فرق العقليات ... من خلال التصريحات - نادي الهلال السعودي - شبكة الزعيم

ابو طـــــلال · #1 08/03/2009, 05:12 AM

ثلاث بطولات في أقل من أسبوع تخلي ( إللى مايشتري يتفرج )

البطولة الأولى : هي كأس ولي العهد حفظة الله

البطو لة الثانيه : بطولة الأندية العربية لكرة الطائرة

البطولة الثالثة : إنتقال اللاعب النجم عيسى المحياني وتحقيق رغبات الطرفين .. الجمهور والإدارة الهلالية ورغبة اللاعب

ولم تنتهي الحكاية .. والرواية .. فالزعيم مازال ينافس على دوري المحترفين ..

وأمامه بطولتين أخرى ..

ناهيك عن الحضور الجماهيري الرائع .. والترابط الإداري الأروع .. ووقوف أعضاء الشرف مع الزعيم واللاعبين والتعامل المتميز .. واللذي يفتقدة الكثير من الأندية .. هذا مايجعل اللاعبين أنفسهم يصرحون بالرغبة الجادة للإنتقال لنادي الهلال دون النظر في الأمور المادية ...

حتى أجانب الهلال تجدهم أكثر توهج وحماس من غيرهم في الأندية الأخرى واللى تحس إنه يلعب ( بالدفدفة )

ويلهامسون .. رادوي .. وقبلهم التايب .. وتفاريس

نجوم تلعب بحماس و تضحية يتخيل المشاهد لأدائهم بأنهم قادمون من أشباب الهلال

* تصريحات عقلانية .. مسؤولة .. كبيرة من أشخاص كبار إبتداء من مؤسس النادي وشيخ الرياضيين الشيخ / عبد الرحمن بن سعيد ... وتلاه بقية الأعضاء الأمراء كعضو الشرف الفعال والرئيس السابق الأمير / محمد بن فيصل
وصاحب السمو الملكي رئيس النادي الأمير / عبد الرحمن بن مساعد .. والأمير الرائع و( المكسب ) الحقيقي للزعيم وجمهورة نائب الرئيس / نواف بن سعد واللاعبون في تصاريحهم ومطالبتهم الجمهور الهلالي بالهدوء والتحلي بالأخلاق الإسلامية وهي مطالبات يقدرها الجمهور الهلالي ويحترمها بالتأكيد ... ونفتخر كثيراً بهؤلاء الأفاضل لما في مطالبتهم بالتعقل .. والتشجيع المثالي دون الخروج عن النص ..

* اما تصريحات ومداخلات البقية من رؤساء الأندية والعاملين في مناصب مسؤولة في ذالك النادي أو غيره فتتخيل وأنت تسمع إلى مداخلاته الفضائيه الدائمه أنك تستمع إلى رئيس رابطه إحدى اندية الدرجع ( الثمنطعش )
وتستعجب بأن هذا الشخص هو من يدير نادي كبير بجمهورة وتاريخة ..
لاتكاد تجد العاقل بين مسؤولي هذا النادي ولا في إعلامهم .. فقد تسمع من مشجع عادي لفريقهم مداخلات ومقترحات ونقاش أرقى من شخص قد يعتبروة جمهورة ( الرمز ) الجديد .. القادم

* الكثير من جمهور النادي المنافس قد دافع بقوة عن إعتداء البلطان ووقفوا بجانبة وأدانوا المعتدي ( الهلالي ) قبل صدور نتائج التحقيق ... طيب نشوف هالكلام وهالمثاليه تبقى بعد نهائي الأمير فيصل بن فهد .. وإلا كالعاده

الناس تقول .. الأمير عبد الرحمن بن مساعد هو البطولة الحقيقية للهلال .. كما قالها الجمهور الهلالي في السابق عن الأمير محمد بن فيصل وهم فعلا يستحقون هذا المحبة ..

لكن تواجد شخص بقامة الأمير / نواف بن سعد بالنسبة لي هي بطولة العالم ... إحترامي وتقديري لهذا الشخص في أسلوبة وتعاملة وتواضعه .. تحياتي للأمير نواف بن سعد .. وأتمنى تواجدة الدائم في الهلال

( يقولون صب شاهي في بيالة ولاتملاها وقلي وش تشوف ؟؟ إن قلت بشوف النص الفاضي بصطرك .. ورى ماشفت النص المليان هاه )

وهذا انتم ياجمهور الهلال .. توكم ماخذين بطولة وفي المنتدى كأننا طالعين من عزاء .. ياطمعكم ...

بس شرايكم بالمثل والحكمة والمدبلجة !:razz

ألف مبروك بطولة كاس ولي العهد حفظة الله

ألف مبروك البطولة العربيه لكرة الطائرة >>> متى نلتفت لهم ؟؟ وين المواضيع عنهم ؟؟

الف مبروك إتمام صفقة المحياني .. والهلال يقول ويطووول

رسالة حب لجمهور الهلال ... لعل في الأمر خيرة .. وأقصد إقالة كوزمين .. إقالة كوزمين طلعت جمهور الرياض وخلتنا نشوفهم

لو بكل إقالة مدرب نشوف هالجمهور الحاضر كان كل يوم أبو فيصل يتعاقد ويقيل بس علشان شوفتكم ..
الشي الثاني .. كوزمين بطريقته قتل المتعه في لعب الهلال .. لعلنا نشوف الزعيم يمتع أكثر من طريقة ( هدف ) وإرجع ورى ..

=====

ماجد عبد الله .. أكتفي بكلمة ( الله يرحم ا لحال ) اجل أبلعب وإلا بخرب ؟؟ يعني ذبيب الأخ ..؟ على ( أساش ) إنه فاهم

اخوكم الصغير ابو طلال

الهاديو · #2 08/03/2009, 05:25 AM

هلا بأبوطلال الزعلان ...!

موضوع رايق ، وفي وقته ، وفي القسم المناسب

إقتباس


	( يقولون صب شاهي في بيالة ولاتملاها وقلي وش تشوف ؟؟ إن قلت بشوف النص الفاضي بصطرك .. ورى ماشفت النص المليان هاه ) وهذا انتم ياجمهور الهلال .. توكم ماخذين بطولة وفي المنتدى كأننا طالعين من عزاء .. ياطمعكم ...

هذا اللي مفروض يصير ، خلاص مع الهلال قلباً وقالباً ،،

شكراً يا (

) ،،

الهاديو ،،

زعيمه قديمه · #3 08/03/2009, 05:32 AM

فعلا ثلاث بطولات في وقت وجيز لكن هذا احنا جمهور مايشبع

اما نواف بن سعد وربي وجوده في الهلال بطوله..ماعندي وصف يوفيه حقه

جمهور الرياض والجمهور الهلالي بشكل عام مطالب بالتواجد يوم الثلاثاء

بمالايقل عن 65 الف متفرج

وان شاء الله يبيضونها

وفيه نقطه حبيت اوضحها عن ماجيد...
الكلمه في اللغه الفصيحه (على اساس.)>>محد يدري

.اما هو ونظرا لخلفيته الثقافيه ..

دائما يدمج بين كلمة على اساس الفصيحه وكلمة عشان

والناتج عشاس خخخخخ<<<خلك بثقافتك ياماجيد

عوافي يابو طلال

حمـ(الهلالي)ــد · #4 08/03/2009, 05:41 AM

موضوع جميل وإسلوب ممتع من الكاتب

وفعلا الأمير نواف بن سعد مكسب مثل ماشبيه الريح مكسب والله يحفظهم لنا

والحمدلله البطولة كانت رد والصفقة كانت رد والعربية كانت رد وان شاءالله من هالبطولات وأكثر

والحمدلله جمهور الهلال أثبت للجميع وقفته الصادقة مع الهلال

إقتباس


	ألف مبروك البطولة العربيه لكرة الطائرة >>> متى نلتفت لهم ؟؟ وين المواضيع عنهم ؟؟

صدقت يالغالي ويستاااهلون مواضيع مو موضوع ويوجد قسم خاص بالألعاب الأخرى للنادي ومن ضمنها الطائرة

محمد اللهبي · #5 08/03/2009, 05:42 AM

تسلم على الطرح الرائع

ماعندي كلام اضيفه بعدك

ابو طـــــلال · #6 08/03/2009, 05:44 AM

إقتباس

الرسالة الأصلية كتبت بواسطة الهاديو


	هلا بأبوطلال الزعلان ...! موضوع رايق ، وفي وقته ، وفي القسم المناسب هذا اللي مفروض يصير ، خلاص مع الهلال قلباً وقالباً ،، شكراً يا ( ) ،، الهاديو ،،

هلا وغلا بالشيخ تركي .. نور ت يالذيب

والله لايجيب الزعل .. وش زعله ؟

نورت متصفحي المتواضع وشكرا على الحضور

بنكوكي · #7 08/03/2009, 05:53 AM

إقتباس

الرسالة الأصلية كتبت بواسطة ابو طـــــلال


	ويلهامسون .. رادوي .. وقبلهم التايب .. وتفاريس نجوم تلعب بحماس و تضحية يتخيل المشاهد لأدائهم بأنهم قادمون من أشباب الهلال

أبو طــــلال يا رائع ... نسيت بعد كوزمين صار عضو شرف بالهلال ( تحس أنه مقطوع سره بالنادي )

ما شاء الله على ها الفريق

ابو طـــــلال · #8 08/03/2009, 06:02 AM

إقتباس

الرسالة الأصلية كتبت بواسطة زعيمه قديمه


	فعلا ثلاث بطولات في وقت وجيز لكن هذا احنا جمهور مايشبع اما نواف بن سعد وربي وجوده في الهلال بطوله..ماعندي وصف يوفيه حقه جمهور الرياض والجمهور الهلالي بشكل عام مطالب بالتواجد يوم الثلاثاء بمالايقل عن 65 الف متفرج وان شاء الله يبيضونها وفيه نقطه حبيت اوضحها عن ماجيد... الكلمه في اللغه الفصيحه (على اساس.)>>محد يدري .اما هو ونظرا لخلفيته الثقافيه .. دائما يدمج بين كلمة على اساس الفصيحه وكلمة عشان والناتج عشاس خخخخخ<<<خلك بثقافتك ياماجيد عوافي يابو طلال

بإذن الواحد الأحد إن الجمهور يبي يبيضها هالمرة .. اتوقع بعد إقالة كوزمين بداء الجمهور يتفهم مسؤولياته وثقلة في المباريات ومؤازته للاعبين ..

اتوقع المستقبل مشرق للزعيم بإذن الله .. وبعد هالظروف يكون للفوز والبطولة طعم احلى وهي عادة الزعيم مايحب البطولة إللى فيها ( خمبدزه ) و ( دندسة ) يحب ياخذها بقوه ..

اما ( عشاس ) الله يرحم حاله والله ... أرحمة كثير .. خصوصا إن القدر جعله بجانب المحلل الرائع خالد الشنيف

شكرا لك زعيمه

هلاليه سنعه · #9 08/03/2009, 06:18 AM

الحمد لله هذا من فضل ربي ..
البطولات تتوالى والارقام تزيد في الملاعب

وغيرنا بطولاتهم تزيد بالمداخلات والتصريحات
لاعبين الهلال الاجانب يستحقون تكريم من نوع رفيع
يلعبون من قلب كأنهم من ولدوا هلاليين

باستثناء اللاعب الكسول

وامراء الهلال هم عاشقين للأزرق قبل توليهم الرئاسه
الله يحفظهم لنا ..
والله اذا شفت بعض مسؤولين الأنديه الثانيه
احمد ربي واشكره اني هلاليه ..
لا نملك الا نقول الحمدلله الذي عافنا مما ابتلاهم به
وفضلنا على كثير ممن خلق تفضيلا ..

يعطيك العافيه اخوي ابو طلال على الموضوع المتميز ..

دمت بخير ..‘‘

الملك"توتي" · #10 08/03/2009, 06:20 AM

إقتباس


	انتم ياجمهور الهلال .. توكم ماخذين بطولة وفي المنتدى كأننا طالعين من عزاء .. ياطمعكم ...

والله الظلم يحرق يا بعدي

إلا على طاري المداخلات ..

وراك نسيت عطني ؟

وعلى طاري عطني ..

أنا مدري .. سلطان بن فهد .. يفشخ الصراصير بـ F15 والا دبابة T90 ..
والا أتوقع نووي !!

مدرب .. كل الي سواه .. فصخ فنيلة ..
يروح يطرده ؟

لا عنيف ما يحتاج

شكراً اخوي عالموضوع الرائع

وانتبه ولا يهونون جميع الهلاليين ..

انبتهوا تفصخون فنايلكم ..

حشا .. الاتحاد السعودي لمكافحة فصخ الفنايل .. مهوب لكرة القدم

ابو طـــــلال · #11 08/03/2009, 06:21 AM

إقتباس

الرسالة الأصلية كتبت بواسطة حمـ(الهلالي)ــد


	موضوع جميل وإسلوب ممتع من الكاتب وفعلا الأمير نواف بن سعد مكسب مثل ماشبيه الريح مكسب والله يحفظهم لنا والحمدلله البطولة كانت رد والصفقة كانت رد والعربية كانت رد وان شاءالله من هالبطولات وأكثر والحمدلله جمهور الهلال أثبت للجميع وقفته الصادقة مع الهلال صدقت يالغالي ويستاااهلون مواضيع مو موضوع ويوجد قسم خاص بالألعاب الأخرى للنادي ومن ضمنها الطائرة

الردود المتتالية والصفعات المتكررة للحاقدين تخليهم ينسون فر يقهم ويبحثون عن زلات لتضخيمها ... وهم غير مستفيدين فعلياً من تضرر الهلال .. وش جاب المركز الأول للمركز السادس ؟؟ إلا كانه يبي يطمر !

النصر مريض .. وفي أصعب حالاته .. الله يرفع عنه

سبحان الله .. سعد الحارثي أصيب .. والحين الكابتن علاء الكويكبي .. الله يشفيهم جميعاً

أتوقع لسوء النيه دور في هالحاصل بفريقهم !!

شكرا لك اخوي ..

ابو طـــــلال · #12 08/03/2009, 06:24 AM

إقتباس

الرسالة الأصلية كتبت بواسطة محمد اللهبي


	تسلم على الطرح الرائع ماعندي كلام اضيفه بعدك

الله يعطيك العافية اخوي محمد

وحضورك يكفي عن كل الكلام

شكرا لك

alaneid · #13 08/03/2009, 06:25 AM

فعلا ثلاث بطولات في وقت وجيز لكن هذا احنا جمهور مايشبع

اما نواف بن سعد وربي وجوده في الهلال بطوله..ماعندي وصف يوفيه حقه

جمهور الرياض والجمهور الهلالي بشكل عام مطالب بالتواجد يوم الثلاثاء

بمالايقل عن 65 الف متفرج

وان شاء الله يبيضونها

ابو طـــــلال · #14 08/03/2009, 06:26 AM

إقتباس

الرسالة الأصلية كتبت بواسطة بنكوكي


	أبو طــــلال يا رائع ... نسيت بعد كوزمين صار عضو شرف بالهلال ( تحس أنه مقطوع سره بالنادي ) ما شاء الله على ها الفريق

سبحان الله .. فريق اللى يعيش فيه مايبي يطلع منه .. وفرق ثانيه مايطلعون منها لاعبينها وإدارييها إلا بمحاكم وقضاياء وفضايح بكل القنوات !!

بالله مهيب نعمه تستحق الشكر ؟

تسلم على حضورك الأروع يالغالي

شاكر لك

ابو طـــــلال · #15 08/03/2009, 06:28 AM

إقتباس

الرسالة الأصلية كتبت بواسطة هلاليه سنعه


	الحمد لله هذا من فضل ربي .. البطولات تتوالى والارقام تزيد في الملاعب وغيرنا بطولاتهم تزيد بالمداخلات والتصريحات لاعبين الهلال الاجانب يستحقون تكريم من نوع رفيع يلعبون من قلب كأنهم من ولدوا هلاليين باستثناء اللاعب الكسول وامراء الهلال هم عاشقين للأزرق قبل توليهم الرئاسه الله يحفظهم لنا .. والله اذا شفت بعض مسؤولين الأنديه الثانيه احمد ربي واشكره اني هلاليه .. لا نملك الا نقول الحمدلله الذي عافنا مما ابتلاهم به وفضلنا على كثير ممن خلق تفضيلا .. يعطيك العافيه اخوي ابو طلال على الموضوع المتميز .. دمت بخير ..‘‘

الله يديم هالنعمة ....

بحضور الجمهور و تكاتف أعضاء الشرف وجهد اللاعبين وقبل هذا كله توفيق الله سبحانه نبي نحصل على كل البطولات .. حتى بطولة الدوري اللى ( يجزمون انه راحت ) بإذن الله يجيبها الزعيم

شاكر لك حضورك المتميز