الانترنت صار مقرف . اول نفتحه ندور شي يوسع الصدر , الحين ما فيه الا الأكله هذي مسرطنه , والعصير هذا يسبب صلع , وكيس الخبز اذا شقيته بدون تفك الربطه يسبب سرطان في الابط , والصابون اذا حطيته في فمك يسبب سرطان لثه . والله مليت

كل شي مسرطن . كل شي ضار .. اذا كل شي مسرطن وضار وشلون عشنا . حتى الحب قالوا مسرطن .. والشطة الي فيها مادة سو بي كورا مي دقني دقني دقني دق دق دق !!!..مسرطنه

الجح الي يباع في عز الصيف مسرطن . الماء الي تشربه بعد الوجبه يسبب حوله ..

طيب ياخي غصيت وشلون ادف اللقمة . اموت .... تبا للاشاعات .. لا والمصيبه اذا صار مصدر الاشاعة شركة تعال شوف . شركة سنكرس تستخدم زيت الخنزير عشان تدعم اسرائيل !!!.

والله يا جماعه من كثر الخزعبلات تلخبطت الافكار . الشماغ اذا لبسته والمرزام مقلوب يسبب سرطان في الاصبع الصغير من رجل شغالتكم ( عشانها هي اليي تغسله )

كله اشاعات

واي شي تلقاه عندك ومبسوط فيه يقرفونك فيه ويقولون يسبب مرض .

_______ _____ ____


الكوم الثاني


مليت من الرسايل الدينيه المكذوبة . كلها احاديث مكذوبه ومصطنعه . واخرتها يجي يقولك

قل هذي الجمله ؟؟؟؟؟ الان كسبت 398321 حسنه .. على كيف امك هي ؟ توزع حسنات

لا ويقولك انتبه لا يضحك عليك الشيطان ارسلها . انتبه تضغط دليت ترا اصل كلمت دليت


delete = devel


وتعني الشيطان

تلاحظ انا اول حرفين نفس الشي

de

وحرف V بدل L

و L تعني لا يضحك عليك الشيطان

وحرف T معناها تخسي تضحك علي


وصدقوني انا كتبتها وبعد فترة بتجيكم اشاعة وان مخترع الكيبورد يهودي


انتبه انتبه ترا الشيطان واقف جنبك


ما درا ان الشيطان هو الي يضحك عليه وطاق معسل جنبه ويقول قم غير لي جمر


والملاحظ ان مصدر هالخزعبلات الدينية هو صغار السن والجهله . والا الي هم في جهه والدين في جهه ثانية .. ما اقول ان انا كامل انا مثلكم بس ياخي قبل ما ترسل تاكد ان الاذكار يبغى لها تفكر وتامل واخلاص نية لله .. موب قاعد تقول الاذكار ومحمد عبده يدهر معك ..