ادم هل لك حق في مال حوا؟ - نادي الهلال السعودي - شبكة الزعيم

بنوتة**هادية^_^ · #1 20/03/2009, 03:06 AM

:

:

:

كيفكم وايش اخباركم؟

اعتذر عن تقصيري في المجلس

التقصير كان بسبب مشاكل دراسية>> الين دحين مستمرة الله يعين

المهم

الموضوعي اليوم غير عن مواضيعي اللي فاتت

الموضوع هذا اعتبره مهم وأتمنى إنكم تتجاوبوا بصدق وتبدو رأيكم..

الموضوع بيتكلم عن حق من حقوق المرأة وهو (مال المرأة) سواء كان المال مهرها أو راتبها أو مكافأتها أو ورثها أو أي مال يجي لها من أي مكان ومن أي احد..

المرأة في أيامنا هذي مظلومة جدا لدرجه ما تتوقعونها وللأسف الظالم هو الرجل..

نبدأ
..المهر..

مهر المرأة حق لها قال تعالى (وآتوا النّساء صدُقاتهنّ نِحلة) أية 4 من سورة النساء

للأسف نشوف بعض الآباء ياخذ مهر بنته على أساس إنها راح تضيعه في أشياء ما تحتاجها.. وان هو محتاجها والبنت إذا تكلمك راح نشوف شي ما عمرها شافته (عقاب) على طول ممكن ما يضربها بس يسمعها كلام زي السم هذا إذا ما وجه كلام قاسي لامها قدامها عشان تعطيه اللي يبغاه..

طيب هذا المال حق لها انشاالله تحرقه هو حقها

..ما في احد له حق انو ياخذو غيرها إلا إذا هي أعطته برضاها.

ثانيا..راتبها..

راتب المرأة حق لها ما في احد له حق فيه هي تتعب وتداوم وهذا أجرها

.. ترضى يا ادم انك تشتغل تتعب وتجي حوا وتاخذ منك كامل وأنت ما تشوف منو شي اكيييد لأ ما راح ترضى ..طيب كيف ترضى انك تاخذ مال مو لك

مو حقك ؟!!

ما تقدر تاخذ مالها إلا بطيب نفس منها(( قال الرسول صلى الله عليه وسلم ( لا يحل مال إمرئ إلا بطيب نفس منه ) وذلك نص صريح على عدم شرعية الاستيلاء على راتب الابنة أو الزوجة لأن النهي النبوي واضح ولا لبس فيه .

ويضيف الشيخ العبيكان قائلا : وقد نص الفقهاء على أن الأب يتملك من مال ابنه أو ابنته بشرط ألا يضر الابن أو الإبنة ، أما الزوج فلا يجوز مطلقا أن يأخذ أموال زوجته إلا بإذنها ، ما دامت شرطت عليه الوظيفة في عقد النكاح فإنه لا يجوز أن يأخذ من راتبها ، أما إذا لم تشترط وهو قد تنازل عن حقه أيضا فلا يجوز أن يأخذ من راتبها ....))

منقول من

((مشروع ابن باز الخيري قضايا اجتماعية >> راتب المرأة ملك لها ))

وصل الحال إلى انو بعض الآباء ما يزوجوا بناتهم الموظفات عشان الراتب!!!!

فإذا كنت رجل متزوج و زوجتك موظفه تاخذ راتبها؟!!

..مكافأتها..

وهذي من أكثر المشاكل اللي يواجهونها بعض البنات بالجامعات تلاقي ولي أمرها يستغل انو هو اللي يوديها عشان تصرف مكافأتها

.. فإذا كان أخوها راح يطلب نصها إذا كان متسلط حتى لو أبوها موجود.. هذا إذا ما أخذها الأب من الأساس

وإذا كان أبوها راح تكون البطاقة والرقم السري من الأساس معاه وهي ولاشي ..مالها إلا إنها تروح تداوم وبس ..

قصه من واقع الحياة عشتها مع صاحبتها..

إنسانه تدرس بقسم تحبه والقسم له طلبات كثيرة كانت تستلم مكافأتها وكانت عبارة مبلغ كبير (إذا تجمع لأربعه شهور على ما تطلع).. ألف ريال شهريا نظرا للقسم اللي داخلته طبعا البطاقة مع ولي أمرها ويسحب المبلغ كااامل وهي ما تشوف منه ولا ريال واحد حتى المصروف ما تاخذ إلا بعد ما تسمع كلام قاسي بالأخير تركت الدراسة..

ايش استفاد هو و ليش كذا

... يعني كأنها تدرس بفلوس!!!

ليش هذا التسلط أيش هذا الظلم

يعني عشان أنت ولي أمري خلاص تتحكم فيا حتى بمكافأتي..هذا ما يجوز أبدا إلا فحاله وحده إذا هي البنت جات وأعطت المكافأة لولي أمرها برضاها

مو ياخذ المكافأة منها ويفتح عيونه ويعطيها نظره زي السم ويقولها( راضيه أخذها ؟!)اكيييد راح تقول (ايوه راضيه)

بس هي فقرار نفسها مو راضيه .. فأي شخص يسوي زي كذا يحط فباله إن الفلوس اللي أخذها بالقوة ما تجوز له لا حد يقول الرسول صلى الله عليه وسلم قال (أنت ومالك لأبيك)هذي لها قصه

وحاله معينه وهذي هي ..روى الإمام ابنماجه في سننه (2291) عن جابر بن عبد الله رضي الله عنهما أن رجلاً قال : "يا رسولالله ! إن لي مالاً وولداً وإن أبي يريد أن يجتاح مالي" ،فقال : (أنت ومالك لأبيك) . وصحح هذا الحديث جماعة من الأئمة كابن القطان وابن الملقن والبوصيري والألباني رحمهم الله تعالى .

معنى الحديث بالمختصر انو إذا كان ولي الأمر فقير محتاج في هذي الحالة (أنت ومالك لأبيك)..

يعني إذا ولي الأمر محتاج وفقير فهي بطيب خاطر راح تعطي الفلوس لولي أمرها..

..أخيرا الورث..

للمرأة حق في الورث حتى لو كان ورثها هلله وحده حقها..

للأسف بعض الناس تلاقي يشوف زوجها من برا العائلة يخلون أختهم تتنازل أو يبهذلونها لما يعطونها

أو تلاقي البعض يقول( ليش تاخذ ورث مو محتاجه زوجها غني وهي مو محتاجه)!!! فيجبرونها على التنازل بطرق فضيعه!!!

ينسون إنهم أخوان.. الفلوس تفرقهم.

.

طيب هو ورثها حقها إذا كانت عند زوجها وزوجها غني وعندو بدل البيت مية بيت بس الدنيا دواره يوم لك ويوم عليك يمكن يجي فيوم من الأيام يطلقها.. يموت أو يخسروا كل فلوسهم يصيروا على الحديدة ما عندهم شي

تتجمد فلوس زوجها ..اي شي ممكن يصير وقتها ماراح ينفعها غير ورثها .. لو ايش ما كان ..

قال تعالى:

يُوصِيكُمُ اللَّهُ فِي أَوْلَادِكُمْ لِلذَّكَرِ مِثْلُ حَظِّ الْأُنْثَيَيْنِ فَإِنْ كُنَّ نِسَاءً فَوْقَ اثْنَتَيْنِ فَلَهُنَّ ثُلُثَا مَا تَرَكَ وَإِنْ كَانَتْ وَاحِدَةً فَلَهَا النِّصْفُ وَلِأَبَوَيْهِ لِكُلِّ وَاحِدٍ مِنْهُمَا السُّدُسُ مِمَّا تَرَكَ إِنْ كَانَ لَهُ وَلَدٌ فَإِنْ لَمْ يَكُنْ لَهُ وَلَدٌ وَوَرِثَهُ أَبَوَاهُ فَلِأُمِّهِ الثُّلُثُ فَإِنْ كَانَ لَهُ إِخْوَةٌ فَلِأُمِّهِ السُّدُسُ مِنْ بَعْدِ وَصِيَّةٍ يُوصِي بِهَا أَوْ دَيْنٍ آبَاؤُكُمْ وَأَبْنَاؤُكُمْ لَا تَدْرُونَ أَيُّهُمْ أَقْرَبُ لَكُمْ نَفْعًا فَرِيضَةً مِنَ اللَّهِ إِنَّ اللَّهَ كَانَ عَلِيمًا حَكِيمًا *..

:

:

~وأخيرا~

أتمنى يكون موضوعي مهم بالنسبة لكم زي ما هو مهم بالنسبة لي

ويكون خفيف

عارفه إني طولت بس تقدروا تسموني محامية حوا ^ ^

كل شخص يدخل على الموضوع يقول بصراحة كان ياخذ فلوس احد من أهله سواء كانت أخته أو زوجته..

وايش رأيكم في الموضوع ..

هل كلامي صح ؟

لو كنت مكان حواء كنت سكت عن حقك؟!

هل ترضى يصير لحواء كذا؟!

لكم خالص احترامي..

:

:
بنوتة**هادية