السلام عليكم ورحمه الله وبركاته
وانا اتصفح منتدى الصور بشبكه الزعيم لفت انتباهي صوره
خلتني اضحك وبنفس الوقت ذكرتني بيوم الا لايعيده هي الي خلتني اكتب لكم هالموضوع
انا قصتي نفس هالصوره بالظبط بس بالعكس انا بالسياره والجني قدام الموتر
وش السالفه؟؟؟
انا اعلمك وش السالفه
السالفه ياحلويين طلعنا بالبر انا وثلاثه من خوياي فالينها سوالف وضحك ووناسه
راح الوقت علينا وجاء الليل ولا حسينا فيه
عاد ثنين من خويانا (قحطاني وعتيبي) قالو حنا بنمشي قلنا الله يستر عليكم
المهم راحو الشباب ومابقاء الا انا وخويي الحربي
قعدنا حوالي ربع ساعه وقلت له يالله ياولد الساعه 12 تاخر الوقت مشينا لاهلنا
قالي لا ماني برايح الا لما اسوي شغله قلت وشهي
قال بركب زنن الهايلكس << مسكه مدري وش تبي
قلت له يارجال خلها بكره وبعدين حنا بالليل ظلمه عيا وقال الا اركبها <<عاد الرجال خبير سيارات
المهم طلعنا السكاريب ونقوم نشتغل بهالسياره وركبنا الزنن
عاد جاء وقت التجريب ورحنا نجربها عند جبال لان الارضيه رفعه ونزله وهناك الارضيه ممتازه
المهم وصلنا عند الجبال
وقمنا نطفي ونشغل ونطفي ونشغل حوالي 5 مرات
لما طفيناها مره سادسه ونشغلها الا نشوف واحد يمشي قدام الموتر ماهو واضح شكله
ويمشي وفي مشيته يترنح وظهره منحني كانه بيطيح
طلع الي نشوفه جني
عاد انا خقيت وانخرشت وخويي قمط مثلي بس هو ذكي ماشاء الله عليه
المهم قالي طف نور الموتر بسرعه واطفي النور
بعد 10 ثواني قال شغل النور واشغل ونتشوف يميين ويسار الا الجني مختفي ماشفناه
عاد ماصدقت اختفا وانا وعشق ابي احرك عيا الموتر يمشي ادوس بالموتر مامشا اضغط على الدواسه بعد ماتحركت والكفرات قامت تحفر بالارض
كان احد ماسك الموتر قال خويي افجر والديها وفز الموتر بسرعه
وحنا نمشي اقول له شف وينه قال اختفاء شوي لما قربنا من الزفلت ماشفنا الاهو
يركض قدام الموتر بعيد شوي <<< ياهي لحظه بغاء يطييح قلبي ببطني
خويي لما شافه ورانا ورانا ماهو تاركنا قام وطلع برا الدريشه ويقوم يأذن
الله اكبر الله اكبر
الا وختفاء قدام عيوننا
عاد ماصدقت ركبت الزفلت وانا اجلد والدينها لو في في مرور سري مافي امل اوقف عقب الي شفته
وبالخط مشغليين قران ورافين على الصوت << وقبلها مشغليين اغاني
ثاني يوم اتصلنا على خوينا القحطاني وعلمناه بالسالفه
ضحك وقال لعنبو ابليسكم الجبال ذيك معروف بكثره الجنون فيها وبعدين انتم مهبل مالقيتو تروحون الا هناك ولا بعد تشغلون وتطفون النور هذا الي خلاها تجيكم
عاد توبه اجي لذاك المكان عقب الي شفته
قصه رعب مخيفه
كتبها محدثكم
فهد القحطاني
قصص الاعضاء مع ( الجــــــن ) ! 
][هكذا حصل معي من الجن ][ ((نرجوا المشاركة)) 
][
الوضع العادي
