ياحليلة مثل سيارتك - نادي الهلال السعودي - شبكة الزعيم

..مجرد شخص.. · #1 13/03/2009, 05:45 PM

بسم الله الرحمن الرحيم

السلام عليكم ورحمة الله وبركاته

مساء الخير ع الجميع

إمممم<<متوهق بالمقدمه

اليوم عندي موقف حصل لي

راح أرويه لكم مثلا للموضوع الذي أود طرحه

كنت خارج من الرياض متجها لسدير

ومعي الوالده طول الله بعميرها

وماسك الوسط ومالي من الشيطان طاري

المهم وذاك اللي يصقط علينا حروتي إنه يمشي 170 وحولها

وهي اللي الوالده تشوفه و تأشر عليه تقولي

ياحليله مثل سيارتك

رديت عليه قلت ايه بس اللون يختلف

ما أمدا خمس دقايق الا المسكين أشوفه سافط ع اليسار منفقع عليه الكفر

ع طول قلت للوالده هذا اللي مزي سيارتي أنفقع عليه الكفر

قالت لي لايكون عطيته عين

..

المهم في اللحظه هذي بديت أفكر في الموقف اللي صار

وهل فعلا عين صابته ولا صدفه!!

وع فكره موقف كثيره مشابهه تحصل مثلا كنت مع واحد نتابع مباراة
وكان يمدح في اللاعب الفلاني وشوي يطلع مصاب<<قضى عليه

المهم بعد وصولي لسدير إستلمت اللابتوب

وجاي ع بالي أقرى عن العين

تصفحت المواقع ووجدت تعريف العين

إصطلاحا: نظر باستحسان، مشوب بحسد، من خبيث الطبع، يحصل للمنظور منه ضرر.

نرجع للموقف..الوالده ماتعرف الحسد ولاتدري وشو الخبث
يعني من خلال التعريف الوالده بريئه

..

والأن أتركم لكم التعليق ع ماطرحت

وأعتذر عن ركاكة الأسلوب وعد تنسيق الموضوع
...

هلالي منذ الصغر 1 · #2 13/03/2009, 06:51 PM

هههههههههه .. الله يطول عمرها بخير قل آمين ..

لا إن شاء الله ما لها دخل بالعين .. ما قالتها اعجاب و لا حسد .. مجرد إنها مثل سيارتك ..

أنا لا شفت مباراة و أعجبني اللاعب و أمدحهه لاخوي شوي و ينكب و لا يخرب لعبه .. هع

بالتوفيق ..

NONY-991 · #3 13/03/2009, 07:25 PM

هذا شي كاتبه ربي

انا يقهروني الي لو يجيه ابسط حاجه يقولو عين

صح العين حق بس مو كل حاجه عين عين

وسلملي عـالوالده الله يطول بعمرها ويخليها لك يارب

$عزوز الهلالي$ · #4 13/03/2009, 07:37 PM

كل شيء مكتوب وأنا أخوك

ولن يصيبنا إلا ماكتب الله لنا

لكن العين حق ويجب الحرص والإحتياط لكي لا تقع في العين أو أن توقع غيرك فيها

K.s.A_6_6_6 · #5 13/03/2009, 09:26 PM

هذا شي كاتبه ربي

انا يقهروني الي لو يجيه ابسط حاجه يقولو عين

صح العين حق بس مو كل حاجه عين عين

الغرناطي · #6 13/03/2009, 09:42 PM

قد تصيب أخاك بعين من غير قصد ..
كما يمكن أن تصيب نفسك أنت بعين !!
و العين حق ..

♥ N E V E S ♥ · #7 13/03/2009, 10:43 PM

والله وانا اخوك كل شي مقدر ومكتوب...

بس دايم احنا تصير لنا مواقف زي كذا واذا اعجبنا شي نمدحه يعني على الفطره...!

hilali-arsenali · #8 13/03/2009, 11:41 PM

والله ماضنها الوالده الي عطته
شكل لون سيارته احسن من الي معك
اتق الله يارجل
بغيت تسبب كارثه انت وعيونك

يعطيك العافيه وتقبل مروري

al7anshal · #9 14/03/2009, 12:14 AM

الله يطول في عمرك و عمرها ...و يمدها بالصحة و العافية

بنت عبد العزيز @ · #10 14/03/2009, 12:21 AM

" العين حق "

لكن الحين صار كل شي عين
شماعه لاي شي مايعجب الشخص

قد قريت عن العين انها تحدث لما تمدح شي بحضور شيطان .. !

يعني مو لازم تكون نيتك خبيثه وحاسد الي قدامك

من عقبها وانا صاير اشك بعمري لا انظل احد

وبالنسبه لسالفتك طيب فكر انه شي طبيعي ممكن اي سياره يصير لها هالشي

يعطيك العافيه

..

أحلـى هلاليه · #11 14/03/2009, 12:41 AM

هلا بك اخوي
العين حق
وشي يصير بس مو كل الحالات تكون عين
مثل صاحب السياره اللي صار له نتيجة السرعه انفقع عليه الكفر
ولا الوالده طول الله بعمرها ماقالت شي

واعرف وحد كان شعرها طويل وراحت عزيمه
اليوم الثاني نشب فيه نار بس الحمد الله ماجاها شي بس شعرها تاثر لانه طويل وكثيف
هذا يسمى عين
والله يكفينا شرها

..مجرد شخص.. · #12 14/03/2009, 12:44 AM

إقتباس

الرسالة الأصلية كتبت بواسطة هلالي منذ الصغر 1


	هههههههههه .. الله يطول عمرها بخير قل آمين .. لا إن شاء الله ما لها دخل بالعين .. ما قالتها اعجاب و لا حسد .. مجرد إنها مثل سيارتك .. أنا لا شفت مباراة و أعجبني اللاعب و أمدحهه لاخوي شوي و ينكب و لا يخرب لعبه .. هع بالتوفيق ..

وياك اللهم أمـــــــين..

إذكر ربك إذا بغيتا تمدح أحد

..
شاكر لك اخوي تواجدك

منور الحته

..

..مجرد شخص.. · #13 14/03/2009, 12:49 AM

إقتباس

الرسالة الأصلية كتبت بواسطة NONY-991


	هذا شي كاتبه ربي انا يقهروني الي لو يجيه ابسط حاجه يقولو عين صح العين حق بس مو كل حاجه عين عين وسلملي عـالوالده الله يطول بعمرها ويخليها لك يارب

فعلا اخوي كثير من الأمور

عند حصولها تنسب للعين
<<خصوصا بين الحريم

..
يبلغ إن شاء الله

مشكور اخوي
نورت
..

..مجرد شخص.. · #14 14/03/2009, 12:56 AM

إقتباس

الرسالة الأصلية كتبت بواسطة $عزوز الهلالي$


	كل شيء مكتوب وأنا أخوك ولن يصيبنا إلا ماكتب الله لنا لكن العين حق ويجب الحرص والإحتياط لكي لا تقع في العين أو أن توقع غيرك فيها

صدقت ابو العز

..

وأزيد ع كلامك

إقتباس


	العين حق ويجب الحرص والإحتياط لكي لا تقع في العين أو أن توقع غيرك فيها

قول الرسول صلى الله عليه وسلم ( إذا رأى أحدكم مايعجبه في نفسه أو ماله فليبرك عليه فإن العين حق)0
..

مشكور اخوي عزوز

منور
..

..مجرد شخص.. · #15 14/03/2009, 01:00 AM

إقتباس

الرسالة الأصلية كتبت بواسطة K.s.A_6_6_6


	هذا شي كاتبه ربي انا يقهروني الي لو يجيه ابسط حاجه يقولو عين صح العين حق بس مو كل حاجه عين عين

الله يعطيك العافيه

..