س/كم راتبك?? .. ج /[ 3.000 ]. .. مو معقول .. !!
 

http://farm4.static.flickr.com/3190/...617e0f1c_o.gif
http://farm4.static.flickr.com/3057/...df989be2_o.gif
لا تسأل الرجال عن [ راتبه ] ولا تسأل المرأة عن [ عمرها ] .... !!!

هذا المثل من زمان اسمعه وما ادري عن صحته .. :d
وموضوعي اليوم يدور على الرجال وراتبه .. بس لا تخافون ما ابيكم تعلموني كم رواتبكم .. :naughty:

الموضوع هذا براسي من زمان جدا جدا جدا.. يعني تقريبا من ايام الثانوي < صدقتوا اني شايب .. :bx:

الطالب وهو بالثانوي يكون تفكيره سطحي .. مع احترامي لكل طلاب الثانوي .. :naughty::d
الدافور فيهم يفكر انه يكمل دراسته .. يتمنى ان حياته كلها تصير دراسة في دراسة وما عمره فكر انه يتوظف .. وهو برا موضوعنا .. :razz:
والداج فيهم يفكر انه اذا تخرج من الثانوي رح يتوظف ورح يبني بيت ويتزوج ويشتري سيارة فخمة ......... الخ وكلها من [ راتبه ] .. :bx:
بس ما يجي بباله كم رح يكون راتبه اذا توظف .. !!! :confusedw:


كثير من اخوياي بالثانوي كانوا شايلين فكرة الجامعة من روسهم نهائيا .. :yes:
وكانوا يتوقعوا ان الشهادة الثانوية رح تضمن لهم وظيفة محترمة وراتب كبير جدا ..
لكن بعد ما تخرجوا اكتشفوا ان شهادة الثانوية ما توكل عيش .. :no:
وان اعلى راتب لشهادتهم 3.500 ريال بس ..
وان احلامهم كلها صارت سراب وانصدموا بالواقع ..
اغلبهم استسلم للواقع وقرر انه يرضى بالراتب او بالاصح [ مكافأة ] ويعيش حياته بها ..:no:
والباقي قرر انه ما يتوظف بالراتب الزهيد هذا وجلس بالبيت ينتظر الوظيفة اللي تناسبه والراتب اللي كان يحلم فيه .. :confusedw:
وقليل منهم قرر انه ما يستسلم للواقع وانه يكمل دراسته ويحقق احلامه .. :yes:

قبل اسبوع سالت واحد من اخوياي مهندس عن راتبه وجاوبني ان راتبه يتجاوز ال 10.000 << امون عليه ولا ما كان جاوبني .. :d
وسالته راتبك هذا مكفيك قال 10.000 ما تسوي لك شئ بالزمن هذا ..!!
ويقول لولا ابوه ما تكفل بزواجه وبيته كان الحين غارق في الديون لليل .. !!
صراحة جوابه ما كان صدمة بالنسبة لي .. لان فيه امثلة كثير بالمجتمع .. :no:

بالمقابل كنت جالس مع موظف بالشهادة الثانوية وهو مقبل على الزواج وسالته كم راتبك ؟؟
قال راتبي 3.000 ريال .. !! :bigeek:
قلت له يكفيك وانت عزوبي قال يطير باول يوم ..!!
ما حبيت اسالة سوال ثاني واحرجه .. :no:
لان هذا كيف بيستأجر شقة ويشترى سياره وكيف يدبر تكاليف الزواج ويصرف على زوجته وعياله ويسدد فواتير كهرب وتلفون و..و..و.... الخ وهذا راتبه .. !!؟؟ :confusedw:
والمصيبة ماعنده اب مقتدر يساعده .. !!

اغلب االموظفين رواتبهم ما تكفيهم بدون خصميات فما بالك وهم يسددون قروض وعليهم ديون وما يصفا لهم من الراتب شئ ... ؟؟

طبعا الان اغلب الوظائف لطلاب الثانوي رواتبها ما تتجاوز 3.500 .. !!
البكالوريوس ما تتعدى 5.500 ريال ... !!
س / هل الرواتب هذي بتكفل للشخص انه يتزوج ويؤمن له بيت وسيارة بدون ديون .. !!؟؟
س / كم الراتب اللي كنت تحلم فيه ايام الدراسة ؟؟ الاحلام بلاش ..:d
س / كم الراتب اللي تشوف انه رح يخليك تعتمد على نفسك وما تحتاج مساعدة من احد ؟؟
س / كم الراتب اللي تقترحة لخريجي الثانوي وخريجي الجامعات ؟؟ السؤال هذا مشاركة من وزير العمل .. :d


مع السلامة [ يا...... نور عيني :smilie47::rose: ] ,, طوط ..طوط :d

حـجز ياباشا ..

ولي عوده بعد قليل



السلام عليكم ورحمة الله وبركاته


تحيه طيب لك أخوي فهد :rose:



شدني مووضووعكـ كثير خاصة بعد الأنظمة الجديده من اختبارات القياس واختبارات التحصيلي ثم مسلسل العناء والبحث عن جامعة مناسبه ثم البحث عن وظيفه ثم الراتب ثم الزواج ..


مسلسل حلقاته طويله.. الشخص الوحيد القادر على إختصار عدد حلقاته قدر الإمكان .. هو بطل المسلسل نفسه .. أي .: الطالب .



لست أعلم كم عمرك لذلك لا أدري أنت من أي جيل .. فالأمور اختلفت من التسعينات .. للألفيه الجديدهـ .. سواء من فرص عمل التي كلما زادت اأماكنها .. قَـلّت .. أو غلاء الأسعار الذي لا تتناسب معه رواتب تحت الـ 4 الألاف لشخص ينوي بفتح بيت .. والزواج ..


موضوعك كون لي عدة نقطه في رأسي .. لا بأس من سدحها هنا../

أولا ..:

رح أحكي عن الشهادات الجامعيه والخبره والقدره الشخصيه للنجاح في بعض المجالات


فتنقسم نوعيات الطلاب إلى عدة أقسام فمنهم من يكون صديقاً حميماً للمناهج فتجد نسبته لاتقل عن 99% وتجد وقت التسليه لديه يكون على الكتاب .. وهناك طلاباً يعمل ما باستطاعته فيكون اعتماده على شخصيته .. وبعضهم لا يعتمد على شي ويكون كالثـور ..



فأنا مثلا لو كنت مدير شركة .. يهمني بالمقام الأول المنفعة والاداء اللي يقدمه الموظف للشركه ..

يعني ممكن يجيني موظف معه شهادة كبيره .. لكن تحطه بمكان العمل .. مايعرف يتعامل مع المشكلات ولا يعرف يحلها لأن شخصيته ضعيفه مثلاُ ..

فبعض المجالات تحتاج لشخصية قوية مع خبرهـ .. كي تتميز بعملك وترتفع في منصبك ..


ولا طبعا الشهاده مهمه جداً ..

لكن بوجهة نظري .. أن الشهادة في كثير من المجالات .. عباره عن جسر يوصلك لمكان العمل ..

أما نجاحك في مكان العمل فيعتمد على شخصيتك وقدراتكـ ..




ثانياً /


مسألة الرواتب وهل تكفي أم لا ..

شيء طبيعي يا فهد لما أنت يكون راتبك 3000 ريال .. رح تكون طموحاتك على قدك .. يعني رح يكون طموحك لو ساكن بشقه .. هو تسديد إيجار الشقه السنوي والقدره على معيشه كويسه .. وبالتالي هالطموحات الصغيره رح يحاول جاهداً أنها ماتتعدى سقف راتبه ..

وشي طبيعي أيضا لما يصير راتبك 20000 ألف .. رح تعلى طموحاتك .. و رح يصير طموحك أنك تحوش فلوس علشان تشتري بيت ملك .. وتشتري سياره جديده .. وتسافر بكل صيف ..

فشي طبيعي لو كان راتبك مرتفع .. مارح يكون طموحك بسداد إيجار الشقه . .بل سيكون أكبر وأبعد ..


بإختصار .. طموحات الشخص تكبر وتصغر على حسب راتبه ..


ولذلك ما تجد شخص .. راضي براتبه ..




يعطيك العافيه أخوي فهد على الموضوع الخفيف والجميل

ماننحرم من طلتك ..

دمت بأجمل حال




قفـله ../


لمن يتلقف ويحرجك ويسألك عن الراتب ..

نسخته من كتاب ( استمتع بحياتك ) لمحمد العريفي ..



من أحسن الأساليب للتعامل مع الطفيليين ..

هو

إجابة السؤال بسؤال ..

أو الانتقال إلى موضوع آخر تماماً لينسى سؤاله الأول ..



فلو سألك مثلاً : كم مرتبك الشهري ؟



قل له بلطف وتبسم : لماذا هل وجدت لي وظيفة مغرية ؟



سيقول : لا .. لكن أريد أن أعــرف..



قل : المرتبات هذه الأيام مشاكل .. ويبدو أن ذلك بسبب ارتفاع أسعــار البترول!!



سيقول : ما دخل البترول .... ؟



فقل : البترول هو الذي يتحكم في الأسـعــار ..ألا تلاحظ أن الحروب تقوم لأجله .. سيقول : لا .. ليس صحيحاً ..
فالحروب لها أسباب أخرى .. والعالم مليء بالحروب .. و ... وينسى سؤاله


:rose:

هلا فهيدان .. :rose:

يا قروي ذا موب مثل هذا من أصول الاتيكيت :D

شوف يا صديقي أنا بقول شي /

اللي راتبه 3500 ريال سعودي راح يصرف في الشهر 3500 ريال سعودي

و الللي راتبه 19000 ريال سعودي راح يصرف في الشهر 19000 ريال سعودي

وكلهم يقولون خلها على الله الراتب قليل وما ادري شلون لأن الانسان من طباعه البحث عن المزيد ولا أقول الطمع إحتراما للناس

أعتقد إنه من الافضل أن يكون للرجل مصادر دخل متعددهـ مثل تجارة أو حرمته مدرسة :d أو عماير الخ الخ الخ ..

أيضا أعتقد إن زمن الطفرهـ راح وولّى أيام حرب الخليج وبعدها والحياه صارت أصعب الان

وبس ..

أولا: حدد الرآتب رقمآ وكتآبة:naughty: ثانيا: الديون في المجتمع السعودي لآآبد منهآ وأقلهآ دينآ قرضآ من بنك..

الخلآصة: لا مستحيل امبوسيبول:d

طبعآ بما أني لازلت في الثآنوية أنصدمت بأن الهندسة تعتمد على الرياضيات >>عقدته:to:

لذلك أي وظيفة رآآتب 14000 شئ حلو


الحين اللي رواتبهم عآلية نشوفهم يشتكون من حالهم ماندري وش سالفتهم؟؟:cry:

لذلك اعتقد رآتب 20000 يخليك تنسى العآآلم:laugh:

مآفهمت السؤال جيدآ ولكن ابجاول على حسب استناجي.. >>رواتب للعآطلين مثلا؟

أعتقد 1000 او 1500 ممتآزة في ظل أنه مآيشتغل:confusedw:


:::::

عندي إضافة بسيطة:

قبل كم يوم في جريدة الرياض أعلن عن نتيجة إستفتاء تتعلق بمدى رضا الموظفين على روآآتبهم..

من ترضيهم روآآتبهم نسبتهم 7% فقط أما 93% لم يعجبهم وضع الروآتب وطبعآآ الـ7% هذولي بإعتقآدي أنهم اطبآء أو وزرآآء :yes:

::::

مشكور اخوي fff:smilie47: موضوع ومجهود تشكر عليه :rose:

هلا بك اخووي فهد
وانا اقرا موضوعك كنت مجهزه رد في بالي
نزلت اقرا الردود شفت رد مواصل مثل ردي تحطيم

فعلا الواحد يأقلم نفسه مع الدخل تبعه
يعني مستحيل وااحد يبي ويبي وهو دخله ضعيف


بنسبة لي اكبر مثال عندي بالبيت عندي اخواني
الكبير ماشاء الله عليه راتبه فوق 20 الف
وفوق كذا عارف شلون يصرف فلوسه وشو اللي يستاهل وشو اللي مايستاهل
والثاني دكتور وراتبه حلوو يذبحني اذا قالي ماعندي فلووس ولا يقول مايكفي ماادري وين يودي فلوسه
الدبره وانا اختك لها دوور بتحكم في الراتب


انا ابي اتوظف وابي راتبي ينصف التعب اللي تعبته بدراسه

الله يسهل امورنا

هلا وغلا R D H :smilie47:
انتظرك ياسعادة البيه ,,

هلا وغلا علي :smilie47:
ياخي لا تدقق .. :d
وبعدين هذا مو موضوعنا .. :naughty:
لا ياشيخ تصدق توني ادري ان كل واحد يصرف على قد راتبه .. :bx:
معروف ان الشخص دائما يبحث عن الافضل ومن حقه يدور راتب اكثر ..
لكن ما يتذمر من راتبه :yes:.. الا اذا كان اقل من 10000 هذا معه حق انه يتذمر .. :d
والايام هذي قليل جدا الاشخاص اللي يعتمدون على راتبهم في تسيير امور حياتهم .. وهذا هو الصح .. :yes:
يعطيك الف عافية على ردك الرائع ,, :smilie47:

هلا وغلا عبدالله :smilie47:
ياحبيبي فيه شركات كثير تعطي مثل الرواتب هذي مع اني اشوفها قليلة جدا ..
ويوم كتبت الموضوع ما فكرت بالوظائف الحكومية نهائيا ..
لان الوظائف الحكومية بالرغم انها مضمونة لكن رواتبها ضعيفة جدا ..
موضوعي عن رواتب هالايام اللي ما توكل عيش ..
وبعدين مديرك هذا اذا وضعة زي ما تقول فهو مسرف وهذا موضوع ثاني ..
وبعدين ابو 1800 يمكن يكون راتبه مكفيه بعهد الطفرة .. :razz:
لكن الان ما توقع انك تلاقي شخص راتبه اقل من 5000 ومكفيه .. :confusedw:
الا اذ كان عنده دخل اضافي من ابوه او زوجته مدرسة :d او .... الخ
الله يعينك على الحياة ويستر عليك ,,
يعطيك الف عافية على ردك وتفاعلك مع الموضوع ,,

هلا وغلا I don‘t know :smilie47:
هذا اللي رافع ضغطي ان اغلب الموظفين عليهم ديون سواء للبنوك او للافراد ..
حلو راتب 14000 بس وش معنى الرقم هذا .. :razz:
وبعدين اللي رواتبهم كبيرة هم اللي يجبرون انفسهم على المصاريف الكثيرة ..
الله يرزقك بالوظيفة اللي راتبها20000 ويغنيك عن العالم ..
والله نتيجة الاستفتاء قوية يعني اغلب الموظفين مو راضين .. :to:
انا اقصد اقل راتب وظيفي لخريجي الثانوية والجامعة .. :d


اضافة جميلة جدا للموضوع ..
مافيه شك بان البركة اهم شئ ..
ومهما كان الراتب الواحد مفروض يحلله حتى تحل عليه البركة ..
يعطيك الف عافية اخوي على ردك وتفاعلك مع الموضوع ,,

هلا وغلا احلا هلالية :rose:
وراكم اليوم علي .. انا ماقلت شئ غلط علشان تحطموني ..
اللي حبيت اوضحة ان رواتب هالايام ما توفر للشاب حياة كريمة بدووون ديون .. :yes:
واتوقع انتوا فهمتوني غلط .. :to:
اخوك الكبير ما شاء الله عليه والمفروض انه يدرس اخوك الثاني كيف يصرف راتبه .. :d
لو كل واحد خذا الراتب اللي ينصف تعبه بالدراسة كان من زمان وحنا بخير ..
يعطيك الف عافية على ردك وتفاعلك مع الموضوع ,,

f:rose:f:rose:f

موضوع جميل ..

بعد القرآءه ..توقعت اشوف اغلب الردود تكون عدم رآآضيه عن الرواتب مهما كانت

الانسان مهما كان عنده دايماآآ يطمح للافضل ..

بس لما شفت الردود اغلبها توافق رأيي ..

الانسان يقدر يكيف نفسه ع قد الرآآتب اللي يتحصل عليه من وظيفته .. سواء كان راتب كبير او صغير ..

بس الاكيد ان الحيآآآه صارت غاليه .. والله يعين اللي رواتبهم ضعيفه :no:

هلا وغلا داايم هلاالي :smilie47:
انا اتوقع ان الراتب اذا صار فوق ال 20000 الف رح يخليك ما تحتاج لاحد .. :naughty:
واقتراحك جميل جدا لرواتب خريجي الثانوية والجامعة واتوقع انها منصفة لهم .. :yes:
يعطيك الف عافية على ردك وتفاعلك بالموضوع ,,

هلا وغلا حصوصة
انا اوافقك الراي اذا كانت الرواتب تعيشك حياه عادية بدون اسراف .. :yes:
بس اذا راتبك ما يجي قيمة وجبة هذا صعب انك تتاقلم معة مهما تسوي .. :no:
انا اعتراضي بالموضوع على الحد الادنى للرواتب ..
يعني رواتب هالايام ما تامن لاي شاب بيت وسيارة ومصاريف زواج ..
اذا ماكان معه شخص يساعدة ولا بيروح بديون مالها اول ولا تالي ..
وبعدين انتي قلتي ان الحياة صارت اصعب من اول .. :no:
يعطيك الف عافية على ردك وتفاعلك بالموضوع ,,

اشكر صاحب الموضوع ( فهودي ) سميي :naughty:
ولي عودة بمشيئة الله واضافة تعقيبي على الموضوع ..

وعليكم السلام ورحمة الله وبركاتهـ,

موضوع نعاني منه .,,

أمس كنا في إجتماع مع المدير وتطرقنا للنقطه هذي
فذكر جملة رائعه
أن البركه أهم شيء
وقارن بين شخص راتبه 10.000 ريال وما يكفيه حتى نصف الشهر
وآخر راتبه 3.000 ريال ولكنه مبوسط .

طبعاً المقصود أن أهم شيء البــركه
وبعدها تأتي أسباب آخرى مثل سوء التصرف في الراتب .
وإنفاقه على أشياء تافهه .,,

عذراً إن خرجت عن الموضوع ,’

الله يبارك لنا ولجميع المسلمين في أموالنا وأعمارنا وأولادنا وأهلينا .


تقديري

س / هل الرواتب هذي بتكفل للشخص انه يتزوج ويؤمن له بيت وسيارة بدون ديون .. !!؟؟
يااااااا انه

س / كم الراتب اللي كنت تحلم فيه ايام الدراسة ؟؟ الاحلام بلاش ..
17000 >>عسى ماتكلفت


س / كم الراتب اللي تشوف انه رح يخليك تعتمد على نفسك وما تحتاج مساعدة من احد ؟؟
اللحين كل شي غالي وش بتزين ؟؟؟ يعني لو راتبي 17000 مايمديني اكون نفسي بدون ديون

س / كم الراتب اللي تقترحة لخريجي الثانوي وخريجي الجامعات ؟؟ السؤال هذا مشاركة من وزير العمل ..
بعد اذن معالي وزير العمل ههههه
3500 للثانوي
8000 للجامعي

اخواننا المصريين يقولون " اللي ما معوش ما يلزموش "

جملة دايما أكررها ولو كلنا نفكر فيها ونمشي عليها كان الكل ارتاح وعاش أحلى عيشة

واحد راتبه 2500 -3000 , ويبي يتعشى بأرقى المطاعم وما يلبس إلا ماركة
و تجي لواحد راتبه 6000 أو 7000 والا يبي يقسط له لكزس ويسافر في كل اجازة
واحد راتبه 10 أو 11 ألف ويبي يسكن بايجار سنوي بحدود 40 ألف

يعني المسألة صارت مو في الراتب لكن كيف نصرف الراتب

ياحبيبي ارضى بالقليل يجيك الكثير
انا درست وتخرجت من الكليه تخصص رياضيات والحين صاكها نوم في البيت مافي وظايف :(
يعني لو ربي هداني و توظفت اول ماتخرجت من الثانوي كان الحين متزوج و معي سياره و راتبي مع العلاوات مايقل عن 5000
وبعدين في الاول والاخير هذي ارزاق مايوزعها الا الرزاق سبحانه
شيل من راسك فكرة مصاريف مابعد الزواج
لأن الزواج بحد ذاته من اسباب الرزق
وبعدين 3000 حاليا تكفي اذا كان الشخص يجيد تدبير حياته و ادارتها بما يتوافق مع امكانياته
اما شخص مشلحط راتبه 3000 و يبغى يعيش عيشة 20000 هذا غبي >> بدون اعتذار :D
كان الرسول صلى الله عليه وسلم يقول : ( اللهم قنعني بما رزقتني وبارك لي فيه )
جزاك الله خير :)

هلا وغلا وليد :smilie47:
معذور حبيب قلبي :ga:
واسال الله العظيم انه يقوم مريضكم بالسلامة وكل مرضى المسلمين عاجلا غير اجل ,,
اكييد تنويع الدخل شئ ضروري حتى يقدر الشخص يعتمد على نفسه ,,
قضية انك تسال ورى كل ريال طالع وداخل رح تتعب نفسيا وبدنيا .. :d
بس لا اسراف ولا تقتير .. :yes:
يعطيك الف عافية وليد على ردك وتفاعلك بالموضوع ,,

هلا وغلا بالسمي :smilie47:
انتظر ردك وتعقيبك على الموضوع ..
مع اني اتوقع رجعتك تكون بعد ما يقفلون الموضوع .. :razz:
بس مو مشكلة ارسل لي ردك برايفت .. :yes:
يعطيك لف عافية على ردك ,,

هلا وغلا ابو ناصر :smilie47:
تصدق هالسوال ما عمره خطر على بالي ايام الدراسة مع اني ما كنت دافور ,, :d
اغلب الديون اللي يعاني منها الموظفين بسبب ازمة الاسهم ..
والازمة الاقتصادية زادت الطين بلة .. وعطت الشركات فرصة انها تسرح موظفيها وتنقص رواتب الباقي ,, :no:
ما ننكر ان الشخص اللي راتبه كبير انه يصرف كثير وهذي مشكلة ثانية .. :d
اعرف شخص راتبه فوق 25000 وعليه ديون مبالغ خيالية .. :bigeek: وهذا ضريبة الكرسي ,,
لكن لو فكر بيلاقي اشياء كثير ماتستاهل يدفع فيها .. :yes:
يعطيك الف عافية على ردك وتفاعلك بالموضوع ,,

هلا وغلا استاذ طارق :smilie47:
كل شخص رزقه مكتوب قبل ميلاده ..
وبلا شك ان السعي له مطلوب وهي من اسبابه ,,
امييييييييييين وجميع المسلمين ..
موضوعي تشرف بردك ..
يعطيك الف عافية على ردك وتفاعلك ,,

هلا بك اخوي فهد ..


للأسف هذي المرة المليون الي ادخل فيها بنية أرد عليك , ولكن للأسف كل مرة ما أكمل الرد :no: هالمرة قلت مااااالي شغل حتى لو كان موضوع فهد فيه لعنة أبرد :d:to:

لكن أعذرني على التأخر .. :rose:



**


طرح مهم , خصوصاً في هالوقت سالفة الرواتب تقض المضاجع , الواحد ما عاد يستفيد من الراتب .. والأمور كل مالها تسوء !
ما أعرف أحط المسئولية على أحد معين في هالموضوع , لكن بإعتقادي أن غلاء الأسعار يلعب الدور الأكـبر ! يعني قبل عشر سنوات لو راتبك 3000 تسوي لك شيء , بس اللحين لا !



**


نجي للأسئلة .. ( أحب أجاوب :d )


س / هل الرواتب هذي بتكفل للشخص انه يتزوج ويؤمن له بيت وسيارة بدون ديون .. !!؟؟

بالطبع لا !


س / كم الراتب اللي كنت تحلم فيه ايام الدراسة ؟؟ الاحلام بلاش ..

والله تقدر تقول 30,000 وفوق :d هذي بعد مارح تكفي احتياجاتي , لكن اكيد قبل الترقيات وبدون المكافاءات من العمل .:to:


س / كم الراتب اللي تشوف انه رح يخليك تعتمد على نفسك وما تحتاج مساعدة من احد ؟؟
يوووووووه يمكن 70,000 !
لكن اذا بتجميع و إهتمام بالفلوس فـ أتوقع ممكن 10,000 ريال وفوق ..:)


س / كم الراتب اللي تقترحة لخريجي الثانوي وخريجي الجامعات ؟؟ السؤال هذا مشاركة من وزير العمل ..

ما أعرف صراحة لأنه لازم يختلف من تخصص لآخـر سواء في المدرسة أو الجامعة .:yes:





مشكور اخوي فهد ..:rose:

يعطـــــــيكـ العـــــــافيـــــــــــــــه


ودي



صــــدى الــزعيـــــــــم

هلا وغلا F I N A L :smilie47:
مافي شك اخوي من ان البركة اهم شئ .. :yes:
وزي ما ذكرت ان يه اشخاص رواتبهم عشرات الالاف ومايكفيه لاخر الشهر ..
وناس رواتبهم قليلة بس مكفيتهم وزيادة ..
يعطيك الف عافية لى ردك وتفاعلك مع الموضوع ,,

هلا وغلا القنــــ309ـــاص :smilie47:
تتوقع 17000 تكفي .. !!
انا اذكر مرة حسبت مصاريف الشخص بالشهر المبلغ وصل فوق 20 الف بعدها وقفت .. ما ابي احلم واجد .. :d
وبعدين وراك على طلاب الثانوية ترى ما راح تدفع من جيبك شئ .. بس مجرد اقتراح .. :bx:
يعطيك الف عافية على ردك وتفاعلك بالموضوع ,,

هلا وغلا DHOOOM :smilie47:
لو كل واحد ممعوش ما يلزموش كان ما شفت احد ملزوم بشئ .. اتحداك تفهمها .. :bx:
ياحبيبي الحين ابو 3000 كيف بيسكن ولا كيف بيسدد فواتيروكيف .. وكيف .. :confusedw:
ياحبيبي كل شئ هالايام نار وابو 10000 زين اذا مر شهر واحد من غير ديون اذا كان عايش على قد حاله .. :no:
يعطيك الف عافية على ردك وتفاعلك بالموضوع ,,

هلا وغلا hilali-arsenali :smilie47:
الله يوفقك دنيا واخره ويرزق الوظيفة اللي ترضي طموحك عاجلا غير اجل ..
اذكر اني سمعت حديث بما معناه ان الزواج من اسباب الرزق .. :yes:
والقناعة كنز لا يفنى ..
لكن 3000 بهالزمن ما تسوي لك شئ نهائيا اذا ماعندك دخل اخر .. :no:
يعطيك ربي الف عافية على ردك وتفاعلك بالموضوع ,,

هلا وغلا سوليدرة :rose:
اخيرا زالت اللعنة من موضوعي .. :d
في الماضي كان كل الاشياء رخيصة ..
وكان اللي ماعنده راتب عايش مثل اللي عنده راتب ..
وكل المجالات مفتوحة للشباب اللي ماعنده وظيفة ..
واللي شغل عمره باي تجارة بالزمن ذاك وما توظف صار عنده خير اكثر من الموظفين .. :yes:
ما تلاحظين ان 30000 كثيرة مرة .. والمشكلة بعد ما تكفي احتياجاتك .. !! :bigeek::bx:
70000 مو تخليك تستغني عن المساعدة الا تخليك تسوي عالم ثاني خاص فيك .. !!
يعطيك الف عافية على ردك وتفاعلك بالموضوع ,,