جزاك الله خير

صور من صور التعصب مع ذهاب العقل

للاسف هذا ماكنت اقوله بخاطري عندنا ارى هذه المحبه

لو اخ له فصل من عمل ماحزن هالحزن

تحياتي

وش ذا الموضوع اللي مايتعدى نص سطر

اتمنى من الاداره حذف الموضوووووووووع

مشكور على الموضوع
والله مادريت عن كوزمين وبطقاق الي يطقه بس القهر
القرار الي جاي من سرطان الرياضه خلنا نعاند ونجيب الاعلام
ولا من متى لابسنا فنايل رومانيا ومن متى رددنا اسمه
الى بعد القرار الي يرفع الضغط نبي نقهر سرطان مثل ما قهرنا حسبي الله ونعم الوكل
الاسلام فوق كل شي ولابوه كوره اذا ولاينا الكفار

*ملاحظه
ترا كوزمين معلق في المطعم حقه لافته مكتوب الا رسول الله
وانتقدو الرومانين وما اهتم في كلامهم وكم مره نشوفه لابس فنيله مكتوب الا رسول الله

إقتباس ملاحظه ترا كوزمين معلق في المطعم حقه لافته مكتوب الا رسول الله وانتقدو الرومانين وما اهتم في كلامهم وكم مره نشوفه لابس فنيله مكتوب الا رسول الله

والله ياخوي سالفة الفنيلة هذي ماقدرت اهظمها خصوصا بعدما قال السالفة التي لم اصدقها واللي هي
انه نزل الفنيلة عشان المعاق>>انا راح حب كوزمين بسبب هالكلام اللي لايمكن يصدق..!

يعني هو يقدر يقول انه نزلها فهذ شئ عادي لكن يقول نزلتها عشانه هذا غير صحيح

وسالفة الفنيلة برومانيا هذي ماعليش ماقدرت اصدقها..!

قسم بالله ان هذا قسم المجلس موب الجمهوور

وممكن سؤال .؟

من هو عبدالملك القاسم ..؟؟

اذا بغيت تجيب فتوة ياليت تكون من مفتي المملكة او من احد اعضاء هيأة كبار العلماء !!

ياخوي والله حرام عليك

نسيت يوم يلبس كوزمين الا رسول الله وفي بلاده هاجموه وسبوه وقذفوه وقالوا عنه انه ارهابي !!!

ليش ما نحبه ليش ما نحترمه مثل ما احترمنا بغض النظر كافر او مسلم

تحياتي لك

الرسول صلى الله عليه وسلم كان يحب الكفار ويعفي عنهم ويزورهم

لما جاره اليهودي مرض راح وزاره لبيته

بس الاهم كان يدعي لهم بالهــداية

الدين معاملة .

انا من خلال ما رأيت اقول رأيي بالموضوع وهو أيها الأحبة قضية ان كوزمين مسح عرقه بصورة ولي العهد وهذي مااتوقع انها مقهودة فلو كان قاصدها فصخ الفنيلة مضبوط وماقلبها هذا اولا انا ماني قاعد ابرر لكوزمين كوزمين اولا واخير شخص غير مسلم فوالله اني لما تأملت بالقضيه أقول والله يعقولنا صارت كورة وصار الدعوة تعصب في تعصب من الصغير الى الكبير بالله اجل ادارة موقعنا تحط تصميم كوزمين انت في قلوبنا وبعض الأعضاء من ردوده (( اللهم العن سرطان الكرة السعودية )) ياخي خلوك تحب الكافر وتبغض المسلم والله والله والله انه شي يقهر الله مالعن في القران الا الكفار وانت يالمشجع تجي تلعن واحد مسلم ياخي والله لو انه الحين شطب نادي الزعيم وترى كوزمين مثله مثل أي مدرب والله ياما وياما الهلال تأثر من القرارات لكن مااتكلم واسب واشتم والعن ياخي اذا كانت كورة تبي تسبب كذا والله ماهي كورة ذي هذي تفرقه بين مسلمين وياليتها تفرقة وبس بل هي خلل في عقيدتنا الله يكافينا الشر
والله ياشباب كنت حاضر في مجلس وكان شيخ اسمه محمد صالح العصيمي فكان من حديثه عن تحريم التشجيع فشرح لنا ليه انه محرم فعرفت انه محرم من تصرفات بعض الأعضاء الله يفتح على قلوبهم

الكلام يطول لكن ان شاء الله ان الفكرة واضحه ووصلت لكم ايها الأحبة

إقتباس الرسالة الأصلية كتبت بواسطة فـيـلـسـوف زمـانـه الرسول صلى الله عليه وسلم كان يحب الكفار ويعفي عنهم ويزورهم لما جاره اليهودي مرض راح وزاره لبيته بس الاهم كان يدعي لهم بالهــداية الدين معاملة .

لا وش يحبهم صاحي

كان يحسن معاملتهم

هذا مايعني محبتهم

انتبه لهشي

جزاكم الله خير كلكم قلبتوها دين السالفه
قبتوها سالفه كل اللي قلناه
انا جبينا رجل اخلص لنا وللزعيم
الله يهديكم زودتوها حبتين

إقتباس الرسالة الأصلية كتبت بواسطة داايم هلاالي جزاك الله خيـر يا اخوي جمهورنـآ صراحه صارت عقولهـم مغلقه ياخي يكفيكم انه مسح بصورت والدنا ولي العهد العرق حقــه !! صرتو تحبون الكوره اكثر من ولاة امرنا وديننا الله يهديكم يارب

خـلاص أبشـر بكـرا يفرشهـا علـى المنصهـ ويحـط سجـادة ويسجـد لهـا


أنـا أحتـرم رأيـك أخـي الكريـم لكـن للأسـف الكفـار صـاروا يسبقـون بـكل شـيء

من بكـرا يلبسـون هـم ثيـاب نقـوم نلـبس سنويـات .. عاد مانقلـدهم

ياخـي رومانيـا الأن كلهـا تتكلـم عـن أخلاق المسلميـن وحتـى كوزميـن وهـو كوزميـن

قريت عنـه أنـه علـق الفنيلهـ الـي لبسهـا السنـة الي راحـت الـي مكـتوب عليهـا

إلا محمـد صلى الله عليه وسلـم )) وعلقهـا على مطعمـه في رومانيـا وقريـت عنـه أنهـ

عنـده كتـاب عـن المسلميـن ..

بعـد ماشلنـا أعلامهـم وهتفـنا لهـم ( بحـدود ) صاروا يتكلمـون عنـى حتـى الصحـف الـي هنـاك

لازم باليـوم يطلـع كحـد أدنـى 3 أخبـار عن الهـلال

الأخ الكريم
السلام عليكم ورحمة الله وبركاته
بارك الله فيك على هذا الموضوع الحساس والمهم جدددددددداً
أولا .. يعلم الله اني كنت اتمنى طرح هذا الموضوع بحكم تخصصي (في العقيدة)
منذ تعلق الجمهور الهلالي بتفاريس وزادت رغبتي بعد كوزمين
فلك الشكر لانك سبقت بالخير والتذكير بأهم عقيدة وهي (الولاء والبراء)
ثانياً .. بعض الردود تقول أننا يجب أن نعاملهم معاملة حسنة لنتألف قلوبهم للأسلام
فأقول نعم من عاملنا بالحسنى وقدر ديننا وقدرنا فيجب علينا ان نتألفهم ونبين لهم الاسلام هذا الدين العظيم وليس هذا فحسب بل كل من لم يعادينا يجب علينا ان نبين له الدين الاسلامي فكيف بمن احترم ديننا فهذا لاشك من باب أولى
لكــــــــــــــــــــــــــــن ..
لانخلط بين أنهم احترموا ديننا وبأن نتألف وبين أن نواليهم ونحبهم ونفتديهم بقلوبنا
ونبكي عليهم وعلى فراقهم فهذا هوا المحظور وهذا الذي ليس من ديننا فليس معنى أن لانعمل هذه الأمور من محبة وموالاة أن نقوم بمحاربتهم واهانتهم ليس هذا بهذا البته بل كما ذكرت في البداية

فلتروا يازعماء مايكتب في التواقيع عن كوزمين مالم يكتب في ابناء غزة او اي مسلم مضطهد

اترك لكم المقارنة ولكم الحكم
نسأل الله لكوزمين وتفاريس ورادوي وغيرهم من الكفارالهداية للإسلام

ولك جزيل الشــــــــــــكر