|
إقتباس:
أحسن الظن بالنااااااااس يا شيخ إفترض إنك أنت اللي محتاج لجوال غيرك هل بترتاح لمًا تشوفه يراقبك مراقب مو طبيعي :to: قلنا خذ حذرك ما قلنا اكله بعيونك :d |
وعليكم السلام والرحمة والبركة حياك الله اديبنا الحبيب ماجد :smilie47: إقتباس:
ليس هنالك متعه تظاهي اللعب على الازفلت :d حيث يكمن ثبات الخطوة وقوة الانقضاضة والقدرة على التحكم بالكره وتوجيهها في المسار الصحيح لتمتع الازفلت بالانسيابية :d متجاوزين بذلك الركب المخدشة والأكواع الممزقة .. ولكن لا حلاوه من غير نار ( او هكذا قيل في الأدب الصغير لأبن المقفع ) :yes: دائما ذكرى الماضي جميلة بكل ما فيها .. والأيام القادمة خير ان شاء الله ويبقى السؤال الذي طرحته : من منكم على صواب والآخر على خطأ ؟ والاجابة من وجهة نظري : ليس هنالك صواب او خطأ .. فاصدقائك يبدو انهم لا زالوا يستمتعون بالرفاق معهم وليس بالضرورة ان تكون حياتهم لم تتغير ،،، وهنالك سؤال آخر : ليش ما نزلت تسلم عليهم ؟ :naughty: ماجد الحبيب .. انت فاهم الرجال خطأ .. ويبدو انك تفتقد الى المهارات الاساسية لوسائل التربية الحديثة التي تستند الى بعض ( الطلاسم ) التي لا تمت الينا بصلة :bigeek: في المرة القادمة اذا امتلكت ( الدرة ) فحذاري من استخدامها .. وانصحك ان تخوض معه ( جيم ) بلايستيشن حتى تكون مواكبا لأدوات العصر :d وحتى لا يصاب الفتى حين مشاهدة ( الدرة ) بارتداد في العصاب الاستبحس :bigeek: هنالك خطأ شائع دائما ما نردده واصبح ( قانون ) في حياتنا وهو عبارة : ( القانون لا يحمي المغفلين ) !! اذا لم يحمي القانون الضعفاء والبسطاء والمغفلين .. فلماذا وجد القانون ؟ ما قمت به يعد من ابسط حقوقك بخصوص من طلبك الجوال .. فالحقيقة ليس من اللائق ان نجد مشرفنا وقلمنا الأديب يركض بالشوارع من شارع الى آخر وهو ( ينظم ) باعلى صوته : ولي ( جوال ) آليت الا ابيعه ^^^ ولا ارى غيري له الدهر مالكا :bx: ماجد الحبيب :smilie47: اسعد الله صباحك بكل الخير شكرا جزيلا لك هذا الموضوع الجميل ولا تقطع علينا يا غالي ولاحظ ان حضورك واكب اخوان واخوات افتقدناهم وسعدنا بمشاهدات يوزراتهم مرة اخرى ونخص بالذكر ( السمسار الهلالي :smilie47: و متابعه بصمت :rose: ) في امان الله وحفظه |
^ ^ ^ هلالي من ارض اليمن أهلاً بعودتك .. بعد غياب :) موضوع حلو .. و الأحلى إنك تروح تلف و تدور في أماكن قديمة ,, و تردد .. في نفس المكان في غير الزمان ,, مرتني الذكرى !! الانتقال من مرحلة اهتمامات إلى أخرى مع مرور السنين طبيعي ,, لكن ربما اللي استمروا .. يلقون أنفسهم أكثر في هذا الشيء ! يعني إنت ربما لهيت بأشياء ثانيه اما هم لحد اللحين اللعب على الازفلت جزء من الجدول اليومي ! أما قضية الأب اللي يتميلح بثارة ولده قدام الناس .. هذا متجمد الاحساس .. و أساساً الأبو موب مهذب ! الله لايبلانا ,, تذكرت قصيدة عبدالرحمن بن مساعد ( مجلس رجال :D ) s45s << القلب لرئيسنا الحزين :( كتبت ردي قبل ما أقرأ كل الردود ,, وتوني لقيت إن رائدة كاتبة قصيدة مجلس رجال .. يعني و الله العظيم ما أقلد :no: عاد مالي داعي أغير ردي .. بس إذا تبين رائدة أشيلها قولي لي .. و أبشري :D موقفك الاخير ,, صحيح إن بعض المواقف تخوف .. خصوصاً إذا صار فيه مجال للهروب .. و الاحتياط واجب .. يعني مثل تصرفك أنت حلو طلبت منه الرقم و قربت عنده عشان مايهج :D شكراً لك ماجد ع الموضوع :) |
هلا والله ماجد يالله حيووه :ga: افا الحين مشرف واخضر وتنقهر <= فاهم الاشراف غلط على طاري الابو وعياله ياخي هذاك اليوم قاعد بمستشفى وماني رايق انتظر تحاليل المهم جالس جمبي واحد وده يسولف وبس :d جته بنته الصغيره فحاول يطردها بس هالصغيره عاندت والا وتجلس بحضن ابوها عاد هو التفت علي قال الاطفال لازم تعطيهم حنان :laugh: انا والله وقتها انتظر انتظر تحاليلي ومانيب رايقن له التفت عليه وقلت صحيح صحيح الرجال حسيت انه انبسط وقعد يخربط علي وانا بس اهز هالدميجه :laugh: وهو يقول الطفل لازم تحضنه واذا دخلت البيت تجيب له حلاو المهم ان سالفتك هذي ذكرتني بهذاك البثر الي غثني :to: تدري عاد يا ماجد انا اعيش بـ مجتمع يشجعون الاطفال ع القشاره مثل مره جالس مع ولد عمي وهو يفهم ولده ويدربه تصدق وش قاعد يقوله يـ قول شف وانا ابوك الي يطقك طقه خذ البلكه وصكها براسه قسم بالله يا هذاك البزر فيه قشاره والسبه ابوه يعلمه فنون القتال :bx: اما على طاري الكورة انا صراحه ودي العب كورة لكن والله مابوه وقت تطلع من الجامعه العصر ومافيه ملاعب بالليل قسم ان الحاله يرثى لها اكل ونوم واستراحه وبـس ماجدونا الله يعطيك العافيه عـ هيك موضوع :rose: |
وعليكم السلآم ورحمة الله وبركاته.:rose: مآشآء الله.. ماجد اكيد حلمآن شي!!:ap: عند أي مفسر فسرت حلمك؟:d بالنسبة. للي يلعبون. في نآس ماتحب تغير روتين معين ..تعتبره متنفس أو هوآيه عندها. في حآلتك يمكن هي مجرد مرحله وعدت ماقمت تهتم لها. مجرد تسليه اعتبرتها وعليها ما اهتميت لها. لكن هـم يعتبرونها.زالمتنفس.. أو الهوآيه التي يتقنونها.:smilie47: عموما.. بالتوفيق للطرفين:razz::rose: اما إللي سآمجين هم وعيآلهم..اووووووووف حدث ولا حرج حنا عيالنا لقالوا كلمة يمين ولا يسآر نفتشل. بالبيت يقولون إللي يبون بس برا عيب:d يعني يادوب تبي يشيل هالكلمات. وتأدب وتنظف الاضرآر .وغيره وفي ناس تجي تتبآهى بقلة حيا عيالهم!!:cry: زي ولد خآل صديقتي تقولي قمة في البذآآآآآآآآآآآءة وش كبره وامه تدخله معها عند الحريم وعليهم. يعني ابو 12 كبير! حتى ابو 10 عندنا كبير لكن يجيك واحد لسآنه وسخ ومابقى لفظ شوارع ماهو عنده! وامه تتحلى عليه! وتضحك! وعادي كلمات بذيئة قويه تقال في حق البنات وعادي عندها؟ حياتهم الابو يسب الام والعكس قدام العيال ؟وش منتظرين من ولدهم؟ من وين بيتعلم صح ولا غلط! طردوه! لاتجي ولاتدخل. زعلت:d قالوا احسن. بتجون بدونه حياكم بتجون فيه لا. ماهم ملزومين يدخلون عليهم ولد عنده قواميس منحطه والفآآآظ اعوذ بالله. المصآيب ..حاول تسآعد على قدر ماتقدر بس كنت متيقظ.. بحيث لاتدان. ولا يعتدى عليك. ولا تستغفل من قبل احد.. الله يحرسنا..:rose: ولك بآك مآجد..:rose: سلمت لاهنت:rose: |
. اهلن بالمـاجد :rose: الفقره الأولى . ذكرتني بمكان كنت دايمآ اروح له يوم كنت صغيره قبل سنه يمكن رجعنا لنفس المكان قسم ان دموعي ماوقفت مع اني اضحك ومستانسه :to: الله يازمن يوم طلعت من هالمكان كان عمري 7 سنوات يعني مرت 11 سنه احس اني صرت عجوز وقتها :d بس ولو ماكان الذكرى حلوه .:smilie47::yes: الفقره الثانيه خخخخخخخ اذكر عندنا واحد جاء ولده عند عمامه وقال كلمه موب زينه ضحك الأب وضحكو الموجودين يوم جت عزيمه كبيره وكان المجلس مليان ناس مايعرفهم جاء ولده وقال الكلمه نفسها هاوشه وطقه بعد :bigeek: طلع البزر قال لأمه ليش المره الأولى ضحك والمره الثانيه طقني وطلع وهو متضايق :cry: احس سببله انفصاام مايدري وش الصح والخطاء الله يهديهم ع هالأفعال .:yes: شكرآ ماجدونا ع هالموضوع الرآآئع:rose: سي يــا . |
وعليكم السلام ورحمة الله وبركاته هلا وغلا ماجدونا .. نورت المجلس بطلتك :smilie47: وياليت كل يوم تمرنا ع الطاير .. نجي لموضعك .. عن الكره , والله انا اقول ان انت اللي غلطان .. وانا مثلك نفس الحال .. كثير من زملائي كل عصر ماشاء الله ركض في الملاعب , وانا قادر ع العطاء :d واعتزلت اللعب في الحواري :d ولكن لامني فيها عمي , وطلب مني اكمل مشواري الرياضي :ap: يقول حرام لسه شباب وتركت الكوره .. ويقول آآه ياليت الشباب يعود يوماً .. اما عن الاب وابنه , فحدث ولا حرج , في كل مكان نرة امثال ذلك الاب.. بل قد شجع ابنه على بعض الامور اللي تخجل .. مثل الشتم واللعبن وغيرها .. وعن الجوال , حدثت معي كم مره , وبيني وبينك متجهز اسوي سبرنت وراه :d لان اتوقع بأي لحظه بيحط رجله :naughty: .., ابو مقبل .. تقبل ودي واحترامي .. ولاتحرمنا جديد .. دمت بخير |
وعليكم السلام ورحمة الله وبركاتة اهلا بك يابش مهندس النقطه الاولى احيانا مااحب المواقف الي تذكرني بالماضي لانها تكسرالخاطر :d سبحان الله كل ماتقدمنا وكل مازادت التكنولوجيا نصبح اكثر تعقيدا ونفتقد للبساطة والألفة لما تشوف الصغار يلعبون تتمنى لو يرجع بك الزمن شوي وتمارس الالعاب الي يلعبونها وتنبسط وتعيش بتلقائية ووبساطة وكثير أمور حنا الي نتخلى عنها او نحرم نفسنا من الاستماع بها بحجة الكبر أو اي اسباب اخرى في اشخاص تلاقي اعمارهم كبيرة بس ماشاء الله محللين كل دقيقة بحياتهم ومستمعين بها وماعليهم من أحد :smilie47: \ / الحين الاباء يبون تربية جديدهـ وتهيئه فلاتلوم الابناء \ / يقولون ماعاد فيه امان :d وقمه الاحراج اذا طلب منك احد الجوال خصوصا لو شافك تكلم صعبه تعتذر وتقول مامعي او مافيه بطارية ومشكلة لاصار حرامي :d بس حلو انت تطلب الرقم بعدين تعطيه او انت بنفسك تتكلم :naughty: \ / اشتقنا لـ مواضيع وردود الخنفشاري والاديب يعطيك العافية s13s ولاتغيب كثير :ap: الهنوووف كانت هنا ورحلت |
جميل جداً ما خطته أناملك أخي ماجد بالنسبة للسلق اللي يلعبون كورة للحين هل انت متاكد انهم ليسوا رجيع اندية ؟؟ يمكن يسمع باللاعبين اللي يطلعون من الحواري يحسبها من برح الاسفلت :to: بالنسبة لأطفال الزمن هذا كثير منهم نسمع منهم كلمات اكبر منهم و هذا ما بذره التفتح في قلوب الصغار فأزهر وقاحة ف هنيئاً لنا بالتفتح و الفضائيات الفضائحية أما بالنسبة للنقطة الثالثة حتى أنا اعاني منها نايس جوب ماي فريند |
كلام خطير :) عوداً حميداً أيها الفتى الذهبي s45s اعذرني على هالمرور السريع .. ان شاء الله اذا رجعت بأرد عليك وعلى الابن المشاغب الخالي من الهم مدري من الأدب :D تحياتي لكـ مودموزيل ماجد s45s |
... وعليكم السلام ورحمة الله وبركاته.. أهلاً وسهلاً بأديبنا ومشرفناً الغالي..:rose: استطعت أن تعبر عن أفكارك بقصص صغيرة وأعتقد إنها وصلت.. بالنسبة للمحور الأول في شيء جميل للواحد إنه يتذكر الماضي ليكون دفعة قوية للمستقبل..:yes: وعن المحور الثاني أعتقد أن الأب لا يريد أن يتحمل المسؤولية ولا يوجد لديه احترام لنفسه..فعلاً كنت أتمنى أن تكون لديك الدرة..:d وعن المحور الثالث بالفعل تصدق في هذه الأيام مقولة من خاف سلم..:yes: لأن الواحد أصبح يعيش في بيئة تكثر فيها مثل هذه الأمور ويجب أن يكون حذرا فيها.. مشكور يا مشرفنا على الموضوع وتقبل مروري:smilie47: أسامة ... |
بنقل لك تجربه خااصه تهاوشت مع احد الورعان و تلفظ علي و شال عصى بيضربني و ابوه يطالع و يهدي الولد انا قمت صمخت على وجهه بكف محترم بعدها الى الان هو وابوه يخافون مني خلك قوي عين ولا تضرب حساب لمثل هالناس |
وعليكم السلام ورحمة الله وبركاته الله يحييكـ اخي ماجد بالنسبة للموضوع الاول من وجهة نظري لاانت مخطئ ولاهم مخطين الكل منكم اختار حياته على المسار اللي يبي وكل المسارين نقول ان شاء الله مافيها انحراف :d بس الغريب كيف تقدرون تلعبون على الازفلت ****************** اما بالنسبة للتربية الله يخلف بس بعض الاباء يسكتون عن تصرفات اطفالهم وياكبروا وطاح الفاس بالراس قالوا مانقدر عليهم طلعوا من طورنا وبعض الاباء يقولون الاالفاظ البذيئه قدام اطفالهم واذا قال الطفل هالالفاظ قعد يهاوشه ابوه لاتقول كذا :no: طيب انت اللي علمته على هالالفاظ فكيف تسمح لنفسك ولاتسمح لاطفالك فبعض الاباء يحتاجون لتربية قبل مايربون ابنائهم التربية صعبة ماهي سهله اعتبرها انا جهاد ******************* اما عن سوء الظن وانكـ ماتفزع للاخرين ما الومكـ من شي نسمعه بس عاد الواحد يستحي وش موقفكـ اذا قلت مامعي جوال وبنفس اللحظه يدق الجوال كذب وفشيله :d مالكـ الا تستودعه للذي لاتضيع ودائعه وتعطيه جوالكـ بكل طمئنينه :yes: الناس لناس والكل بالله اخي امدكـ الله بالصحة والعافية ودمنا ودمت في رضا الرحمن |
وعليكم السلام ورحمة الله وبركاته الاخ ماجد يا هلا ويا مرحبا ,,, وان تقدم الزمن فالرياضه قوة للشخص حتى لو هلى الازفلت :naughty: هؤلاء الاباء يحتاجون الى تربية قبل ان يربوا الاجيال للاسف كثير من الناس يظن ان الاهم ان يكون له اطفال وذرية عقله قاصر وقدرته الذهنية عاجزة عن فهم مقومات التربية الصالحة فاعتقد ان افضل من يربي هؤلاء العصا :bx::naughty: اخ ماجد حتى وان تغير الزمان فحسن النية مقدم على سوءها لن اسئ النية والله معي ولن يترني عملي ونيتي دمت بحفظ الله كريما معافى |
هلا باخوي ماجد :smilie47: بعد شح أحزن الكثير وإن شاء الله بعدك القليل على خير 00 إقتباس:
موضوع فيه من الحكم الكثير ماجد شكراً لك :smilie47: :rose: |
| الوقت المعتمد في المنتدى بتوقيت جرينتش +3.
الوقت الان » 01:24 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd