أبحث عن ذاتي .. - صفحة رقم 2 - نادي الهلال السعودي - شبكة الزعيم

f*y*d · #16 09/03/2009, 03:40 PM

لكن حروفك لم تكن غثيان يا علي

ما هي إلا حالة وصدقني ستمر سريعا

أحرف جميل وبسيطة وقريبة

الســفيرة · #17 09/03/2009, 03:55 PM

ماشاء الله عليك

مع ان فيها بصمة من الحزن بس للامانة عجبتني

إقتباس

الرسالة الأصلية كتبت بواسطة abo_nasser


	مره حاولت اكتب شعر واول ما بديت..قلت لازم ابدا بكلمه عشان امسك خط بالكتابه وجاء اختياري على كلمة (الليل)..لاني شايف الشعراء هابين فيها.. واول ما بديت اتخيل وابي اطلع ما في جعبتي لقيت نفسي اغني ياليل خبرني عن امر المعاناه.. والله جد..كل ما احاول افكر بشيء طلعت لي اغنيه.. شكلي شطحت واجد...

يووو انت مثلي

ياتطري على بالي اغنية ولا بيت شعري فيه نفس الكلمة يخليني مقدر افكر

بس سبحان الله هي موهبة

ابودحه الهلالي · #18 09/03/2009, 04:26 PM

مشكلة الشعب السعودي انه يحاول يحسس نفسه أنه شعب رومنسي وحق خواطر حزن وحركات

!

أنآ أجزم مليون في المئة ان كل الكلام المكتوب مجرد خرابيط قلم ولا تمثل واقعك بـ شئ !

.

بلد الوليد · #19 09/03/2009, 05:13 PM

^
أزبد لي اكثر يابو دحه هههههههههههههههههههههههههههههههههههه

المشكله ذا السبك علي منزل الخاطره وجايني بالمسن شاق خشته يضحك

يقول رح شيك على المواضيع يمكن اني نزلت موضوع ولاشي

خاطره زي وجهك ماعرف شي

بباي

LBa your heart · #20 09/03/2009, 05:24 PM

^
^
أتفق مع الزكرت اللي فوق

لهالدرجة ياعلي حساس .. أبصم بالعشره بعد مانزلت انت هالخاطرة سألت نفسك وش أنا كاتب

اما زقزقة العصافير هههههههههههههههههههههههه حكاية ثانيه

والله تعرفني ياعلي ماني بحق خواطر ولا غيره

بس حبيت ارد عليك واقول لك خاطرة جميلة

القيصر رهيب · #21 09/03/2009, 08:17 PM

إقتباس

الرسالة الأصلية كتبت بواسطة ابودحه الهلالي


	مشكلة الشعب السعودي انه يحاول يحسس نفسه أنه شعب رومنسي وحق خواطر حزن وحركات ! أنآ أجزم مليون في المئة ان كل الكلام المكتوب مجرد خرابيط قلم ولا تمثل واقعك بـ شئ ! .

إقتباس

الرسالة الأصلية كتبت بواسطة بلد الوليد


	^ أزبد لي اكثر يابو دحه هههههههههههههههههههههههههههههههههههه المشكله ذا السبك علي منزل الخاطره وجايني بالمسن شاق خشته يضحك يقول رح شيك على المواضيع يمكن اني نزلت موضوع ولاشي خاطره زي وجهك ماعرف شي بباي

إقتباس

الرسالة الأصلية كتبت بواسطة LBa your heart


	^ ^ أتفق مع الزكرت اللي فوق لهالدرجة ياعلي حساس .. أبصم بالعشره بعد مانزلت انت هالخاطرة سألت نفسك وش أنا كاتب اما زقزقة العصافير هههههههههههههههههههههههه حكاية ثانيه والله تعرفني ياعلي ماني بحق خواطر ولا غيره بس حبيت ارد عليك واقول لك خاطرة جميلة

فليــخسأ الخاســئون ..

أبو دحه الهلالي

المشكلة يا أخي مو في الشعب المشكلة في اللي ينزل الخاطرهـ

يعني مثلا تخيل إن هالخاطرهـ نزلت بيوزر هلالية ولا حصيصه كول ولا بنت المصري ..

أكيد بتصير هالخاطرهـ تعبر عن مشاعر جياشه تملك سيول من الحنان ..
وبتكون من أروع ما قرأتها في حياتك يا ابو دحه ..

مع إني أجزم إنك ما قد قريت إلا الرياضية حتى ياليتك تقراها كاملة بس العناوين

منيب معطيك ورده ولا نيب قايل لكـ شكرا

بلد الوليد

تصدق فيصل من كثر ماني شايفك شي ما أدري وش أرد عليك

بس يا هلا والله نورت يا الخال

كلك هلالي

بيني وبينك لا والله ما سألت نفسي

لكن حسيت إني قوي مره

ودام عاجبتك زقزقة العصافير نكثر لك منها

كم عندنا سالم حنا :$

شرفت و نورت

القيصر رهيب · #22 09/03/2009, 08:31 PM

إقتباس

الرسالة الأصلية كتبت بواسطة ريكيلمي


	يا مرحبا يا مرحبا أتحداك تقول جملة مفيدة و ما تقول فيها صدع و غثيان <-----------<< مشتهي يتصفق هالولد ---------------------------------------------------------------------------------------- شعرت من خلال قرائتي للنص السابق بعدم ثبات للحالة النفسية للكاتب و ذلك لتكرر كلمة الصداع و الغثيان في المواقف السابقة فكأني بك أخي قيصر تود البوح بما يكمن بداخلك و لكن هناك ما يردك عنه أستطيع أن أقسم ما سبق للتالي الجزء الأول أنت رايح الزحمة و جاك صداع الجزء الثاني عودت لحديقة البيت و برضه جاك صداع الجزء الثالث مرك واحد من العيال و رحت معه البر و برضه جاك صداع الجزء الرابع رجعت المكتب و برضه مثل ما سبق ياخي شف لك حل الصراحة دخلت و أعجبني ما قرأت و لكني لست بناقد فأبيت أن أخرج و لم أترك بصمة

يمين بالله اللي تقوله صحيح
صدق إني ما ادري وش جالس تقول
لكن عندي إحساس إنك تقول كلام كبير

يعطيكـ العافية ريكلمي لاعبي المفضل :$

إقتباس

الرسالة الأصلية كتبت بواسطة Mr.Marwan


	زحام مدينة .. ثم أشجار حديقة .. وثم رمال الصحراء 0 0 كل هذا لم يثبت لك آدميتك خاطر جميلة ورائعه شكراً لك ياقيصر

أهلا مروان
يا خيّو شو بدكـ إيانا نساوي

من كثر العلف اللي أكلته و من كثر الكرف اللي جاني حسيت إني لي أذان طويلة

شكرا لكـ عزيزي مروان

إقتباس

الرسالة الأصلية كتبت بواسطة وليد القحطاني


	ريكيلمي ليش ردودك فيها نوع من اختلاق المشاكل مع صاحب الموضوع روق الله لا يهينك علي وينك ياخوي , لا مسن ولا جوال , ولاردود خاطرة جميلة عجبتني بدون مجاملة .. تحياتي لك واشوفك على خير فمان الله

أنت عارف الوضع يا وليد ما يحتاج أشرح لكـ
شاكر لكـ إطرائكـ
وبالتوفيق لك وليد

إقتباس

الرسالة الأصلية كتبت بواسطة شبوط


	هلا عليوه صباح الخير كم فقدنا وكم يئسنا وكم وكم ولكن لاحياة مع الياس ولا الياس مع الحياة لاتحرمنا من جديدك يالغالي

وأنت صادق شبوطي
لاهنت عالتعليق ينطيك ربي العافية

إقتباس

الرسالة الأصلية كتبت بواسطة رائدة الزعيم


	ياشين الشباب لين ردوا على شاب كاتب خاطرة لو المعرف مؤنث شفنا ردود مختلفة من جد أعجبتني الخاطرة كثير و أستمتعت كثيرا بحروفها يمكن لأني مررت بتجربة مشابهه شعرت بالحروف أكثر سلمت أناملك وننتظر إبداعك المقبل بالحب والإشراق

أهلا رائدة
لاحظتي إنتي كيف الشباب مظطهدين و مهضومة حقوقهم

المشكلة إنهم يدورون عن حقوق المرأهـ

طيب حنا وين حقوقنا ..؟ من الذي سلبها ..؟ ليه ليه ليه

أسأل الله أن يبعد عنكـِ وعني و السامعين الاحزان
شكرا أخرى رائدة

إقتباس

الرسالة الأصلية كتبت بواسطة هلاليه سنعه


	وعليكم السلام ورحمة الله وبركاته اهلا اخوي القيصر ماشاء الله الخاطره جميله .. اغبط كتاب الخواطر والشعر على ترجمة احاسيسهم وصياغتها بأسلوب فني رائع .. يعطيك العافيه .. دمت بخير ..‘‘

أهلا بكـ السنعه
فعلا الشعر موهبة يُغبط عليها مالكها
شكرا لتعليقك سنعه

~SaKaB · #23 09/03/2009, 08:35 PM

هلا والله بالغالي عليّ ,

صدقني هذي الحالة مرت بي الأسبوع الماضي ,
الأخلاق كانت واصلة بسبة الرجعة لهالجامعة ,,

ووش نسوي ؟! ما معنا إلا نصبر ..

علي أنت مبدع ..

عوافي على هالإمتاع

القيصر رهيب · #24 09/03/2009, 08:51 PM

إقتباس

الرسالة الأصلية كتبت بواسطة الـمـشـاغـب


	أحلى يا علووش حطمت سيمو بالخواطر والفصحى ما شاء الله عليك عيني عليك باردة .. يعطيك العافية , لا هنت

يعافيك ربي سلطان
مقدرا لك تعليقك المنعش

إقتباس

الرسالة الأصلية كتبت بواسطة متآبعه بصمت


	لا يكون تتوحم [color=darkolivegreen]يا حلوووو هالمقطع أما هذا جابلي الغثيان من جد والله يا قيصر أنا ما عاد صرت أتلذذ بالخواطر لأنكم خربتوها علي يالشباب في خاطره سابقه لي < الكل عارف اسمها من غير لا تذكر أخيراً خيوو الله يكفيك شر الهموم وتكون دايم بألف صحة وعافيه ..

أهلا بالغائبة الحاضرهـ
إعجابك ببعضٍ مما كتبت يشكل لي نجاحًا
كفانا الله الهم وإياكـ إن شاء الله
مستمتعا بتعليقك متابعه

إقتباس

الرسالة الأصلية كتبت بواسطة abo_nasser


	هلا وغلا علي.. والله صرت خواطرجي كبير يا خي ابي اعرف كيف الشعراء وراعين الخواطر يقدرون يكتبون..؟؟ مره حاولت اكتب شعر واول ما بديت..قلت لازم ابدا بكلمه عشان امسك خط بالكتابه وجاء اختياري على كلمة (الليل)..لاني شايف الشعراء هابين فيها.. واول ما بديت اتخيل وابي اطلع ما في جعبتي لقيت نفسي اغني ياليل خبرني عن امر المعاناه.. والله جد..كل ما احاول افكر بشيء طلعت لي اغنيه.. شكلي شطحت واجد... سلااااااااااااااااااااااااااام

هلا أبو ناصر
هيين أنت قاضيين منكـ

بس ترى انتم عندكم معلومات خاطئة عن الخواطر

يا حبيبي الخواطر أي واحد يكتبها ما يبي لها شيء
الخواطر طال عمرك إنك لا حسيت إن في بطنك كلام
أكتبه على طول لا تستحي وتصير خاطره

أما الشعر موهبة و صعب إنك تكتسبها
شكرا أبو ناصر

إقتباس

الرسالة الأصلية كتبت بواسطة السمسار الهلالــي


	هلا ومسسهلا . . مع أني مالي بالخواطر وأكرهها <-- الصريح صريح ياعلي بس فيه كلمات معبره بصراحة مع أني مازلت متمسك برأيي // تعرفني ما أرد على الخواطر وأهلها /, بس لعيييونك . . . فمان الله

هلا عزام ..
الصراحة أحرجتني بردكـ :$
جعل عيونك تسلم وتدوم
شكرا للمجامله عزام

إقتباس

الرسالة الأصلية كتبت بواسطة حتى ظلالي هلالي


	هلا والله بالقيصر بصراحهـ يا علي اني اغبطكـ على شيئين أول شيء على قدرتكـ على التعبير والشيء الثاني انكـ انفجرت باكياً وهذولي الشيئين فاقدتهم من زماااااااااان ماشاء الله عليكـ .. ربي يحفظكـ أما تعليقي على الخاطرهـ فماعندي تعليق لاني مافهمت شيء يا اني صايرهـ درج يا اني درج

هلا حتى ظلالك هلالي
أجل تبين تبكين ..؟

سهلة
روحي عند أقوى واحد من أخوانك
وقولي له أبيك تصطرني تصطير الين أعض الارض ..

وأحلق عيني إذا ما صحتي
شكرا على مشاركتك حتى ظلالك هلالي

إقتباس

الرسالة الأصلية كتبت بواسطة Canada's gallant


	جبتها ع الجرح و كنك ما دريت بصراحة مبدع يا صقيقي و الظاهر هذي مشكلة التخصص عوافي

هلا عبدلله
يمكن ليش لأ ..؟
شكرا على تعليقك عبيد الكندي

إقتباس

الرسالة الأصلية كتبت بواسطة nor alshams


	/ \ وعليكم السلام ورحمة الله وبركاته هلا ومرحبا القيصر ما شاء الله تبارك الله خاطرة رائعة رغم مابها من حزن أبعد الله عنا وعنك الحزن .. جميل ماكتبت يبدو لي بانها أول خاطرة تضعها هنا .. وااصل \ /

هلا نور الشمس
وإياكـ بإذن الله
شكرا لك ولإطرائكـ الرائع

إقتباس

الرسالة الأصلية كتبت بواسطة هامور البورصه


	الله الله يا علي وش هالخاطرة هذي وش هالابداع ما يمبدع وش هالخاطره الي كلها غثيان ومقاومه يعني ماشاءالله عليك انسان صبرت وتحملت وقاومت وبأخرالخاطرة استفرغت طيب ياخي كان قاومت ،، شف علي قسم بالله اني احس اني اقراء اي كلام وبس ماقصد ان خاطرتك سامجه لا والله بس انا صراحه كذا ماحب هالاشياء يعني احس اني مافهم هالاشياء يعني تمشي وجمبك ناس ووجيه وخيالات على العموم والله اني احبك ولا تفهم شي ثاني من هالرد بس يعني توني صاحي وعندي جامعه وقرفان اوي اوي

هلا طويط

لا تخاف عارف مشاعرك والله ..

شكرا على مروركـ وتنوريك صفحتي

عقد الياسمين · #25 09/03/2009, 10:30 PM

تؤرقني عملية "الفضفضة" وإن كنت ممن يعتبرون الورق كـ رغيف الخبز الذي يقتاتون عليه , وأن الحبر يشبه الماء !!

القيصر , إذا كانت هذه هي بداياتك فإني أتمنى لك المواصلة عبر هذا الطريق ...
سيكون عبوره ممتعاً بقدر صعوبته , الآن أنت تحتاج الى صعود السلم لتصل الى
ذلك الطريق الطويل ...

أرجو أن أرى هنا مزيداً من نفثات حبرك ,

مودتي

بلد الوليد · #26 10/03/2009, 12:04 AM

^
شباب ذا البنت موب سهله ابد ابد

ملاحظين انتم ؟!

والله تقول كلام كبير احسه موب لايق على سوليدره الخبله

..!

حتى ظلالي هلالي · #27 10/03/2009, 12:19 AM

علي

إقتباس


	هلا حتى ظلالك هلالي أجل تبين تبكين ..؟ سهلة روحي عند أقوى واحد من أخوانك وقولي له أبيك تصطرني تصطير الين أعض الارض .. وأحلق عيني إذا ما صحتي شكرا على مشاركتك حتى ظلالك هلالي

عمري مابكيت اذا بخلي احد يصطرني

ما اقول إلا يبطون والله .. انت تخيل شكل واحد منهم ماد يدهـ علي

بس حلوهـ احلق عيني

الناس تقول احلق شنبي وإلا حواجبي

أما عين وتحلقها كيف تجي

R D H · #28 10/03/2009, 04:43 AM

السلام عليكم ورحمة الله وبركاته

حبيب قلبي علي ..

لن اكون ( مبجلاً ) لك على عماها .. ولن أكون ( مزبداً ) لك على عماها أيضا ..

فلأني أحبك .. وبدي مصلحتك .. رح أقول لك هالكلام ..

قرأت ردك في مووضوعي الأخير ( فاهدئي ياعواصف ) .. وذكرت أنت في ردك أنه :

إقتباس


	حينما يؤمن المرء بما يكتبه ويكتب بصدق و إحساس .. يخرج بكتابة مميزه، ,,

إذن أنت مقتنع ومؤمن أن الكتابه لو تواجدت من احساس صادق أو موقف أو مشاعر تتملك .. فستكون كتابه مميزه ..

لكن عندمـا تكون الكتابه .. لمجرد ( الكتابه ) فقط .. فقد تكون الخاطرهـ لاتعجب القراء أو يشعروا بأنها ( خرابيط )

فمن الممكن أن نـرى كاتباً قام بتأليف ( خاطره ) أو ( قصيده ) بقافية موزونه .. وكلمات منمقه ومفردات رهيبه ..

لكن لو دققت في المعاني .. أو في الفكره .. سترى أنها لم تخرج من قلب كاتب .. لا يكتب عن ما مر أو حس به .. فقد تكون باهته ..

ومن الممكن أيضا أن نرى كاتباً قام بتأليف قصيده شكلها العام ليس جميلاً .. لكن لو نظرت لمعانيها ستجدها رائعه وخرجت من قلب الكاتب ..

فأيهم سيعجبك ؟

فالكتابه يا علي عندما تكون من واقع الكاتب .. تكون غـير .. تكون مؤثره أكثر من تأثير معلقه كامله ذات قافيه موزونه لكن مؤلفها كتبها لمجرد ( الكتابه ) فقط .. ولهدف ..( شوفوني تراني اكتب خواطر

)

فمثلاً .. نرى في كثير من المنتديات .. أعضاء يسمون أنفسهم بـ ( أسير الأحزان ) أو ( عاشقة الأحزان ) أو ( أسيرة العذاب ) ..

ولو نظرت لشخصياتهم تجدها بعيده عن اسماءهم التي سجلوا بها .. فقد يفعل ذلك لأنه يريد أن يحسس الناس بالغصب والعافيه أنه شخص ( عميق ) وأنه شخص ( مهموم ) وما إلى ذلك من أهداف ..

أما عن خاطرتكـ ياعلي .. فهي بلا أدني شك بها مفردات وكلمات جميله جداً ..

وهذا يدل على أنك تمتلك أسلوب في كتابة الخواطر .. وهذا شي جميل بصراحه ..

لكن بما أن الخاطره بإحساسي الشخصي لا أرى أنها تمت لواقعك بصله .. فأجد أنها ضعيفه من ناحية المضمون والفكره ..

أنت تمتلك القدرهـ .. فاكتب عن شيء تمر به أو شي واقعي بك .. وصدقني ستنجح ..

وعالعموم يعطيك العافيه يالغالي وماننحرم منكـ .. وخل الحاقدين يقولوا اللي يقولوه ..

( اللي مايطول العنب .. أكيد انه قصير

)

صدقني كمحاولة أولى .. ممتازه بغض النظر عن عدم واقعيتها ..

( ترا كثير من اللي يكتبون .. بدأوا في الكتابه عن طريق خواطر بلا فكره يقيسون فيها مدى قدرتهم على التعبير .. ومع الوقت صاروا يدخلون مشاكلهم ومشاعرهم وواقعهم بالكتابه .. فأصبحوا مميزين )

بإنتظار خاطرتك القادمهـ ..

بس كثر من زقزقة العصافير ..

واحرص على وجود البنادول بجواركـ وقت الكتابه .. وأعطي خبر لأهلك أنك بتكتب خاطرهـ .. علشان ياخذوا احتياطاتهم

دمت بأجمل حال

ابراهيم

أحلـى هلاليه · #29 10/03/2009, 04:47 AM

رائعه كلماتك
وربطك للاحداث التي صاحبت صداعك..

هلالي من ارض اليمن · #30 10/03/2009, 04:59 PM

أحبك ليه .. انا ما ادري

حياك الله يا علي

نص جميل وكلمات تخط خطواتها الأولى نحو مزيد من التميز

التطور في اسلوبك يا غالي من نص الى آخر في حاجة الى مزيد من القراءات الشعرية .. لديك الموهبة التي سوف تصقلها الممارسة عطفا على سعة القراءة ،،،

الى عمل آخر يا ( قيصر النص )

في امان الله ،،،