السلام عليكم ورحمة الله وبركاته
تسلم يدين اللي سوا هالتصميم
= = = =
" ماذا كان ( ينقص ) اليوفي لتحقيق هذه البطولـه , ومن الذي يتحمل مسئوليـة هذا الخروج المُر ؟ "
حقيقة يا فهد كنت متوقع هالخروج من اول ما طلعت المجموعات وقلت اتوقع اليوفي حده دور الـ 16 والاسباب واضحه
البطولة مهرها غالي وصعب وكلنا نتفق عليه :
1- مدرب
2- دكة
3- حظ
وللاسف اليوفي لا مدرب ولا دكة ولا حظ
المدرب رغم اني اكرهه من ايام تشيلسي ولا اقتنعت فيه الا ان اللي يقدمه مع اليوفي يحسب له
منافس على صدارة الكالشيو + المنافسة على كأس ايطاليا + خروج من دوري الابطال من وصيف العام الماضي
يعني رغم الدعم المالي الضعيف والاسماء العادية الا انه مقدم شي مقبول رغم اننا يا جماهير اليوفي ما نقبل الا بالأول الا ان اللي يقدمه يرضينا بعد نتائج الكالشيو بولي
وبرضة رانييري كان عنده جهاز طبي سيء لابعد الحدود بقيادة اجريكولا الخايس
هالموسم ولا مرة اليوفي لعب كامل ودائما ماعنده بديل واشوف الطاقم الطبي هو المسؤول لانه يعطي اللاعب الضوء الاخضر للعودة واول ما يلعب ترجع له الاصابة مثل بوفون وكامورانيزي
رغم ان اليوفي عنده 5 محاور الا انه قدام مدريد وتشيلسي يلعب حسن صالحمديتش محور لان الاصابات قاعده تلعب بالفريق
اذكر في فترة نزلت رد في استديو الكالشيو ان اصابات اليوفي وصلت انها تشكل فريق كامل بخطة 4-4-2
الحظ طبعا كان ضد اليوفي خصوصا في الشوط الثاني في مباراة الذهاب
( انا ما اقلل من تشيلسي ولا من قوته وامكانياته )
والنتيجة النهائية 3-2 بين اليوفي والبلوز وخلونا نسوي مقارنة
البلوز = كل المراكز فيه قوية + ماعنده اصابات مؤثرة + من فترة طويلة وهو مستقر وبالتحديد من 2004 + ميزانية قوية + مدرب الكل يجمع على دهائه
اليوفي = 4 مراكز فيه ضعيفة يعني نص الفريق + الاصابات عامله عمايلها +فريق غير مستقر بسبب الكالشيو بولي + ميزانية ضعيفة + مدرب مجتهد وامكانياته معروفة
اللي يتحمل مسؤولية هالخروج المر اطراف عديده اولهم جيدو روسي وشلته اللي انهكو اليوفي وكسرو مجاديفه في 2006 بالاضافة الى المدرب والادارة اللي ماعززو الفريق بأي لاعب في الشتاء
للاسف باقي من عقد رانييري سنة وحده وعلى 2010 بيقضب الباب ان شاء الله
للمعلومية / على حسب ما قريت , ادارة اليوفي ماقامت بأي تعاقد بالشتاء علشان تكون الميزانية 0 يعني ما فيه ولا دين , يعني من الصيف الجاي ميزانية اليوفي بتكون + بعد ماكانت بالسالب لفترة طويلة
نقاط ضعف اليوفي واضحة وجلية للجميع :
1- ظهير يسار
2- ظهير يمين
3- قلب دفاع يمين
4- جناح يمين وبديله يكون كامورانيزي
5- جناح يسار
اعذرني على عدم الترتيب يا فهد بس هذا اللي في بالي الحين وشكرا لك