][ مطالبة أعضاء الشرف بشراء تذاكر دخول الجماهير ][ @ في البطولة الأغلى لدينا @ البطولة الاسيوية ..!! - نادي الهلال السعودي - شبكة الزعيم

ملينا البعد · #1 08/03/2009, 10:44 AM

بسم الله الرحمن الرحيم

لايخفى على الجميع ان اهم كأس لدينا هذا الموسم هو كأس آسيا

لأنه سوف يحط بنا الى العالميه للمره الثانيه

وبذلك لابد ان ان يكون الحضور الجماهيري بكثافه في المباريات القادمه

ومما لا شك فيه أن شراء جميع التذاكر من اعضاء الشرف والتبرع بها

للجمهور الوفي

الجمهور الهلالي

سوف يزيد من الحضوووووووووور الجماهيري الذي يعتبر داعم مهم للفريق في المراحل القادمه

( نحن نعلم ان هنالك جماهير لديهم القدره على شراء التذاكر مهما كان الثمن ولكن هنالك من لايستطيع دفع ثمن هذه التذكره )

نتمنى ونطالب أعضاء الشرف التبرع للجماهير الهلاليه بتذاكر المباريات القادمه وأولها مباراة سابا باتري الايراني

وليس بمستغرب على اعضاء الشرف كما عودونا بوقفاتهم التي جعلت الزعيم دائما في منصات التتويج

( ياجمهوووووووور الزعيم : شبيه الريح والزعيم بحاجتكم لاتخيبون الظن بالحضور المكثف في المباريات القادمه )

تقبلوووو تحياتي

المستبد · #2 08/03/2009, 03:49 PM

اضم صوووووووتي لصوتك
مشكوووووووووووووووور

هلالي صميم14 · #3 08/03/2009, 04:02 PM

ياعزيزي مانبي الاداره تشتري تذاكر المباراه يوم مباراة الهلال والشباب فى نهائي كاس ولي العهد شفنا الجماهير كيف مليان الملعب منها والبعض الاخر ماقدر يدخل المباراه
فكونا من شراء التذاكر يجيك فقراوي ولا اي من كان مايمثل الزعيم ويدخل بينا ويسوي مشاكل عادي تذكره بعشرين ريال يقدر يدفعها اي واحد لو اضطريت من الان الين يوم الثلاثاء تجمع على ثلاثه ريال راح تجمع العشرين بس فكونا من الدخول مجاني وشراء التذاكر .

هــلالي بحــت · #4 08/03/2009, 04:05 PM

المفروض ناقف مع الادارهـ مانبيهم يعطونــنــأ التذاكر مجانا نبي نوقف معهم هم يبون يجيبون مدرب عالمي المفروض نساعدهم مانوقف ضدهم شاكر لك اخوي

عبدالكريم العثمان · #5 08/03/2009, 04:07 PM

لماا ذا لانقتر ح على مو بايلى كماا فعلت في مبااراة النصر بشرااء تذااكر لمن هم مشتركين في مو بايلى الهلال تلك افضل فكره

ليه العيد يجي ويروح · #6 08/03/2009, 04:10 PM

اخوي هلالي صميم ترى حتى النصراويه يقدرون يشترون تذاكر المباراه ويدخلون ويسون مشاكل..
وانا بصراحه اضم صوتي لصوتك لنضمن حضور جماهيري اكبر..
وفي ناس بالمجتمع مايقدرون يدفعون حتى خمسه ريال وهم عاشقين للهلال..

fai9al 20 · #7 08/03/2009, 04:14 PM

وانا اضم صوتي معاك ..
لنضمن امتلائ الدره بأكملها..
واذا كانت مجانا في ناس راح تحمسهم يجوون ..
ويمكن واحد مع اخوياه يخليهم مايروحون للملعب عشان مامعاه قيمه التذكره و.........الخ

فاتمنى من الاداره شراء التذاكر عشان مايحرمون الي مايقدرون يدفعون من مشاهده الهلال

تحدوه البشر · #8 08/03/2009, 04:17 PM

*
*

ما شاالله عليك

بطولتك الاغلى وتبي من يدخلك لها بلاش

الملعب مفتوح والتذكره بـ 20 ريال ورجال الهلال جابوا لك لاعبين بـ 250مليون

تبيهم بعد يشترون لك التذاكر وش بقيتوا لانفسكم

يا حسافه على وجود نادينا بالرياض وهذي طلباتكم

حمـ(الهلالي)ــد · #9 08/03/2009, 04:20 PM

لا ان شاءالله مايصير هالكلام

لان التذاكر المجانية تجيب لك حجل وأطوق ( حجل وأطوق ) اللي مايفهمها يرسل على الخاص خخخخ

التذاكر المجانية تجيب لك الناس الفاشلة والفاضية

وبهذا ممكن يتضرر الهلال في بطولة آسيا في حالة حدوث شغب لاقدر الله

هلالي صميم14 · #10 08/03/2009, 04:20 PM

إقتباس

الرسالة الأصلية كتبت بواسطة ليه العيد يجي ويروح


	اخوي هلالي صميم ترى حتى النصراويه يقدرون يشترون تذاكر المباراه ويدخلون ويسون مشاكل.. وانا بصراحه اضم صوتي لصوتك لنضمن حضور جماهيري اكبر.. وفي ناس بالمجتمع مايقدرون يدفعون حتى خمسه ريال وهم عاشقين للهلال..

عزيزي النصراوي ماراح يدفع فلوسه فى تذكرة الهلال يستخسر يدفعها

احنا نقول جماهير الهلال ماهيب مثل الجماهير الاخرى حضرو جماهير من ارجاء الوطن الغالي وماقالو نبي الدخول مجاني دفعو عشرين ودخلو

خلونا ناقف مع ادارتنا بدل ما نجلس ونقول نبي ندخل مجاني

Maystro9999 · #11 08/03/2009, 04:22 PM

استحووو على وجيهكم التذكره بــ 20 ريال اللي مايبي يدفعها بسلامته

مايكفي الاداره متحمله كل شي بعد نجي نزيدهم بشراء التذاكر !!!

ليه العيد يجي ويروح · #12 08/03/2009, 04:46 PM

^^^
انا ماقلت ولا صاحب الموضوع قال ماراح احضر الا لما يكون الدخول مجانا..
حنا يالغالي نتكلم عن جميع المجتمع ياخي في ناس مايقدرون يدفعون قيمه التذكره ..
ياخي اضربلك مثال : اربعه يتمشون قالوا نبي نروح للملعب وواحد معهم ناسي محفظته بالبيت او مامعاه فلوس او متهاوش مع ابوه او ......الخ بيقولهم لانروح عشان مامعاه فلوس لاكن لو الدخول مجانا بيكون اول واحد واحد ...
اتمنى نك تنظر الى جميع فيئات المجتمع ترى انت وحنا نبغى 70 الف هلالي ومو كلهم قادرين...