....( المـــستحـيـــــل)..... - نادي الهلال السعودي - شبكة الزعيم

سليمان الشدوي · #1 19/03/2009, 04:58 PM

[CENTER][
صاحبي /وش يكون المستحيل؟
............................من يجينــي/بعلمـــه /وخبره
هو صدى من (صدى صوت )القتيل؟
................................بعد ماحل/ جوف المقبره
او هو الشمس /في وقت الأصيل؟
...............................لونها البرتقالي / تعصره
او هو الحلم /والبال الطويل ؟
.........................في زمان/ الشغب / والشوشره
او هو مصافحة/ خشم الفتيل؟
............................لاغدى الزند/في عصمة مره
او هو الخافق / اللي مايميل ؟
............................. للغنوج / اللعوب / المُُبهره
اوهو ابيات / من شعرٍ جزيل ؟
.......................... في كتا ب / العبث / والثرثره
صاحبي / صاحبك / تايه دليل
.................................بعثرتني / النوايا / بعثره
اطرد احلام / ترمح رمح خيل
................................كنّها /شارده / من قسوره
مره/ اطلب من الحظ القليل
.............................. ومره اطلب من الحظ اكثره
جاك قلبي/ من اعماقي يسيل
.................................. بعد شحّت عليه المعذره
لو تكيل المدامع/ ماتكيل
................................ حجة/ اهل الغرام /مزوّره
والبشر بين عدل/ وبين ميل
................................. اقلقوني / بشغل السمسره
من نظم له من اجروحي اكليل
................................. قلت لأبوك/ لأبو المسخره
ومن عطى صورتي وجهً بديل
.................................غير وجهي / حرام اتشكره
مايحوز النذل/ قدر النبيل
....................................لويقيس البحر بالمسطره
ولاعلى الارض من شيئّ ثقيل
.................................... اثقل / من انفسً/ متكبره
اجمل الجود جود/ ابن البخيل
.................................... واعظم العفو /عند المقدره
وابلغ الشعر/ ذاك اللي يخيل
..................................... بين حد الغضب والمغفره
اِن رقى/ فوق هامات النخيل
...................................يدفن الجذع / والا/ يكسره
واِن توسّـدَ تراب الأرخبيل
.............................. ماشكى العود /جمر المجمره
صاحبي ليل/ يمضي بعد/ليل
.................................. وتذكره/ من بعدها / تذكره
لو يناير / بدا عامه طويل
......................................كل عامــً/ وله/ ديسمبره
بين صمت الليالي / والرحيل
................................. وش بقي يازمن / ماتظهره
عُمر/ في سيرته/ كنه دخيل
........................................ اوله / استبدّ / بأخره
صاحبي/ صاحبي / صبرجميل
.................................... لين يثمر/ سؤالي/ بثمره
من كثر /ماطلبت /المستحيل
................................ صار صوتي / وانا له حنجره

/CENTER]

مطيع · #2 19/03/2009, 05:07 PM

صح لسانك شاعرنا الرائع سليمان الشدوي

إقتباس


	صاحبي /وش يكون المستحيل؟ ............................من يجينــي/بعلمـــه /وخبره هو صدى من (صدى صوت )القتيل؟ ................................بعد ماحل/ جوف المقبره او هو الشمس /في وقت الأصيل؟ ...............................لونها البرتقالي / تعصره او هو الحلم /والبال الطويل ؟ .........................في زمان/ الشغب / والشوشره او هو مصافحة/ خشم الفتيل؟ ............................لاغدى الزند/في عصمة مره او هو الخافق / اللي مايميل ؟ ............................. للغنوج / اللعوب / المُُبهره اوهو ابيات / من شعرٍ جزيل ؟ .......................... في كتا ب / العبث / والثرثره

تعريفاتك هذه للمستحيل فيها من الابداع والصور الجمالية ما يبهرني

ارجع وأقول صح لسانك أخوي

وفعلا تستحق الرتبة اللي تحت اسمك يا شاعر الهلال

**الهلال محتويني · #3 19/03/2009, 05:18 PM

إقتباس


	صاحبي/ صاحبي / صبرجميل .................................... لين يثمر/ سؤالي/ بثمره من كثر /ماطلبت /المستحيل ................................ صار صوتي / وانا له حنجره

صح لساانك ..

كلماتك ع الوتر الحساس

يعطيك العافيه

فهد عاشق البرسا · #4 19/03/2009, 06:54 PM

اجمل الجود جود/ ابن البخيل
.................................... واعظم العفو /عند المقدره

حكمة ..

من كثر /ماطلبت /المستحيل
................................ صار صوتي / وانا له حنجره

جميل جدا

تحياتي لقريحتك

شوق الكويت · #5 19/03/2009, 10:51 PM

صح لسانك يالغالي كلامك حلو وجميل

المغناطيس · #6 20/03/2009, 03:03 PM

صاحبي/ صاحبي / صبرجميل
.................................... لين يثمر/ سؤالي/ بثمره
من كثر /ماطلبت /المستحيل
................................ صار صوتي / وانا له حنجره

( سيلمان شكراً شكراً على هذه القصيدة المميزه .. وليست غربية منكـ .. يالشقردي..}

سليمان الشدوي · #7 20/03/2009, 03:52 PM

إقتباس

الرسالة الأصلية كتبت بواسطة ! بروفسور الزعيم !


	صاحبي/ صاحبي / صبرجميل .................................... لين يثمر/ سؤالي/ بثمره من كثر /ماطلبت /المستحيل ................................ صار صوتي / وانا له حنجره ( سيلمان شكراً شكراً على هذه القصيدة المميزه .. وليست غربية منكـ .. يالشقردي..}