السلام عليكم ورحمة الله وبركاته
اول شي يا اخوان انا ودي اعتذر من الجميع لأني مسجل من فترة طويلة في المنتدى ومشاركاتي قليلة جدا بس والله هذا كله بسبب الغربة والدراسة واغلب وقتي كله خارج البيت
ثاني شي ودي ادخل في صلب الموضوع على طول عشان مايطول هرجي

الصراحة انا ابغى اكتب في موضوعين الأول زي ماهو مذكور في الموضوع انا ودي استشيركم في موضوع واتمنى من الجميع المشاركة عشان استفيد من الكل

يا اخوان انا عمري 25 سنة وودي اتزوج وفي نفس الوقت ابغى اشتري سيارة في حدود الـ 100 الف ريال

وبعد ما انحرق مخي من التفكير قلت خليني انزل الموضوع في المنتدى واشوف الاخوان ايش ينصحوني

ايش رايكم اشتريلي سيارة في حدود الـ 50 الف واخلي الباقي وازود عليه واتدبر امور زواجي ؟؟ وبعد ما اتزوج ومايكون عليا ديون او ماشبه اشتريلي موتر ثاني اقلها اخرج من دوامة الديون ؟ ولا اشتري سيارة بالمبلغ المذكور وبعدين ربك يحلها وابدأ اجمع من جديد عشان الزواج ؟؟
والله يا اخوان انا فعلا في حيرة من امري .؟.

الموضوع الثاني الا وهوا انا احس انو المنتدى نايم شوي يعني مافيه هذاك التفاعل زي بقية المنتديات ؟؟ ما ادري هل انا بس الي يحس بهذا الشي ولا بسبب انقطاعي الدائم عن المنتدى ؟؟

سامحوني يا اخوان والعذر والسموحة على التقصير وعلى الاطالة واتمنى اشوف ردودكم لانو ماخاب من استشار

اشكرك على مرورك
وبخصوص ان هناك قسم خاص بالاستفسارات والله انا ذكرت سابقا انو انا ما ادخل على المنتدى كثير لكن شكرا على النقطة واتمنى من الادارة تحويل الموضوع الى القسم المختص

تفكيرك صحيح وسليم لأن فيه شيء اهم من السياره .
ثاني شيء خمسين الف تجيب سياره حلوه ومستعمله وتمشيك خمس سنين لين تمشي أمورك.
بالتوفيق لك .

إقتباس الرسالة الأصلية كتبت بواسطة خوليو الأزرق تفكيرك صحيح وسليم لأن فيه شيء اهم من السياره . ثاني شيء خمسين الف تجيب سياره حلوه ومستعمله وتمشيك خمس سنين لين تمشي أمورك. بالتوفيق لك .

كلام العضو خوليو الأزرق صحيح 100% وبعدين والله مافيه احد صاحي اللي يشتري سياره قيمه 100 ألف ماتتحمل معك أربع سنوات الا وجميع الأصوات من تحت السياره من زين شوارعنا اللي تشيل الهم وأنت تسوق السياره شي يقهر نصيحه

يعطيكم العافية جميعا
واتمنى المزيد من الردود الله يسعدكم ان شاء الله