لـــيتــك تــمـوت .......!! - نادي الهلال السعودي - شبكة الزعيم

الصوت الهلالي · #1 09/07/2002, 12:45 PM

[c]ليتك تموت اليوم وارتاح انا منك
يرتاح قـلب بالخيانه طـعنتــــــه

ليتك تموت وبثوب اسود اكفـــنك
واطوى معك صفحه عذاب رسمته

ليتك تموت وداخل القبران ادفنك
وادفن مع الجثمان جرح جرحتــه

ليتك تموت اليوم محد درى عنــك
غير الخفوق اللى وفا لك وخنتــه

ليتك قبل لاتموت فى صدرك اطعنك
واصيح باعلى الصوت حقى اخذتــه

يلعنـك قلبى والاحاسيـس تلعنـــــك
ويلعنك دمـع صــادق لـك نــــــثرتـه

خنتنى ياجعل ربــى يجننـــــــــــك
لا وحسافــه ليلـى الــى سهرتـــــه

مـنتب كـفـو قلبى لـه سنيـن (......)
منتب كفو للى من اجلك فعلته

[/c]

هلالي الجوف · #2 09/07/2002, 01:41 PM

يعطيك العافية

ما شاء الله .. وش هالمواهب يابو حميد ;)

لكن بالعادة الشاعر يعطي بمقدمة الموضوع مناسبة قصيدتة ..
فالله لا يهينك .. ياليت تتكرم وتقول المناسبة علشان نكون بالصورة

تحياتي لك

تيماوي · #3 09/07/2002, 01:55 PM

@@ بصراحة القصيدة رائعة لو كلها لعن وتشكي !!!لكن اللي ودي اعرفه الكلمة اللي بين القوسين في البيت الاخير ... أموت اعرف ؟؟؟؟!!!

الوليد · #4 09/07/2002, 02:19 PM

وش السالفة يالصوت الحزين أشوفك طحت بالحب الله يعينك

أرحم حالك وأنا أخوك .

حبي سامي · #5 09/07/2002, 11:25 PM

الله يعطيك العافيه اخوي الصوت الهلالي0

والله عزازي أفندي مظبطها في أغنيه سمعتها له0

ابواثير · #6 09/07/2002, 11:54 PM

تسلم ياصووووووت الهلال

لكن مهي عوايدك حب و لعان

الله يعين

ذكرتنا عهد مضى وفنون

تحياتي

بو فهد عم جواهر · #7 10/07/2002, 12:17 AM

صح السانك

وننتظر المزيد

عــــ الهلالي ــارف · #8 10/07/2002, 02:37 AM

مشاء الله تبارك الله ....

وش هالزين وش هالزين ...

اخوي الصوت الهلالي ...

الصراحه ودي اخطفك واحطك عندنا بالمنتدى العام ...

بس مثل ماقال اخوي حبي تيماوي ودي اعرف وش الكلمه اللي بين اقوسين ...

مشكور اخوي وكثر من القصيد ...

تحياتي لك ...

عاشق القلوب · #9 10/07/2002, 02:52 AM

صح لسانك

الفيروسه الزرقاء · #10 10/07/2002, 08:39 AM

هــــــــلا أخوي الصوت الهلالي

صــــــــح لــــســانـــــك

وننتظر منك المزيد
وشكرا ،،،،

القلب الأزرق · #11 10/07/2002, 09:44 AM

[c] يــا روحـــــي يــا
عــــــزازي

آآآه . . . . . ياثامر .. طبيت علجرح على طول

ياخي واااااااالله أنك مبدع × مبدع × مبدع في كـــــل شيء حتى في ذوق

. .. تسلملي والله يالــــغــــالـي .. .

تصدق عاد من زمااااان أبي أكتب هالقصيدة وأحتفظ فيها بس كل يوم أقول بعدين بعدين

لكن ماقصرت والله كــتبتها لنا هنا يالـذيب وبطريقتك المميزة

يعطيك العافيه مرة ثانيه وهذي أكيد بحفظها وبأطبعها ;) لأنها من أفضل أغاني عزازي

مـــــلاحظـة
لـيــه ما كتبت الكلمة اللي بين القوسين ;) أعذرني!!
(( أبتليقف وأكتبها

))

مـنتب كـفـو قلبى لـه سنيـن ( صاينك )
منتب كفو للى من اجلك فعلته

قفلـــــة:
الله لا يحرمنا منك يا أحلى صوت في الدنيــا

تحياتي[/c]

ســـــ SMN2002 ـليمان · #12 10/07/2002, 09:48 AM

الله يعطيك العافيه

وصح السانك

كـادي · #13 10/07/2002, 10:55 AM

خسارة

دق ناقوس الخطر بخنجر
مغروس بصدرك
خسارة حبك وعذابك على
إنسان مو مستا هلك
خسارة ريشتك وحبرك
تكتب فيه آهاتك
طهر جرح الغدر والخيانة
بما الوفاء وامالك
داوي جرحك بالبعد وفتش عن
حبك الضايع منك

لأول مرة اتجرا وأنشر كتابة أبيات مبعثرة لأني لا اعلم
لماذا أنا تجاوبت مع ما كتبت وهل ما كتبته واقع أو وهم
ولكن أنا أشكرك لأنك جعلتني أحاول بهذه الأبيات

معلومه((أول مرة أكتب شعر بدون تحطيم ))

Share
- Share this post on
- Share on Facebook
- Share on Twitter

اسير · #14 10/07/2002, 07:17 PM

صح لسانك

الجبل الأخضر · #15 10/07/2002, 08:04 PM

مشكور