السلام عليكم

ياشباب الى متى وحنا نتكلم في قرار ابعاد كوزمين ؟؟؟؟؟؟؟؟؟

ياشباب الفريق نازل مستواه وحنا قاعدين نكرر ونعيد في كوزمين !!!!!

انتم تشجعون رومانيا ولا الهلال ؟؟؟؟؟؟

انا والله مثلكم ميت من القهر من هالقرار الظالم لكن وش نسوي ما باليد حيله

كل شيء سويناه علشان يرجع كوزمين مانفع يعني نقعد نتكلم في هالموضوع لين

نخسر الدوري والآسيويه لييييييييش ؟؟؟؟؟؟؟

الكل شاهد ماكان عليه الهلال في مباراته امام الشباب وعلى مستواه النازل اذكر عدة
نقاط شفتها في مباراة الشباب :

* الدعيع لم يدخل في مرماه سوى ستة اهداف في الدوري وفي المباراه السابقه نجا من
هدفين محققين (( تسديدات كماتشو )) وسجل فيه هدف (( من الظهير ))

* رادوي كان مرتبك وحصل على بطاقة حمراء مالها داعي ومرت عدة كرات من ناحيته كان سهله

* الفريدي نرى ان مستواه ناااااااازل بمعنى الكلمه

* شاهدنا الارتباك على معظم لاعبي الفريق

* لعب الهلال معظم الشوط الثاني بــ 11 لاعب بينما الفريق الشبابي بـــ 10 لاعبين وكان المطرود من
الفريق الشبابي افضل مدافع عندهم ورغم ذلك لم نستطيع تسجيل الا هدف واحد وفي الوقت الضائع

* تبديل الزوري هذا التبديل عليه 1000 علامة استفهاااام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

* لم نشاهد نجم للمباراه من ناحية الفريق الهلالي


الفريق بمرحله صعبه جداً جداً قبل ان يقال كوزمين كنا نقول علينا ضغط في المباريات

والان علينا ضغط وبدون مدرب .......

الآسيويه باقي عليها ايام معدوده والفريق بدون مدرب

قدام الهلال مباريات حاسمه للدوري والفريق بدون مدرب

المباراه الجايه امام الوحده الهلال سوف يكون في مأزق لايحسد عليه 6 لاعبين مع
منتخب الاصابات بقيادة الدكتور (( تــــكر )) - متخصص في علاج الاصابات -

رادوي موقف بسبب الكرت الاحمر

يعني نبي وقفتكم مع الفريق ياجمهور الزعيم العزيز

وبدال ماتكتبون عن كوزمين ولا غيره من المواضيع حاولوا تعطون الفريق روح الحماس

وتحسسون انكم واقفين مع الفريق

نبيه اكبر رد على ان الهلال لايتأثر

* ملاحظه قبل النهايه :

حذر سمو الامير رئيس نادي الهلال عبدالرحمن بن مساعد
الجمهور الهلالي من الدخول بغير شعارات واعلام نادي الهلال لانه يعرف انها بتصير مشاكل
ماهي في صالح الجمهور ولكن البعض لم يستمع واحضر اعلام رومانيا وصار اللي صار

يعني بدل ماتجيبون اعلام رومانيا جيبوا لوحات مكتوب فيها

معك يازعيم آسيا

ارجو ان اكون وضحت اللي بقلبي



والسلام خير ختام