لا تسأل الرجال عن [ راتبه ] ولا تسأل المرأة عن [ عمرها ] .... !!!

هذا المثل من زمان اسمعه وما ادري عن صحته ..
وموضوعي اليوم يدور على الرجال وراتبه .. بس لا تخافون ما ابيكم تعلموني كم رواتبكم ..

الموضوع هذا براسي من زمان جدا جدا جدا.. يعني تقريبا من ايام الثانوي < صدقتوا اني شايب ..

الطالب وهو بالثانوي يكون تفكيره سطحي .. مع احترامي لكل طلاب الثانوي ..
الدافور فيهم يفكر انه يكمل دراسته .. يتمنى ان حياته كلها تصير دراسة في دراسة وما عمره فكر انه يتوظف .. وهو برا موضوعنا ..
والداج فيهم يفكر انه اذا تخرج من الثانوي رح يتوظف ورح يبني بيت ويتزوج ويشتري سيارة فخمة ......... الخ وكلها من [ راتبه ] ..
بس ما يجي بباله كم رح يكون راتبه اذا توظف .. !!!


كثير من اخوياي بالثانوي كانوا شايلين فكرة الجامعة من روسهم نهائيا ..
وكانوا يتوقعوا ان الشهادة الثانوية رح تضمن لهم وظيفة محترمة وراتب كبير جدا ..
لكن بعد ما تخرجوا اكتشفوا ان شهادة الثانوية ما توكل عيش ..
وان اعلى راتب لشهادتهم 3.500 ريال بس ..
وان احلامهم كلها صارت سراب وانصدموا بالواقع ..
اغلبهم استسلم للواقع وقرر انه يرضى بالراتب او بالاصح [ مكافأة ] ويعيش حياته بها ..
والباقي قرر انه ما يتوظف بالراتب الزهيد هذا وجلس بالبيت ينتظر الوظيفة اللي تناسبه والراتب اللي كان يحلم فيه ..
وقليل منهم قرر انه ما يستسلم للواقع وانه يكمل دراسته ويحقق احلامه ..

قبل اسبوع سالت واحد من اخوياي مهندس عن راتبه وجاوبني ان راتبه يتجاوز ال 10.000 << امون عليه ولا ما كان جاوبني ..
وسالته راتبك هذا مكفيك قال 10.000 ما تسوي لك شئ بالزمن هذا ..!!
ويقول لولا ابوه ما تكفل بزواجه وبيته كان الحين غارق في الديون لليل .. !!
صراحة جوابه ما كان صدمة بالنسبة لي .. لان فيه امثلة كثير بالمجتمع ..

بالمقابل كنت جالس مع موظف بالشهادة الثانوية وهو مقبل على الزواج وسالته كم راتبك ؟؟
قال راتبي 3.000 ريال .. !!
قلت له يكفيك وانت عزوبي قال يطير باول يوم ..!!
ما حبيت اسالة سوال ثاني واحرجه ..
لان هذا كيف بيستأجر شقة ويشترى سياره وكيف يدبر تكاليف الزواج ويصرف على زوجته وعياله ويسدد فواتير كهرب وتلفون و..و..و.... الخ وهذا راتبه .. !!؟؟
والمصيبة ماعنده اب مقتدر يساعده .. !!

اغلب االموظفين رواتبهم ما تكفيهم بدون خصميات فما بالك وهم يسددون قروض وعليهم ديون وما يصفا لهم من الراتب شئ ... ؟؟

طبعا الان اغلب الوظائف لطلاب الثانوي رواتبها ما تتجاوز 3.500 .. !!
البكالوريوس ما تتعدى 5.500 ريال ... !!
س / هل الرواتب هذي بتكفل للشخص انه يتزوج ويؤمن له بيت وسيارة بدون ديون .. !!؟؟
س / كم الراتب اللي كنت تحلم فيه ايام الدراسة ؟؟ الاحلام بلاش ..
س / كم الراتب اللي تشوف انه رح يخليك تعتمد على نفسك وما تحتاج مساعدة من احد ؟؟
س / كم الراتب اللي تقترحة لخريجي الثانوي وخريجي الجامعات ؟؟ السؤال هذا مشاركة من وزير العمل ..


مع السلامة [ يا...... نور عيني ] ,, طوط ..طوط

حـجز ياباشا ..

ولي عوده بعد قليل



السلام عليكم ورحمة الله وبركاته


تحيه طيب لك أخوي فهد



شدني مووضووعكـ كثير خاصة بعد الأنظمة الجديده من اختبارات القياس واختبارات التحصيلي ثم مسلسل العناء والبحث عن جامعة مناسبه ثم البحث عن وظيفه ثم الراتب ثم الزواج ..


مسلسل حلقاته طويله.. الشخص الوحيد القادر على إختصار عدد حلقاته قدر الإمكان .. هو بطل المسلسل نفسه .. أي .: الطالب .



لست أعلم كم عمرك لذلك لا أدري أنت من أي جيل .. فالأمور اختلفت من التسعينات .. للألفيه الجديدهـ .. سواء من فرص عمل التي كلما زادت اأماكنها .. قَـلّت .. أو غلاء الأسعار الذي لا تتناسب معه رواتب تحت الـ 4 الألاف لشخص ينوي بفتح بيت .. والزواج ..


موضوعك كون لي عدة نقطه في رأسي .. لا بأس من سدحها هنا../

أولا ..:

رح أحكي عن الشهادات الجامعيه والخبره والقدره الشخصيه للنجاح في بعض المجالات


فتنقسم نوعيات الطلاب إلى عدة أقسام فمنهم من يكون صديقاً حميماً للمناهج فتجد نسبته لاتقل عن 99% وتجد وقت التسليه لديه يكون على الكتاب .. وهناك طلاباً يعمل ما باستطاعته فيكون اعتماده على شخصيته .. وبعضهم لا يعتمد على شي ويكون كالثـور ..



فأنا مثلا لو كنت مدير شركة .. يهمني بالمقام الأول المنفعة والاداء اللي يقدمه الموظف للشركه ..

يعني ممكن يجيني موظف معه شهادة كبيره .. لكن تحطه بمكان العمل .. مايعرف يتعامل مع المشكلات ولا يعرف يحلها لأن شخصيته ضعيفه مثلاُ ..

فبعض المجالات تحتاج لشخصية قوية مع خبرهـ .. كي تتميز بعملك وترتفع في منصبك ..


ولا طبعا الشهاده مهمه جداً ..

لكن بوجهة نظري .. أن الشهادة في كثير من المجالات .. عباره عن جسر يوصلك لمكان العمل ..

أما نجاحك في مكان العمل فيعتمد على شخصيتك وقدراتكـ ..




ثانياً /


مسألة الرواتب وهل تكفي أم لا ..

شيء طبيعي يا فهد لما أنت يكون راتبك 3000 ريال .. رح تكون طموحاتك على قدك .. يعني رح يكون طموحك لو ساكن بشقه .. هو تسديد إيجار الشقه السنوي والقدره على معيشه كويسه .. وبالتالي هالطموحات الصغيره رح يحاول جاهداً أنها ماتتعدى سقف راتبه ..

وشي طبيعي أيضا لما يصير راتبك 20000 ألف .. رح تعلى طموحاتك .. و رح يصير طموحك أنك تحوش فلوس علشان تشتري بيت ملك .. وتشتري سياره جديده .. وتسافر بكل صيف ..

فشي طبيعي لو كان راتبك مرتفع .. مارح يكون طموحك بسداد إيجار الشقه . .بل سيكون أكبر وأبعد ..


بإختصار .. طموحات الشخص تكبر وتصغر على حسب راتبه ..


ولذلك ما تجد شخص .. راضي براتبه ..




يعطيك العافيه أخوي فهد على الموضوع الخفيف والجميل

ماننحرم من طلتك ..

دمت بأجمل حال




قفـله ../


لمن يتلقف ويحرجك ويسألك عن الراتب ..

نسخته من كتاب ( استمتع بحياتك ) لمحمد العريفي ..



من أحسن الأساليب للتعامل مع الطفيليين ..

هو

إجابة السؤال بسؤال ..

أو الانتقال إلى موضوع آخر تماماً لينسى سؤاله الأول ..



فلو سألك مثلاً : كم مرتبك الشهري ؟



قل له بلطف وتبسم : لماذا هل وجدت لي وظيفة مغرية ؟



سيقول : لا .. لكن أريد أن أعــرف..



قل : المرتبات هذه الأيام مشاكل .. ويبدو أن ذلك بسبب ارتفاع أسعــار البترول!!



سيقول : ما دخل البترول .... ؟



فقل : البترول هو الذي يتحكم في الأسـعــار ..ألا تلاحظ أن الحروب تقوم لأجله .. سيقول : لا .. ليس صحيحاً ..
فالحروب لها أسباب أخرى .. والعالم مليء بالحروب .. و ... وينسى سؤاله

هلا فهيدان ..

إقتباس الرسالة الأصلية كتبت بواسطة fff هذا المثل من زمان اسمعه وما ادري عن صحته ..

يا قروي ذا موب مثل هذا من أصول الاتيكيت

شوف يا صديقي أنا بقول شي /

اللي راتبه 3500 ريال سعودي راح يصرف في الشهر 3500 ريال سعودي

و الللي راتبه 19000 ريال سعودي راح يصرف في الشهر 19000 ريال سعودي

وكلهم يقولون خلها على الله الراتب قليل وما ادري شلون لأن الانسان من طباعه البحث عن المزيد ولا أقول الطمع إحتراما للناس

أعتقد إنه من الافضل أن يكون للرجل مصادر دخل متعددهـ مثل تجارة أو حرمته مدرسة أو عماير الخ الخ الخ ..

أيضا أعتقد إن زمن الطفرهـ راح وولّى أيام حرب الخليج وبعدها والحياه صارت أصعب الان

وبس ..

إقتباس س / هل الرواتب هذي بتكفل للشخص انه يتزوج ويؤمن له بيت وسيارة بدون ديون .. !!؟؟

أولا: حدد الرآتب رقمآ وكتآبة ثانيا: الديون في المجتمع السعودي لآآبد منهآ وأقلهآ دينآ قرضآ من بنك..

الخلآصة: لا مستحيل امبوسيبول

إقتباس س / كم الراتب اللي كنت تحلم فيه ايام الدراسة ؟؟

طبعآ بما أني لازلت في الثآنوية أنصدمت بأن الهندسة تعتمد على الرياضيات >>عقدته

لذلك أي وظيفة رآآتب 14000 شئ حلو

إقتباس س / كم الراتب اللي تشوف انه رح يخليك تعتمد على نفسك وما تحتاج مساعدة من احد ؟؟

الحين اللي رواتبهم عآلية نشوفهم يشتكون من حالهم ماندري وش سالفتهم؟؟

لذلك اعتقد رآتب 20000 يخليك تنسى العآآلم

إقتباس س / كم الراتب اللي تقترحة لخريجي الثانوي وخريجي الجامعات ؟؟

مآفهمت السؤال جيدآ ولكن ابجاول على حسب استناجي.. >>رواتب للعآطلين مثلا؟

أعتقد 1000 او 1500 ممتآزة في ظل أنه مآيشتغل


:::::

عندي إضافة بسيطة:

قبل كم يوم في جريدة الرياض أعلن عن نتيجة إستفتاء تتعلق بمدى رضا الموظفين على روآآتبهم..

من ترضيهم روآآتبهم نسبتهم 7% فقط أما 93% لم يعجبهم وضع الروآتب وطبعآآ الـ7% هذولي بإعتقآدي أنهم اطبآء أو وزرآآء

::::

مشكور اخوي fff موضوع ومجهود تشكر عليه

إقتباس قد كتبت رد عن مديري وأعيده ( الله يرزقنا وإياه ) راتبه 20.000 بيت من الدوله ( ما دفع فيه ولا ريال ) من قبل ما يتوظف السيارات من الدولة ( ما عمره شراء سياره ) الكهرب والمويه والتلفونو المواد الغذائيه ( مجاناً ) ويتشكى إن الراتب مو مكفيه !!.

هلا بك اخووي فهد
وانا اقرا موضوعك كنت مجهزه رد في بالي
نزلت اقرا الردود شفت رد مواصل مثل ردي تحطيم

فعلا الواحد يأقلم نفسه مع الدخل تبعه
يعني مستحيل وااحد يبي ويبي وهو دخله ضعيف


بنسبة لي اكبر مثال عندي بالبيت عندي اخواني
الكبير ماشاء الله عليه راتبه فوق 20 الف
وفوق كذا عارف شلون يصرف فلوسه وشو اللي يستاهل وشو اللي مايستاهل
والثاني دكتور وراتبه حلوو يذبحني اذا قالي ماعندي فلووس ولا يقول مايكفي ماادري وين يودي فلوسه
الدبره وانا اختك لها دوور بتحكم في الراتب


انا ابي اتوظف وابي راتبي ينصف التعب اللي تعبته بدراسه

الله يسهل امورنا

إقتباس الرسالة الأصلية كتبت بواسطة R D H حـجز ياباشا .. ولي عوده بعد قليل

هلا وغلا R D H
انتظرك ياسعادة البيه ,,

إقتباس الرسالة الأصلية كتبت بواسطة القيصر رهيب هلا فهيدان .. يا قروي ذا موب مثل هذا من أصول الاتيكيت شوف يا صديقي أنا بقول شي / اللي راتبه 3500 ريال سعودي راح يصرف في الشهر 3500 ريال سعودي و الللي راتبه 19000 ريال سعودي راح يصرف في الشهر 19000 ريال سعودي وكلهم يقولون خلها على الله الراتب قليل وما ادري شلون لأن الانسان من طباعه البحث عن المزيد ولا أقول الطمع إحتراما للناس أعتقد إنه من الافضل أن يكون للرجل مصادر دخل متعددهـ مثل تجارة أو حرمته مدرسة أو عماير الخ الخ الخ .. أيضا أعتقد إن زمن الطفرهـ راح وولّى أيام حرب الخليج وبعدها والحياه صارت أصعب الان وبس ..

هلا وغلا علي
ياخي لا تدقق ..
وبعدين هذا مو موضوعنا ..
لا ياشيخ تصدق توني ادري ان كل واحد يصرف على قد راتبه ..
معروف ان الشخص دائما يبحث عن الافضل ومن حقه يدور راتب اكثر ..
لكن ما يتذمر من راتبه .. الا اذا كان اقل من 10000 هذا معه حق انه يتذمر ..
والايام هذي قليل جدا الاشخاص اللي يعتمدون على راتبهم في تسيير امور حياتهم .. وهذا هو الصح ..
يعطيك الف عافية على ردك الرائع ,,

إقتباس الرسالة الأصلية كتبت بواسطة مواصل من عام 1413هـ فهد الله يحفظك إنت تتكلم عن السعوديه بعد حرب الخليج !!!. من اللي معه ثانويه ويستلم 3.500 ، والجامعي 5.500 !!!. وبأي قطاع !!. ( طبعاً أنا أتكلم عن الحكومه ) أما الشركات فيمكن!!. شوف يا فهد فيه قاعده تقول ( كل ما زاد الدخل زادت المصاريف ) اللي راتبه 10.000 راح يمشي وضعه على هالراتب واللي راتبه 2.000 يقدر يمشي وضعه لنهايه الشهر على هالراتب قد كتبت رد عن مديري وأعيده ( الله يرزقنا وإياه ) راتبه 20.000 بيت من الدوله ( ما دفع فيه ولا ريال ) من قبل ما يتوظف السيارات من الدولة ( ما عمره شراء سياره ) الكهرب والمويه والتلفونو المواد الغذائيه ( مجاناً ) ويتشكى إن الراتب مو مكفيه !!. صدقني يا فهد فيه ناس رواتبهم على 1.800 ريال ومتزوجين وبيوتهم إيجار وعندهم عيال وممشي وضعه وربي ميسر له. صدقني أنا كنت أفكر مثل تفكيرك لكن نظرتي تغيرت من واقع عايشته ، وبدخل مع هالعالم والله يستر

هلا وغلا عبدالله
ياحبيبي فيه شركات كثير تعطي مثل الرواتب هذي مع اني اشوفها قليلة جدا ..
ويوم كتبت الموضوع ما فكرت بالوظائف الحكومية نهائيا ..
لان الوظائف الحكومية بالرغم انها مضمونة لكن رواتبها ضعيفة جدا ..
موضوعي عن رواتب هالايام اللي ما توكل عيش ..
وبعدين مديرك هذا اذا وضعة زي ما تقول فهو مسرف وهذا موضوع ثاني ..
وبعدين ابو 1800 يمكن يكون راتبه مكفيه بعهد الطفرة ..
لكن الان ما توقع انك تلاقي شخص راتبه اقل من 5000 ومكفيه ..
الا اذ كان عنده دخل اضافي من ابوه او زوجته مدرسة او .... الخ
الله يعينك على الحياة ويستر عليك ,,
يعطيك الف عافية على ردك وتفاعلك مع الموضوع ,,

إقتباس الرسالة الأصلية كتبت بواسطة I don‘t know أولا: حدد الرآتب رقمآ وكتآبة ثانيا: الديون في المجتمع السعودي لآآبد منهآ وأقلهآ دينآ قرضآ من بنك.. الخلآصة: لا مستحيل امبوسيبول طبعآ بما أني لازلت في الثآنوية أنصدمت بأن الهندسة تعتمد على الرياضيات >>عقدته لذلك أي وظيفة رآآتب 14000 شئ حلو الحين اللي رواتبهم عآلية نشوفهم يشتكون من حالهم ماندري وش سالفتهم؟؟ لذلك اعتقد رآتب 20000 يخليك تنسى العآآلم مآفهمت السؤال جيدآ ولكن ابجاول على حسب استناجي.. >>رواتب للعآطلين مثلا؟ أعتقد 1000 او 1500 ممتآزة في ظل أنه مآيشتغل ::::: عندي إضافة بسيطة: قبل كم يوم في جريدة الرياض أعلن عن نتيجة إستفتاء تتعلق بمدى رضا الموظفين على روآآتبهم.. من ترضيهم روآآتبهم نسبتهم 7% فقط أما 93% لم يعجبهم وضع الروآتب وطبعآآ الـ7% هذولي بإعتقآدي أنهم اطبآء أو وزرآآء :::: مشكور اخوي fff موضوع ومجهود تشكر عليه

هلا وغلا I don‘t know
هذا اللي رافع ضغطي ان اغلب الموظفين عليهم ديون سواء للبنوك او للافراد ..
حلو راتب 14000 بس وش معنى الرقم هذا ..
وبعدين اللي رواتبهم كبيرة هم اللي يجبرون انفسهم على المصاريف الكثيرة ..
الله يرزقك بالوظيفة اللي راتبها20000 ويغنيك عن العالم ..
والله نتيجة الاستفتاء قوية يعني اغلب الموظفين مو راضين ..
انا اقصد اقل راتب وظيفي لخريجي الثانوية والجامعة ..

إقتباس الرسالة الأصلية كتبت بواسطة I don‘t know بعد ماقرأت رد أخوي عبدالله (مواصل) تذكرت شئ واحد وهو أهم عامل بالتقييم الراتب... اللي هو البركة. والله ياناس فيه عالم تلقى راتبه 2000 او 3000 وتلقاه بنعمة وبسعادة وفيه نآس على شآكلة مدير أخونا عبدالله يشتكون من روآتبهم.. البركة ثم البركة ثم البركة هي أهم شئ في المال... فريآل واحد مبآرك فيه خير من مليون محقت منهآ البركة..! عذرآ على الإطآلة وكتابة ردين في موضوع واحد

اضافة جميلة جدا للموضوع ..
مافيه شك بان البركة اهم شئ ..
ومهما كان الراتب الواحد مفروض يحلله حتى تحل عليه البركة ..
يعطيك الف عافية اخوي على ردك وتفاعلك مع الموضوع ,,

إقتباس الرسالة الأصلية كتبت بواسطة أحلا هلاليه هلا بك اخووي فهد وانا اقرا موضوعك كنت مجهزه رد في بالي نزلت اقرا الردود شفت رد مواصل مثل ردي تحطيم فعلا الواحد يأقلم نفسه مع الدخل تبعه يعني مستحيل وااحد يبي ويبي وهو دخله ضعيف بنسبة لي اكبر مثال عندي بالبيت عندي اخواني الكبير ماشاء الله عليه راتبه فوق 20 الف وفوق كذا عارف شلون يصرف فلوسه وشو اللي يستاهل وشو اللي مايستاهل والثاني دكتور وراتبه حلوو يذبحني اذا قالي ماعندي فلووس ولا يقول مايكفي ماادري وين يودي فلوسه الدبره وانا اختك لها دوور بتحكم في الراتب انا ابي اتوظف وابي راتبي ينصف التعب اللي تعبته بدراسه الله يسهل امورنا

هلا وغلا احلا هلالية
وراكم اليوم علي .. انا ماقلت شئ غلط علشان تحطموني ..
اللي حبيت اوضحة ان رواتب هالايام ما توفر للشاب حياة كريمة بدووون ديون ..
واتوقع انتوا فهمتوني غلط ..
اخوك الكبير ما شاء الله عليه والمفروض انه يدرس اخوك الثاني كيف يصرف راتبه ..
لو كل واحد خذا الراتب اللي ينصف تعبه بالدراسة كان من زمان وحنا بخير ..
يعطيك الف عافية على ردك وتفاعلك مع الموضوع ,,

fff

موضوع جميل ..

بعد القرآءه ..توقعت اشوف اغلب الردود تكون عدم رآآضيه عن الرواتب مهما كانت

الانسان مهما كان عنده دايماآآ يطمح للافضل ..

بس لما شفت الردود اغلبها توافق رأيي ..

الانسان يقدر يكيف نفسه ع قد الرآآتب اللي يتحصل عليه من وظيفته .. سواء كان راتب كبير او صغير ..

بس الاكيد ان الحيآآآه صارت غاليه .. والله يعين اللي رواتبهم ضعيفه

إقتباس الرسالة الأصلية كتبت بواسطة داايم هلاالي س / هل الرواتب هذي بتكفل للشخص انه يتزوج ويؤمن له بيت وسيارة بدون ديون .. !!؟؟ اكيـد لأ .. س / كم الراتب اللي كنت تحلم فيه ايام الدراسة ؟؟ الاحلام بلاش .. 9,000 س / كم الراتب اللي تشوف انه رح يخليك تعتمد على نفسك وما تحتاج مساعدة من احد ؟؟ 22,000 س / كم الراتب اللي تقترحة لخريجي الثانوي وخريجي الجامعات ؟؟ السؤال هذا مشاركة من وزير العمل .. خريجي الثانويه .. 4,000 خريجي الجامعات .. 8,000

هلا وغلا داايم هلاالي
انا اتوقع ان الراتب اذا صار فوق ال 20000 الف رح يخليك ما تحتاج لاحد ..
واقتراحك جميل جدا لرواتب خريجي الثانوية والجامعة واتوقع انها منصفة لهم ..
يعطيك الف عافية على ردك وتفاعلك بالموضوع ,,