بسم الله الرحمن الرحيم
نواف يطل عليكم ويمسيكم بالخير
تبون الصدق ما عندكم سالفة
انقرضوا اللاعبين يوم ما حبيتوا إلا سيول 
لكن على العموم شغالة جيراننا ( سونيا )<< ما أدري وش مشاعره تجاه هالشغالة 
قالت لشغالتنا قولي لنواف يسلم لي على جميع عشاق أبو العيال ( سيول ) 
وتقول بيض الله وجيهكم على الإطراء << مدري من وين سمعت الإطراء لكن نمشيها وعشان ما أكذب ما قالت كذا بالضبط .. لأنهم ما يقولون بيض الله وجهك يقولون
إذا صار كذا ( كبّر الله عينك ) أ.هـ << وش رايكم بالحركات .. يعني انتهى كلام الشغالة << طيب ورا هالحرفين بعد انتهاء الكلام بسطرين أنت ووجهك 
المهم .. الصراحة داري إن ما فيه أحد منكم خانه الفهم وجاز له سيول .. بس السؤال
ما دام اللاعب هذا مستواه ونواف بن سعد يقول ما أعجبنا طيب ليه إلا مصرين يلعب !!
ليش ما نعترف إنه صفقه فاشلة !!ليش ما نقول إننا فشلنا في الاستفادة نظام السماح بأجنبي رابع آسيوي ؟!
يعني الفرصة اللي ضيعها هذي ما أدري وشلون ضيعها !! والمشكلة يوم رجعت له ثانية
شاتها بأقوى ما عنده على اعتبار إنها رفعة للصويلح << يستهبل ذا يا كابون وش أنت شايف الصويلح !! كابتن ماجد تبيه ينط سبع أمتار فوق ما أقول بس إلا آآآآه وينك ياللاعب المنسّق !! قسم بالله كان دخل الكوره مع الحارس
وخلاهم يصفقون بالمدرج اللي ورا والمرمى معهم على العموم وعشان نكون واقعيين شوي الهلال ما قدم أي مستوى في المباراة !!
والسبب من وجهة نظري
يعني لو شاهدت الهلال في آخر بطولة آسيوية أخذها .. كعناصر عناصر المباراة هذي أقوى لكن الفرق هو
( الــــروووح ) يا حبيبي ( الرووح )
الروح يا جماعة هي نصف الفريق إلا قل الروح كل الفريق .. يعني فريق بدون روح
ما يمكن يمشي أبد !
يعني صاروا الجمهور اللي يحترقون واللاعبين يتفرجون ..
يعني ( اللي في الملعب يتفرج واللي في المدرج يحترق ) << ولا وش رايك يابو سعيد !!يعني تفننتوا في إضاعة الفرص
وحنا على أعصابنا .. طيب حنا موافقين ( نتفرج ) بس خل نسوي تبادل مهام يعني احترقوا بالملعب !!
قسم بالله ما تمنيت إلا أبو عبد الله 
يلبس ويطب لو يلعب على الواقف !! عشان يعلم هاللاعبين وش معنى ( روح الهلال ) !!
نجي للشباب .. يعني أبو دعيع ما قصر وصد الكور اللي جته مع إنه كان المفروض من المدافعين
ما يسمحون للفرس يسددون من خارج المنطقة .. لكن أخطأ الدعيع في خروجه لكورة الهدف !!
الهوساوي هو أفضل لعيبتنا في المباراة يعني سجل هدف وأنقذ هدف وكاد يسجل هدف ثاني يعني ما شاء الله أسامة من مباراة لمباراة يقدم مستويات غير طبيعية ..بعكس المرشدي
اللي أشوف من عدة مباريات مستواه مو المرشدي اللي نعرف يعني مرتبك ويرتكب أخطاء ما لها داعي
فياليت تراجع نفسك يا ماجد وترجع لمستواك !! وأنا متفاءل فيك بقوة بعد رحيل الشوشه نامي والتايب والفريدي هم أكثر من اشتغل وحاول - ولو قسا بعض الجماهير على الفريدي -
عزيز ثابت مستواه .. أما رادوي والزوري فما قدموا أدوارهم الهجومية بشكل جيد !! ويلي !! أنا قريت إنه ضايق صدره بعد ما ضيع بلنتي الشباب وإن سامي كان يحاول يخرجه من الحالة
اللي هو فيها .. ويبدو إنه إلى الآن ونفسيته ماهي تمام << اخس يا صلاح السقا على غفلة يعني أتمنى في المباريات القادمة يرجع لمستواه المعروف !!
أما الصويلح !! فلا يلام .. هو لاعب فنان لكن من زمان ما لعب .. واللوم هنا على المدرب !!
وإذا جينا نتكلم عن المدرب فالمدرب ما عرف كيف يقرا المباراة يعني الحين الفريق الإيراني يدافع
من أول المباراة .. وأنت متأخر بهدف ليش تطلع لاعب وسط !! طلع ظهير طلع محور واضغط عليهم
في ملعبهم .. يعني نحتاج بصراحة مدرب شجاع وجريء !! هذا غير إن المباراة تبدوا وكأن اللاعبين
يلعبون باجتهادات شخصية من دون أي خطة !! ما شفنا ولا جملة تكتيكية صح !! كل واحد يلعب على كيفه !!
وأترك الباقي على الإدارة في خصوص المدرب لكن فيه نقطة عانى ويعاني منها الهلال كثيراااا .. وهي اللي أقولها وراح أكررها دائما
مشكلة ( إضاعة الفرص ) !! يعني يا جماعة معروف إذا لم تسجل راح يسجل عليك !!
فيجب على اللاعبين سواء المهاجمين أو أي لاعب تتاح له فرصة تسجيل إنه يعتبر الفرصة
هذي هي الفرصة الوحيدة في المباراة فلا يضيعها << أتمنى هالمفهوم يخترق دماغ كل لاعب !!
عطني الكوره : إذا صرتي مع لعيبة الهلال خلي عنك الـ فرفرة وانطلقي للمرمى
والتزمي بالأهداف السعودية
عطني الرومي << وإلا هذي ما لها دخل معليش طيب في سؤال يطرح نفسه : أيهما أفضل في نظرك : ( سيول ) أو ( الجمعان ) ؟؟
وعلى فكرة قبل لا تجاوب .. ترا واحد منهم منسّق والثاني جايبينه بكم مليون ويلعب غصب علينا !!
قفلة :
سيول يوم أنته شبيهن لـ جاك شان .:. وش صالحك في كوره اليوم تلعبها
ليتك معه يلعنك يزويك من شان .:. تبرد بنا حره ولعبك سـبـبـهـا
الوضع الشجري
