشكلة انا اعرف اساميهم الحقيقية وما اعرف القابهم
وما انسى اخواتنا : الخطابة العنود و جيكرة الكويت

كيفي و بنتي شهد و كادي القصمنجية و الماسة اسم على مسمى وشذى المنتديات الفيرووووووسة قاهرة كاسبر سكاي ومثقفة المنتديات نجمة الابداع وثلاثي الرجة واسيرة وووووو الخ

اقسم بالله تعبت وانا احاول تذكر خصوصا ان الذاكرة ميد ان تايوان

ولو نسيت احد فوالله مو تعمد بس انا امر بمرحلة نسيان

المستجدين : وفيهم مبدعين كبار ولكن للاسف ارتباطاتنا كانت سبب في حرماني من متابعتهم

__________________________________________________________________________

المهم واللي ابي اقوله ... انا كبرنا وصرنا شياب

وبحمد الله رزقني الله بمولودي البكر وقت اذان الجمعة الماضية

وكنت احترت في اسمه فيصل او الوليد او عدي

و اخوي يقول اسميه جمعاااااااااااااااااااااااااااااان

ابي رايكم في الاسم

واسف عالاطاااالة

وليد القحطاني · #2 10/03/2009, 03:20 AM

ياهلا بالشايب

يتربي في عزك إن شاء الله , والله يجعله من اهل الصلاح يارب
ويكون قرة عينك يارب ..
واخوك اختياره صحيح , بحكم ان ولدك جاء على اذان الجمعة واسمه جمعان

وبالتوفيق لك يالغلا

الكنز نواف · #3 10/03/2009, 03:43 PM

إقتباس

الرسالة الأصلية كتبت بواسطة وليد القحطاني


	ياهلا بالشايب يتربي في عزك إن شاء الله , والله يجعله من اهل الصلاح يارب ويكون قرة عينك يارب .. واخوك اختياره صحيح , بحكم ان ولدك جاء على اذان الجمعة واسمه جمعان وبالتوفيق لك يالغلا

هلا بالسمي

المفروض تتعصب لاسمك ياوليدووووووووووووه
جمعان لو منت زهراني ابشر

جزاك الله خير يابو خاااااااااالد

مَاهِينُورْ · #4 10/03/2009, 03:28 AM

..

هلا والله ومرحبا بالكنز

هلا بالمغبرين , ليت من جمعكم ترجعون الايام الماضية واحنا نتفرج

~> طرت علي الجنادرية

..
ما شاء الله تبارك الله
مبرووك الولد ويتربى بعز والديه والله يصلحه ويرزقك بره

..
كل الأسماء اللي قلتها حلوة

الأفضل لك بما انه ولدك البكر وبتكنى أو تلقب فيه اختار المميز بينهم ومافي أحد من معارفك بهالاسم
عشان يثبت لقب ابو فيصل أو ابو عدي أو ابو وليد لك أنت وماينادونك باسمك العادي

~> هذي رأيي

..
حياك الله من جديد يالكنز

الكنز نواف · #5 10/03/2009, 03:48 PM

إقتباس

الرسالة الأصلية كتبت بواسطة nor alshams


	.. هلا والله ومرحبا بالكنز هلا بالمغبرين , ليت من جمعكم ترجعون الايام الماضية واحنا نتفرج ~> طرت علي الجنادرية .. ما شاء الله تبارك الله مبرووك الولد ويتربى بعز والديه والله يصلحه ويرزقك بره .. كل الأسماء اللي قلتها حلوة الأفضل لك بما انه ولدك البكر وبتكنى أو تلقب فيه اختار المميز بينهم ومافي أحد من معارفك بهالاسم عشان يثبت لقب ابو فيصل أو ابو عدي أو ابو وليد لك أنت وماينادونك باسمك العادي ~> هذي رأيي .. حياك الله من جديد يالكنز

شفتي شلون

يانور الشمس جيت المنتدى وجبت الغباااااار كله للرياض

والله الايام الخوالي ماتنسى على كثر مالفيت منتديات مالقيت مثل هالمنتدى
بس هي كذا الدنيا غدوو وارتحال

انا افكر نفس تفكيرك بس نفسي اني اسمي فيصل والمدام راكبه راسها الا هيثم

متآبعه بصمت · #6 10/03/2009, 04:25 AM

الوليـــــد

< عاجبها الإسم

يااختي مااحلاهم الصغيرونين

يتربى في عزك إن شاء الله ..
الله يجعله من الصالحين اللي يبر فيك وفي أمه .. آمين
والحمدلله على سلامة المدام

الكنز نواف · #7 10/03/2009, 03:52 PM

إقتباس

الرسالة الأصلية كتبت بواسطة متآبعه بصمت


	الوليـــــد < عاجبها الإسم يااختي مااحلاهم الصغيرونين يتربى في عزك إن شاء الله .. الله يجعله من الصالحين اللي يبر فيك وفي أمه .. آمين والحمدلله على سلامة المدام

الله يرزقنا وياك بعيال الحلااااااااااااااااااااااااااال ويجززاك خير ياختي
بالنسبة للمدام ماعليها خووووووووووف

مثل الحصان باسم الله عليها

أحلـى هلاليه · #8 10/03/2009, 04:43 AM

هلا بك
مبرووك ماجاك ويتربى بعزك..
وان شاء الله من مواليد السعاده
ويكون نعم الولد..

فيصل بنظري احلى..

فجر الرياض · #9 10/03/2009, 04:51 AM

هلا الكنز

مبروووك المولود الله يجعله من مواليد السعاده..
ويتربى بعزك وعز امه ان شاء الله..

الكنز نواف · #10 11/03/2009, 01:11 AM

إقتباس

الرسالة الأصلية كتبت بواسطة فجر الرياض


	هلا الكنز مبروووك المولود الله يجعله من مواليد السعاده.. ويتربى بعزك وعز امه ان شاء الله..

هلا و غلا بالفجر البعيد

الله يزوجك ويرزقك الذرية الصااالحة وشاكرلك المرور الجميل

الكنز نواف · #11 11/03/2009, 01:09 AM

إقتباس

الرسالة الأصلية كتبت بواسطة أحلا هلاليه


	هلا بك مبرووك ماجاك ويتربى بعزك.. وان شاء الله من مواليد السعاده ويكون نعم الولد.. فيصل بنظري احلى..

وانا بعد اشاطرك الراي
ولكن ام العيال عنيدة وراكبه راسها تخيلي تزاعلنا عشان الاسم

جزاك الله خير و الله يرزقك الذرية الصالحة

أول العنقود · #12 10/03/2009, 05:00 AM

يتربى بعزك و جعله الله من مواليد السعادة

أجد الأقرب إلى النفس و الألطف و الأشيك اسم الوليد

الكنز نواف · #13 11/03/2009, 01:14 AM

إقتباس

الرسالة الأصلية كتبت بواسطة أول العنقود


	يتربى بعزك و جعله الله من مواليد السعادة أجد الأقرب إلى النفس و الألطف و الأشيك اسم الوليد

اذا تبي الجد المنافسة الان بين الوليد وفيصل بعد تدخل الوالدة ورفضها عدي

ومحتاااار بقوة بين فيصل والوليد

شاكر مرورك والله يجزاك الجنة

abo_nasser · #14 10/03/2009, 05:31 AM

يالله..يعني ممكن يجي يوم واكتب موضوع مثل اخوي الكنز نواف واتذكر اعضاء
جيلي واذكر المشاغب ومواصل و وليد وابومقبل وابوقلق والقيصر ومن السحالي
الهنووف ورائده وشذى ونور الشمس وحت حت وفت فت والخبله(تعرف نفسها)

واقول لكم يالربع جالي ولد وسميته ناصر..

المعذره على الشطحه..بس هذا اول ما جاء ببالي او ما قريت الموضوع..

هلا وغلا اخوي..

ما شاءالله تبارك الله
الف مبرووووك ويتربى بعزك ان شاءالله
والله يصلحه ويرزقك بره..وان شاءالله يطلع احسن ابووه..

ومثل ما قال اخوي ثامر(اول العنقود)..اسم الوليد اكشخ واحلى واتحف..

سلااااااااااااااااااااااااااااااام