على الطاير .. استفهام + تعجب + قهر ..؟؟!! - نادي الهلال السعودي - شبكة الزعيم

وجــدان · #23 10/03/2009, 09:44 AM

هلا والله بالأديب

موضوع جميل والأجمل انه بعد غياب

بس انا عندي سؤال
أنتم يالمشرفين ليه ماتثبتون مواضيعكم ؟!
أنا لو مشرفه حتى ردودي أثبتها

.,
بالنسبه للذكرى على قولة من قال :
ترى الذكرى ولو حلوه طواريهـا تهد الحيل ..!

أنا مااشوف ان بوه أحد على خطأ مثل ماقال هلالي من ارض اليمن ..
كلن يمشي بالطريق اللي هو عاجبه وان كان عاجبه مكانه اللي هو فيه ماهي مشكله لو يوقف فيه عشرين سنه .!
قناعات وياكثر مانختلف فيها

.,
الولد الصغير مانلومه على كلامه لأنه صغير وماينلام وبالتأكيد هو سامع هالكلام يامن امه ولا أبوه
ولا ماكان بيتجرأ يقول كلام هو متأكد ان ابوه بيعاقبه فيه .!
بس البلا لاصار رجال طول أبوه وعقله بالابتدائي

ودك هنا تصكه بالدرة وتعلمه ان الله حق ..

.,
الجوال

اذكر مره كنا جالسين بحديقة عامة وجدتي معنا
رحنا عنها شوي ويوم جينا لمها لقينا شغاله واقفه جنبها وتكلم بجوالها

رحت لم جدتي اسألها عن السالفه ؟!
قالت حرام شغاله مسكينه تبي تكلم أهلها والناس اللي هي عندهم مايخلونها تكلم .!

قلت طيب تأمنينها !!
قالت ايه اضمنها أكثر منتس

كنت أطالع الشغاله وهي تكلم والله مارجعت الجوال ليد جدتي الا وهذاك الهندي اللي ماسك يدها
وطلعت معه

قلت لجدتي هذي اللي تضمنينها ؟! والله ماتدرين وش هالهندي اللي راحت معه ..!
محد يخرب الشغالات الا انتم يالعجز

.,

يسلمو ماجد

موضوع مميز يعطيك العافيه

.,