السلام عليكم
أتاني كلام أنك من القصيم كما وصل لأخوي أنت هلالي فهل هذا صحيح؟

من هو ذا

الغانم ..!!

يالله حيه صب القهوه ياولد هذا الغانم القاطع

وين الناس ؟؟ .. ماتنشاف أبدّ يالشين

يالله أستلم أسئله نــ no ــانـ Na ــو ..

(1)- لو منعوا البلوت وش بتسوي ؟؟
(2)- وش عنوان متصفحك ؟؟
(3)- ماتلاحظ أن الغريب إلى الآن مابين تتوقع ليش ؟؟
(4)- وش أحب لنفسك البحر والا البر ؟؟
(5)- موقف مرّ بك تمنيت فيه أن الأرض تنشق وتبلعك ؟؟
(6)- متى بتعرس أو بصيغه ثانيه ماطقتك الغياره من عارف والغريب لانهم اعرسوا وانت لا الله يوفقهم ؟؟

هذا اللي عندي جاوب عليهم وأبرجع لك مره ثانيه <<== الشوكه مو أحسن مني ;)


أخــــــــــوك
نــ no ــانـ Na ــو

شوكة الهلال كلاكيت ثالث مره
تصدق انا يوم رديت مرة ثانية جايه أسألك سؤال ونسيته خخخخخخ من العجلة والله خخخخخخ
كله من فريق الدجه اثر على فيوزات المخ


لاحظنا أن الشبكة لما تسوي لقاء مع عضو يعرس ، تتوقع أن الغانم يعرس عقب ما يسوي لقاء ، وتهقى لما يسون معي لقاء أعرس
لا ابشرك انا والاعصار بنكسر القاعده هذي ;)


هل صورتك إلي أنا جبتها أعجبتك ولا لآ
اقول امرحي الله يصلحك



اللهلوب لا رجه الله ..
أود أشكرك على مجهودك الخرافي في موضوع السيريالات و الكراكات. بصراحة قدمت خدمة غير طبيعية للأعضاء في هذا الموضوع... و الشكر لا يوفيك حقك
هذا واجب وانا اخوك وترى ما سويت شيء يستاهل هذا كله..وما انسى دورك انت فلك الشكر


ما أصعب مشكلة واجهتك في هذا الموضوع...
عدم تحديد بعض الاعضاء لاصدار البرنامج الذي يسئلون عنه مما يوقعني في حيره!!


مرة ذكرت في المنتدى بأن جهازك خرب، هل كان بسبب كراك حملته؟
لا ابد يا حبيبي كان بسبب وضع صورة البارق خلفيه لسطح المكتب
والف شكر لك يالغالي



J.A.J..
هلا بالغانم المهلي مايولي ... يامرحبا
هلا والله بالغايب ترى اشتقنا لك وانا اخوك..


ماذا يمثل لك ألتالي وهل هي ظاهرة صحية :-
فاتورة التلفون: شر لابد منه
فاتورة الكهرباء: المشكله حرنا ما ينفع فيه!!
فاتورة الجوال: لو نسلم من الرسايل كان وش زينها
الف شكر لك يالغالي



الموهوب مدرس الاحياء..
السؤال الاول .. فقرة أ)
من اغلى ثلاثه في حياتك بعدي ..؟
ما عاد بعدك احد!!


فقرة ب)
لين جلست على النت وانت لابس فنيلة وصروال وحاط شاهي على الطاولة وفجأة انكب عليك وش تسوي ؟؟
اتعوذ من ابليس وربعه ;)


السؤال الثاني
فقرة أ)
من تحب اكثر ابوك والا امك مع التعليل ؟
كلهم عينين في راس


فقرة ب)
ما فيه شيء .. بس كذا مسوي زحمة ..
انتبه لا تصدم..


كم عمرك بدون دوبلوماسية ..؟؟ ومتى بتزوج ؟؟
عمري ما بين 10 و 30 وعليك التوقع
بتزوج متى ما كتب الله لي اتزوج..
مشكووور




اختي المملكه..
أنا أريد أن أعرف ....من أنت بصدق ؟
انا انسان بسيط يحب الهلال..
شكرا لك اختي

اخوي الداوود..
وشو رايك بالامير بندر بن ثامر
الامير بندر الاب الروحي للمنتدى وحقيقه مهما قيل في شخصه يبقى قليلا جدا في حقه ولكن نقول الله لا يحرمنا منه.


وشو رايك بياقاهرهم ياسامي.
ابوهيا وزعيم الكتاب الهلاليين على النت..شخص وضع لنفسه مكان في قلب كل هلالي..


وش رايك بشاهين؟
علاقتي بالاستاذ شاهين قديمة جدا ولكن لا اعلم سبب اختفائه في الفترة الماضيه فأتمنى ان تزول ضروفه فقد اشتقنا له كثيرا..


وشو رايك بالعضو الداوود ..
يكفي انا نعرف انه هلالي فهذا دليل التميز..
شكرا لك..



اخوي ابومحمد..
أتاني كلام أنك من القصيم كما وصل لأخوي أنت هلالي فهل هذا صحيح؟
انا من منطقة سدير وبالتحديد من جلاجل
شاكر لك



ناااااانو..
من هو ذا الغانم ..!!
افااا بديناها بجحده


وين الناس ؟؟ .. ماتنشاف أبدّ يالشين
اللي يسمعك يقول انت مقطع المنتدى


(1)- لو منعوا البلوت وش بتسوي ؟؟
بزيد حب لها فكل ممنوع مرغوب..


(2)- وش عنوان متصفحك ؟؟
ان كان قصدك الهوم بيج فهو الزعيم..


(3)- ماتلاحظ أن الغريب إلى الآن مابين تتوقع ليش ؟؟
الغريب موجود في كل زاوية بالمنتدى لانه يتابع الوضع عن بعد


(4)- وش أحب لنفسك البحر والا البر ؟؟
الجو


(5)- موقف مرّ بك تمنيت فيه أن الأرض تنشق وتبلعك ؟؟
بعد خسارة الثمانية..


(6)- متى بتعرس أو بصيغه ثانيه ماطقتك الغياره من عارف والغريب لانهم اعرسوا وانت لا الله يوفقهم ؟؟
بالعكس ما ودك تشوف المعرس وشلون ربكته لان وقتها بتحررررم
الله يوفقهم ويوفقك ويوفق الجميع..


هذا اللي عندي جاوب عليهم وأبرجع لك مره ثانيه <<== الشوكه مو أحسن مني
يعني هذا بس اللي غرت منها فيه
ومشكور على اسئلتك..

شفت ماكو أحد هاريك بذا الأسئلة قلنا نجي نهريك أنت فاضي ما عندك شي>>>تفكره مثلها خخخخخخخ

[c][gl]كلاكيت مرة رابعة # 4 #[/gl] [/c]

[gl]أسسسستلم ;) [/gl]

ميولك في الرياضة غير الهلال طبعا

افضل ثلاثه اعضاء المميزين لديك ،وافضل ثلاثه عضوات مميزات لديك ;) غير منادي خخخخخ

3 باقات ورد الي من تقدمها؟؟؟؟

ماهو شعورك لو لم اشترك انا بالاسئله؟؟؟ وحده فاضيه ههههه

ماذا اعطاك المنتدى وماذا اخذ منك؟

اذا ذهبت لمسابقة من سيربح المليون واعطيت محاوله اتصال بصديق من رايح تتصل فيه؟

[gl]عرف الاسماءالتاليه [/gl] ;)
البارق
ابو سليمان
الإعصار
منادي >>الي فاضحنا فيه
إلا هو وينه خخخخ
عارف الهلالي
حيدر * حبي تيماوي

[gl]أعيد عليك سؤال [/gl] ;)
سؤال مهم : دائما مانرى قلة مواضيعك جداجدا جدا جدا بالرغم من انك تملك اسلوب راقي لماذا؟

هل حبيت او جربت الحب من قبل ؟؟؟

كم المبلغ اللي تحتاجه اذا بغيت تسوي مشروع في بالك ؟؟ وش المشروع ؟؟؟

ماهي مواصفات الزوجه اللي تتمناها ;)

بلد تحب السفر اليه

ماهي المدينه السعوديه التي تتمنى زيارتها ولم تزرها من قبل .؟
ما هو الهدف الذي دخل مرمى الهلال ولا يغيب عن بالك ؟

موضوع قرأته في هذا المنتدى وترك صدى في نفسك ؟

** بيت شعر يعجبك ؟
7) هل تحب(الضب) ام تخاف منه,,عمرك اكلت الضب ؟؟


كم مباراه حضرتها للزعيم ؟

لو انت تمشي بسيارتك وحصلت عبد الرحمن بن سعود يأشر ( متعطل ) تشيله ولا لا ؟



ايهما اصدق واقوى مشاعر المرأه ام الرجل ؟

سؤال تخاف ان تطرحه على نفسك يوما من الايام ؟ ولماذا ؟

من هو ابرز لاعب في كل منتخب من المنتخبات التالية من وجهة نظرك : فر نسا - انجلترا - ايطاليا - الارجنيتين - السنغال - هولندا - البرتغال - البرازيل - اسبانيا - المانيا - السعودية

[gl]وسلامتك ورد عليهم براحتك لا تستعجل بس حبيت أسليك أشوي وحاولت أني أنوع لك بالأسئلة علشان ما تمل خخخخخخ[/gl]

وللأمانه;) ترى الأسئلة مو من مخي هذي جايبتها لك من موضوع
بمنتدى سامي سألينهم لواحد كان دوره ومستلمينه
فا حبيت أستلمك بالأسئلة إلي أستلمناه فيهم
طبعاً هذا غيض من فيض الولد من كثر ما سألوه قفلوا الموضوع خخخخ

أرجوا أني ما أكون ثقلت عليك بس شفت ما احد أسألك قلت أسألك ولك تحياتي:

الكرز

رجعت لك يا غانموه ..



السؤال الاول

فقر أ) بما انك من سكان الشرقية .. هل سيارتك باسمك ؟؟ واذا كان الجواب بلا .. وشلون تروح البحرين لين صكت في راسك ..؟؟ واذا كان الجواب بنعم .. ليش تروح البحرين ..

ملاحظة .. ممنوع الجواب بكلمة ما اروح البحرين ..


فقرة ب) وش الفايدة تغش في البلوت انت وابو سليمان وفي النهاية ما تفوزون ؟؟



السؤال الثاني ..

فقرة ط) دهنت جبهتك بالزيت يوم رجعت البيت بعد التشليخ اللي جاك انت وابو سليمان على يد ( الموهوب والقلب الازرق ) ؟



باي

الغانم ممكن ثلاث اسئله:


كم طولك ؟

وابي اقولك لو حرق بيتك والى حرقه كايدهم بتسامحه ولا مابتسامحه؟

ومتى اخر مره تذكرت قلبي الزعيم ؟ قبل هذا السؤال؟

نسيت سؤال


وش رايك بي انا قلبي الزعيم( وبكل صراحه)؟

احم احم انا جيت <<---------- طيب يا حظك

اخوي الغالي جداً الغانم

اول شي قود افتر نون <<-------مشكلة اللي ثقافتهم انجليزيه

عندي كم سؤال:

الاول / لنفرض انك جيت للرياض ودخلت لشبكة الزعيم من مقهى انترنت وفجأه لقيت يوزر الاعصار داخل من نفس المقهى وما سجل خروج ....وش تبي تسوي؟؟

الثاني/ هدف جاء في مرمى الهلال ورفع ضغطك ( لا تقولي كل الاهداف اللي في الهلال ترفع الضغط انا ابي اكثر هدف رفع ضغطك).

الثالث / لنرفض الله بلاك وصرت حارس مرمى والاشواط الاضافيه والهدف الذهبي وقدامك عبدالله الجمعان يبي يشوت وش تسوي توقف قدامه والا تخلي الباب وتهج ( انا عن نفسي ابخلي الباب واهج وياروح ما بعدك روح <<-----الخوف مليح )

الرابع / وش الاغنيه اللي على بالك الحين؟

الخامس / وش اخر مسج جوال جاك ومن اللي مرسله <<---- اللمه من اللقافه;)

السادس / كيف الحال؟ <<--------- ما عنده سالفه

تحياتي لك

~ حياك الله

* من وجهة نظر الغانم كيف رأيت كلا من :

* كأس العالم 2002 ؟؟

* عمل اللجنة الاخبارية في كأس العالم ؟؟

* الوضع الهلالي الحالي ؟؟

* المشاركات النسائية عبر صفحات المنتدى ؟؟؟

* المجلس العام يضم عدد من الاعضاء المتميزين فمن الاعضاء المتابع لهم باستمرار ؟؟

* من وجهة نظرك هل أخرج المنتدى أقلام متميزة وهل تتوقع لها البروز سواء في المشاركات الرياضية او في المجلس العام ؟؟؟؟؟

* المواضيع تجذبك وتتابعها باستمرار ؟؟؟

* قلم بارز يستحق الاشادة ..... و قلم تتوقع له البروز؟

* من وجهة نظر الغانم قلم يستحق الدخول لعالم الصحافة من اقلام المنتدى ؟؟؟

تحياتي لك ..

هلا والله بالغانم....

واتشرفت بمعرفتي لك...

والأسئلة....

- ماسبب حبك لمنتدى الزعيم؟

- من هو أفضل صديق لك بالمنتدى؟

- هل ترى من عيوب للمنتدى؟؟

- وتصميم الفلاشات هل هي هواية وامهنة؟(واذا مهنة هل تتقاضى اجرا على عمل الفلاش؟)...

- من أدلّك على منتدى الزعيم...وكيف وصلت الى المنتدى؟...

وسامحنا اذا طولنا عليك بالأسئلة...

وردة الهلال للمرة المليون
ميولك في الرياضة غير الهلال طبعا
ريال مدريد


افضل ثلاثه اعضاء المميزين لديك ،وافضل ثلاثه عضوات مميزات لديك
العدد كبير ولكن سأحاول ان اذكر بعض المتميزين..
ابو لما ومالينكو(بالانجليزي) والوليد
ونجمة الابداع والماسة الزرقاء والمملكه


3 باقات ورد الي من تقدمها؟؟؟؟
ذكرت سابقا سلمان99999 والاعصار وكوكتيل


ماهو شعورك لو لم اشترك انا بالاسئله؟؟؟
بيضيق صدري شووووي


ماذا اعطاك المنتدى وماذا اخذ منك
اعطاني كل ما احتاجه واخذ مني الوقت..


اذا ذهبت لمسابقة من سيربح المليون واعطيت محاوله اتصال بصديق من رايح تتصل فيه
يعتمد على نوع السؤال بس الاكيد انه ما راح يكون البارق


عرف الاسماءالتاليه :
البارق : رمز الدكتاتورية.
ابو سليمان : رمز الطيبة.
الإعصار : رمز للاخلاق العاليه.
منادي : رمز وبس هذا لانه خويي
عارف الهلالي : رمز للنشاط.
حيدر * حبي تيماوي: رمز للتوأمه


سؤال مهم : دائما مانرى قلة مواضيعك جداجدا جدا جدا بالرغم من انك تملك اسلوب راقي لماذا؟
صدقيني ان الموجودين ما شاء الله عليهم ما تركوا شيء ولم اجد ما اكتب عنه وشاكر لك اطرائك..


هل حبيت او جربت الحب من قبل ؟؟؟
وش احلى من انك تحب الهلال!


كم المبلغ اللي تحتاجه اذا بغيت تسوي مشروع في بالك ؟؟ وش المشروع
هذا السؤال ينسأل فيه البارق هو راعي الفلوس ;)


ماهي مواصفات الزوجه اللي تتمناها
ما بعد سويت جرد للحين


بلد تحب السفر اليه
جلاجل


ماهي المدينه السعوديه التي تتمنى زيارتها ولم تزرها من قبل .؟
المدينه المنورة


ما هو الهدف الذي دخل مرمى الهلال ولا يغيب عن بالك ؟
الهدف الذي سلب منا البطولة الافرواسيويه امام الافريقي التونسي على ما اعتقد!


موضوع قرأته في هذا المنتدى وترك صدى في نفسك ؟
موضوع نقله لنا احد الاعضاء عن قصة فتاة التقت بشاب في الغربة..كانت بالفعل قصه جميله..


بيت شعر يعجبك
تلعب بقلبي لعبة الطفل بالطير
.. .. .. .. يضحك وطيره ميتٍ في يدينه


هل تحب(الضب) ام تخاف منه,,عمرك اكلت الضب ؟؟
نعم وحقيقه من زمان ما كلته واتمنى عن قريب اكله من جديد..


كم مباراه حضرتها للزعيم ؟
كم شعره في راسك


لو انت تمشي بسيارتك وحصلت عبد الرحمن بن سعود يأشر ( متعطل ) تشيله ولا لا ؟
اكيد بوصله فالميول لا تبعدنا عن كوننا ابناء بلد واحد.


ايهما اصدق واقوى مشاعر المرأه ام الرجل ؟
مشاعر المرأة اصدق ومشاعر الرجل اقوى


سؤال تخاف ان تطرحه على نفسك يوما من الايام ؟ ولماذا
الى اين يريد ان يصل الغانم!
لاني لا اعرف اجابته حتى الان!!


من هو ابرز لاعب في كل منتخب من المنتخبات التالية من وجهة نظرك :
فر نسا - زيدان
انجلترا - مايكل اوين
ايطاليا - فييري
الارجنيتين -باتيستوتا
السنغال - حاج ضيوف
هولندا - بيركامب
البرتغال - فيجووو
البرازيل - ريفالدو
اسبانيا - راؤول
المانيا - اوليفر كان
السعودية - نواف التمياط

وشكرا لك

الموهوب..
فقر أ) بما انك من سكان الشرقية .. هل سيارتك باسمك ؟؟ واذا كان الجواب بلا .. وشلون تروح البحرين لين صكت في راسك ..؟؟ واذا كان الجواب بنعم .. ليش تروح البحرين .
سيارتي باسمي وما اروح للبحرين الا اذا نزل فيلم جديد في السينما..


فقرة ب) وش الفايدة تغش في البلوت انت وابو سليمان وفي النهاية ما تفوزون ؟؟
اهم شيء نظحك على ثنائي الغفله


فقرة ط) دهنت جبهتك بالزيت يوم رجعت البيت بعد التشليخ اللي جاك انت وابو سليمان على يد ( الموهوب والقلب الازرق )
اقول امرررررررررررح شكلك اول مرة تفوز بخخخخخخخخ



قلبي الزعيم..
كم طولك ؟
قسم بالله مدري
بس اتوقع 160 سم


وابي اقولك لو حرق بيتك والى حرقه كايدهم بتسامحه ولا مابتسامحه؟
كايدهم حبيبنا وما اقدر ازعل عليه فأكيد اني بسامحه بعد ما احرق بيتهم


ومتى اخر مره تذكرت قلبي الزعيم ؟ قبل هذا السؤال؟
والله صعب احدد لك لان عدد الاعضاء ما شاء الله وذاكرة اخوك لك عليها


وش رايك بي انا قلبي الزعيم( وبكل صراحه)؟
انت طلبت الصراحه فصعب اني اكون دقيق في الاجابة لاني ما اعرفك عن قرب فاجابتي راح يغطيها المجامله!
واشكر لك تواصلك يالغالي




منادي
الاول / لنفرض انك جيت للرياض ودخلت لشبكة الزعيم من مقهى انترنت وفجأه لقيت يوزر الاعصار داخل من نفس المقهى وما سجل خروج ....وش تبي تسوي؟؟
ابسوي حلم حياتي ويعرفه زييييييييين البارق ;)


الثاني/ هدف جاء في مرمى الهلال ورفع ضغطك ( لا تقولي كل الاهداف اللي في الهلال ترفع الضغط انا ابي اكثر هدف رفع ضغطك).
اهداف الطائي العام في كأس ولي العهد وتعرف انت السبب


الثالث / لنرفض الله بلاك وصرت حارس مرمى والاشواط الاضافيه والهدف الذهبي وقدامك عبدالله الجمعان يبي يشوت وش تسوي توقف قدامه والا تخلي الباب وتهج
يعتمد على حجم التعويضات


الرابع / وش الاغنيه اللي على بالك الحين؟
اغنية وين رايح لعبدالله الرويشد


الخامس / وش اخر مسج جوال جاك ومن اللي مرسله
"في مساء ساحر
مع نجم ساهر
ارسل باقة ورد عاطر
لاغلى من مر على الخاطر"
ومرسله شخص عزيز اسمه محمد من الرياض


السادس / كيف الحال؟
اقول امرررررررررح انت بعد

عاشق الزعامه..
من وجهة نظر الغانم كيف رأيت كلا من :
* كأس العالم 2002: حقيقه لنقل انها بطولة المدربين السيئين جدا!!
* عمل اللجنة الاخبارية في كأس العالم: رائع جدا وحقيقه كلمه شكرا لا تفيهم حقهم بذلوا الكثير لامتاع الاعضاء..
* الوضع الهلالي الحالي: سيء للغايه ويجب تكاتف الجماهير لاعادة الهلال لمكانته الحقيقيه..
* المشاركات النسائية عبر صفحات المنتدى: لاكون صادقا لم اكن اتوقع ما شاهدته من اخواتنا فقد اثبتوا نجاحهن في هذا المنتدى ويأتي على رأسهن نجمة الابداع..


* المجلس العام يضم عدد من الاعضاء المتميزين فمن الاعضاء المتابع لهم باستمرار ؟؟
هناك الكثير فمنهم على سبيل المثال محترف توقعات والصدقي وعارف الهلالي ونجمة الابداع وغيرهم كثير


* من وجهة نظرك هل أخرج المنتدى أقلام متميزة وهل تتوقع لها البروز سواء في المشاركات الرياضية او في المجلس العام ؟؟؟؟؟
بالتأكيد..صحيح ان هناك اقلام تميزت وعرفت قبل دخولها للمنتدى ولكن هناك اقلام كثيرة اشتهرت من خلال هذا المنتدى وباستطاعتهم منافسه احسن الكتاب في كل صحفنا..


* المواضيع تجذبك وتتابعها باستمرار ؟؟
فيما عدا المواضيع الرياضيه..هناك المواضيع التي تكون خفيفة وشامله وكذلك الشعرية المنوعة.


* قلم بارز يستحق الاشادة ..... و قلم تتوقع له البروز؟
محترف توقعات فعلا هو قلم رائع
الصدقي ارى ان بإمكانه البروز متى ما كان كريما مع الأعضاء


* من وجهة نظر الغانم قلم يستحق الدخول لعالم الصحافة من اقلام المنتدى ؟؟؟
بدون مجاملة هناك الكثير والكثير ممن يستحقون ليس عامودا فقط بل صفحات في اي جريدة كانت وفي كافة المجالات وهذا من فضل الله على هذا المنتدى ونحمد الله دائما على افضاله..
وشاكر لك كثيرا اسئلتك..




العنود(سمي الظبي)..
واتشرفت بمعرفتي لك...
الشرف لي وانا اخوك


ماسبب حبك لمنتدى الزعيم؟
لانه استطاع ان يضم هذا العدد الكبير من الاعضاء الذي همهم الوحيد كيف يخدمون الهلال وضم ايضا مجلس ادارة ومشرفين همهم الوحيد اسعاد هذا العدد الكبير من العشاق حتى لو كان على حساب وقتهم الثمين ولا ننسى امير الهلاليين الامير بندر بن ثامر بأخلاقه العاليه وحبه الشديد للهلال والهلاليين..


من هو أفضل صديق لك بالمنتدى؟
حقيقه ما اقدر اعد اكثر من 17 عضو فاعفيني عن الاجابه


هل ترى من عيوب للمنتدى؟
عيوب المنتدى تكاد تكون قليله جدا والكمال لله سبحانه ولكن بتكاتف الجميع سنتخطى كل ما يعيق تقدم هذا الصرح الكبير..


وتصميم الفلاشات هل هي هواية وامهنة؟
بل هوايه فقط..


من أدلّك على منتدى الزعيم...وكيف وصلت الى المنتدى؟
عن طريق المنتديات فالزعيم لا يصعب الوصول له..
والف شكر لك اختي وحياك الله..






زعيم القرن..
هلا فيك وانا اخوك واعذرنا يالغالي بس الانشغال هو اللي ابعدني وان شاء الله نلتقي عما قريب..
الف شكر لك