خالد البلطان يعتدي على مذيع القناة الرياضية عبدالعزيز البيشي - نادي الهلال السعودي - شبكة الزعيم

متكي ورا النت · #1 07/03/2009, 07:54 AM

السلام عليكم ورحمة الله وبركاته

في نهائي كأس ولي العهد بين الهلال والشباب قال خالد البلطان لمذيع القناة الرياضية خالد البيشي أنتم غباء إيداري ياقناة الرياضية فذكر المذيع ما قالة خالد البلطان على القناة
وعندما شاهد خالد البلطان مذيع القناة خالد البيشي قبل مبارة يوم الخميس في ملعب الأمير فيصل بن فهد تهجم عليه وفك بينهم مذيع قناة الـ ART عبدالرحمن الدحيم

شوفوا هالخبر
أكد مدير مكتب الرئاسة العامة بالمنطقة الوسطى عبدالرحمن المسعد أن الإشتباك تم بين مرافق رئيس الشباب خالد البلطان وشخص مرافق لأحد الحضور، وقال: «تم تدارك الأمور ولم يكن البلطان هو من اشتبك، بل ساهم في إخراج المرافق الذي معه، وتهدئة الأمور ما أدى إلى نزول البلطان من غير شماغ وعقال للازدحام الشديد عند بوابة الخروج».

لاحظوا كلمة أكد

مثل ما قال الممثل الكويتي سعد الفرج (( ودي أصدق ودي .. بس ما أقدر ))

مافيه دخان من غير نار يا المسعد

ما شفت التصوير يالمسعد ؟؟
خالد البلطان هو اللي نادى المرافق عشان يشتبك مع المشجع الهلالي

وماشفت خالد البلطان وهو راجع من نص الدرج يبي يطق مشجع هلالي بالعقال

هل هذهِ الدلائل تكفي يا عبدالرحمن المسعد ؟

وفي النهاية أتمنى أن يحاسب خالد البلطان قبل أي شخص

لأنه مهما كان رئيس نادي المفروض أنه يرتقي ويكون قدوه

__________________-

تقبلوا مني فائق التقدير والإحترام

حمـ(الهلالي)ــد · #2 07/03/2009, 07:56 AM

خالد مدعوووم من خالد بن سلطان

يعني انسى

وفكر بالآسيوية

oooASHooo · #3 07/03/2009, 08:03 AM

^
^^
^

مدعوم إن شاء الله من وايت

حنا مدعومين من الشعب الهلالي كله من مواطنين و إمراء و من طبقات المجتمع ككل ..

الـوفـا ديـــن · #4 07/03/2009, 08:06 AM

خالد البلطان دخيل عند خالد بن سلطان بعد أحداث العام الماضي و انا ما ألوم خالد بن سلطان لأن البدوي الأصيل ما يتخلى عن دخيله
لو هو على غلط

لكن لازم يأدب البلطان ما يخطي و نقول دخيل بن سلطان

ك. رونالدو · #5 07/03/2009, 08:07 AM

الاشتبااك كان بين حارس خالد البلطان وحارس احد اعضاء الشرف الهلال بعد الملاسنه الكلاميه

همس الحراااير · #6 07/03/2009, 08:10 AM

البلطان علامه صاير متوحش ...........

نبض المشاعر · #7 07/03/2009, 08:20 AM

البلطان حول نادي الشباب لنادي المشاكل

والألعاب الخشنه ..

هالشي ما كنا نشوفه في الشباب الا بعد ما جاء هالبلطجي

ودك تخمه هو البلوي ومعهم خبيلان ولا يهون الوليد البثر وترميهم إلى مزباة التاريخ لأنهم دخلاء على الرياضه

امبراطور406 · #8 07/03/2009, 08:28 AM

لا تعلييييييييييييييييييييييييييييييييييييق

الشاخط · #9 07/03/2009, 08:32 AM

لاتخاف راح يتأدب عما قريب

alawal · #10 07/03/2009, 08:51 AM

السلام عليكم .............. المفروض يحاسب البلطان على فعلته الشنيعه واطلب من رئيس الهلال عدم السكوت عن حق الهلال في المطالبه بنقاط المباراة لان الشغب بدأ من الشبابين

ميدو13 · #11 07/03/2009, 08:53 AM

الى جميع الزعماء
قوة المرء الصالح تظهر عند الألم.. وقوة الألم تكشف المرء غير الصالح.
ودامتم بالخير...............................................................

محور ارتكاز · #12 07/03/2009, 08:54 AM

بصراحه استغرب اللي يسويه البلطان اعرف ان الرجال عاقل وش جاه كذا

والا خسارة بطولة ولي العهد اثرت عليه

اشوفه فاصخ العقال ويهايط ومسوي تاكي في الحاره الله يهديه بس..

الفيدرالي الهلالي · #13 07/03/2009, 08:56 AM

ولله اني مصدوم با البلطان الحقيقه

ياعني الرجال ما يوحي عليه المشاكل

لاكن ياما تحت السواهي دواهي

@أميرة الورد · #14 07/03/2009, 09:10 AM

بلطجي ماينشره عليه

وبعدين الصراحه ماينلام
الهلال صاير جدار قصير
لكل من هب ودب
ومن لم يتجرا سابقا
تجرا عليه الان

الله يرحم ايام
محمد بن فيصل

هلالي الحوت · #15 07/03/2009, 09:16 AM

لله درك كتبت فأبدع
من امن العقوبة أساء الأدب

(لأحول ولا قوة إلي بالله)